إبعاد مقيم فرنسي عن الدولة بسبب تصويره " أماكن عسكرية" [الأرشيف]

الفريق أول ركن

10-10-2009, 09:26 AM

-
-
-
-
-
-
-
-

قضت محكمة الجنايات بمعاقبة مقيم فرنسي بالحبس لمدة عام وإبعاده عن البلاد عقب تنفيذ العقوبة وذلك عقب إدانته بتصوير ( أماكن محظورة)
وكشفت أوراق القضية أن المتهم يعمل مصوراً لدى الخطوط الجوية القطرية وقد تم تكليفه من جانب عمله ( الخطوط الجوية القطرية ) يتصوير الطائرات من الداخل ، وقد حصل المتهم على تصيرح بالتصوير .
وقد دخل المتهمعبر بوابة المغادرينبعد إبراز التصريح للأجهزة المعنية وللجمارك وفي ظهر اليوم ذاته تم إستدعاؤه لمقر القوات الجوية وتم إستلام كارت الذاكرة والكاميرا والتي إعيدت إليه مرة أخرى وتبين أن عدد الصور الملتقطة 237 صورة وقد تم إبلاغه في المخالفات بـ 11 صورة تبين أنها تحتوي على أماكن عسكرية محظورة .

" المصدر : جريدة الراية القطرية بتاريخ 9-10-2009م

هذلان

10-10-2009, 09:47 AM

بصراحه احنا مغمظين و على باب الله

ليتني اكون على خطاء

الـقـاسـي

10-10-2009, 09:48 AM

زين سوو فيه .. لاهنت اخوي على الخبر ..

هدهد سليمان

10-10-2009, 10:10 AM

حكم عادل اهم شي هل هو فرنسي بيور .. ولا فرنسي من اصل عربي :)

GULFSUN

10-10-2009, 10:20 AM

-
قضت محكمة الجنايات بمعاقبة مقيم فرنسي بالحبس لمدة عام وإبعاده عن البلاد عقب تنفيذ العقوبة وذلك عقب إدانته بتصوير ( أماكن محظورة) وقد تم إبلاغه في المخالفات بـ 11 صورة تبين أنها تحتوي على أماكن عسكرية محظورة .

" المصدر : جريدة الراية القطرية بتاريخ 9-10-2009م

الجريدة تقول : ......... مقيم فرنسي يعاقب بالحبس........الواقع يقول : ....... الفرنسي لايحبس على شان 11 صورة .

الجريدة تقول :........ إبعاد عن البلاد عقب تنفيذ العقوبة.....الواقع يقول : ........ إبعاد عن البلاد قبل تنفيذ العقوبة

ثرية

10-10-2009, 10:48 AM

تسلم عالخبرررررررررررر

GPC

10-10-2009, 10:49 AM

وهل لا يوجد قطري واحد يجيد التصوير الفوتوغرافي حتى تستعين القطرية بفرنسي؟

مسفر2

10-10-2009, 11:19 AM

قــــمة المصخره

الهـواوي

10-10-2009, 11:50 AM

والله المفروض يجلدونه عشاان يتأدب

الوسط

10-10-2009, 11:54 AM

يعطيك العافية

الرايــق

10-10-2009, 11:59 AM

يستاااهل

وطن

10-10-2009, 12:02 PM

الحين بيصور الطيارات من الداخل
وينه ووين الاماكن العسكريه
!!!

المفروض يكون معاه مرافق
ولا هم مخلينه على راحته يتمشى !!!

عزووز قطر

10-10-2009, 12:18 PM

ماشاءالله على العيون الساهرة
قواهم الله والله يعطيهم ألف عافية
شي حلوو انهم متابعين موضوعه وكشفوه

بس أنا مستغرب من الجريدة , العادة يكتبون ( مقيم) بدون ذكر الجنسية

ريم المدينة

10-10-2009, 12:49 PM

اغلبية اصحاب الجوازات الاجنبية لهم مآرب اخرى غير العمل... وافهم يا فهيم

شلبي

10-10-2009, 12:53 PM

الجريدة تقول : ......... مقيم فرنسي يعاقب بالحبس........الواقع يقول : ....... الفرنسي لايحبس على شان 11 صورة .

الجريدة تقول :........ إبعاد عن البلاد عقب تنفيذ العقوبة.....الواقع يقول : ........ إبعاد عن البلاد قبل تنفيذ العقوبة

:secret:

وهل لا يوجد قطري واحد يجيد التصوير الفوتوغرافي حتى تستعين القطرية بفرنسي؟

:(

اشلون اقترب او دخل المنشآت العسكرية وصورها اصلا ؟؟ وما القصد من ذلك ؟ ما خلفيته ؟
ما ذكرت الجريدة كيف اكتشف الامر !! مصادفة ؟ والا فهلوة ؟

ساراام

10-10-2009, 12:57 PM

الفاااااال للبااااقي

رجل الجزيرة

10-10-2009, 12:57 PM

ماشاءالله على العيون الساهرة
قواهم الله والله يعطيهم ألف عافية
شي حلوو انهم متابعين موضوعه وكشفوه

بس أنا مستغرب من الجريدة , العادة يكتبون ( مقيم) بدون ذكر الجنسية

لأن الأمر من المحكمة طال عمرك وليس من الجريدة.

بوحارب

10-10-2009, 12:59 PM

يستاهل هالفرنساوي

المتضرعه لله

10-10-2009, 01:43 PM

حسبي الله عليهم

يمشون والكيمرات معلقه برقابهم وماخلوا بر ولا بحر ماصوووره

بوعبدالله2005

10-10-2009, 05:32 PM

من فرعنك يا فرعون قال محد قال لي لا
اشدعوه فرنسي وياخذ شويه وشويات يعني محد في البلد يقدر يصور

شـعـشـبـونـه

10-10-2009, 05:48 PM

يستاهل

OREO

10-10-2009, 06:11 PM

حكم عادل اهم شي هل هو فرنسي بيور .. ولا فرنسي من اصل عربي :)

جوازه فرنسي و اصله مغربي و اسمه ابراهيم ..

و يستاهل ما جاه ..

بوحارب

10-10-2009, 06:16 PM

جوازه فرنسي و اصله مغربي و اسمه ابراهيم ..

و يستاهل ما جاه ..

اهااااااااااااااااااااا :)

تستاهل كأساً من الكرك على هالمعلومة

هذلان

10-10-2009, 06:45 PM

جوازه فرنسي و اصله مغربي و اسمه ابراهيم ..

و يستاهل ما جاه ..

شمصدر المعلومه هذي؟

ريم المدينة

10-10-2009, 08:15 PM

جوازه فرنسي و اصله مغربي و اسمه ابراهيم ..

و يستاهل ما جاه ..

و
احنا من مضيعنا غير هالاشكال... الجواسيس...

اسمه ابراهيم وابراهيم منه براء...
:tease::tease::tease:

جوال 11

10-10-2009, 08:21 PM

القطرية حتى الموظفين مستوردين وحارمين المواطن من هذه الوظيفة ، ولابد من الرقابة على هذه الأشكال في كل مكان وعدم التهاون معهم .

حليتان*

10-10-2009, 08:32 PM

ياشباب
الله يعنا على ما بلانا به

عاشق الشهادة

10-10-2009, 08:33 PM

الجرم اكبر بكثيير من العقوبه !!

nouar

10-10-2009, 08:34 PM

يعطيك العافيه

Scorpion

10-10-2009, 10:43 PM

تناقض !! يعني الحين معطينه تصريح وبعدين يقبضون عليه !!

سداوي&مدريدي

10-10-2009, 10:45 PM

صور منشأه عسكريه.. أكيد له هدف من التصوير

عطوه ابعاد بس !!

غريبه

السندان

10-10-2009, 11:06 PM

اي والله ياخوان بعض الاجانب يجب الحذر منهم وان كانت شغلته بعيده عن السياسة والامن .. فحقيقته اكبر

ALJokar

10-10-2009, 11:55 PM

والله لو هو فرنسي بيور علي ماقالوا في احد الردود وفرنسي اصلي كان ماكان هذا التصرف معه

ياما وياما شفنا من اجانب تصرفات تسي لاشياد كثيره ورقعوها وعوضوه بفلوس والي اشتكى عليهم لعن خامس خامسينه

خل منكم السوالف الرايه والصحف الي عندنا

Arab!an

11-10-2009, 12:02 AM

وانا اقووووووووووووول ..

أجل مغربي الرجال

OREO

11-10-2009, 12:17 AM

شمصدر المعلومه هذي؟

طرحك لطريقة السؤال غريب !!

و تمنيت انك راسلتني ع الخاص بخصوص المصدر او على الاقل قلتها بطريقه افضل من الطريقه هذه ,,,

امل الحب

11-10-2009, 12:27 AM

شر البلية مايضحك ..

شكله للحين ماوصلت الدوحة تقنية التصوير عشان جذي ندور حد يصور لنا ..

البنـدري

11-10-2009, 01:43 AM

قلبي وإحساسي يقول فيه إنّـه في الموضوع :omen2:

الموضوعي

11-10-2009, 02:22 AM

شنو يصور ماعندنا الا 5 طائرات ميراج وكم طائرة جاغور قديمة

بواردي

11-10-2009, 08:54 AM

ما يحتاج يصور ويتعب نفسه
الموضوعي عطاه الزبدة

شنو يصور ماعندنا الا 5 طائرات ميراج وكم طائرة جاغور قديمة

ماشاء الله اشوف الردود
احس اني في الجزيرة توك مو بالاسهم القطرية

يعني لو انه عربي كان حكموه اعداااااااام؟؟؟؟؟؟

بس الاخ فرنسي يعني عادي

وفرنسا لو تبي تصور
من فوق تصور اللي تبيه

تلاقي السالفة كلها تصفية حسابات شخصية
وحنا موب دارين شالسالفة

يصور منشات عسكرية وممنوعة= جاسوس

جاسوس= يعني خطير جدا

بس السالفة فيها انه

ولو السالفة صج على ما يقولون

مستحيل تكون العقوبة سنة سجن وابعاد!!!!!!

ســـهم

11-10-2009, 09:22 AM

الصور كان يعتمدها الجواسيس في الزمن الغابر

اما الآن فلا يحتاج سوى لقوقل ايرث ويعطيك الاحداثيه بعد

المفروض يكون الابعاد للي يصورون الحريم في المجمعات .

Miss

11-10-2009, 09:39 AM

غرييبه !!
هو ماخذ تصريح يصوور .. وبعدين مخلينه همل برووحه يتمشى ويصوور .. شدعوه محد معاه؟؟
تسلم على الخبريه

هذلان

11-10-2009, 10:59 AM

طرحك لطريقة السؤال غريب !!
و تمنيت انك راسلتني ع الخاص بخصوص المصدر او على الاقل قلتها بطريقه افضل من الطريقه هذه ,,,

اسمحلي اذا جرحت مشاعرك باسلوبي الجاف .
اذا الاستفسارات الي مثل هذي بتكون على الخاص ماله داعي العام .
مصدر المعلومه مهم و اهم من المعلومه نفسها .. انا ماقريت الردود ولكن متوقع انه فيه ناس قالت او بتقول عشانه من اصل عربي بيطبقون عليه القنانون و ولو انه فرنسي اصلي (ابو عيون زرق) محد كفو يكلمه .. و هذا اتهام انا ما اقبله ولا انت تقبله على بلدي الحبيب قطر .
الجرم هذا كبير و يخص امن بلد
اتمنى تستوعب هدفي من الكلام

OREO

11-10-2009, 01:46 PM

اسمحلي اذا جرحت مشاعرك باسلوبي الجاف .
اذا الاستفسارات الي مثل هذي بتكون على الخاص ماله داعي العام .
مصدر المعلومه مهم و اهم من المعلومه نفسها .. انا ماقريت الردود ولكن متوقع انه فيه ناس قالت او بتقول عشانه من اصل عربي بيطبقون عليه القنانون و ولو انه فرنسي اصلي (ابو عيون زرق) محد كفو يكلمه .. و هذا اتهام انا ما اقبله ولا انت تقبله على بلدي الحبيب قطر .
الجرم هذا كبير و يخص امن بلد
اتمنى تستوعب هدفي من الكلام

ياريتك وضحت من البدايه اخوي هذلان .. و بخصوص المصدر ,, انا متأكد من المعلومه و اكتفي اقولك من مصدري الخاص ..

و للاسف الغلطه من جرايدنا ,, لان ما يبون يشوهون صورة العرب اكثر من ما هم عليه ..

اذا المتهم كان قطري او خليجي .. كان ما كثروا خبر و قالوا ان قطري او خليجي ..

المفروض يصدرون حكم على الصحفي بعد .. لان ضلل على المواطن بحقيقة الامر و هذا الشئ بحد ذاته مخالف للقانون و لدستورنا اللي ينص على الشفافيه ,.,

OREO

11-10-2009, 01:51 PM

غرييبه !!
هو ماخذ تصريح يصوور .. وبعدين مخلينه همل برووحه يتمشى ويصوور .. شدعوه محد معاه؟؟
تسلم على الخبريه

اي مصور او صحفي يصور اماكن محظوره .. لازم ياخذ تصريح و يقبل بالشروط اللي في التصريح و بعد التصوير لازم الجهه المسؤوله تشيك على الصور قبل خروج المصور من مكان المراد تصويره .. و هذا من ضمن شروط التصريح .. لكن الغبي هذا ما درى بأنه في دولة القانون و افتكر نفسه في موزنبيق و شكله نسى إن راح يشيكون عليه و على الصور ..

شلبي

11-10-2009, 04:54 PM

قلبي وإحساسي يقول فيه إنّـه في الموضوع :omen2:

شنو يصور ماعندنا الا 5 طائرات ميراج وكم طائرة جاغور قديمة

ما يحتاج يصور ويتعب نفسه
الموضوعي عطاه الزبدة

وفرنسا لو تبي تصور
من فوق تصور اللي تبيه

بس السالفة فيها انه

ولو السالفة صج على ما يقولون

مستحيل تكون العقوبة سنة سجن وابعاد!!!!!!

:nice::nice::nice: