الي عندة خبرة عن الحدائق [الأرشيف] - منتديات شبكة الأسهم القطرية

مشاهدة النسخة كاملة : الي عندة خبرة عن الحدائق

khalid-qtr

10-10-2009, 04:03 PM

السلام عليكم

اخواني وخواتي انا تلعوزت مع حديقة البيت عندي بصراحة لنها كثرت فيها الحشرات وخاصة النمل وصاروا يدخلون البيت وعفسوا البيت على العلم اني مهتم اجيب لهم مبيدات وارش على العشب لكن ما في فايدة واحد قالي لنة الجو عندكم حار فا صعب تقضي عليهم

ومرة قالوا لي في مصري زراع شاطر جبتة ويليتني ما جبتة تم يحرث الارض وقال لي حديقتك
لازم يتغير كل شي فيها ما ينفع حسيتة فاهم وفي نفس الوقت حسيتة يبي يقص علي قلت لة اوكي وراح وجاب سماد وحرث وحط عشب بس ضرب علي 17,000 في شهر وقال لي تعطيني 3000 كل شهر علشان امر اعتني فيها قلت لة ما ابي اشوف ويهك عطيتة فلوسة وطردة

وللاسف بعد فترة رجعت الحشرات لا وبعد لقيت حية في الزرع حلفت اني اكنسل الحديقة واسوي تحواض حق النخل والشجر بس

لكن الحين مكان العشب لما اكنسلة ابي احط مثل بعض الحدئق في مثل الاسفنج قوي تقدرتحط علية العاب وتحط علية كراسي تكون ثابتة المشكلة دورت في الدوحة ما حصلت محل يليت لو حد يقدر يفيدني او يعطيني رقم او اسم محل يسوي هذا الشي

منتظر اقتراحتكم ومساعدتكم

شبح الصمت

10-10-2009, 04:07 PM

اخوي اول شيء ما تشوف شر ثاني شيء اشله ما اتصلت فالبلدية يجون يرشون لك البيت كامل .. احنا عندنا زرع بس نتصل فالبلدية يجون يرشون الزرع كامل ،، المشكلة الوالده فديتها مسافره ،، وسالفه لين اطلع الرقم من قاموسها ،، يعني اتصل فالبلدية قولهم ابي تجون ترشون لي الزرع وبيجونك وخذ رقمهم العمال وعطهم مقسومهم ..
واذا تبي تركب اسفنج وحركات انا بقولك روح الله لا يهينك الحراج وشوف المحلات الي اهناك وعلى كيفك في ناس تسوي لك الي في خاطرك احسن ما تاخذ جاهز وغاليين في ناس شغلها طيب..
والله يوفقك

khalid-qtr

10-10-2009, 04:14 PM

مشكور يا يبة البلدية اكلمهم والله كل فترة لكن ما في فايدة

بس هذا الي بالحراج قصدك بنجمة يليت توصفني مكانهم علشان اطب عليهم

وجزاك الله خير يا يبة

saeed alhajri

10-10-2009, 05:52 PM

افا عليك الحل عندي وانا بو هندي ، طال عمرك تشيل الزرع اللي في الأحواض كامل وتحط بداله الحشيش الصناعي على كيف كيفك وشكله مثل الطبيعي وأحلى بعد ولا تسقى ولا تحرث ولا زراع يمص فلوسك كل شهر واسم المنتج waterless grass وهذا موقعهم يالغالي ،،،

http://www.waterlessgrass.com/

fff

10-10-2009, 06:21 PM

التوفيق للجميع

غناتي1

11-10-2009, 05:28 AM

اشرد عن الزراع المصري -- لو حصلت اي جنسية ثانية يكون احسن

يمدحون البلوش اخوي متعامل معاهم ولا احسن -- واحنا تعاملنا مع واحد لين قوم

لنا الحديقة بعدين لازم اتخلي حد يهتم فيها -- احنا حطينا صبي خاص للمجلس والحديقة

اسيرالدوحه

11-10-2009, 08:37 PM

السلام عليكم ...

شوف اخوي ... الحديقة ... محتاجة عناية دورية منتظمة وباستمرار ...

افضل شي ... يومي ... لكن هذا مكلف بالطبع ...

احسن شي ... عتاية اسبوعية ...

المفروووض تتعاقد مع شركة تجابل الحديقة ....

انا لما سويت الحديقة مالتي ... طلبت من الشركة انها تسويلي صيانة دورية للحديقة ...

واصريت على انهم يتولون الصيانة ... وصراحة هم حاولوا يتنصلون ... لكن انا اصريت عليهم ...

وكلمت راعي الشركة ... ((هو مشرف على الشغل اللي يصير فالشركة)) ... وشرحت وضعي ...

واتفقت معاهم على صيانية شهرية .... كل اسبوع يمرون عالحديقة ...

الدواء بروحه ... يمكن مايسوي شي .... لازم تهتم بالحديقة ....

لكن بما انك عزمت انك تشيل الحديقة ... وتركب الارضية الاسفنج ... اتوقع نفس اللي نشوفها فالملاعب ...
احسن شي تروووح عند الشركات اللي تنفذ الملاعب الرياضية ... وتخاطبهم ...

بصراحة ... هي مكلفة جدا ... انا كنت ناوي اسوي ملعب لكرة السلة بجانب الحديقة ... لكن لما شفت صعوبة ايجاد حد يسويلي ... وكذلك التكلفة الباهضة .... صرفت نظر عن الموضوع ...

يعطيك العافية اخوي ...

واسمح لي عالاطالة ...

موضي قطر

16-10-2009, 08:53 AM

والله فكرة جديدة للحديقة غير الحشيش الطبيعي

قلم صادق

16-10-2009, 03:55 PM

دنيا الوله

16-10-2009, 07:38 PM

اخوي بغيت اعرف وين يبيعونه عندنا في قطر ...

نفس السؤال

المزن الرياني

16-10-2009, 09:11 PM

نصيحه ... العشب الصناعي مايفيد لحديقه البيت
استعمالاته محصوره في الملاعب فقط

جماليه العشب الطبيعي مالها حدود اذا تم الاعتناء فيه وخاصةً في بدايه نموه
وغير هذا يعتبر ملطف للجو

اسيرالدوحه

17-10-2009, 01:39 PM

اخوي بغيت اعرف وين يبيعونه عندنا في قطر ...

نفس السؤال

السلام عليكم ...

الوكيل فالدوحه والشرق الاوسط ...

waterless grass

وهذا رقم جوال الموظف ... وهو لبناني ... 6883131

يقولي توهم مسوين للقاعدة الامريكية بمساحة 6000 متر مربع ....

ومتواعد معاه اليوم على اساس يشوف الحديقة .. ويعطيني تسعيرة ...

راح اوافيكم بآخر الاخبار ...

يعطيكم العافية ...

تراثكم

18-10-2009, 11:26 AM

اخوي اعتقد ان المشكله عندك مب من الزرع يمكن حواليك مكان تطلع منه هالحشرات وتعشش في زراعتك
لازم تشيك حوالين بيتك عشان تتأكد من هالموضوع

والله يحفظك

اسيرالدوحه

18-10-2009, 08:03 PM

السلام عليكم ...

جاني مندوب الشركة ... او بالاحرى المدير ...

وشاف الحديقة ... ورواني سنابل من الانواع اللي عنده ...

الاسعار .... احسن شي عنده المتر على 160 ريال

واللي عقبه ... المتر على 150 ريال ....

واسم الرجال هادي ....

يعطيكم العافية ...

وبالتوفيق ...

المـــــ$$$ـــــتثمر

19-10-2009, 11:08 AM

نصيحه ... العشب الصناعي مايفيد لحديقه البيت
استعمالاته محصوره في الملاعب فقط

جماليه العشب الطبيعي مالها حدود اذا تم الاعتناء فيه وخاصةً في بدايه نموه
وغير هذا يعتبر ملطف للجو

صح كلامك 100%

غير الطبيعي والهوى النقي ( شيء يفتح النفس )

اسيرالدوحه

19-10-2009, 06:11 PM

50 الف لحديقة مساحتها 370 متر مربع ....

لعمل هذا العشب الصناعي ...

يا ترى ... تسوى ولا ماتسوى ؟؟

في رأيي ... أبد ماتسوى ...

خسارة فلوووس عالفاضي ...

خلك عالطبيعي ...

وجيب لك شركة ... تسويلك صيانة دورية اسبوعية عالحديقة ....

وقد ماتدفع فيها ... مب خسارة ....

يعطيك العافية ...

موضي قطر

22-10-2009, 08:34 AM

الله يوفقك ياخوي والطبيعي أحسن في كل الأحوال

طير شلوى

24-10-2009, 12:16 AM

اخذ عشب الجولف
وحش في الشهر مرتين
ورش من البلديه