تسجيل الدخول

مشاهدة النسخة كاملة : مواصفات لاب توب


بنت^البحرين1
11-10-2009, 04:41 AM
اخواني/ خواتي

بديت دراسة الماجستير،، وشفت ان وجود اللاب توب ضروري جدا أثناء المحاضرات وخاصة ان الكل كان وقت المحاضرة معتمد عليه ،، ولاحظت انهم يشتغلون عليه في عمل البوربوينت،، وفيه برامج وايد تدخل من ضمن دراستنا،، وكتابات وكرف طويل طويل..

طبعا ابي اشتري لاب توب،، وكل ماسألت كل ناس لهم راي ، ناس ديل وناس توشيبا ووووو

انا ابي واحد يشد على الكرف واستخدام طوووووويل نفس الكمبيوتر العادي.. مو مهم السعر.. بس اهم شي مايخترب ويشير علي واحط فيه كل شي مايعلق علي ويخترب،خاصة اني ابي ابتدي اجهز للرسالة فيه، عشان يكون كل شغلي في جهاز واحد ومايروح علي تعبي

شنو تنصحوني افضل نوعية ؟؟( مع ملاحظة اني ماااااعرف ولاشي في اللاب توبات ، عدا اللي اقراه من سالفة فتحات تهوية او شي جذي، غيره ماعرف ولاشي) فالله يجزاكم خير اللي بيكتب لي النوعية يكتب لي مواصفاتها كلها ، عشان اكتبها واروح اشتري


وجزاكم الله خير
sas70
11-10-2009, 06:00 PM
هلا بج اختي بنت البحرين تفضلي هالموضوع ان شاء الله يفيدج


http://www.qatarshares.com/vb/showthread.php?t=242215&highlight=%C7%E1%CF%E1%ED%E1+%C7%E1%D4%C7%E3%E1

وبالتوفيق
الحجاجي
11-10-2009, 11:28 PM
مرحبا اختي ..

تفضلي

هنا

http://www.qatarshares.com/vb/showthread.php?t=304777

أو هنا

http://www.qatarshares.com/vb/showthread.php?t=306858
nouar
11-10-2009, 11:43 PM
اعطيني احتاجات وتخصصك وانا اعطيك ايش محتاج
بنت^البحرين1
12-10-2009, 11:39 PM
اعطيني احتاجات وتخصصك وانا اعطيك ايش محتاج

اختي ..

اول شي حاليا ببتدي اكتب جزء من بداية الرسالة .. بالاضافة الى انه مطلوب مني اسبوعيا البرزنتيشن بالبوربوينت ، بالاضافة الى اني ابي استخدم برنامج الاكسل والاكسز، هالبرنامجين احتاجهم عشان احط المعلومات كمصادر لرسالتي

يعني الكتابة النظرية بتكون السمة الغالبة لاستخدامي للجهاز .. بالاضافة الى بعض البرامج

انا المهم عندي انه يستحمل الاستخدام الطويل ويكون سريع مايشير علي.. بس المشكلة اخواني كتبوا وذكروا لي مواصفات وايد لكن انا ماعندي اي فكرة في هالاجهزة خير شر ،، يعني ابي حد يكتب لي المواصفات واطبعها واروح المحل اقولهم عطوني نفس المكتوب.. انا لاحظت اغلبية الردود تقول توشيبا، بس شنو افضل نوع فيهم مادري؟؟

نسيت اقول ،، اني بالاضافة للاستخدام الدراسي،، بستخدمه اكيد في تصفح الانترنت الاعتيادي

شاكرة لج اختي
اخوي الحجاج وساس مشكورين وجزاكم الله كل خير
!الشايمه!
13-10-2009, 12:40 AM
انا جربت التوشيبا....والدل....اشوف التوشيبا وايد مشاكله هالايام

بينما Dell...خفيف....وسريع...احس النوعيات الجديدة....كلها صارت متقاربة

اما بالنسبة للمميزات.....شوفي شنو نازل عندكم جديد في السوق...شوفي الاعلى في كل شئ

اهتمي بسعة الهاردسك HD...اذا تبين

تخزنين وايد ملفات.....وبالرام Ram.....اذا تبين تستخدمين برامج كبيرة....

اما برامج الميكروسوفت...بوربوينت...واكسل هذي امورهم سهله...

كل ماكانت مواصفات الجهاز عالية...كل ما عاش عندج اكثر...

وبالتوفيق

تحية
Msh3l
13-10-2009, 09:05 PM
الشايمة يالغلا التوشيبا معروف بقوته وصلابته وعدم وجود مشاكل فيهـ ..


واخس مشاكل الـ دل مشاكل التهويهـ .. البروسس او الانتل يكون موقعه مكان ماتحطين يدج اليسرى حق الطباعهـ .. يستوي هالمكان طابي ~ ينطبخ عليه البيض ~ :s >> والصفحه الزرقهـ الي تطلع ! يااا وغيرها وايد ~
واذا عن التوشيبا عطيني مشكلهـ !

انا في بيتي 7 لابتوبات توشيبا .. ولا صادفت ولا واحد منهم بـ مشكلهـ .. الا اللابتوبات الي كانت عندي قبل 6 سنواتـ ...
يعني هاللي بديت اواجه مشاكل فيها حاااليا .... يعني توها بدت المشاكل تطلع من هاللابتوبات .. جربت الدل جربت السمنز جربت وايد اشيهـ .. وافضلهم الـ توشيبا والاتش بي .. وعندكم الـ sony Vaio VGN cs 36mj .. بس سعره فـ حدود الـ 4800 .. يعني غالي شوي .. ~ بس معروف برزته وشغله .....

وعندكم الـ Toshiba A500 .. مواصفاته عاليه وسعره حلو .. وعندكم الاتش بي بعد ~ يعني .. في وايد ..

اختي حبيت اضيف نقطه مهمهـ .. دام ان القرافكس ماله دخل .. فـ خذي لابتوب مواصفاته عاديه .. يعني بسيطهـ .. عشان يكون سعره بسيط ..

يعني الـ RAM 2
الـ VGA 256 ...
الهارد دسك 250 ...
الـ Intel .. يكون Centrino Core 2 Duo ...

ووبس هاي اهم المواصفات ~ لاتقل عنها ولا بتواجهين مشاكل فالكمبيوتر .. D=
سهم المراقيب
13-10-2009, 10:29 PM
اذا ما شريتوا للحين ,, أنتظروا الين ما يخلص معرض جايتكس-دبي ,,

أسعار الكمبيوترات والقطع تنزل بشكل كبير جداً بعد المعرض مباشره ,,

قبل اسبوع قريت خبر يقيد بأن شركة دل ناويه على إغلاق أحد مصانعها في كارولاينا الشمالية بداية سنة 2010 ,,

http://www.statesman.com/business/content/business/stories/technology/2009/10/08/1008Dell.html

فأتوقع راح ينزلون عروض يسيل لها اللعاب في الأيام القليله القادمة ,,

تحياتي للجميع ,,
عزتي سمو ذاتي
13-10-2009, 10:32 PM
أنا استخدمت Dell XPS M1330 أكثر من رائع

طبعاً أنا خذت اعلى الموصفات بحكم كثرة شغلي علي ولله الحمدالله لين اليوم ماصار به شي

مع اني اكرفه كراف واشتغل عليه كثير انصحك بهالجهاز عن تجربة شخصية
شبيــه الريح
14-10-2009, 03:23 AM
انا انصح بثلاث انواع اهي الدل والتوشيبا والسوني طبعا بكل نوع في منهم الزين التوشيبا قبل

من افضل الانواع ويستحمل اما الحين لج عليه اشوي الدل حلوو وزين السوني احلى شي z

اللي اهو الياباني واهو فخر صناعة السوني اما بالنسيه للجرافيكس فانصح بالماك بوك
شيط ويط
16-10-2009, 01:10 PM
انا مجرب التوشيبا الصراحه مال كرف شريته من سنتين والحين السنه الثالثه ولا قط سويت له فورمات او وديته الشركة .. وشغال معاي اخر حلاوة مع العلم اني استخدمه يوميا وبمعدل لا يقل عن 5 ساعات .. واستخدمه لبرامج الاوفيس والفوتوشوب وطبعا تصفح الانترنت :nice:

عيبه الوحيد انه يحتررررررررررر ( وذي مب مشكله ) لكن يتأذى الواحد اذا بغى يحطه ف حضنه او ع السرير .. :rolleyes2:

يعني اقدر اقول

التوشيبا مثل التويوتا حق كرف واعطاله ماتذكر قوة ومتانه

الديل مثل الامريكي فخامه لكن معرض للاعطال والمشاكل الفنية

السوني مثل الالماني حق الرزه بس والبرستيج صحيح انه قوه وامان لكن مب حق كرف

الاتش بي حلو لكن فيه مشاكل في البطارية والشاحن

اعتقد ذي اشهر الماركات

اخر شي وذي نصيحه افضل توقيت لشراء اللابتوبات هو نهاية كل سنه ( الاسعار تكون في الحضيض يبون يصرفون اللي عندهم لان بداية السنه تنزل مواصفات اقوى واجدد ) والتوقيت غير المناسب لشراء اللابتوبات هو بداية السنه ( الاسعار تكون مرتفعه لان مواصفات جديدة تنزل ) ..

حاليا المواصفات اللي اشوفها مناسبه

معالج سنترينو كور تو ديو بسرعه 2.4
الرام 3 غيغا
الهارديسك 320
الشاشه 13.1

ان شاء الله قدرت افيدج :nice:
شيط ويط
16-10-2009, 01:12 PM
الشايمة يالغلا التوشيبا معروف بقوته وصلابته وعدم وجود مشاكل فيهـ ..


واخس مشاكل الـ دل مشاكل التهويهـ .. البروسس او الانتل يكون موقعه مكان ماتحطين يدج اليسرى حق الطباعهـ .. يستوي هالمكان طابي ~ ينطبخ عليه البيض ~ :s >> والصفحه الزرقهـ الي تطلع ! يااا وغيرها وايد ~
واذا عن التوشيبا عطيني مشكلهـ !

انا في بيتي 7 لابتوبات توشيبا .. ولا صادفت ولا واحد منهم بـ مشكلهـ .. الا اللابتوبات الي كانت عندي قبل 6 سنواتـ ...
يعني هاللي بديت اواجه مشاكل فيها حاااليا .... يعني توها بدت المشاكل تطلع من هاللابتوبات .. جربت الدل جربت السمنز جربت وايد اشيهـ .. وافضلهم الـ توشيبا والاتش بي .. وعندكم الـ sony Vaio VGN cs 36mj .. بس سعره فـ حدود الـ 4800 .. يعني غالي شوي .. ~ بس معروف برزته وشغله .....

وعندكم الـ Toshiba A500 .. مواصفاته عاليه وسعره حلو .. وعندكم الاتش بي بعد ~ يعني .. في وايد ..

اختي حبيت اضيف نقطه مهمهـ .. دام ان القرافكس ماله دخل .. فـ خذي لابتوب مواصفاته عاديه .. يعني بسيطهـ .. عشان يكون سعره بسيط ..

يعني الـ RAM 2
الـ VGA 256 ...
الهارد دسك 250 ...
الـ Intel .. يكون Centrino Core 2 Duo ...

ووبس هاي اهم المواصفات ~ لاتقل عنها ولا بتواجهين مشاكل فالكمبيوتر .. D=

فعلا التوشيبا وبس من واقع تجربه .. :nice: