متدربين في البترول... من المسؤول [الأرشيف] - منتديات شبكة الأسهم القطرية

alfahad1

11-10-2009, 07:23 AM

السلام عليكم ورحمة الله وبركاته

من هو السؤول لما المتدرب القطري يقعد 5 سنين في برنامج لا يستفيد منه لا من
معلومات ولا شهاده ومضيعه للوقت وفوق كل هذا على نفس الدرجه
ولما المتدرب بعد البرنامج يبدأ يتعلم المصنع يبدئوا الموظفين الاجانب في الحرب
النفسيه يعني تطنز على المتدرب انه غبي وما يفتهم في شي حتى مسؤولهم
شغال وياهم بهالحرب وهدفهم تطنيش الموظف القطري من المصنع ............
والمشكله الرئيسيه المسؤولين القطريين في المصنع يعرفون عن هذه
المشكله ولا يقومون بأي شي ........ والله لما ادخل المصنع احس اني اجنبي.

الدوام شفتات بالعصر وبالليل واحيانا دوام بالجمعه قلنا مايخالف مستقبلنا باهر في البترول
التخصص علمي اللغه الانجليزيه ممتاز خدمه في المصنع 6 سنيين ونسبة القطريين
في القسم 5% وين البعثات للخارج ما هو الذنب لما الواحد ما عنده واسطه
انا لا اتحدث عن نفسي ولكن الكثير من الموظفيين في البترول يعانون من هذه المشكله
التدريب في المصانع سيئ جدا اول يوم في المصنع يقطونك في القسم ويقولن لك
يالله ادرس المصنع والله كنهم قاطين الواحد في غابه
(في السعوديه موظفين التشغيل في المصنع نسبتهم تصل 97 % بينما هنا ماتتعدا 10%)
............... من المسؤول

واسمحولي على الاطاله

المحتار20

11-10-2009, 08:17 AM

كلامك صحيح 100% اخوي

بنت ابوها 19

11-10-2009, 08:45 AM

الله يكون بعونك

والله حالتكم تعور القلب

واذا ع القطري والله من اشتغلت عرفت انه القطرين مظلومين بشكل رهيب

الاجانب ماخذين راحتهم ومن ترقيه لي ترقيه والقطري قاعد مكانه
ولما نسال شسبب عذرهم الوحيد انه القطرين مايشتغلون والاجانب احسن :( والله قهر

فتك العديد

11-10-2009, 03:14 PM

اخوي دوام البترول فوضى في فوضى مافي ترقيات للقطريين ولا دورات ولا شي وكل شي حق الاجنبي وخاصه الهنود والباكستانيين وهم الي مستفيديين من كل شي وترقياتهم شغاله على طول السنه اما القطري مايترقى ويخيس مكانه واذا جاته ترقيه بعد ما تطلع روحه وبعد انتظار 8 او 9 سنين لازم يطلعون له عله ويوقفون له ترقيته والسبب انهم يقولون له ناقصتك دوره او القانون تغير بين يوم وليله ولازم تاخذ بعد دورات زياده وعلى فكره هي الكلام من واقع تجربه مب اني سامعه من حد او شي ثاني وللعلم معاي ناس في القسم واقفين على درجه وحده من 15 الي 20 سنه وحاولوا انهم يشوفون حل بس مافي فايده لانه شؤون الموظفين الي عندنا كلهم اجانب ومن جميع الجنسيات ويذلون القطري ذل علشان يمشون له ورقه وحده اما اذا كنت ولد بلاده يمشيلك اياها في دقايق حتى لو ناقصتك شغلات ومتطلبات وشوف عيني اوراق الهندي تخلص في اسبوع واوراق القطري تاخذ شهور وتوصل لسنين
وللعلم انا عندي موضوع ترقيه واقف من سنه كامله بحجه اني ناقصني كورس مع انه الكورس هي ولا واحد ماخذه من عندنا لا من الاشخاص الي على نفس درجتي وحتى مسائيلي ماعندهم نفس هي الكورس مع العلم انه كل الي قبلي ترفعوا بدون هي الكورس وحجتهم انه القانون تغير بين يوم وليله بس قلت مب مشكله امري لله بخلص الكورس ويمكن في فايده لي قالوا الكورس مش متوفر في الفتره الحاليه وانتظر لين مانشوف حل وانا على هي الحال من سنه يعني بالعربي تعجيز وتطفيش ويطلبون منا شي مستحيل وتعجيزي لانه الكورس المطلوب مش متوفر اصلا وماله وجود ولا صار ولا مره في قطر للبترول
هي كله لانه الموظفين اجانب وحاطين عينهم على القطري والمشكله انه في قطريين مدراء عندنا وعارفين كل شي ويشوفون الظلم بعيونهم واوقات هم يكون لهم يد في الظلم الي احنا فيه بس كل واحد نفسي نفسي وماينفع حد نهائيا ويدور مصلحته بس
وانا عن نفسي اشوف ال hr ال عندنا ماحطوه الا علشان تعطيل مصالح القطريين
لانه ترفيعات الهنود شغاله اول باول بس القطري مذلول في بلاده

وللعلم انا ماشفت جنسيه تنفع بعضها ومتماسكين مع بعض وكل واحد يرفع الثاني ويحاولون يزيدون من عددهم مثل الهنود وياريت نتعلم منهم مب نستمر في اخطاءنا والحسد الي بينا

المتضرعه لله

11-10-2009, 03:23 PM

اجل عيالنا وين نشغلهم ؟

مادام الاجنبي رقم 1 في البترول والغاز

مضاد

11-10-2009, 03:37 PM

اجل عيالنا وين نشغلهم ؟

مادام الاجنبي رقم 1 في البترول والغاز
‏
في الجيش او الشرطة

BIG-VEGA

11-10-2009, 04:33 PM

اخوي الفهد1 اصابع اليد ماهي سوا
من يوم مادخلنا المؤسسة والمصانع الي فيها تدريب وتطوير معروفين....والمصانع الي تودي كفنك معاك بعد معروفين

وشكلك اخترت المصنع الغلط او كنت مش شاد حيلك في مركز التدريب وهم الي اختارولك...او كنت متهاوش مع عباسcrazy

وبصراحه مافيه حل الا الصبر :(
والله يعينك

ورقــة أمــل

11-10-2009, 04:57 PM

اخوي ماتقدر تنقل؟ انقل اي قسم ثاني او حتى غير الفرع بكبره

بعدين انت صابر فترة طويلة ما يسوى عليك

لا تسكت عن حقك واذا هم ما يبونك اكيد في اماكن ثانيه بترضى فيك

ALJokar

11-10-2009, 04:58 PM

الله يعينك اخوووي الي باقوله لك ماللك الا الصبر والدعاء اخوووي

شد حيلك هذي البدايه بتحصل كل الاشياء الي ذكرتها والي ما ذكرتها وانت صادق بكل كلمه قلتها

تصير علي كل واحد قطري دش البترول والمصانع الغاز وخاصه الفنيين

لكن الي بقوله لك لا ترظى لنفسك المذله ولا الغلط الي بيغلط او يذلك ادعس علي رقبته لو اتوصلها للمدير وشف بعدين اذا خذيت حقك و،ش بيصير الكل بيذل منك اقصد الهنود وغيرهم الاجانب
لكن كن على حق وكلمتك تكون قويه ومعها ادله واشهود

وصدقني ان كان لك رزق بالمكان الي انت فيه بتواصل وان ماكان فيه رزق الله يوفقك في مكان انت بترتاح فيه واتوفق لكن مثل ما قلت لك الصبر مفتاح الفرج

theeb_qatar

11-10-2009, 05:38 PM

انا يطالبووني بـالراتب من شهر 2 لين شهر 9
هههههه

ياخي عندهم تخبط .. انا ما اداوم .. طيب ليش تـنزلون لي راتب وبعدين ترجعون تطلبونه مني ... ؟
يعني غصب تعلقـون الواحد عندكم ... !!

يوم جيت اباخذ ورقة اخلاء طرف .. قالو لي تعال انت من شهر 2 ينزل الراتب وانت ماتداوم
رديت بكل بساطه هذي مشـكلـتـكـم .. لما شفتـو الواحد مايداوم ليش تمشـون له راتب ...

فعلا كيوبي ... بحر اذا ماتعرف تسبح تغـرق !!

الله يعين اللي ضيع سنين من عمره متدرب فني .. مثلي انا من 2005 .. لين اليوم ..
لو مشتغل في بنك احسن او في الحرس الاميري او لخويـا ...
حسبي الله ونعم الوكيل ...

fandi

11-10-2009, 05:50 PM

اذا انت متاكد من نفسك وشغال عدل مالك الا hrاكتب تظلم وان شاء الله تحصل الي تبي والشغلة تحتاج صبر شوي الفرصة ان شاء الله تحصلها لكن متى الله اعلم

عسل صافي

11-10-2009, 06:17 PM

الله يكون بالعوووون

بوطويشم

11-10-2009, 06:22 PM

السلام عليكم

شنهو تخصصك؟؟؟

اذا ياخذون كهرماء روح لهم

لان الكل يمدحهم

دلوليانوز

11-10-2009, 09:24 PM

الله يصبرك...شاللي جبرك عاالمر..اللي امر منه

OREO

11-10-2009, 09:38 PM

السلام عليكم ورحمة الله وبركاته

من هو السؤول لما المتدرب القطري يقعد 5 سنين في برنامج لا يستفيد منه لا من
معلومات ولا شهاده ومضيعه للوقت وفوق كل هذا على نفس الدرجه
ولما المتدرب بعد البرنامج يبدأ يتعلم المصنع يبدئوا الموظفين الاجانب في الحرب
النفسيه يعني تطنز على المتدرب انه غبي وما يفتهم في شي حتى مسؤولهم
شغال وياهم بهالحرب وهدفهم تطنيش الموظف القطري من المصنع ............
والمشكله الرئيسيه المسؤولين القطريين في المصنع يعرفون عن هذه
المشكله ولا يقومون بأي شي ........ والله لما ادخل المصنع احس اني اجنبي.

الدوام شفتات بالعصر وبالليل واحيانا دوام بالجمعه قلنا مايخالف مستقبلنا باهر في البترول
التخصص علمي اللغه الانجليزيه ممتاز خدمه في المصنع 6 سنيين ونسبة القطريين
في القسم 5% وين البعثات للخارج ما هو الذنب لما الواحد ما عنده واسطه
انا لا اتحدث عن نفسي ولكن الكثير من الموظفيين في البترول يعانون من هذه المشكله
التدريب في المصانع سيئ جدا اول يوم في المصنع يقطونك في القسم ويقولن لك
يالله ادرس المصنع والله كنهم قاطين الواحد في غابه
(في السعوديه موظفين التشغيل في المصنع نسبتهم تصل 97 % بينما هنا ماتتعدا 10%)
............... من المسؤول

واسمحولي على الاطاله

لك الله يا الاقطري..

تحداني

12-10-2009, 09:19 AM

.. سيكون ردي طويلا نوعا ما ..
ولكن ارجوك اقرأ ما سأكتبه ..
وستتضح لك الصوره أكثر ..

هناك الكثير من الطلاب يتخرجون من الثانويه العامه ..
تكون لديهم الرغبه في العمل اما
لضعفهم باللغه الانجليزيه ..
او حتى لضروف ماديه متعسره ..
واغلب الاحيان ضروفهم جيده ..

اول خطوه يفكرون بها هو العمل .. والبحث عن الوظيفه ..
الكثير منهم تكون لديه قناعه تامه .. بل 100%

ان رجولتي لا تتحمل ان يأتي ..
ابي ويصرف علي .. مع العلم هو ليس بعمر جمع للمال ..
انما في عمر .. عليه الدراسه وانهاء الجامعه مهما كانت الطريقه ..
وبكل السبل ..

وانا لا اتكلم هنا عن شخص مضطر ان يعمل ..

يبدأ الطلاب بتقديم اوراقه لشركه قطر للبترول ..
يخضعون لاختبارات .. ولها نسب ..
تحدد ان كان يستحق الالتحاق بالجامعه ..
ام عليه التأهيل والتدريب ..

ننتقل للمرحله التي تليها ..

يبدأ الموظف المتدرب بأخذ التدريبات ..
تقويه في اللغه الانجليزيه ..
منهم من يعمل مباشره في المصانع ..
منهم من يكمل الدراسه في كليه شكمال أطلنطي .. وهكذا ..

الى ان يتخرجوا منها ..

المرحله التي تليها ..

يبدأ الطالب بالتفكير بشئ من الجديه ..
كبرت .. اريد ان اتزوج .. اريد ان احسن وضعي ..
اريد ان يكون راتبي كراتب زميلي الذي يحمل البكالوريوس ..
من اعرق الجامعات ..

يطرق ابواب المدير .. لو سمحت يا مديري العزيز .. اريد اكمال الدراسه .. ولدي طموح .. ولدي رغبه ..
ولغتي ما شاء الله ...

............................................
.
.
.

هنا تبدأ الطامه الكبرى ..
بل الحقيقه التي لم يعرفوا حقيقتها الا متأخرا ..

طلب يقابل بالرفض .. وبالرفض بشده ايضا .. وهذه اسبابهم ..
والبعض من هذه الاسباب لهم الحق فيها .. والبعض لا ..

هناك أعمال كثيره سيدي الفاضل ..
لا يقبل العمل بها صاحب شهاده البكالوريوس ..
ولعل طبيعه شركات البترول .. والبنوك ..
تحتاج تدرجات في الشهادات ..
وتدرجات في المستويات التعليميه .. بمعني ..

لا يمكن لصاحب شهاده البكالوريوس ..
ان يعمل فرضا في البداله .. مع احترامنا للوظيفه ..
لا يمكن ان يعمل في المصنع ..
لا يمكن ان يعمل في وفي وفي ..

ففي الحقيقه كان تأهيلكم من اجل الدبلوم فقط ..
ومن اجل العمل على الدبلوم .. ووظائف الدبلوم ..

لذلك قلتها ملايين المرات .. لا تأخذوا العمل طريق ..
لانه طريق خاطئ وانتم في مقتبل العمر ..

لا تجعلوا الشركات تحتكركم وانتم مازلتوا شباب ..
ولم تنهوا الدراسه ..

عليكم بالشهاده الجامعيه ..
حتى وان كلفكم الامر سلفيات من اجل الدراسه ..
حتى وان بعت كل ما تملك من اجل تعلم اللغه الانجليزيه ..
حتى وحتى ..

ولكن لا حياه لمن تنادي ..

وعندما يصطدم بالواقع ..
يجد انه مغاير لاحلامه ..

ان كنت قادر على اكمال الدراسه ..
ولديك مصدر رزقك الوالد او الوالده ..
او او ..

اكمل دراستك .. هذه نصيحتي ..
والا ستظل هذه الاحلام ..
والقهر لا سمح الله .. في قلبك ..

الله ينور طريقك ..
واتمنى انك فهمت حقيقه الاشياء ..
وتغير شئ ان كان بإمكانك ذلك ..
وقلبي مع كل المتدربين الشباب ..

ليكن لديكم طومح فوق الخيال ..
لكي تكون كل شبر بل قطعه من اجلكم انتم ابناء هذا البلاد ..

الله يجملك برضى الرحمن ..

وآسفه على الاطاله ..
ولكن هذا ما كان في القلب ..

براتزية برازيلية

12-10-2009, 11:22 AM

الله يعين

قطري !

12-10-2009, 12:11 PM

أخوي

البترول عالم عجيب و غريب وجميل في نفس الوقت

انا سوف اتكلم عن الفنيين فقط وليس الادراه

أجمل ما في البترول انك تعتمد على نفسك وتقابل عصابات تحاول ان تبعدك عن مجال عملك لانهم في نظرهم ( الاسيويين) انك سوف تاخذ مكانهم وهنا يقومون يدافعون بشتا الطرق عن مصالحهم , و اخوانك المسؤليين القطريين يعلمون بذالك.

أنا و اعوذ من كلمة انا وغيري من الشباب القطري عملنا في البترول كامتدربين ( بعد الثانويه مباشره) وتدربنا وتم ارسالنا الى العالم الغريب العجيب(المصانع) وقاموا الاسيويين يضايقوننا وسوف اذكر لكم موقف صار لنا في المصنع من مسؤلنا الهندي :

تعرفون ان هناك مواد كيميائيه منها ما يتم خلطه اليا ومنها ما يتم خلطه يدويا , ومن اول يوم عمل قام يقول لنا يالله هذا الدرام مليان مواد كيميائيه ابيكم توصلونه للموقع (100 متر ) وقعدت انا ورفيجي ندفع الدرام اللي لو كرين يصعب عليها شيله , ولما وصلنا فتحناه وفيه مواد خطيره ولبسنا القفزات وقعدنا نخلط لهم ونشتغل لهم , وهم قصدهم تطفيشنا من العمل وعدم ترغيبنا في الشغل بالمصانع وليس هدفهم تدريبنا وتطويرنا ,,, وغيرها من المواقف اللي يشيب الراس لها

لاكن ولله الحمد لم نستسلم لهم تعلمنا غصبا عنهم وتدربنا وتم ترقيتنا الى مشغل مصنع ومن ثم تم ارسالنا الى التدريب مره اخرى وعمل لنا امتحان ونجحنا حتى تدرجنا وكملنا البكالاريوس في الهندسه ومن افضل الجامعات

كل مافي الامر انك تكون حريص ومواظب ومخلص , والاهم انك تعلم ان هؤلأ الاسيويين يدافعون عن نفسهم للبقى في المصانع , هنا يجب عليك ان لا تستسلم لهم وسايرهم لانك في حاجتهم فهم اللذي سوف يدربونك ويعلمونك ....

انا لا اعلم هل البترول تغيرت سياستهم في التدريب والتطوير ام على ماهي عليه من قبل من ابتعاث طلاب وتدريبهم

نصيحتي لكم عدم الاستسلام وعدم الاستعجال , هناك وظائف شاغره كثيره في البترول وخاصه للمهندسين

أسال الله لك ولاخوانك التوفيق

A bin M

12-10-2009, 12:15 PM

كلامك صحيح 100% اخوي

تحداني

12-10-2009, 12:52 PM

قطري !

أشكرك جزيل الشكر على نقل هذه التجربه الوظيفيه الرائعه ..
هذه قضيتنا مع شبابنا ..
قضيتي وقضيه ..
كل انسان يجب ان يعمل في كل شبر في هذا البلد ..

نعرف جميعا ولعلي اولهم...
ان الحياه والعمل ليست بالطريقه التي نتمناها دائما ..
ونعلم ان اقدار بعض الناس ..
تأخذهم الى العمل في المصانع مجبرين
.. وعليهم دائما بالصبر ...
ومنها سيصلون الى ما يرغبون وما يحلمون ..

لكن الان يا اخي الفاضل سياسه التدريب لدى شركه
" قطر للبترول "

سياسه وهميه كاذبه ..
سياسه اعلانات ..
وجذب اكبر عدد ممكن من الطلاب للانضمام اليهم ..
واعطائهم راتب وقدره 8000 الى 10000
ويعتقد صاحب الــ 18 عاما ..
وصاحب الـ 20 عاما ان هذا الراتب خيالي
.. وفي الحقيقه ..
ان الجامعي يأخذ اضعاف اضعاف هذا الراتب ..

سياسه الحاقهم بشمال اطلنطي فقط ..
دون حتى اعطائهم فرصه اكمال الدراسه ..

ما يحصل في قطر للبترول كارثه انسانيه بمعنى الكلمه ..
وضحيتها صغار الشباب ..

ما يحث هناك قلب الحقيقه ..
قلب الواقبع ..
اغراء صاحب المصروف 500 ريال بمبلغ اكبر منه ..

لا نملك سوى ان نوجه دعوه لطلابنا ..
عليهم بأعلى الشهادات مهما كان الثمن ارجوكم ..

ان كانت اوضاعكم الماديه ميسوره ..
فلا تلتحقوا بقطر للبترول وانتم لديكم الرغبه بالجامعه ..

لا حول ولا قوه الا بالله ..
وحسبي الله ونعم الوكيل ..

الله يسعدك يارب

غانم 81

12-10-2009, 01:11 PM

والله اضحكوني في ردودكم اذا قالتو اصبر انا يوم اوقع العقد الي وقعني مسؤل في السد بلازا قتله صج في تطوير قالي ايه قتله اشلون قالي طالبين موظفين حول 3800 موظف 3500 اجانب و300 من هل قطر ههههههههه قالي اشتماعات على الفاضي مافيه تقطير اشوف هل قطر يفنشون والاجانب مرتاحين والي مرتاح بيكون جامعي اول مايدخل سنير حق لقطري
وكله يقولون لقطرين مايشتغلون انا يوم كنت في المصنع كنت لقطري الوحيد وكانت الفصه قدامي لنه المدير مصري وسوبرفايزر مصر والي تحتي بعد مصري في التدريب يوديني حق جهاز التنفس والسلندر مال الهوا مغبر وعليه خيوط عنكبوت انا مب في الصاعقه في وايد انظاف ليش ماتدربني عليهم اشمعنا لمحلط يقعدون في المكتب يقولون المكان عاوزله اثنين قطرين في واحد من هنا خايشخلع الكلام لج يجاره ايجيبون عندنا جرايد فتحت الجريده ايه يغانم ماتخليهاش على البحري كدا هاي قدني حاك في لشموس توصل حق المدير لقطري ايهبي ولا كفو يسوي شي دام راتبه يمشي ومرتاح مالي ومال لقطري وعوار الراس المقابلات لجنبي يسويها يوظف ويرفض على كيفه من بدال تقطير القطرين اعدام القطرين من الوظايف

تحداني

12-10-2009, 01:20 PM

والله اضحكوني في ردودكم اذا قالتو اصبر انا يوم اوقع العقد الي وقعني مسؤل في السد بلازا قتله صج في تطوير قالي ايه قتله اشلون قالي طالبين موظفين حول 3800 موظف 3500 اجانب و300 من هل قطر ههههههههه قالي اشتماعات على الفاضي مافيه تقطير اشوف هل قطر يفنشون والاجانب مرتاحين والي مرتاح بيكون جامعي اول مايدخل سنير حق لقطري
وكله يقولون لقطرين مايشتغلون انا يوم كنت في المصنع كنت لقطري الوحيد وكانت الفصه قدامي لنه المدير مصري وسوبرفايزر مصر والي تحتي بعد مصري في التدريب يوديني حق جهاز التنفس والسلندر مال الهوا مغبر وعليه خيوط عنكبوت انا مب في الصاعقه في وايد انظاف ليش ماتدربني عليهم اشمعنا لمحلط يقعدون في المكتب يقولون المكان عاوزله اثنين قطرين في واحد من هنا خايشخلع الكلام لج يجاره ايجيبون عندنا جرايد فتحت الجريده ايه يغانم ماتخليهاش على البحري كدا هاي قدني حاك في لشموس توصل حق المدير لقطري ايهبي ولا كفو يسوي شي دام راتبه يمشي ومرتاح مالي ومال لقطري وعوار الراس المقابلات لجنبي يسويها يوظف ويرفض على كيفه من بدال تقطير القطرين اعدام القطرين من الوظايف

وهذه حقيقه قطر للبترول ..
وحقيقه كل شركه تستغل شبابنا .. من اجل احباطهم ..
وليس من اجل زرع الامل فيهم ..

ولكن لا عين تشوف .. ولا اذن تسمع ..
ولا نملك سوى النصح ..

وان يكونوا شبابنا اكثر وعي وادراك ...
ويعرفون كيف يططون لحياتهم ..

ان يكون لدى شبابنا طموح ان الدراسه والشهاده لا تعني عبقريه الشخص ..
انما ستضيف له طموحات .. وحياه كريمه .. واسره يعيشون معه .. كما يتمنون ..

ولكن للاسف يغترون بالراتب .. وهو ليس الراتب الحقيقي ..
للاسف البعض ينظر للعمل انها رجوله ..
وتكوين كيان مستقل ..

اي كيان وانت عمرك 21 سنه ..
اي اعتماد وانت عمرك 18 سنه ..

قول لهم انت اكثر .. انت اليوم صاحب التجربه ..
قول لهم يمكن ما يصدقوني ويصدقونك ..

نقول لهم من كان مضطر للعمل لحالته الماديه لا مانع ..
اما من كانت ضروفه ميسوره .. فإياكم ..

الشهاده ولا شئ سوى الشهاده ..

طارق

13-10-2009, 12:49 PM

اخي لاتوجع قلبي

قدامي ورقه الآن اشوفها - خريج مصري حديث بدون خبره - سوف يعمل بشركه ناقلات براتب قدره 45 الف وتقديره في الجامعه مقبوووووووووووووووول

اذا المصري يستلم 45 الف في ناقلات وهو مقبول ومن غير خبره
فكيف الي عيونه زرق يستلم
انا ماشفت اعلان لناقلات في الجرايد تبحث عن موظفين -لأن عندنا مهندسين مركونين على الرف تحت التدريب من 20 سنه في قطر للبترول
ناقلات وهقتنا مع اسهمها الزباله وبعد مش متنزله اتوظف قطرين في مواقع حساسه والله قهر

ريم المدينة

13-10-2009, 04:24 PM

باااااااااااااااااااللللللل!!!!

20 سنة تحت التدريب!!!!!!

شيعلمونهم؟؟

اشلون يخترعون الذرة؟؟

الشهااااااااااااااااااااادة يا عاااااااااالم لاترضون بغير الشهاااادة....

بعدين واضح ان سوق العمل يشوف ان القطريين "لو كلاس" بالنسبة له...

مادري من هاللي يستحق لقب "هاي كلاس" في عيونهم؟؟<< من غيرهم اعيال الشقر والعيون الملونة...

The Master

13-10-2009, 05:46 PM

كح كح احم (يعني واحد معارض احم)

خلنا نبتدي من الموضوع...ونربطه بردود الاخت تحداني...بما ان لها النصيب الاكبر في الردود...

نتكلم بشكل عام...(الاغلبيه)
عن الشباب...اللي في البترول ووبعدها المصانع تحت التدريب...

اممممم الشباب لعبتهم شي اسمه الترييييح...سوالف وضحك...ولعب اورقه في الصف...ولجا المدرس استلام وطنازه عليه...وماخذين التاهيل لعب عيال..وعبط...واهم شي عندهم الراتب....والغياب محد له(يعني يا عمييي باغيب واذا بيخصمون خلهم يخصمون..)

يسقط في المواد التأهيليه..وللعلم اغلبها ماخذها في الثانويه..ومافي اسهل منها...لكن الاستهتار والغياب وعدم المذاكرة هو السبب في ذلك...
هنا لحد يلوم المدرسين على اساس بتاخذ مكانهم لانهم يدرسونك عشان تفهم...فا محد مايبغي يطورك عشام ماتاخذ مكانه..

نجي للمصنع...تخيلو عقب فترة التاهيل اللي قضاها باللعبه والاستهتار والغياب(حتى ماجاب ماهو مطلوب منه كا حد ادنى)..يطرشونه المصنع يقولون يالله ان شاء الله يتعلم هناك...
تخيلو واحد ماتعلم شي من التأهيل وهو من اساسه مستهتر ومطنش...يجي للمصنع...فاج حلجه...مايدري عن شي...طبعا يفاجأ بانه المصنع مب مثل التدريب دلع وغياب بخصم..
لا لا هنا مصنع يا تدوام عدل ولا بره...فا هنا الصدمه...ويصيده احباط...ولما يبغونه يتعلم يكون متحطم...
وهم بعد فيها استهتار وعدم التزام...
وناشرين اشاعه ان الاجانب مايبغون يعلموني عشان ما اخذ مكانهم...اقول لهم ...يا حبيبي...انت وين وهم وين...انت مريح حدك..وهم يشتغلون بجد...انت ماعندك الا ثانويه...وهم شهادة بكالريوس او ماجستير...طيب الحين ممكن تقول لي كيف بيخافون على مكانهم منك؟؟ (العقل العقل وماعليكم من السوالف)

هذا بخصوص اللي يتشكى من اللي حاصل له في البترول...

لكن انا اجزم ومتأكد ان الشغالين بالتدريب سوو اللي عليهم وزود من ناحية تطوير هالشباب...ويكدون كد عشان يتعلمون...ويمشونهم في اشيا واجد ويعفونهم...لكن ربعنا مايبغون الا الراحة...والمعاش...والعقار(الغيبه)...

نجي للاخت تحداني وعن الشباب لا تروحون هالشركات....امممم اخالفج في هذي..

اذا الدولة موفرة لي دراسة بمعاش ووظيفة مرموقة...ليه ارفضها؟

بتقولين دبلوم...اقول لج خله يشد حيله وراح يطرشونه بره وياخذ بكالريوس...اهم شي الجديه منه هو...مب يا مؤسسه تعالي طرشيني لاني ابغي اروح استانس بره...
(للعلم....في الكثير من الشباب اللي طرشتهم المؤسسه هنا استراليا خريجين المدرسة العلميه...وشهاداتهم فوق ال 85%..اسقطوا وما افلحوا..ومع ذلك البترول ماتخلت عنهم وودتهم جامعه قطر...ليه ما افلحوا؟.. لانهم اخذوا الدراسه لعبه...تخيلي هذول طلاب العلميه وكذا...فما بالج باللي مب في باله الدراسه)

فا خله يروح الشركات والمؤسسات اللي بتطوره مهنيا وعلميا وبراتب يكفيه لحد مايوصل للعلم اللي يستاهل فيه يكون معاشه دبل معاشه الحين...مب على قولتج قاصين عليهم...

وعلى فكرة...وللجميع...البترول...اذا لك حق بتاخذه مهما كان وعمرها ما اظلمت من ناحية المعاشات...ابرك من غيرها بكثييييير

والاهم....اكثر شبابنا طموحهم بسيط...ومايهمه وش يصير بكره...اهم شي عندي المعاش...والسيارة...واحم احم...ومايفكر في شي..
واذا فكر بشي ثاني يكون لما يشوف غيره متطور وواصل مستوى اعلى منه..هنا يجي ويقول ليه وليه...ويبتدي يطور نفسه...او ينقدون على البترول...

وعن اللي يقول لا تذل عمرك ولا تنزل عمرك لهم لانهم...(جاليات اخرى)
اقول له دام اني ما اغلط على حد او على نفسي...ليه الكبر؟ وليه ما اتعلم؟
خلني اسوي كل الطرق الصحيحه عشان اتعلم لان هو مايهمه انت تعلمت ولا لا...الاهميه تكون عندك انت...انت اللي لك الحاجه..فا روح وخله يعلمك..وش فيها كان من جنسيات ثانيه...هو احسن منك اليوم بمستواه وبجهده وعلمه ..وبكره انت بتصير احسن بجهدك وعلمك واصرارك...

وبالنسبه عن اللي يعاملونهم معامله ظلم او تحرش عشان يطفشونهم....
(نصيحة خبرة مني )اقروا القوانين واللوائح...واعرفوا اللي لكم واللي عليكم...
ومن تشوفون شي مخالف ارجعوا للقوانين..اصلحوا الامر..ان مانفع وصلوها للي فوقه بذكر القانون..
اعرفوا انتوا وش تسوين وايش لكم وايش عليكم...وخلكم اذكيا...واستغلو القوانين لكم مب تخلونها عليكم..

وبس

فا اتركوا عنكم شغل الترييح والاستهتار واللعبه...وخططوا انتوا وش تبغون...وايش تبغون تصيرون...

السموحة على الاطاله...لكن كلام لازم ينقال...لعل وعسى..وهذا هو الواقع..

لحد يتحامل علي ويقول انت تألف وانت وانت...تراني واحد منكم وفيكم...كلنا عيال قريه وكلن يعرف خيه

لاهنتوا جميعا

هدهد سليمان

13-10-2009, 06:11 PM

بالمناسبه نزلت من فتره موضوع عن هالكلام .. لكن للأسف تم اغلاقه لان البعض انكر هذا الحدث مع ان الاحداث التي نقلت صحيحه 100% وهناك من عارضني وهناك من ارسل رسائل خاصه وتم التفاهم معه على حسب طريقته .. لكن السؤال لما هذا الاهمال والتهميش للقطريين في مجال البترول .. لما هناك محسوبيه وكلام اول ماله تالي .. ولماذا وعود ان ياخذوا بعض الشباب دورات من سنتين والى يومك ما خذوا اي شي سوى مضايقات .. ولماذا محاولات التطفيش هل القطري ليس لديه عقل ؟! هل القطري لا يستطيع ان يتعلم ! اتوقع زمن اول حول اعطوا الشباب فرصه وشوفوا اعطوا الشباب دورات وشوفوا .. شغلوا اصحاب الشهادات الجامعيه بدلا من الهنديه والفلبينيه وشوفوا .. لكن للأسف القطري محارب هناك من القطري نفسه !

ريم المدينة

13-10-2009, 08:31 PM

بالمناسبه نزلت من فتره موضوع عن هالكلام .. لكن للأسف تم اغلاقه لان البعض انكر هذا الحدث مع ان الاحداث التي نقلت صحيحه 100% وهناك من عارضني وهناك من ارسل رسائل خاصه وتم التفاهم معه على حسب طريقته .. لكن السؤال لما هذا الاهمال والتهميش للقطريين في مجال البترول .. لما هناك محسوبيه وكلام اول ماله تالي .. ولماذا وعود ان ياخذوا بعض الشباب دورات من سنتين والى يومك ما خذوا اي شي سوى مضايقات .. ولماذا محاولات التطفيش هل القطري ليس لديه عقل ؟! هل القطري لا يستطيع ان يتعلم ! اتوقع زمن اول حول اعطوا الشباب فرصه وشوفوا اعطوا الشباب دورات وشوفوا .. شغلوا اصحاب الشهادات الجامعيه بدلا من الهنديه والفلبينيه وشوفوا .. لكن للأسف القطري محارب هناك من القطري نفسه !

ساعات هالكلام صح مية في المية :victory::victory:

كح كح احم (يعني واحد معارض احم)

خلنا نبتدي من الموضوع...ونربطه بردود الاخت تحداني...بما ان لها النصيب الاكبر في الردود...

نتكلم بشكل عام...(الاغلبيه)
عن الشباب...اللي في البترول ووبعدها المصانع تحت التدريب...

اممممم الشباب لعبتهم شي اسمه الترييييح...سوالف وضحك...ولعب اورقه في الصف...ولجا المدرس استلام وطنازه عليه...وماخذين التاهيل لعب عيال..وعبط...واهم شي عندهم الراتب....والغياب محد له(يعني يا عمييي باغيب واذا بيخصمون خلهم يخصمون..)

يسقط في المواد التأهيليه..وللعلم اغلبها ماخذها في الثانويه..ومافي اسهل منها...لكن الاستهتار والغياب وعدم المذاكرة هو السبب في ذلك...
هنا لحد يلوم المدرسين على اساس بتاخذ مكانهم لانهم يدرسونك عشان تفهم...فا محد مايبغي يطورك عشام ماتاخذ مكانه..

نجي للمصنع...تخيلو عقب فترة التاهيل اللي قضاها باللعبه والاستهتار والغياب(حتى ماجاب ماهو مطلوب منه كا حد ادنى)..يطرشونه المصنع يقولون يالله ان شاء الله يتعلم هناك...
تخيلو واحد ماتعلم شي من التأهيل وهو من اساسه مستهتر ومطنش...يجي للمصنع...فاج حلجه...مايدري عن شي...طبعا يفاجأ بانه المصنع مب مثل التدريب دلع وغياب بخصم..
لا لا هنا مصنع يا تدوام عدل ولا بره...فا هنا الصدمه...ويصيده احباط...ولما يبغونه يتعلم يكون متحطم...
وهم بعد فيها استهتار وعدم التزام...
وناشرين اشاعه ان الاجانب مايبغون يعلموني عشان ما اخذ مكانهم...اقول لهم ...يا حبيبي...انت وين وهم وين...انت مريح حدك..وهم يشتغلون بجد...انت ماعندك الا ثانويه...وهم شهادة بكالريوس او ماجستير...طيب الحين ممكن تقول لي كيف بيخافون على مكانهم منك؟؟ (العقل العقل وماعليكم من السوالف)

هذا بخصوص اللي يتشكى من اللي حاصل له في البترول...

لكن انا اجزم ومتأكد ان الشغالين بالتدريب سوو اللي عليهم وزود من ناحية تطوير هالشباب...ويكدون كد عشان يتعلمون...ويمشونهم في اشيا واجد ويعفونهم...لكن ربعنا مايبغون الا الراحة...والمعاش...والعقار(الغيبه)...

نجي للاخت تحداني وعن الشباب لا تروحون هالشركات....امممم اخالفج في هذي..

اذا الدولة موفرة لي دراسة بمعاش ووظيفة مرموقة...ليه ارفضها؟

بتقولين دبلوم...اقول لج خله يشد حيله وراح يطرشونه بره وياخذ بكالريوس...اهم شي الجديه منه هو...مب يا مؤسسه تعالي طرشيني لاني ابغي اروح استانس بره...
(للعلم....في الكثير من الشباب اللي طرشتهم المؤسسه هنا استراليا خريجين المدرسة العلميه...وشهاداتهم فوق ال 85%..اسقطوا وما افلحوا..ومع ذلك البترول ماتخلت عنهم وودتهم جامعه قطر...ليه ما افلحوا؟.. لانهم اخذوا الدراسه لعبه...تخيلي هذول طلاب العلميه وكذا...فما بالج باللي مب في باله الدراسه)

فا خله يروح الشركات والمؤسسات اللي بتطوره مهنيا وعلميا وبراتب يكفيه لحد مايوصل للعلم اللي يستاهل فيه يكون معاشه دبل معاشه الحين...مب على قولتج قاصين عليهم...

وعلى فكرة...وللجميع...البترول...اذا لك حق بتاخذه مهما كان وعمرها ما اظلمت من ناحية المعاشات...ابرك من غيرها بكثييييير

والاهم....اكثر شبابنا طموحهم بسيط...ومايهمه وش يصير بكره...اهم شي عندي المعاش...والسيارة...واحم احم...ومايفكر في شي..
واذا فكر بشي ثاني يكون لما يشوف غيره متطور وواصل مستوى اعلى منه..هنا يجي ويقول ليه وليه...ويبتدي يطور نفسه...او ينقدون على البترول...

وعن اللي يقول لا تذل عمرك ولا تنزل عمرك لهم لانهم...(جاليات اخرى)
اقول له دام اني ما اغلط على حد او على نفسي...ليه الكبر؟ وليه ما اتعلم؟
خلني اسوي كل الطرق الصحيحه عشان اتعلم لان هو مايهمه انت تعلمت ولا لا...الاهميه تكون عندك انت...انت اللي لك الحاجه..فا روح وخله يعلمك..وش فيها كان من جنسيات ثانيه...هو احسن منك اليوم بمستواه وبجهده وعلمه ..وبكره انت بتصير احسن بجهدك وعلمك واصرارك...

وبالنسبه عن اللي يعاملونهم معامله ظلم او تحرش عشان يطفشونهم....
(نصيحة خبرة مني )اقروا القوانين واللوائح...واعرفوا اللي لكم واللي عليكم...
ومن تشوفون شي مخالف ارجعوا للقوانين..اصلحوا الامر..ان مانفع وصلوها للي فوقه بذكر القانون..
اعرفوا انتوا وش تسوين وايش لكم وايش عليكم...وخلكم اذكيا...واستغلو القوانين لكم مب تخلونها عليكم..

وبس

فا اتركوا عنكم شغل الترييح والاستهتار واللعبه...وخططوا انتوا وش تبغون...وايش تبغون تصيرون...

السموحة على الاطاله...لكن كلام لازم ينقال...لعل وعسى..وهذا هو الواقع..

لحد يتحامل علي ويقول انت تألف وانت وانت...تراني واحد منكم وفيكم...كلنا عيال قريه وكلن يعرف خيه

لاهنتوا جميعا

كلامك من اللي يصير حواليني صحيح بنسبة كبيرة :victory::victory:

وانا اؤكد ان شبابنا مايبون يتعبون عالشهادة او العلم يبون كل شي جااااهزززز....

ليش جي؟؟

اذا انتوا ما نفعتوا بلادكم من اللي بينفعها؟؟

طوني وايلي وميشيل وجون ومايكل؟؟

شدوا حيلكم يا شباب و ركزوا على شهادتكم و مصلحتكم ومصلحة بلادكم حطوها نصب اعينكم<< حللللوة نصب اعينكم..

تحداني

14-10-2009, 04:28 PM

.. عليان ..

سلمت يداك يارب على هذا الرد الرائع ..
وجزاك الله الف خير ..
وجعلك من المميزين والبارزين والمتفوقين دائما وابدا ..
وان تكون محل ثقه ..
وتعود الى ارض الوطن وانت تحمل امنيات من ابتعثوك ..

اللهم آمين ..

نأتي الان للموضوع والنقاش .. والرد .. والتعقيب ..
فتحمل طول الكلام .. وتحملني ايضا ايها القارئ العزيز ..

فهناك مواضيع تحتاج ان تدخل في تفاصيلها ..
خاصه ان كان نبض حقيقتها هو ابناء هذا الوطن ..

عندما ننتقد اي مؤسسه كانت او شركه لا نطمح ابدا الى التقليل من شأنها ..
او حتى الغاء جزء كبير من حقها ..
او وضعها في قائمه يجب الابتعاد عنها ..

لا ابدا ..

بل ان كل شركه موجوده على ارض قطر فهي بالتأكيد هدفها مصلحه ابنائها ..
وان ترتقي بهم .. وتتباهى بهم ..
ومسؤوليتنا نحن سواء من كان يكتب في المنتديات ..
او في الجرائد .. او حتى من نسمع نبرات صوته في الاذاعه ..
ان ينقل الواقع + الحقيقه + الادله + البراهين ..

والا ما سيعلن عنه عباره عن وهم واضربه بوهم اخر ..

تخيل معي ماذا يحصل الان .. وهو واقع ولا احد يستطيع انكار ذلك ..
عندما يتخرج من الثانويه ..
طلاب وطالبات عددهم 4 او 5 الاف .. تبدأ قطر للبترول ..
بوضع اعلانات .. فتح فرص الالتحاق .. منها ماهو منشور في الجرائد ..
منها ماهو موجود في الموقع .. تفتح المجال بمختلف النسب بتنوع شروط القبول ..

البعض يجتاز تلك الشروط ويحمل حقائبه ..
ويذهب كما ذهبت انت .. لاكمال دراسته ..

اما ابعض الآخر وهذه الفئه الاكبر .. يلتحقون بالتدريب ..
سواء في الكبينات سابقا ..
ويعتمدون على برنامج استرالي لا اذكر اسمه على
ما اعتقد " تيف ما اعرف تاف :) "
او كما يحدث الان في شمال اطلنطي ..

يسلم للمتدرب عقد .. وقرأت انا هذا العقد ..
معلموات عاديه .. حقوق طبيعيه ..

يأتي هذا الطالب الغلبان المسالم .. يسأل اصحاب القرار ..
ولا نريد تسميتهم .. نظرا هنا المقام ليس مقام تسميات ..
او تحميل الخطأ شخص معين .. وقد يكون عبد مطيع لا اكثر ولا اقل ..

يسأله ببراءه .. اخوي لو خلصت الاطلنطي ..
وجبت معدل زين بتطرشوني اكمل بكالوريوس ؟؟
اي اخوي .. انت ادرس وشد حيلك .. وان شاء الله رايح ..

يبتسم هذا الغلبان ..
تنتهي سنوات الدراسه .. وركض عند ذاك الاخ ..

اخوي هاذي شهادتي وهذا معدلي .. متى بتطرشوني ؟؟

:) الف مبروك وشهادتك وصلتنا قبل لا اتجيبها ...

الحمد لله ..

اخوي شوف .. انت اشتغل على الاقل 1 او 2 وبعدين بنطرشك ..

حاضر اخوي ولا يهمك ..

يذهب هذا الغلبان ..
وبعد مرور سنتين .. ها اخوي اي جامعه بروح ؟؟

اقول انسى الموضوع حاليا وراح نرفع خطه جديده وهكذا ..

لا تعمم يا اخي الفاضل ..
هناك احصائيات مخيفه قرأتها ..
تقول ان نسبه من يلتحقون بقطر للبترول اضعافها يخرجون ..
هناك معامله قاسيه وشروط غير واضحه ..
هناك تلاعب ولخبطه الامور فوق بعضها البعض ..

هناك عوائل تكون في المرتبه الاولى في الابتعاث ..
وعوائل تكون في المرتبه الاخيره ..

هناك محسوبيات ..
واسطات ..
افضليه ..

لا تقول لي ما يشتغلون ..
يستهترون ..
يغيبون ..

كلامك صح .. البعض منهم نعم ..
والبعض الآخر لا ..

لا تضرب لي امثله على اناس لا يريدون العمل فكيف يطلبون اكمال الدراسه ..

اضرب لي امثله عمن يثبتون جدارتهم ..
يداومون شبابنا من الساع 5 الفجر الى 4 العصر في المصانع ..
نعم هذا واجبهم ولكن من حقهم اكمال الدراسه ..

صحيح نسبته متدنيه .. ولكن اعطوهم الفرصه

تصدق لو قت لك اليوم اتصلت بقطر للبترول ..
وقلت لهم ليه تعتقد في طلاب مهملين .. ومو عاجبهم الوضع ..

تعرف ايش رد علي .. شخص مسؤول هناك ..
وهذا مسؤول وقريب من الطلبه ..

يقول لي يا اخت تحداني الزمن :)
حلوه اخت تحداني الزمن احم احم ..

كيف ما تبين شخص يستهتر وهو عنده 80 % في الثانويه
وما نجح في امتحان القبول عندنا للجامعه ..

ويشوف معاه شخص عنده 50 % في الثانويه ..

رجعت قلت له طيب انت مسؤول ..
حاول تغير ..

حاول تدافع ..
حاول تقول لهم ان البعض تخصصه..
ادبي وامتحان الرياضيات الي عنكم صعب عليه ..

حاول تبتعث كل شخص .. تشوفه متفوق .في التدريب ..
معدله عالي في الدبلوم ..

يقول لي آآآآآآآآآآآآآآآآآه يا تحداني ...
تذكري ان فوق كل مسؤول مسؤول ..

قلت له اذا مع السلامه ..

ولك في هذا المقام ان تعمل احصائيه .. وترى نسيه الاصوات ..
صحيح تلك الاصوات لا تمثل على الاقل 40 او 50 % من سكان قطر ..
لكنها على الاقل ستمثل 7 الاف مشارك او مشاهد
و 72 الف قارئ كما حصل في موضوع " ازمه في وزاره التعليم "

انا اتكفل بهذا الموضوع .. من الالف الى الياء ..
انا هنا ان كان صاحب الموضوع لا يريد اكمال باقي الحوار ..

انا وانت يا عليان .. راح نتكلم بصوت هؤلاء الطلاب ..
ننقل معاناتهم ..
نترجم رغباتهم ..

خلينه نشوف الارقام ونسب التصويت ..

سترى العجب العجاب ..

لم اكن اقصد شئ من مداخلتي والله ..
انما نقل وجه نظري ..
وسماع وجه نظرك ..

قطر للبترول خدماتها جليله ..
فضلها كبير على الكثير ..

ما قصرت تكفلت بالجميع ..
ومدت يدها للجميع ..

فلتكن عادله ومنصفه للنهايه ..

الله يسعدك وينور طريقك يارب ..
جملك الله برضى الرحمن

_بوشهاب_

14-10-2009, 05:09 PM

اليوم كان الكلام في الترينق سنتر بتفنيش كلاس كامل تابع للبترول وبقولكم السبب

شباب قعدوا 6 شهور في لفل 2 مده طويله لكن بنقول مب مشكله ان ماكان لهم في الانجليزي وفجأه يندكجون بالانجليزي وبعده الله يسلمكم تموا سنتين ونص ركزوا على المده وهم في لفل 3 ولا طلعوا منها حشى انا جبت التوفل بشهرين

يعني بالعقل فــ 3سنوات تقدر تاخذ دبلوم عالي من النوث اطلنتك وهم وهذول الطلبه بعدهم في لفل 3

وفي النهايه نقول الي يبي يتعلم بيتعلم حتى بدون مدرس والي مايبي يتعلم والله مابيتعلم لانه رافض المبدا

وانا انصدم ان في كثير من الشباب يرسب في امتحان قبول البترول والله ياجماعه ان امتحان دوائر بس اختيارات يمكن للمرحله الاعداديه وبسيط جدا وبعد في ناس يرسبون فيه

الله المستعان

خبير أقتصادي

14-10-2009, 09:19 PM

كح كح احم (يعني واحد معارض احم)

خلنا نبتدي من الموضوع...ونربطه بردود الاخت تحداني...بما ان لها النصيب الاكبر في الردود...

نتكلم بشكل عام...(الاغلبيه)
عن الشباب...اللي في البترول ووبعدها المصانع تحت التدريب...

اممممم الشباب لعبتهم شي اسمه الترييييح...سوالف وضحك...ولعب اورقه في الصف...ولجا المدرس استلام وطنازه عليه...وماخذين التاهيل لعب عيال..وعبط...واهم شي عندهم الراتب....والغياب محد له(يعني يا عمييي باغيب واذا بيخصمون خلهم يخصمون..)

يسقط في المواد التأهيليه..وللعلم اغلبها ماخذها في الثانويه..ومافي اسهل منها...لكن الاستهتار والغياب وعدم المذاكرة هو السبب في ذلك...
هنا لحد يلوم المدرسين على اساس بتاخذ مكانهم لانهم يدرسونك عشان تفهم...فا محد مايبغي يطورك عشام ماتاخذ مكانه..

نجي للمصنع...تخيلو عقب فترة التاهيل اللي قضاها باللعبه والاستهتار والغياب(حتى ماجاب ماهو مطلوب منه كا حد ادنى)..يطرشونه المصنع يقولون يالله ان شاء الله يتعلم هناك...
تخيلو واحد ماتعلم شي من التأهيل وهو من اساسه مستهتر ومطنش...يجي للمصنع...فاج حلجه...مايدري عن شي...طبعا يفاجأ بانه المصنع مب مثل التدريب دلع وغياب بخصم..
لا لا هنا مصنع يا تدوام عدل ولا بره...فا هنا الصدمه...ويصيده احباط...ولما يبغونه يتعلم يكون متحطم...
وهم بعد فيها استهتار وعدم التزام...
وناشرين اشاعه ان الاجانب مايبغون يعلموني عشان ما اخذ مكانهم...اقول لهم ...يا حبيبي...انت وين وهم وين...انت مريح حدك..وهم يشتغلون بجد...انت ماعندك الا ثانويه...وهم شهادة بكالريوس او ماجستير...طيب الحين ممكن تقول لي كيف بيخافون على مكانهم منك؟؟ (العقل العقل وماعليكم من السوالف)

هذا بخصوص اللي يتشكى من اللي حاصل له في البترول...

لكن انا اجزم ومتأكد ان الشغالين بالتدريب سوو اللي عليهم وزود من ناحية تطوير هالشباب...ويكدون كد عشان يتعلمون...ويمشونهم في اشيا واجد ويعفونهم...لكن ربعنا مايبغون الا الراحة...والمعاش...والعقار(الغيبه)...

نجي للاخت تحداني وعن الشباب لا تروحون هالشركات....امممم اخالفج في هذي..

اذا الدولة موفرة لي دراسة بمعاش ووظيفة مرموقة...ليه ارفضها؟

بتقولين دبلوم...اقول لج خله يشد حيله وراح يطرشونه بره وياخذ بكالريوس...اهم شي الجديه منه هو...مب يا مؤسسه تعالي طرشيني لاني ابغي اروح استانس بره...
(للعلم....في الكثير من الشباب اللي طرشتهم المؤسسه هنا استراليا خريجين المدرسة العلميه...وشهاداتهم فوق ال 85%..اسقطوا وما افلحوا..ومع ذلك البترول ماتخلت عنهم وودتهم جامعه قطر...ليه ما افلحوا؟.. لانهم اخذوا الدراسه لعبه...تخيلي هذول طلاب العلميه وكذا...فما بالج باللي مب في باله الدراسه)

فا خله يروح الشركات والمؤسسات اللي بتطوره مهنيا وعلميا وبراتب يكفيه لحد مايوصل للعلم اللي يستاهل فيه يكون معاشه دبل معاشه الحين...مب على قولتج قاصين عليهم...

وعلى فكرة...وللجميع...البترول...اذا لك حق بتاخذه مهما كان وعمرها ما اظلمت من ناحية المعاشات...ابرك من غيرها بكثييييير

والاهم....اكثر شبابنا طموحهم بسيط...ومايهمه وش يصير بكره...اهم شي عندي المعاش...والسيارة...واحم احم...ومايفكر في شي..
واذا فكر بشي ثاني يكون لما يشوف غيره متطور وواصل مستوى اعلى منه..هنا يجي ويقول ليه وليه...ويبتدي يطور نفسه...او ينقدون على البترول...

وعن اللي يقول لا تذل عمرك ولا تنزل عمرك لهم لانهم...(جاليات اخرى)
اقول له دام اني ما اغلط على حد او على نفسي...ليه الكبر؟ وليه ما اتعلم؟
خلني اسوي كل الطرق الصحيحه عشان اتعلم لان هو مايهمه انت تعلمت ولا لا...الاهميه تكون عندك انت...انت اللي لك الحاجه..فا روح وخله يعلمك..وش فيها كان من جنسيات ثانيه...هو احسن منك اليوم بمستواه وبجهده وعلمه ..وبكره انت بتصير احسن بجهدك وعلمك واصرارك...

وبالنسبه عن اللي يعاملونهم معامله ظلم او تحرش عشان يطفشونهم....
(نصيحة خبرة مني )اقروا القوانين واللوائح...واعرفوا اللي لكم واللي عليكم...
ومن تشوفون شي مخالف ارجعوا للقوانين..اصلحوا الامر..ان مانفع وصلوها للي فوقه بذكر القانون..
اعرفوا انتوا وش تسوين وايش لكم وايش عليكم...وخلكم اذكيا...واستغلو القوانين لكم مب تخلونها عليكم..

وبس

فا اتركوا عنكم شغل الترييح والاستهتار واللعبه...وخططوا انتوا وش تبغون...وايش تبغون تصيرون...

السموحة على الاطاله...لكن كلام لازم ينقال...لعل وعسى..وهذا هو الواقع..

لحد يتحامل علي ويقول انت تألف وانت وانت...تراني واحد منكم وفيكم...كلنا عيال قريه وكلن يعرف خيه

لاهنتوا جميعا

ما يقول الكلام هذا إلا شخص واسطتة قوية بالبترول :nice:

الشاب القطري يكافح جدا و يتمنى فقط مساواتة مع الأجانب من ترفيعات و دورات تدريبية و أن يتم تشكيل لجنة بكل شركة لحمايتة و الدفاع عن حقوقة المسلوبة من الأجانب و القطريين بالإدارات

بإختصار القطري من صغار الموظفين بالبترول و الغاز قسمأ بالله العظيم مظطهد بحقوقة و الترفيعات و الشركة تعلم جيدا بأن القطري لا سند لدية وتأخذ راحتها بالتلاعب بحقوقة في الترفيعات و التطوير و خلافة ولاحول ولاقوة إلا بالله

وإذا شفتم قطريين مستهترين بالعمل فهذا بسبب نجاح سياسة التطفيش

قطري كشخة

15-10-2009, 05:12 AM

اسواء مكان ينظلم فيه القطري قطر للبترول وربي ظلم المدراء القطرين مايعطون القطري ويه ولايطورنه ويدفونه اما الاجنبي يوديه وياه فوق كل خايف حد ياخذ مكانه بس ماقول غيرحسبي الله ونعم الوكيل فيهم .

قطري !

15-10-2009, 09:00 AM

شرايكم يعني , نستسلم ونسلمها للهنود

لا لا لا

من عمل باخلاص واجتهاد وصل الى هدفه المطلوب , لاكن تبي صبر

ورجا رجا عن تحطيم الشباب وتكريههم في قطر للبترول

الواسطه في كل مكان وفي كل دول العالم ....
المحسوبيات ايضا في كل مكان ......

وللعلم قطر للبترول قد يفشل فيها اللي نسبته 90 % وينجح اللي نسبته 50 % , وذلك تعتمد على رغبة الشخص واجتهاده واخلاصه في عمله

انا ولله الحمد بديت من الثانويه .. وعانيت , وقابلت مشاكل , لاكنها تزيدني اصرارا على تكملة مشواري ... والان في افضل وظيفه وراتب في البترول والهنود اللي كان يضايقونني استفدت منهم وعرفت كيف اخليهم يدربون المتدرب الجديد ولله الحمد

يجب ان نتكاتف نحن والمسؤلين على الرقي بالانسان القطري , ويجب ان لا نترك خير بلادنا يلعب فيها من لا يقدرها ... هل تريدوننا ان نترك البترول للاجانب ونستسلم ..!!!!!!!؟؟؟

أين الوطنيه لمن ينادي بترك قطر للبترول .. ..!!!!!!!!!!!!!!!!!!!!!!!

عـلاء

15-10-2009, 03:55 PM

شرايكم يعني , نستسلم ونسلمها للهنود

لا لا لا

من عمل باخلاص واجتهاد وصل الى هدفه المطلوب , لاكن تبي صبر

ورجا رجا عن تحطيم الشباب وتكريههم في قطر للبترول

الواسطه في كل مكان وفي كل دول العالم ....
المحسوبيات ايضا في كل مكان ......

وللعلم قطر للبترول قد يفشل فيها اللي نسبته 90 % وينجح اللي نسبته 50 % , وذلك تعتمد على رغبة الشخص واجتهاده واخلاصه في عمله

انا ولله الحمد بديت من الثانويه .. وعانيت , وقابلت مشاكل , لاكنها تزيدني اصرارا على تكملة مشواري ... والان في افضل وظيفه وراتب في البترول والهنود اللي كان يضايقونني استفدت منهم وعرفت كيف اخليهم يدربون المتدرب الجديد ولله الحمد

يجب ان نتكاتف نحن والمسؤلين على الرقي بالانسان القطري , ويجب ان لا نترك خير بلادنا يلعب فيها من لا يقدرها ... هل تريدوننا ان نترك البترول للاجانب ونستسلم ..!!!!!!!؟؟؟

أين الوطنيه لمن ينادي بترك قطر للبترول .. ..!!!!!!!!!!!!!!!!!!!!!!!

كلام جميل الكل لازم يستفيد بدل الكلام الفارغ

ريم المدينة

15-10-2009, 05:07 PM

^^^^^^
اشلون؟؟

_بوشهاب_

16-10-2009, 01:49 AM

مافي الا كهرماء مده التدريب سنه و4شهور وتتخرج فني معتمد في قطر

لكن في سالفه الرواتب خلت الناس تترد انها تنتسب لكهرماء وشردت ناس وااااااايد

sad-o-bas

29-10-2009, 01:06 AM

أخوي

البترول عالم عجيب و غريب وجميل في نفس الوقت

انا سوف اتكلم عن الفنيين فقط وليس الادراه

أجمل ما في البترول انك تعتمد على نفسك وتقابل عصابات تحاول ان تبعدك عن مجال عملك لانهم في نظرهم ( الاسيويين) انك سوف تاخذ مكانهم وهنا يقومون يدافعون بشتا الطرق عن مصالحهم , و اخوانك المسؤليين القطريين يعلمون بذالك.

أنا و اعوذ من كلمة انا وغيري من الشباب القطري عملنا في البترول كامتدربين ( بعد الثانويه مباشره) وتدربنا وتم ارسالنا الى العالم الغريب العجيب(المصانع) وقاموا الاسيويين يضايقوننا وسوف اذكر لكم موقف صار لنا في المصنع من مسؤلنا الهندي :

تعرفون ان هناك مواد كيميائيه منها ما يتم خلطه اليا ومنها ما يتم خلطه يدويا , ومن اول يوم عمل قام يقول لنا يالله هذا الدرام مليان مواد كيميائيه ابيكم توصلونه للموقع (100 متر ) وقعدت انا ورفيجي ندفع الدرام اللي لو كرين يصعب عليها شيله , ولما وصلنا فتحناه وفيه مواد خطيره ولبسنا القفزات وقعدنا نخلط لهم ونشتغل لهم , وهم قصدهم تطفيشنا من العمل وعدم ترغيبنا في الشغل بالمصانع وليس هدفهم تدريبنا وتطويرنا ,,, وغيرها من المواقف اللي يشيب الراس لها

لاكن ولله الحمد لم نستسلم لهم تعلمنا غصبا عنهم وتدربنا وتم ترقيتنا الى مشغل مصنع ومن ثم تم ارسالنا الى التدريب مره اخرى وعمل لنا امتحان ونجحنا حتى تدرجنا وكملنا البكالاريوس في الهندسه ومن افضل الجامعات

كل مافي الامر انك تكون حريص ومواظب ومخلص , والاهم انك تعلم ان هؤلأ الاسيويين يدافعون عن نفسهم للبقى في المصانع , هنا يجب عليك ان لا تستسلم لهم وسايرهم لانك في حاجتهم فهم اللذي سوف يدربونك ويعلمونك ....

انا لا اعلم هل البترول تغيرت سياستهم في التدريب والتطوير ام على ماهي عليه من قبل من ابتعاث طلاب وتدريبهم

نصيحتي لكم عدم الاستسلام وعدم الاستعجال , هناك وظائف شاغره كثيره في البترول وخاصه للمهندسين

أسال الله لك ولاخوانك التوفيق

والله إنك جبتها ووفرت علي كلام كثيـــــــر.. الله يجزاك خير ويعطيك على قد نيتك..

المقهوره

29-10-2009, 10:52 AM

السلام عليكم

شنهو تخصصك؟؟؟

اذا ياخذون كهرماء روح لهم

لان الكل يمدحهم

كهرماء من يمدحها عقب الي صار فيها اهئ اهئ

الكل يا يستقيل منها حاليا ولا ماكل حصى وساكت ماعاد فيها مزايا نفس اول خلاص بس فيها الظلم والغثى

إلا اذا تغير الوضع شي ثاني بس حاليا كهرماء متخبطه

المقهوره

29-10-2009, 10:55 AM

السلام عليكم ورحمة الله وبركاته

من هو السؤول لما المتدرب القطري يقعد 5 سنين في برنامج لا يستفيد منه لا من
معلومات ولا شهاده ومضيعه للوقت وفوق كل هذا على نفس الدرجه
ولما المتدرب بعد البرنامج يبدأ يتعلم المصنع يبدئوا الموظفين الاجانب في الحرب
النفسيه يعني تطنز على المتدرب انه غبي وما يفتهم في شي حتى مسؤولهم
شغال وياهم بهالحرب وهدفهم تطنيش الموظف القطري من المصنع ............
والمشكله الرئيسيه المسؤولين القطريين في المصنع يعرفون عن هذه
المشكله ولا يقومون بأي شي ........ والله لما ادخل المصنع احس اني اجنبي.

الدوام شفتات بالعصر وبالليل واحيانا دوام بالجمعه قلنا مايخالف مستقبلنا باهر في البترول
التخصص علمي اللغه الانجليزيه ممتاز خدمه في المصنع 6 سنيين ونسبة القطريين
في القسم 5% وين البعثات للخارج ما هو الذنب لما الواحد ما عنده واسطه
انا لا اتحدث عن نفسي ولكن الكثير من الموظفيين في البترول يعانون من هذه المشكله
التدريب في المصانع سيئ جدا اول يوم في المصنع يقطونك في القسم ويقولن لك
يالله ادرس المصنع والله كنهم قاطين الواحد في غابه
(في السعوديه موظفين التشغيل في المصنع نسبتهم تصل 97 % بينما هنا ماتتعدا 10%)
............... من المسؤول

واسمحولي على الاطاله

نصيحتي لك اصبر واقهر الاجانب
ترى الهنودي ولاالاجنبي السياسه الي متبعها انه يثقل شغل على القطري على شان يطفشه ويقولون القطريين مايحبون الشغل

انت اصر انك تكمل في البترول وانشاء الله بجيك الفرج قريب

لان اخوي كان يبي يقدم استقالته بسبب طول فتره التدريب والهندي المسؤول عليه
وعقب الله ف رجها عليه والحين طلع دراسه برى 3 سنوات ورجع سنير وصار هالهندي مثله مثل غيره ماله كلام عليه إلا بكل احترام

بس هذه لعبه مثل ماقلت لك سياسه وضيعه من قبل الاجنبي على شان ماتاخذ مكانه مستقبلا