المساعد الشخصي الرقمي

مشاهدة النسخة كاملة : شرايكم في هالحضانة ؟


شموخ-qtr
11-10-2009, 12:27 PM
السلام عليكم

أبغي أدخل بنتي حضانة أسمها ضي النور وهي عمرها سنتين و5 شهور

شرايكم في هالحضانة ؟؟

وسعرها بالشهر 1600 ريال ... زين السعر ولا غالية ؟؟

واذا تعرفون حضانة زينه قريب من هالمناطق ( العزيزيه-الوعب-السد-النصر) يعني قريب من عين خالد عطوني خبر

وبدعي لكم بظهر الغيب

وجزاكم الله الف خير
الدمعه
11-10-2009, 03:34 PM
اممممممم مااعرف في هالمناطق بس عندج المعموره ( روضة السلام )وفي حضانه ثانيه بس

نسيت اسمها .. صوب مدرسة الاستقلال ...ووفي فالهلال (حضانه المرح)

ان شاء الله اكون فدتج بشي..والخير في الباقي..
آوكسجين
11-10-2009, 03:39 PM
ماعندي خبره

للرفع
علووي
11-10-2009, 03:50 PM
والله حتى انا ماعندي خبره ف الحضانات ..

لو تبين روضه .. عندي خبره :p
plum
11-10-2009, 04:29 PM
على مااظن في حضانه في بوابه عين خالد اسألي عنها..*
شموخ-qtr
11-10-2009, 11:44 PM
مشكورين عالردود
شموخ-qtr
11-10-2009, 11:46 PM
للرفع
law girl
11-10-2009, 11:48 PM
منتسوري مافيهآ حضآنة .؟
أم هشام
12-10-2009, 01:51 AM
والله اختي غالية جدا
يعنى انا اعرف اغلى واقى حضانه والاغلب اسعارهم ما تزيد عن 1000 بالشهر وبعد غالي
دموع الخاطر
12-10-2009, 02:11 AM
اذا كانت انجليزيه اختي السعر معقول لانه في روضات تاخذ 2000 ريال بالشهر
وعمر بنتك روضه مب حضانه
وفي حضانه ستار فش الكل يشكر فيها

بالتوفيق
نور الحور
12-10-2009, 05:22 AM
أختي أنا صرت خبرة بالحضانات ..
بس بنصحج في البداية ما دخلينها حضانة اللحين ..عشان الوباء الله يكافينا شره وتوها صغيرة على العدوى بعيد الشر عنها الله يخليها ويحفظها لج ..
أنا العام الماضي دخلت ولدي كان عمره سنتين وشهرين حضانة رووووعة اسمها كرييتف جايلد (الطفل المبدع) بس هي في مجمع الريفيرا بخط الجامعة
إذا بغيتي حضانات صوب المعمورة فأنا أوصيج بتوتس كورنر (زاوية الطفل) .. وبـ (لايف تايم) ورا محطة صقر الخليج في الهلال اللي حاصلة على شهادة الايزو ..
بس مثل هالحضانات ما تلقين عادة فيها مكان اللحين لأنها فل التسجيل فيها بدى من قبل الصيف ..
أعرف بعد إذا حبيتي حضانات جيدة بس اللي ذكرتهم لج أحسن شي ..
وفي حضانات توفر لج مراقبة طفلج بكاميرا وب من أي مكان ..
بالنسبة للسعر عادي لأنها حضانات أجنبية ودايما أسعارهم فوووووق ..
أي استفسار أنا بالخدمة ..
زهرة بنفسجية
12-10-2009, 07:14 AM
والله حتى انا ماعندي خبره ف الحضانات ..

لو تبين روضه .. عندي خبره :p

لو سمحت اخوي أنا ابي اعرف عن الروضة ؟؟
صراحة أنا مسجلة بنتي بروضة النور للغات و للحين ما داومت
و ما أدري ...
لكن أنا حسيت انها زينة
هل حد مجرب فيها



الله يوفقك أختي صاحبة الموضوع
و ان شاء الله الاعضاء ما يقصروون
Navigator 85
12-10-2009, 08:12 AM
في حضانه صوب

جمعية المنتزة للي في بوهامور

الجهة المقابلة من النادي العلمي

الاسم اظن اكاديميه الدوحة بس هي للاطفال
شموخ-qtr
12-10-2009, 10:57 PM
مشكورين وايد عالردود

وبخصوص ان حرام ادخل بنتي وهي صغيره ... شسوي احسن من قعدتها بالبيت بروحها ومتملله حدها محد عندها عالاقل في الروضه تتعلم اشيا وتستانس شوي

اللي يعرف عن الحضانه اللي ببوابة عين خالد .. يقولي عنها

هذي اقرب حضانه من بيتنا ... والكل يشكر عليها يقولون لي وايد زينه

واللي عنده بعد معلومات عن الحضانه والنصايح يفيدنا
روعه
12-10-2009, 11:47 PM
انا مدخله عيالي في روضة ستار فيش صج غالية بس ماشاء الله تعليمهم ممتازين ويهتمون بالطفل

عند دحل الحمام مقابلته ممتازه والله

في الكورس 5 ايام تقريبا 6450 ريال هذا اللي ادفعه حق ولدي بس بصراحه لا يعلى عليها ويتم الطفل فيها لين 4 سنين

انا كنت مدخله عيالي وهم اعمارهم سنه ونص والحين بنتي تخرجت منها ودخلتها روضه ومدرسة انجليش مودرن سكول

اما الولد الحين عمره 3 سنين للحين فيها
شموخ-qtr
14-10-2009, 09:32 PM
للرفع
ام رويشد
14-10-2009, 10:06 PM
في حضانه صوب

جمعية المنتزة للي في بوهامور

الجهة المقابلة من النادي العلمي

الاسم اظن اكاديميه الدوحة بس هي للاطفال

اكاديمية الدوحة .هل هي حضانة ومن اي عمر ياخذون ؟؟؟؟
أم أحلى بنت
17-10-2009, 06:27 PM
والله في حضانه وهي روضه قالت لي عنها رفيجتي ودخلت بنتي فيها تقريبا سنه لين صار عمرها اربع سنوات ودخلتها البيان لكن الروضه اسست بنتي تأسيس انجليزي وعربي روووووووووووعه والله صارت بنتي تتكلم انجليزي احسن مني...
اسمها ((الدر تري)) روضة طفل البيلسان.....لها فرع في المرخية وفرع في العزيزية وفي في عين خالد بعد لها فرع....والله قمممممممممممه فالاهتمام والتعاون صراحه من اروع الروض...ياخذون في الثلاث شهور 6000 لكن والله روووووووووووووعه لا يعلى عليها حتى هم علموا بنتي على استخدام الله يكرمكم الحمام...وخلوا بنتي شلون تتحمل مسؤولية نفسها......
أم أحلى بنت
01-11-2009, 07:02 PM
أختي شموخ ابعثيلي ايميلج علشان اعطيج التفاصيل لاني ماقدر ابعث لج رساله خاصه
classic2004
02-11-2009, 03:19 PM
بالنسبة للي يقولون لج وباء وما وباء صراحة الله الحافظ ان الكل قالي لا تدخلينها والحمد لله من دخلتها مافيها الا العافية
بالعكس انتظم جدولها واكلها ورقادها كل شي مرتب ماشاء الله
بالنسبة لاي روضة ماعليج من المدح انتي روحي وطبي عليهم فجاه وشوفي شيسون واذا حسيتي ان في شي غلط اتبعي احساسج
ياماروض مدحوها لي الناس يوم اروح اشوفها الا هي عادية لان كل واحد له مقايسية وانا مقاييسي غير
انا درت على اغلبية الروض لين ما استقريت على اللي ارتحت له :)
al-jazi
03-11-2009, 09:07 AM
حضانة اسمها البيلسان صوب مجمع المول
PARIS
03-11-2009, 01:56 PM
والله في حضانه وهي روضه قالت لي عنها رفيجتي ودخلت بنتي فيها تقريبا سنه لين صار عمرها اربع سنوات ودخلتها البيان لكن الروضه اسست بنتي تأسيس انجليزي وعربي روووووووووووعه والله صارت بنتي تتكلم انجليزي احسن مني...
اسمها ((الدر تري)) روضة طفل البيلسان.....لها فرع في المرخية وفرع في العزيزية وفي في عين خالد بعد لها فرع....والله قمممممممممممه فالاهتمام والتعاون صراحه من اروع الروض...ياخذون في الثلاث شهور 6000 لكن والله روووووووووووووعه لا يعلى عليها حتى هم علموا بنتي على استخدام الله يكرمكم الحمام...وخلوا بنتي شلون تتحمل مسؤولية نفسها......

اختي حضانة البيلسان في المرخية وين بالضبط...وجزاج الله خير
ام رويشد
05-12-2009, 10:33 PM
حضانة اسمها البيلسان صوب مجمع المول


وين بالضبط من المول

ارجوكم ابي تفاعلكم وخبرتكم في الحضانات ابي ادخل ولدي هالايام

واللي سمع عن حضانة المرح يفيدني
بوراشد 66
05-12-2009, 11:21 PM
اختي في حضانة + روضة + ابتدائي + اعدادي + ثانوي (( اكادمية الدوحة ))

بس الحضانة والروضة منفصلين عن الباقي بمبنى ثاني في المعمورة

الكورس 3600 ريال - 3 كورسات - انجليزي وعربي

وياخذون من 3 سنوات .. انا توني مدخل ولدي .. بس بيدش الكورس الثاني بداية شهر 1

ومافيها زحمة ومستواهم زين ..

واي معلومات انا حاضر
دكتورة روح
06-12-2009, 04:59 AM
نبي معلومات اكثر عن حضانة البيلسان ؟
نورالعيون
06-12-2009, 10:30 AM
حبيبتي هاي الحضانة روعة وانا مدخلة ابني فيها
وبالنسبة لاسعارهم حلوة مش غالية لانهم بيعلمو الاطفال انجليزي وفرنسي وفي خدمات طبية واهتمام كبير بالطفل
هند88
06-12-2009, 10:52 AM
اختي شموخ qtr دامج في في هالمنطقة بنصحج في حظانه واااايد زينه الا ممتازة وعن تجربة ثلاث سنوات
اسم الحظانه cesk في الوعب مقابل دوحة كولج ياخذون الاطفال من عمر السنتين لين خمس سنوات يعني تمهيدي انا دخلت بنتي فيها الحظانه وبعدين الروضة والحين هي في تمهيدي ... الصراحه قلبي معورني لاني بطلع بنتي منها...سعرهم من سن اقل من 3 سنوات 4500 للكورس وهي فيها 3 كوراسات.. بنتي تتكلم انجليزي احسن مني فيها عربي كل يوم ومرة في الاسبوع قرأن... بطرشلج رقمهم وموقعهم على الخاص و موفقه
nasreen
06-12-2009, 12:37 PM
رائعة الروضه
دكتورة روح
06-12-2009, 03:11 PM
ول مو جنه اسعارهم نار
شموخ-qtr
06-12-2009, 03:20 PM
هند

مشكوره حبيبتي .. وجزاج الله الف خير

وبالنسبه لروضه البيلسان اللي بعين خالد في مجمع بوابة عين خالد
اتصلت لهم وياخذون الاطفال اللي بو شهور وفي الكورس 6500 ريال ( احسه غالي )
OM_almayasa
26-12-2009, 06:53 PM
في مدرسه كدز ار اص عند دحل الحمام واجد زينه اانا بنتي فيها 00000 عمرها سنتين وست شهور مدخلتها
مناري
26-12-2009, 07:02 PM
ماعندي فكرة
قطري رحال
19-02-2010, 12:39 AM
:weeping:
قطري رحال
19-02-2010, 12:42 AM
السلام عليكم ورحمة الله وبركاته
أخواني طالبكم طلبه وانشاء الله ماتردوني
صارلي 3 اشهر وانا ادور حضانه وروضه مع بعض فمنطقة النصر او السد او المناطق القريبه منهم مع الباص ومب محصل واذا لقيت تكون اسعارهم مبالغ فيها
ابي روضه وحضانه اسعارهم مناسبه وسمعتها زينه لانه بنتي ولدي اغلى شي عندي
الرجاء المساعده والرد السريع لاني ابي اسجلهم قبل لتفتح المدارس ومشكورين