قصة فهد في القاهرة ... تأليف وابيات شاعر اللحظات (( جديد )) [الأرشيف]

مشاهدة النسخة كاملة : قصة فهد في القاهرة ... تأليف وابيات شاعر اللحظات (( جديد ))

شاعر اللحظات

11-10-2009, 01:52 PM

البلد : القـــــاهرة
الوقت : الساعة العاشرة مساء
المكان : حديقة فندق الهيلتون

كان الجو رائع بكل ماتعني الكلمه من معنى ....نسيم عليل ... يرد الروح ...وانغام موسيقية متنوعة ... وطاولات متناثرة وغير منظمه ...اكتساها الوشاح الاحمر ...

الزباين اشكال واللوان .....

فيهم اللي مسوي نفسه جنتل وعامل لروحه برستيج ... وهو لاجنتل ولا برستيج لو رجعنا معاه لديرته حصلنا سيارتة عراوي ووظيفتة حكومية و يالله يالله يسد سلفياته ...

وهناك في الطرف الثاني نشوف اربع اشخاص .. طالبين صحن فواكة وقلاص شاهي ... والقلاص كل شوي في يد واحد وصحن الفواكه قبل لايحطونه على الطاوله الا وهو مخلص .

ونشوف في منتصف الحديقة واحد مسوي نفسه كاشخ .. الملابس ماركه والبطلون ماركة والنظارة ماركه ... طبعا بتقولون شلون عرفت ... اكيد باعرف لان علامه الماركه اكبر من القميص ومن حجم النظارة ... وفي الاخير يطلعون كلهم من ديرة سانج يونج ... واللي قاهرني تليفونه نوكيا ومركب له كفر بلاك بيري شلوووون مدري ....

وهناك بالزاويه عند ستاند السماعات واحد جالس مع صاحبه ...والاخ مستطرب حددده وعايش جو .... شكله ماهوب مصدق انه مسافر ...لدرجه ان الفنان غنى اغنيه حزينه جدا وبدون موسيقى .... والاخ مازال يرقص على نفس السستم

وكان بطل قصتنا فهد او مثل ماهو مسمي نفسه في البلوتوث ( شاعر عيونك ) جالس بروحه على طاوله مستيديرة عليها وردتين بلاستيك وبقايا شمعه ذايبه وكأنها تشكي حالها ... وكان فهد مملوح .. وتحس من ملامح وجهه بأنه انسان مرح ومبتسم ... وفهد كان رايح للقاهرة علشان عنده دوره عمل على حساب الشغل مدتها سبوعين ... وكان فهد ماسك الجوال وفاتح الملاحظات ويحاول يكمل على قصيدة يتيمه ...وكانت الابيات كالاتي :

أهل الهوى يشــــكون ضيم الجــروحي
ياليتني أحمـــل عنـــــــاهم والاحـــزان
وتكون لــــذات الهوى بـــــــــروحـــي
ماذاقـــــها قبلي ولا بـــــــعدي انســـان

وكل ماحاول انه يكمل على الابيات يرجع يمسح من جديد وفي الاخير اقتنع وقال شكلهم كذا احلى وهو يقلب في الملاحظات ويقراء في الابيات ....حس ان الحديقه صار فيها شي غريب

الناس كلهم التفتوا في وقت واحد على مدخل الحديقة حتى اللي معطي ظهرة للمدخل افتر 180 درجة علشان يشوف اللي يشوفونه الاخوة الاعزاء ..

وطبعا بكل ثقل وجنتله ... اخونا بطل القصه رفع عينه ولفها شوي يمين على مدخل الحديقه يبي يعرف شسالفه
الا ثلاث بنات كل وحده من حلاوتها كأن لسان كشختها يقول : شوفوني انا ......

وكان فيه واحد على المدخل ضعيف وشين وسنونه ناطه قدام ولابس له كاب وقميص مسحوب منه كم خيط بس شكله دمة خفيف لدرجه يوم دخلوا البنات قام يغني بصوت عالي : تلفت النااااااس لامريت ...... تكسر رقاااااب خلق الله .....

وهو بلعب براسه ويهز كتوفه ..... وفي الاخير وقف وهو يقول شكرا شكرا ....ويأشر للحضور وهو يقول جلوس جلوس ....

وصراحه الثلاث بنات مالهم حل .... من لبسهم باين عليهم خليجين ...وكان فيهم وحده لابسه لثام ......عليها عيون كأنها مرسومه بقلم .... ورموشها تهادى وباين فيها الكسل والخمول ... المهم البنات جلسوا على طاوله بروحهم في موقع قريب من طاوله فهد .....واول ماجلسوا البنات .... الا الشباب هاجمين بكل الوسائل الهجومية اللي يحاول يصيد نك البلوتوث ... واللي ماسك جواله وحاطه على طرف الطاوله ويأشر فيه يمين / يسار .. واللي مسهب بعيونه ويسوي فيهم حركات اغراء ...والبنات معطين اشكل للشباب ....( اشكل يعني مطنشين ) شوووي .....
الا ام الفريخات ( ام البنات هههه ) واصله الحديقه وجالسه مع بناتها ... مدري ليش يسحبون هالعجوز معاهم من مكان الي مكان ... والله حتى شكلها يكسر الخاطر تذكرني في أم عليوي .... هاذي المفروض هالحزه انها فارشه فراشها في حوش البيت وراقده بدري علشان تصحي عيالها لصلاه الفجر .... لكن ماقول الا حسبي الله ونعم الوكيل .... الدنيا تغيرت والعالم تغيروا .....والنفوس مدري ويش صار لها .... الله يستر من الجاي

المهم اخونا فهد مسوي فيها ثقيل وكل خمس دقايق يرتشف له رشفه من فنجان القهوه اللي صار لها ساعه وربع على الطاوله ... ولا حتى رفع عينه في البنات ومسوي نفسه ولا همه .... وكان ماسك جواله يطالع المسجات .... شووووي وبدون سابق انذار .... الا بلوتوث واصله من (( الاصيلة )) قعد ثلاث او اربع ثواني ماستقبل خبركم حركات الثقل ..... وبعدها ضغط زر الاستقبال الاخضر وحاش معاها كم زر مالهم خص ....من كبر اصبعه هههههه .....ويفتح المسج اللي وصله عن طريق البلوتوث الا مكتوب فيه ( انت شاعر )

وفتح ملاحظة جديده وكتب ( انا شاعر الناس اللي يستاهلون شاعريتي )

ردت عليه وكتبت : طيب اكتب فيني قصيده ابي اشوف مدى شاعريتك ياثقيل صار لي عشر دقايق ادور نكك

رد عليها : طيب عطيني اسمك اعطيك قصيده

رد عليه : اول شي انا اللي لابسه لثام ... ثاني شي اسمي هيفاء ... ورجاء مابي شي مقيول من قبل ابي من احاسيسك ...

وفعلا فهد كان شاعر وشعره عذب .... بس كان يفكر في طريقه يثبت لها ان الشعر شعره والاحاسيس احاسيه
المهم فتح ملاحظه جديده وكتب لها هالابيات الروعه باللغه العربيه الفصحى ... وبعدين كمل عليها بالعامي

وقال :

هيــــــفاء ميساء يداعبها الهوى
يقبل وجنتيها الورد خجــــــولا
هيفاء اذا مرت علينا سكـــــتنا
وتكلم الاعجاب عرضـا وطولا

يعني بالعامي

هيفاء بحضورك معزه وتقدير
وغيابكم يقطع وريد التواصل
للروح جند وخاطري دونكم غير
لاتذبحين الوقت والوقت فاصل
الشعر دلو عجاب وصدورنا بير
والبعد واقع لكن القرب حاصل

وارسلها

وللقصه بقية

متفائله

11-10-2009, 09:16 PM

يعطيك العافيه خيالك خصب

غزلان

11-10-2009, 09:27 PM

كمل متابعه من قريب

سداوي&مدريدي

11-10-2009, 09:28 PM

شاعر اللحضات :shy:

وأخيرا طلت لنا مره ثانيه .. ياعسى دوم :nice:

ملاحظه .. اذا بتتأخر علينا في اضافه الأجزاء (( بتروح عليك )) :shy:

الحين بقرا القصه

:victory:

y.o.y.o

11-10-2009, 11:55 PM

احلى يا شاعر :victory:

متابع من بعيد :(

يعطيك العافية :nice:

شاعر اللحظات

12-10-2009, 08:16 AM

ماراح اتــــأخر كلها جزئين

طموحي عالي

12-10-2009, 08:23 AM

اناااااااااااا هون

الله يعطيك العافيه خيووووووووووو

بس الله يهديك لو انك اطول بالبارت شوي بس شوي

be.happy

12-10-2009, 09:14 AM

يسلمو.... على القصه .... ويعطيك العافيه .....

شاعر اللحظات

12-10-2009, 01:57 PM

تكملة

وتعجبت البنت لما وصلها المسج .... من فهد ومن روعه الابيات .....

وطرشت له : ماشالله عليك حساس .....

رد عليها : حاضرين تستاهلين اكثر

وصار بينهم مراسلات كثيرة .... وفي الاخير اخذت رقمه ... وعطته رنه وسكرت

واستانس فـــــــهد لانها طنشت للشباب كلهم ولا اختارت الا هو وحس بالثقه في نفسه

وقال ماراح اتصل له بس بطرش له مسجات

وفتح مسج جديد وكتب لها :

انا اشــــــهد انك ذوق ياقمه الذوق
الاسم هيفــــــــا وانتي هيفا مشاعر
تدرين من عينك صحا داعي الشوق
يالله خــــــطفتي الباب وانظار شاعر

وقام كل شوي يكتب له ابيات ويخليها في الملاحظات احتياط علشان يقدر يطرش لها من فتره لفترة

واستغرب ... ليش ماتطالع فيه ... لايكون من الثقل والسحى اللي فيها غريبـــــــة .....

وبعد نص ساعه تقريبا قامت ترتب اغراضها تبي تطلع ... وهي ترتب اغراضها وصله مسج مكتوب فيه : فديتك يالشاعر انا بطلع الحين

طرش لها مسج : في حفظ الله ورعايته بس وين ناوين تروحين

طرشت له مسج للحين مادري بس باقول لك

وطلعت ......

والاخ عايش جو الغرام والحب ..........

وبعد نص ساعه .... وصله مسج منها متكوب فيه : تقدر تجي فرايديز .....

من الوناسه كان بيكتب انا اصلا في فرايدز ههههه بس من الثقل والحركات كتب : خلاص انشالله ربع ساعه باكون هناك ....

ويطلق سااقية للريح ويطلع وياخذ اقرب تاكسي والي فرايدبز

ويعطي المصري بخشيش 200 جنية علشان يضبط المصري ويخلية يجلس في النص في احلى مكان

وفعلا اختار المصري هذاك المكان العجيب على مزاج فهد

ولما جلس فهد وريح شوي فتح المنيو واختار اللي طاحت عليه عينه علشان يترس الطاوله ولا يقولون عنه وجه فقر

وهو جالس يتلفت يمين يسار يدور عليها ....ماشافها .....

ويطرش لها مسج : انا في فرايديز

طرشت له مسج : انا كنت هناك ماحصلت مكان والحين بنركب السيارة نرجع

ابتسم وطرش لها مسج مكتوب فيه : افا والله عليج انا اضبط لج احلى مكان بس ارجعي

طرشت له مسج : خلاص اعمل الحجز بأسم هيفا ... وانا برسل واحد يشتغل عندنا يجلس على الطاولة لحد مانرجع ... انا رايحه مشوار وراجعه بعد نص ساعه

قال لها افا والله عليج

المهم طلب المسؤول وعطاه 200 جنيه علشان يضبط مكان
وقال له المصري : اسمحي لي والله مافيش اماكن

قام فهد وطلع 500 جنيه وعطاه المصري

قاله المصري : مافيش مافيش

وانقهر فهد وطلع 1000 جنيه قال الحين تضبط لي طاوله وخلال خمس دقايق

ومااااااصدق المصري

اخذ الفلوس وضبط هذاك المكان العدل حتى الطاوله جايبها من برا

وبعد خمس دقايق الا واحد جاي وكلم المسؤول ... واخذه المسؤول وحطه على طاوله هيفا

قام فهد وطلب الجرسون وقال له : هذا من ؟؟؟

قال الجرسون ... هذا يقول فيه حجز بأسم هيفا وهيفاء مطرشته

ابتسم فهد وقال صح صح ......

وقام فهد يعدل في قميصه ويرجع شعره وراء

الا والمفاجاءة ...... الا الفاجعه .... المصيبه

تعرفون الولد ابو ظروس اللي كان يغني (( تلفت الناس لامريت ))

دش المطعم وجلس على نفس الطاوله ....شوي الا ثنين بعد داشين وجالسين معاه
صاروا اربعه ..... من هذولا .... شسااااااااااااااااااااالفه

طلعت هيفاء ... هو الشخص ابو ظروس :eek5:
وهو اللي يطرش مسجات حق فهد .......

وقام فهد يتصدد والشباب يطالعون فيه ويتناغزون

وتعيشششششششششش وتاكل غيرها ..... ياترفولتا

لو اخوك الصغير طالب منك 100 ريال ماعطيته والحين تستاهل ماجااااااااااااك

وهاذي نهاية القصه (( والعبرة نخليها محور للنقاش ))

طموحي عالي

12-10-2009, 02:09 PM

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخ

عشان تعرفون يالشباب انكم مطيورين

y.o.y.o

12-10-2009, 06:56 PM

خخخخخخخخخخخخخخ

ابو ظروووس طلع مب هين خخخخخخ :rolleyes2:

لو انا مكان فهد جان صار كلام ثاني :court:crazy

وفعلا الشباب مطيورين حدهم :secret:

في انتظار جديدك :victory:

يعطيك العافية :nice:

الـقـنـاص

12-10-2009, 07:47 PM

اصابع يدك مب سوى

صح في شباب مطيورين

وفي العاقل و في الي ماله بسوالف البنات لو عساها ملكة جمال الكون

وفعلا صارت وايد انا اعرف اقلد اصوات البنات عاد مثل هالمواقف نسويها وايد حتى مسأيلنا في الشغل مسوي فيهم ون تو

بس مثل ماقلت لك اصابع يدك ماهي بسوى
لا تعمم ( تاجره مبتدأه وy.o.y.o) لا تعممو

وشكرا على القصه القصيره

وياليت لو تكتب قصه رومنسيه زي الي كتبتها زمان

انتظر جديدك

الوفـى طبعي

12-10-2009, 11:33 PM

خخخخخخخخخخخ والله هذي سوالفهم انا في القاهره واعرف سوالفهم المصخره

يعطيك العافيه يالشيخ

طموحي عالي

13-10-2009, 01:32 AM

القناص كلامك صح
اشفيك عصبت لووول

al.wafe

13-10-2009, 01:58 AM

هههههههههههههههههههههههههههههههههههههه

خرووووووووووووووووووووووووووف

امبعااااااااااااااااااااااااااااااااااااااااااااع

هند

13-10-2009, 09:00 AM

شاعر اللحظات ,,,حلوووة القصة والبداية اندمجت بس خسارة خلصت :(
كسر خاطري لانة مب هو اللى بدا يطرش البلوتوث
بو ظروووس وهو مسكين ماصدق

بن جلبان

13-10-2009, 09:37 AM

ابداع والله

هههههههههههههههههههههههههههههههههههه

يستاهل ما جـــاه َ (بوضروس سالفه ثانيــه ) خخخخخخخخخ

RasGas

13-10-2009, 09:51 AM

شر البلية مايضحك وانا اقول يستاهل الي صار علية هو لو مب اخوة امة اطلبت منه فلوس ماعطاها كثر ماعطى هالبنات

شاعر اللحظات

13-10-2009, 10:36 AM

اشكركم على المرور وعلى المتابعه .... وعلى فكره مجهز لكم قصه ولا قصه مهند ونور خخخخخ

بس ترقبوا الجديد والله الله في الردود الطيبه وعن جد اشكركم من كل قلبي

شمعة الدوحه

13-10-2009, 08:04 PM

اشكركم على المرور وعلى المتابعه .... وعلى فكره مجهز لكم قصه ولا قصه مهند ونور خخخخخ

بس ترقبوا الجديد والله الله في الردود الطيبه وعن جد اشكركم من كل قلبي

ههههههههههههههههه زين يستاهل اللي صار فيه
ذكرتني بموقف صار لي
كنت بمحل ماخذه لي اغراض وانا جايه احاسب قالي واحد.. كم تبغين انا بحاسبهم
قلت في خاطري والله لو وحده من اهلك بتقول ماعندك شي
بس طنشت وطلعت :secret:
هالنوعيه يبيلهم تصكهم بفاتورة بقيمة 10000 علشان يتأدبون :tease:

قصه حلوووه بصراحه

وننطر قصتك الجديده :shy:

بس بلييييز لاتطول بين كل جزء وجزء:telephone:

y.o.y.o

13-10-2009, 09:19 PM