المساعد الشخصي الرقمي

مشاهدة النسخة كاملة : جامعة القاهرة للتعليم المفتوح....تنصحوني؟؟؟


سحابة صيف
11-10-2009, 06:22 PM
السلام عليكم ورحمه الله وبركاته,,

انا حابه ادرس بجامعة القاهره تخصص ثاني

انا الريدي ادرس بجامعه بس حاابه تكون لي شهاده بتخصص ثاني

ولقيت ان جامعة القاهره فرصه حلوة للي يبي يدرس تخصصين

بس في ناس ماانصحوني قالولي انهم يرسبون الطلبه عشان يعيدون ويكسبون هم

انا مابي اضيع وقتي وجهدي وفلوسي واخرتها يرسبوني

فرجاءاً اللي يدرس فيها او يعرف حد فيها يقولي

التسجيل يسكر اخر هالاسبوع يعني ماعندي وقت وايد

ملاحظة انا اقصد جامعة القاهره اللي مركزهم بالثقافي العربي

انا عارفه انه انتساب وان مو معترف فيها بالوزارات بس اللي يهمني اني اسمع راي احد يدرس فيها

شلون الدراسه وهل صحيح في ظلم للطالب بس عشان يستفيدون ماديا من عدم نجاحهم

بليز ساعدوني:shy:
عبدالمحسن
11-10-2009, 06:25 PM
التسجيل باقي له اسبوع؟


طيب ابي اسجل ماستر


شلون اقدر اسجل؟ فيه حد اقدر ارسل له اوراقي؟ ويسجلني
alrheeb2020
11-10-2009, 06:30 PM
الله يكتب لج كل مافيه خير

ويوفقج ..

ان شاء الله الاخوان بيساعدونج
سحابة صيف
11-10-2009, 06:34 PM
التسجيل باقي له اسبوع؟


طيب ابي اسجل ماستر


شلون اقدر اسجل؟ فيه حد اقدر ارسل له اوراقي؟ ويسجلني


اخوي انا كلمتهم من اسبوعين قالتلي اخر موعد للتسجيل 15-10-2009

بالنسبه للماستر مو متاكده اذا عندهم!

بس حط ببالك انها انتساب لجامعه القاهره الام

يعني التسجيل والدراسه بقطر والامتحانات بالمركز بس تتصلح بمصر والشهاده من مصر

بس مايعترفون فيها بقطر لانها انتساب بس ممكن المؤؤسسات والبنوك تقبلها

انت تأكد من شغلك اذا تشتغل ان كانو بيعترفون فيها لان في ناس يدرسون فيها وشغلهم موافقين فتختلف من حاله لاخرى

عموما هذا رقمهم اتصل فيهم واستفسر عن كل اللي تبيه

المركز الثقافي العربي
4653373
عبدالمحسن
11-10-2009, 06:36 PM
مشكووره على الرد والتوضيح


بس انا فكرت تقصدين جامعة القاهره الأم



لأني ابي ادرس هناك
سحابة صيف
11-10-2009, 06:38 PM
الله يكتب لج كل مافيه خير

ويوفقج ..

ان شاء الله الاخوان بيساعدونج

مشكور اخوي ع الدعوة الحلوة ^_^

والله يوفق الجميع
ممنوع اللمس
11-10-2009, 06:38 PM
جامعة القاهره للتعليم المفتوح اللي مقرها في شارع المطار قدام البنك الاهلي
بصراحه انا كنت بسجل في هالجامعه وجهزت فلوسي وكل شي
بس نزلو فكرة كلية مجتمع قطر وقلت بجرب انطر الكليه لو صار ودخلت الكليه خير على خير ما قبلوني الكليه برد اسجل في جامعة القاهره
بصراحه الجامعه اوكي وماعليها كلام وماعليك من كلام الناس وتوكل على الله اخوي
اللي يقولك رسبو ورسبو هاي اعتقد يجذب لان الجامعه توهم اصلا فاتحين في قطر هالنظام هذا ... جديد عند الدكتوره العماديه
سحابة صيف
11-10-2009, 06:40 PM
اخوي عبدالمحسن

جامعة القاهره الام اعتقد تسجيلهم نفس الشي 15-10-2009 للبكالوريوس بس الماستر ماعندي فكره اذا نفس الشي

عموما انت كلم صلاح اللي بالسفاره المصريه وهو بيعطيك كافه المعلومات وبيسجلك

والله يوفقك
سحابة صيف
11-10-2009, 06:42 PM
اخوي ممنوع اللمس

كليه المجتمع سنتين ودبلوم وللي نسبه من 60-69

يعني انا افضل القاهره لانها بكالوريوس

بس فحالتك انت يمكن المجتمع احسنلك لانها لو دبلوم بس ع الاقل معترف فيها وتقدر تكمل بعدها بكالوريوس وهي بتفتح بشهر 1 يناير القادم

والله يوفقك
سحابة صيف
11-10-2009, 10:59 PM
معقوله مافي احد يدرس فيها او يعرف احد يدرس فيها : (
تحداني
12-10-2009, 09:00 AM
.. سيدتي الفاضله ..
سحابه صيف ..

يبدو انك على درايه تامه بإجراءات الدراسه والاعتماد ..
وما يتوافق مع قوانين دوله قطر ..

فلا انصح بالدراسه بهذه الطريقه ..
ويكون هدفك فقط الحصول على الشهاده ..
حتى وان كانت بطريقه خاطئه ..


فكري بالامر بجديه اكثر ..
واطرقي ابواب اخرى ان استطعتي ..

وكما قال لك اخونا " ممنوع اللمس " انتظري كليه المجمتع ..
صحيح انها دبلوم ولكن بإمكانك .. اكمال باقي ما تبقى عن طريق احد الجامعات ..

او الالتحاق بأي جامعه خارج البلاد .. بما يتناسب مع اللوائح ..
حتى لا تندمي لا سمح الله .. ولا تعاتبي نفسك ..


فلا تدرين ماذا يخبأ لك المستقبل ..



والقرار راجع لك ..

الله يسعدك يارب ..
ويوفقك .. اللهم آمين
عزتي سمو ذاتي
12-10-2009, 09:10 AM
الشهادة غير معترف فيها إلا للأجانب

حرام الواحد يضيع وقته وفلوسه على شي مومعترف فيها ابد

حالياً الدولة مليانه جامعات تقدرين تختارين اي وحده فيهم وتاخذين شهادة ثانية

والواحد مايأخذ اي شهادة من اي مكان بس عشان يكون عنده شهدة في اكثر من تخصص

بالعكس المفروض تفكرين اول شي بالمكان معترف فيه أو لا لأن حتى في الوظائف يسألون من وين الشهادة
المقهوره
12-10-2009, 12:12 PM
هل كلية المجتمع معترف فيها في قطر؟؟؟؟


وعلى اساسها اقدر اكمل على الدبلوم؟؟؟

لاني علمي نسبتي 60% من سنة 1997
تحداني
12-10-2009, 01:00 PM
هل كلية المجتمع معترف فيها في قطر؟؟؟؟


وعلى اساسها اقدر اكمل على الدبلوم؟؟؟

لاني علمي نسبتي 60% من سنة 1997




نعم كليه المجتمع معترف بها ..
وهي تابعه للمدينه التعليميه ..
وستكون لها برامج بعثات خاصه بها ..


اما عن النسبه فمازالت طور المناقشه والبحث ..
ولكن لن تكون اعلى من 60% ..


وكليه المجتمع .. فكرتها امريكيه ..
وهناك الكثير من هذه الكليات في المملكه العربيه السعوديه ..
وفي امريكا ..


فلا تخافي من الالتحاق ..


الله يوفقك يارب :)
لبتونه
23-10-2009, 10:36 PM
سؤؤؤؤؤؤؤؤؤؤؤؤؤؤؤؤؤؤال زوجي يشتغل بالبنك ويبي يسجل بجامعة القاهرة ويقدم امتحانات هنا بقطر فهل معترف بها او لا ؟

وومكن رقم فوزيه العمادي