مقيم اختلس 138 ألف ريال من ناقلات

[جوال 11]

مقيم اختلس 138 ألف ريال من ناقلات

الدوحة - الراية :
قضت محكمة الجنايات بمعاقبة موظف إيراني الجنسية غيابيا بالحبس 10 سنوات وإلزامه برد مبلغ 138 ألف ريال لشركة ناقلات وتغريمه مبلغا مساويا له كما قضت المحكمة بعزل المتهم من وظيفته وإبعاده عن البلاد فور تنفيذ العقوبة بعدما أدانته المحكمة بتهمة اختلاس 138 الف ريال من أموال الشركة.
كشفت أوراق القضية أن المتهم كان يعمل موظفا بالشركة وعقب إنهاء خدماته بالشركة تبين وجود تجاوزات مالية تمثلت في قيامه بصرف مبالغ مالية من بطاقة الشركة الائتمانية المسلمة له بسبب وظيفته .

هذا ما ذكر في الصحف اليوم ، ويتحمل ذلك المدير الأداري والمالي في الشركة لعدم التأكد من الأمور المالية قبل مغادرة المذكور الدولة ، ولماذا لا يتم تعيين مواطنين للوظائف الحساسة .

[غـيـد]

وهذا احنا كلـ يومـ ننسرقـ .. الرقابهـ ميتهـ عندنا

ومشكور على الخبر

[Petroleum]

يستاهلوووون

ليش ماحطو واحد قطري ؟ يعني هذا الايراني تكون عنده البطاقة الاتمانيه للشركه ؟؟؟

رضينا بالبلا و البلا مارضابنا

Good one

keep it up

[fandi]

اتمنى يكون درس ناخذ العبرة منه

[الخارجية]

ولماذا لا يتم تعيين مواطنين للوظائف الحساسة . والله تستاهلون علشان اتعرفون قيمة القطري والمسؤولين في قطر القطري مايشتغل لا تعتمدون على القطري بس القطري مايبوق شايف خير الحمدلله

[غير البشر]

عادي سهالات يحول المبلغ برع

بينسجن اسبوع وبعدها ابعاد ليشتمتع بالمال الحرام

اللهم ارزقنا الرزق الحلال

واجعل المال الحرام زقوم في بيته وفي نفسه اللهم امين

[بوخالد911]

فصولُ مسرحيةٍ لم + ولن تنتهي للأبد ....

:secret:

[qqaattaarr]

حكم غيابي يعني الرجال مو موجود

[ماي الذهب]

مال البخيل ياكله العيار تستاهل شركة الناقلات من ذا الحال واردى خلو هل قطر واهتموا بالاجانب وهذي النتيجة

[بواردي]

سمعتوا كلمة
دوووووووووووووووووووووووووووووووووووووووووووورني

الاخ في ايران

وتلاقيه الحين نسى كم المبلغ اللي شفطه
توى الناس

الربع الحين دروا انه في 138 الف طايرة؟؟؟

لا وبعد احكموه ؟؟؟

[كبير المتداولين]

شكله يبي يشتري نووي خدافس خخخخخخخخخخخخ طارت الطوير بأرزاقها

[عزووز قطر]

القهر ان فيها فلوس مواطنين على أيام الاكتتاب
ماعندهم ذمة ولا ضمير في فلوس الشركة ولا فلوس الناس
امحق ادارة

[فهد الخاطر]

علشان يعرفون انه ولد البلد اولى من غيره ولكن كل يغني على........................

[بوحمد2]

يستاهلوووون

ليش ماحطو واحد قطري ؟ يعني هذا الايراني تكون عنده البطاقة الاتمانيه للشركه ؟؟؟

رضينا بالبلا و البلا مارضابنا

good one

keep it up

كلش ماجنه فيه مواطنيين حراميه؟

[Riku3]

وين رقابة الادارة المالية بالشركة :] .. اصلاً المفروض يكون في تشييك يومي او كل كم يوم على الحسابات لتطابق الارقام خصوصاً في شركة كبيرة مثل ناقلات والا بس يشتغلون عند البيانات المالية بس ! .. شكل مدير المالية نايم >_< .

ماله دخل هو مواطن والا اجنبي الحرامي حرامي لو شنو .. ولو كانت السالفة ان بيده بطاقة يعني اكيد مندوب وهالوظيفه مايقبلها معظم القطريين لان راتبها الفين والا 3 الاف او 4 بس .. بس مندوب بطاقته المفروض عليها لمت كم الف بس فكيف سرق كل هالمبلغ ! .

[Realistic]

مدير الشركه ماتوصله مسجات على جواله ان في حد قاعد يستخدم البطاقه :tease: :tease:


ماقول الا اعوذ بالله من الفلوس الحرام

[شبح الصمت]

الحمد الله انها جاءت على 138 ألف ريال ما جاءت على مليون والا اكثر ،، عالعموم ايا كان اجنبي قطري المريض نفسيا مريض نفسي لو شنو ،، والي في قلبه مرض الفلوس ما يعرف امه من ابوه ،،
والله يبعد عنا الشرور وعن جميع المسلمين

[_QTR_]

بس 138 الف

صج هذا الايراني قنوع هههههه رضا بالـــ 138 الف

ايه في ناس ضربت الملايين وحطوا رجيلهم ... وفي ناس ضربت ملايين وموجوده في البلاد

[ALRAYYAN]

كلش ماجنه فيه مواطنيين حراميه؟

والله سبقتني في هالكلمتين ... الاعضاء يتكلمون كأن محد نهب من هالبلاد من المواطنين

شنو هالمبلغ عند ملايين راحت .. يبا عليه بالعافيه هالايراني

[ALRAYYAN]

وين رقابة الادارة المالية بالشركة :] .. اصلاً المفروض يكون في تشييك يومي او كل كم يوم على الحسابات لتطابق الارقام خصوصاً في شركة كبيرة مثل ناقلات والا بس يشتغلون عند البيانات المالية بس ! .. شكل مدير المالية نايم >_< .

ماله دخل هو مواطن والا اجنبي الحرامي حرامي لو شنو .. ولو كانت السالفة ان بيده بطاقة يعني اكيد مندوب وهالوظيفه مايقبلها معظم القطريين لان راتبها الفين والا 3 الاف او 4 بس .. بس مندوب بطاقته المفروض عليها لمت كم الف بس فكيف سرق كل هالمبلغ ! .


رقابة مين والناس نايمين ياعمووونا :nice:

[ram757]

والمسيكن بعد مايدفع الخمس أيش بيقى له

[بواردي]

عاد الله يهديك صاحب الموضوع
حاط لنا في العنوان مقيم

وفي الموضوع فضحه قال ايراني

الحين في ناس وايد يزعلون

ولا سيما جيرانا الايرانيين

مشكلتنا اذا واحد غلط حكمنا على شعب كامل

يعني مثل ما قال بعض الاخوة
جات على ال 138 اللي لطشها الاخ

ما يشوفون اللي صفق ملايين
ما يردون حلال الناس؟؟؟

[مساهم عادي]

على الأقل المواطن اذا سرق يقدرون يوصلون له لأنه موجود بالبلاد وين بيروح ولين متى بيتم شارد...

لكن الوافدين اذا سرق وراح بلاده... شلون بنرجعه

[jassim_007]

على الأقل المواطن اذا سرق يقدرون يوصلون له لأنه موجود بالبلاد وين بيروح ولين متى بيتم شارد...

لكن الوافدين اذا سرق وراح بلاده... شلون بنرجعه

صح! و الدليل المواطن الي سرق فلوس المواطنين و المقيمين و شرد و راح برع البلاد اضن كولومبيا!


صادوه صح !؟:)

[هذلان]

زكاه اعتبروها زكاه يا شباب :)

[قطر دزاين]

بس 138 الف

صج هذا الايراني قنوع هههههه رضا بالـــ 138 الف

ايه في ناس ضربت الملايين وحطوا رجيلهم ... وفي ناس ضربت ملايين وموجوده في البلاد

شوف كم تطلع بتومان خياش

[بواردي]

زكاه اعتبروها زكاه يا شباب :)

خلاص تبونها زكاة نعتبرها زكاة

[جوال 11]

عاد الله يهديك صاحب الموضوع
حاط لنا في العنوان مقيم

وفي الموضوع فضحه قال ايراني

الحين في ناس وايد يزعلون

ولا سيما جيرانا الايرانيين

مشكلتنا اذا واحد غلط حكمنا على شعب كامل

يعني مثل ما قال بعض الاخوة
جات على ال 138 اللي لطشها الاخ

ما يشوفون اللي صفق ملايين
ما يردون حلال الناس؟؟؟

صاحب الموضوع ناقل للموضوع فقط من الصحف وهذه أول مره يذكر مقيم دائما يذكرون المواطن .

[المتضرعه لله]

:)

مقيم


عااااااااااااااااااااااااااااااااادي


والحكم غيابيا


هم عااااااااااااااااااااااااااااااااااااادي



متعودين دايما على الاخبار الحلوه :(

[مساهم عادي]

صح! و الدليل المواطن الي سرق فلوس المواطنين و المقيمين و شرد و راح برع البلاد اضن كولومبيا!


صادوه صح !؟:)

لا تخلط الأمور ...

في فرق بين

مستثمر اغرى الناس باستثمار أموالهم مقابل عوائد خيالية وهم راقدين في بيوتهم...فسلموا اموالهم على طبق من ذهب برغبتهم وماحد ضغط عليهم....... ومن ثم ادعى المستثمر انه خسر استثماراته وتبخرت ..والله يعلم اذا كان صادق او كذاب..اي ان الناس انضحك عليهم برضاهم


وبين
موظفين عاديين يسرقون وحط مائة خط تحت يسرقون الأموال العامة من ميزانية مؤسساتهم اللي يعملون بها واللي كانت تحت تصرفهم كأمانه وعهدة عندهم......

امر اخر اذا المواطن سرق وهرب... لابد من انه تكون عنده املاك في البلد يمكن وضع اليد عليها حتى لوكانت قليلة..

لكن في المقابل اذا الوافد سرق وهرب... ايش بتكون عنده املاك ؟؟

[المبتسم]

ايشفيكم يا جماعة الخير؟؟!!!

اللي متشائم واللي غاسل يده من البلاد واللي يقول عادي واللي يتهم الناس!!!! شسالفة؟!!

اول شي الحكم غيابي يعني في حلقة ناقصة بالقصة؟

اما هالرجال بريئ وانحطت براسه واهو ما يدري,,,اوانه فعلا حرامي,,,او تقاسموها مجموعة وحطوها براس واحد فيهم!!!

الاهم من هذا كله ان الشركات الصغيره الحين عندها نظام يجعل الحسابات مع اكثر من شخص ونظام فواتير صارم,,,هاذي شركات اصغيره فما بالك بالشركات العملاقة؟؟؟

الله يعوض الناقلات ويهدي الحرامي,,,

[جمال اليافعي]

سمعتوا كلمة
دوووووووووووووووووووووووووووووووووووووووووووورني

الاخ في ايران

وتلاقيه الحين نسى كم المبلغ اللي شفطه
توى الناس

الربع الحين دروا انه في 138 الف طايرة؟؟؟

لا وبعد احكموه ؟؟؟

قبل لا تحافص ودورني وخرابيط الاشاعات الحبيب موجود في السجن المركزي وتم نقله من فتره بسيطه اهناك من سجن العاصمة فلا تستبق الاحداث وتأكد من معلوماتك .

[عاشقة الأمل]

لاحول ولاقوة إلا بالله
إذا ضيعت الأمانة فانتظر الساعة
أنا ماأعرف كيف ياكل فلوس حرام هو وعياله والحديث يقول ( مانبت من سحت فالنار أولى به ) اللهم اكفني بحلالك عن حرامك واغنني بفضلك عمن سوالك :anger1:

[yayoud]

يسلمو على الطرح

[alrheeb2020]

سمعتوا كلمة
دوووووووووووووووووووووووووووووووووووووووووووورني

الاخ في ايران

وتلاقيه الحين نسى كم المبلغ اللي شفطه
توى الناس

الربع الحين دروا انه في 138 الف طايرة؟؟؟

لا وبعد احكموه ؟؟؟

هههه خلهم يستاهلون :anger1:

ليش مايحطون واحد قطري ؟؟

مب مالي عينهم ؟:anger1:

[الكلدي]

عادي عادي تخصم من ارباح المساهمين للسنه الماليه 2009 == 2010
ولا من شاف ولا من درى

ويادار مادخلك شر

[الكلدي]

قبل لا تحافص ودورني وخرابيط الاشاعات الحبيب موجود في السجن المركزي وتم نقله من فتره بسيطه اهناك من سجن العاصمة فلا تستبق الاحداث وتأكد من معلوماتك .


يقولك حكم عليه غيابيا

تقول موجود الله يهديك

[امل الحب]

ولماذا لا يتم تعيين مواطنين للوظائف الحساسة . والله تستاهلون علشان اتعرفون قيمة القطري والمسؤولين في قطر القطري مايشتغل لا تعتمدون على القطري بس القطري مايبوق شايف خير الحمدلله

:nice:

هذي مو مشكلة مقدور عليها لكن مصيبة لو حطوا لك مواطن في هالموضوع ويابوا لك مدقق هندي والا اجنبي :rolleyes2:

مو بس يسال الا يشهر بك فالشركة كلها ايميل كل دقيقة وليش وليش..؟




كلش ماجنه فيه مواطنيين حراميه؟

الزين والشين موجود :rolleyes2:


وين رقابة الادارة المالية بالشركة :] .. اصلاً المفروض يكون في تشييك يومي او كل كم يوم على الحسابات لتطابق الارقام خصوصاً في شركة كبيرة مثل ناقلات والا بس يشتغلون عند البيانات المالية بس ! .. شكل مدير المالية نايم >_< .

ماله دخل هو مواطن والا اجنبي الحرامي حرامي لو شنو .. ولو كانت السالفة ان بيده بطاقة يعني اكيد مندوب وهالوظيفه مايقبلها معظم القطريين لان راتبها الفين والا 3 الاف او 4 بس .. بس مندوب بطاقته المفروض عليها لمت كم الف بس فكيف سرق كل هالمبلغ ! .

صح كلامك ويكون في فواتير بالقلم والمسطرة ..

لكن اذا الدنيا سايبة تصير مصيبة ..

الله يعوض عليهم :)

[fff]

:eek5::eek5:

[..الاميرة..]

وأنا اقول ليش السهم طايح !!:secret:

[فلفل حار]

هالشركه مب مترقعه من يومها
آييييي راحت آيـام الـ70
:(

[..الاميرة..]

هالشركه مب مترقعه من يومها
آييييي راحت آيـام الـ70
:(


عظم الله اجرك واجرنا فيها ..:weeping:

[فلفل حار]

عظم الله اجرك واجرنا فيها ..:weeping:


http://socialwonders.com/wp02/pic/3acc.jpg

:weeping:

[بواردي]

قبل لا تحافص ودورني وخرابيط الاشاعات الحبيب موجود في السجن المركزي وتم نقله من فتره بسيطه اهناك من سجن العاصمة فلا تستبق الاحداث وتأكد من معلوماتك .

وقبل لا ينط فيك عرق

ممكن تفسر لنا ليش احكموه غيابي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني مثلا يوم المحاكمة

كان موب فاضي؟؟؟

منكم نستفيد

والخبر ما قال انه مسجون ؟؟؟؟

ولا انت اللي صايده؟