الحلى اللي تحت السيارة من الخطوط والسفرات(شنهو الحل)

[محمد2]

يا جماعة الخير . عندي فوتتشنر 2009 خذتها للسايق حق البيت . بس ضربت فيها خط الى الرياض. ومن الرمل طار اللون اللي تحت السيارة مثل اطراف الجامبين ويوجد مثل قطعة صاج اسفل السيارة . طار اللون ويبين الصدأ(اي الحلي)
ومنظر السيارة صار كريه لأن السيارة رفيعة وبدون لحية عكس الجيات .

وش هو الحل :
اذا صبغت الحلي يطير اللون مرة ثانية مع اي سفرة ثانية

خايف اسوي لها قار عند التيسير .المنظر يطلع كرية لأن السيارة مرتفعة مثل ما قلت


شوري علي رحمه الله والديكم

[الـخـور]

عندك زيبارت يرشون الموتر من تحت ضد الصدى
بس لاتحاتي وايد ترى الموتر لابد شوي تظهر فيه صدى خصوصا في الاماكن الي تتحرك مثل الجامبين
والاماكن الي قريبه من الدرامويلات

[محمد2]

عندك زيبارت يرشون الموتر من تحت ضد الصدى
بس لاتحاتي وايد ترى الموتر لابد شوي تظهر فيه صدى خصوصا في الاماكن الي تتحرك مثل الجامبين
والاماكن الي قريبه من الدرامويلات

تسلم يالغالي . بس شكل الموتر صاير كريه .

الغالي . وين زيبارت . في اي منطقة او شارع

وشلون يرشون الموتر . القار او صبغ ( لأن التيسير عندهم القار )

وهل رش زيبارت آمن ( يعني ما يطير بعد فترة , في حد جربهم من الربع)

[الـخـور]

انا رشيت عندهم وصراحة شغلهم مضبوط
مكانهم في طريق سلوى .. بعد دوار قطر للديكور وقبل الدوار الثاني على اليمين

هم يرشون اول شي مادة صفرة توقف الصدى وبعدها يرشون مادة ثانية سوده ماذكر اسمها بالضبط
بس تخلي الموتير يبين كنه يديد
اضن شي كبيريت
لكن انا اشوفه وايد زين الحين هاي السنة الثانية لموتري

بعدين زيبارت شركة امريكية هم يرشون الموتر من تحت ضد الصدى لان يجي عندهم جليد
ولما يجي الثلج عندهم يرشون الشوارع ملح عشان يذوبون الثلج
لهذا سوو هالحل حق السيارات عشان ماتصدي مواترهم

تحمل تحط الجار لان هاي يخرب الربلات

[الـخـور]

ترى شغلهم غالي يعني حدود 1500 شي جذيه

ولاتنسى تسالهم اذا المكان الي تقصده يرشونه والا لا
لان عندهم اماكن مايرشونها مب عشان شي ولكن لان ماينصح رشها مثل الجبانيات

[عاشق الشهادة]

اخوي في محل بالصناعيه تابع للتيسير عندهم علب سبري صناعه امريكا عباره عن حمايه (قار) والله انا استخدمه ومتعامل معهم لي اكثر من 8 سنوات العلبه كبيره وسعرها 15 ريال وسيارتك يبي لها من اربع الى خمس علب وتاخذهم وتروح اي كراج عنده جيك لرفع السيارة او حفره مثل الي بمحطه التيسير وبيعمل لك كل السيارة بمبلغ لايتعدى 100 ريال ولو جيت تحسب 15×5=75+100شغل يد راعي الكراج =175 ريال لو تروح التيسير بيطلبون منك مبلغ وقدرة ونفس الشي زيبارت
والله يوفقك

[محمد2]

انا رشيت عندهم وصراحة شغلهم مضبوط
مكانهم في طريق سلوى .. بعد دوار قطر للديكور وقبل الدوار الثاني على اليمين

هم يرشون اول شي مادة صفرة توقف الصدى وبعدها يرشون مادة ثانية سوده ماذكر اسمها بالضبط
بس تخلي الموتير يبين كنه يديد
اضن شي كبيريت
لكن انا اشوفه وايد زين الحين هاي السنة الثانية لموتري

بعدين زيبارت شركة امريكية هم يرشون الموتر من تحت ضد الصدى لان يجي عندهم جليد
ولما يجي الثلج عندهم يرشون الشوارع ملح عشان يذوبون الثلج
لهذا سوو هالحل حق السيارات عشان ماتصدي مواترهم

تحمل تحط الجار لان هاي يخرب الربلات



اشكثر ياخذ وقت الرش . بعدين اخذ موعد وياهم اودايركت اروح لهم وهم يسوون الرش في وقتة

[محمد2]

اخوي في محل بالصناعيه تابع للتيسير عندهم علب سبري صناعه امريكا عباره عن حمايه (قار) والله انا استخدمه ومتعامل معهم لي اكثر من 8 سنوات العلبه كبيره وسعرها 15 ريال وسيارتك يبي لها من اربع الى خمس علب وتاخذهم وتروح اي كراج عنده جيك لرفع السيارة او حفره مثل الي بمحطه التيسير وبيعمل لك كل السيارة بمبلغ لايتعدى 100 ريال ولو جيت تحسب 15×5=75+100شغل يد راعي الكراج =175 ريال لو تروح التيسير بيطلبون منك مبلغ وقدرة ونفس الشي زيبارت
والله يوفقك

خوي عاشق الشهادة هالمادة اللي انت قاعد تقول عنها (قار)
يعني شكل الموتر مايطلع عدل . وبعد هذا مثل ما قال اخونا الخور , ان القار يخرب الربلات

[عاشق الشهادة]

خوي عاشق الشهادة هالمادة اللي انت قاعد تقول عنها (قار)
يعني شكل الموتر مايطلع عدل . وبعد هذا مثل ما قال اخونا الخور , ان القار يخرب الربلات




والله اخوي عن تجربه هو مش قار نفس القار تقريباً , الي يعمل طبقه بعد الحديد واذا تبي صوره للمنتج بنزله لك والقرار لك ,
ملاحظه : الي ذكرته لك هو نفسه الي يستخدمونه محطات التيسير

[بن درويش]

انا موترى 2008 وكل ماسافر ايحلى من تحت
اشتر قوطى رش اسود من الدكان وله محلات الزينه ورشه بالبيت بروحك اول يوم يمكن يبين انه رش وعقب خلاص مع الغبار بيسير عادى وله جنه مرشوش
والله يوفقنا وياكم

[محمد2]

والله اخوي عن تجربه هو مش قار نفس القار تقريباً , الي يعمل طبقه بعد الحديد واذا تبي صوره للمنتج بنزله لك والقرار لك ,
ملاحظه : الي ذكرته لك هو نفسه الي يستخدمونه محطات التيسير

اللي عند التيسير انا شفت مرة كنت عندهم ابدل آيل لموتري وشفت موتر جي على الجيك ومرشوش القار اللي نتكلم عنة . بس شكل الموتر بعد الرش كأنة صبغ رملي اي خشن مش ناعم مثل ما تطلع الموتر من الوكالة .
بس انت بعد ما رشيت الموتر بهالمنتج اشلون الموتر بعد الرش(يعني الرش يجيك ناعم اومثل مالت التيسير )

الله لا يهينك خوي حط لي صورة للمنتج . من باب العلم