أن طاعك الزماااااااان [الأرشيف] - منتديات شبكة الأسهم القطرية

دلة الرسلان

12-10-2009, 01:44 PM

السلام عليكم جميعا

خرج اطفالي الى المدرسة منذ الصباح الباكر يتسابقون مع العصافير بحثا عن العلم في اقرب

مدارس - قدر الأمكان - من البيت :)

وعند انتهاء الدوام - تعبت من الفصحى - طرشت الدريول والخادمة على أساس أن الولد

بيخلص الساعة وحدة واخته الساعة وحدة ونصف وانا في البيت كل شوي اكلم الدريول

هاه وين وصلت ؟؟:telephone:

والدريول يامداام زحمة :(

المهم رجعوا البيت الساعة 3 عصرااااااااا البنت في الأيمان والولد في القادسية

والبيت بينهم .

تخيلوا طفل يطلع من البيت من الساعة ست ولا يرد الا الساعة ثلاث ايش بقى من اليوم ؟

المهم وبناء على العنوان اللي حطيته أن طاعك الزمان ولا طيعه دورت ايش الأنشطة او

العمل اللي ممكن يسونه عيالي في السيارة بدل الملل فقررت اليوم اطرش لهم غداهم مع

الدريول يتغدون في السيارة على الأقل يكونون جاهزين لصلاة العصر :)

شفتوا الخربطة اللي احنا فيها من المجلس الأعلى للتعليم واشغال ؟؟

ادعوا المجلس الأعلى لدراسة الواقع ومعرفة مناطق تركز السكان وانشاء مدارس تتناسب

مع كثافة كل منطقة وبالتالي الزام هذه المدارس بالمنطقة الجغرافية التي تقع ضمنها أن ما

يحصل الان عبارة عن مأساااااااااااااااااااااة .

مناحي السادس عشر

12-10-2009, 01:48 PM

والله يا دلة الرسلان معاناتج هي معاناتنا يوميا
اطفال صف اول ما يردون الا ثنتنين للبيت
مع اني اذكر ايام ابيض واسود يوم كنت بثالث ثانوي 12:30 جرس الحصه السادسه يرن
مدري يعني هالحين وش تغير يعني هل بيطلعون عباقرة الممستقبل؟؟؟
مع انه قبل العيال اقوى مليون مره من الجيل الجديد
ربج يعين ويخفف

الخير كله

12-10-2009, 01:48 PM

بالعكس هم يا دله يقرون كلامك ومستانسين:) لان حققو هدفهم
تشوفين العيال بالويكيند وبس:telephone:

دلة الرسلان

12-10-2009, 01:53 PM

والله يا دلة الرسلان معاناتج هي معاناتنا يوميا
اطفال صف اول ما يردون الا ثنتنين للبيت
مع اني اذكر ايام ابيض واسود يوم كنت بثالث ثانوي 12:30 جرس الحصه السادسه يرن
مدري يعني هالحين وش تغير يعني هل بيطلعون عباقرة الممستقبل؟؟؟
مع انه قبل العيال اقوى مليون مره من الجيل الجديد
ربج يعين ويخفف

الله يذكر ذيك الأيام بالخير حتى الحصة السادسة تكون غالبا احتياط ولا قراءة :)

دلة الرسلان

12-10-2009, 01:55 PM

بالعكس هم يا دله يقرون كلامك ومستانسين:) لان حققو هدفهم
تشوفين العيال بالويكيند وبس:telephone:

تهقين ؟؟

والله ياختي ما يدرون وين الله حاشرهم ابتلشوا وابلشونا معاهم :(

كلي أمل

12-10-2009, 02:03 PM

وييييييييييييييييي وعليييييييييييييه عليهم اكسروا خاطري

ماعندي الا اقولج

الله يعينهم ويعينج

مأساااه هالمداارس - بس بعد احنا مانحس مثل ماتحسون الله يكوون بعونكم

yayoud

12-10-2009, 07:13 PM

يسلموو على الطرح

شاهة

12-10-2009, 07:51 PM

الله يذكر ذيك الأيام بالخير حتى الحصة السادسة تكون غالبا احتياط ولا قراءة :)

اذكر ان الحصة السادسة كانت رياضة
مساكين عيالنا

هتـان قطر

12-10-2009, 08:43 PM

الله يكون في عون وعون الجميع اختي دله

اصبحت الزحمة تؤرق الجميع ..

نبي حل عاجل..حتى لو غيروا دوام الطلاب الصغار

اعتقد ماراح يؤثر على مسارهم التعليمي..

لكن من بيساعدنا وبيحل المشكلة...

وين جاجاسم ..؟؟ طرشت له معاناتنا على الخاص..وما رد :telephone:

محمد2

12-10-2009, 08:55 PM

هاي اللي يبونه الياهل ما يشوف امة وابوه الا ساعة في اليوم ويرد البيت منتهي مافيه حيل . يدوب يلعب له شوي وتسبحة الخامة او امة . وحط راسه ونام حتى الساعة 5 الفجر, يقوم للمدرسة مرة ثانية .

وابوه وامه نفس الكلام في اشغالهم من الساعة 7 الى 2,5 الظهر . ليما يوصلون البيت يبي لهم ساعة . يتغدون ويقيلون . صار مغرب . يعني الياهل رقد ما شاف امة او ابوه

يعني هم يبون يبعدون العيال عن والديهم والولدين عن العيال وهاي اللي حاصل

العـوا

12-10-2009, 08:59 PM

كلنا في الهوى سسسسسسسسسسسسسسسسسسسوى

امل الحب

12-10-2009, 09:04 PM

دلول ترا الزحمة كل مكان:weeping:

بس احنا تاخير نص ساعة - 45 دقيقة ااذا مصخت يعني .. يعني تقريبا 2 او 2 وربع يرجعون اليهال :rolleyes2:

ترا الازمة من الزحمة :anger1: نبي حل .. :anger1: تاخير عالمدارس وتاخير ساعة - ساعة ونص عالدوام :anger1:

biz-qtr

12-10-2009, 11:54 PM

والله ما اقول يادله

صج ان طاعك الزمان والا طيعه

عاد اللي يقول ع هالكرف يعلمونهم شي مفيد اخر شي تشوفين كرف طول السنه وملف ضعيف

ما ادري هالقعده فالمدرسه طول هالوقت ليششششششش!!

حياة

12-10-2009, 11:59 PM

نفس المعاناه والله
ربج يسهلها

دلة الرسلان

13-10-2009, 07:43 AM

وييييييييييييييييي وعليييييييييييييه عليهم اكسروا خاطري

ماعندي الا اقولج

الله يعينهم ويعينج

مأساااه هالمداارس - بس بعد احنا مانحس مثل ماتحسون الله يكوون بعونكم

:( شكرا على المساندة العاطفية كلي أمل

دلة الرسلان

13-10-2009, 07:45 AM

يسلموو على الطرح

:nice:

اذكر ان الحصة السادسة كانت رياضة
مساكين عيالنا

ايامي للحين ما اخترعوا الرياضة يا شرعية يا قراءة :shy:

دلة الرسلان

13-10-2009, 07:52 AM

الله يكون في عون وعون الجميع اختي دله

اصبحت الزحمة تؤرق الجميع ..

نبي حل عاجل..حتى لو غيروا دوام الطلاب الصغار

اعتقد ماراح يؤثر على مسارهم التعليمي..

لكن من بيساعدنا وبيحل المشكلة...

وين جاجاسم ..؟؟ طرشت له معاناتنا على الخاص..وما رد :telephone:

يابنت الحلال ولدي في الثانوية يقول يعطونا الحصة ساعة ربع ساعة مراجعة وبعدين شرح

لمدة 20 دقيقة وبعدين ورق عمل واخر ربع ساعة سوالف !!

زين ها السوالف وفروها وخلوا عيالنا يعودون لبيوتهم

المفروض يكون فيه مراعاة لظروف اللخبطة الحاصلة في الشوارع ويخلون فرق نصف ساعة

بين مرحلة ومرحلة .

ضوى

13-10-2009, 07:58 AM

الله يعيينج يادلة

صج ان طاعك الزمان والا طيعه

والله كنت بنفس مأساتج يادلة ويمكن تذكرين بذيك الايام كنت اصيح وارق صاديني من الهم والقهر اعوذ بالله ، بس الحمد لله لك يارب من عقب ماسقت وانا مرتاحة واااااايد ، بو عيالي والدريول موزعين نفسهم على عيالي والحمد لله ندش كلنا البيت بوقت واحد 2.15 2.20 اقصى حد لانه اساسا يخلصون 1.30 ، 1.45 يعني التاخير في المدرسة مش في الشوارع ، بس ماننكر انه الشوارع زحمة والشاطر اللي يطلع روحه من هالزحمة

الحل يادلة تحطين دريول ثاني وشغالة ثانية وسيارة اضافية وان شاء الله ترجعين تلتمين مع عيالج على وجبة الغدا والله يساعدك ويعيينج ويوفق عيالج للخير يارب امييييييييييييييييييييييييييييييييين

دلة الرسلان

13-10-2009, 08:00 AM

هاي اللي يبونه الياهل ما يشوف امة وابوه الا ساعة في اليوم ويرد البيت منتهي مافيه حيل . يدوب يلعب له شوي وتسبحة الخامة او امة . وحط راسه ونام حتى الساعة 5 الفجر, يقوم للمدرسة مرة ثانية .

وابوه وامه نفس الكلام في اشغالهم من الساعة 7 الى 2,5 الظهر . ليما يوصلون البيت يبي لهم ساعة . يتغدون ويقيلون . صار مغرب . يعني الياهل رقد ما شاف امة او ابوه

يعني هم يبون يبعدون العيال عن والديهم والولدين عن العيال وهاي اللي حاصل

زين وين دور مجالس الأمناء في المدارس ليش ما يطالبون بتقليل ساعات الدوام كفاية علينا

زيادة ايام التمدرس مش لازم يطولون يوم التمدرس .

ام حسوني

13-10-2009, 08:00 AM

على الجرح والله

ان حكينا ندمنا وان سكتنا قهـــــــــــــــــــــــــر

دلة الرسلان

13-10-2009, 08:05 AM

كلنا في الهوى سسسسسسسسسسسسسسسسسسسوى

والحل؟؟؟؟؟؟؟؟؟

دلول ترا الزحمة كل مكان:weeping:

بس احنا تاخير نص ساعة - 45 دقيقة ااذا مصخت يعني .. يعني تقريبا 2 او 2 وربع يرجعون اليهال :rolleyes2:

ترا الازمة من الزحمة :anger1: نبي حل .. :anger1: تاخير عالمدارس وتاخير ساعة - ساعة ونص عالدوام :anger1:

التأخير من دوامات المدارس اللي كلها في نفس الوقت والشوارع اللي رستات الهند باشه

عليها :anger1:

براماتا

13-10-2009, 08:10 AM

الله يعينكم .....ويعينا

الخارجية

13-10-2009, 08:11 AM

تدرين وين المشكلة النهار قصير والليل طويل

دلة الرسلان

13-10-2009, 08:13 AM

والله ما اقول يادله

صج ان طاعك الزمان والا طيعه

عاد اللي يقول ع هالكرف يعلمونهم شي مفيد اخر شي تشوفين كرف طول السنه وملف ضعيف

ما ادري هالقعده فالمدرسه طول هالوقت ليششششششش!!

عيالكم درسوا شيء ؟

ولدي عطوه ايام الاسبوع( week) نسخ في الصف لا وغلط ردينا نسخناه في البيت وكان الله غفور رحيم :)

دلة الرسلان

13-10-2009, 08:26 AM

نفس المعاناه والله
ربج يسهلها

عجل لازم ندور مقترحات افضل من ان احنا نطرش عليهم الغداء !!

والله خاطري لو عندي كرافان يتسبحون في الطريق ويرقدون :)

الله يعيينج يادلة

صج ان طاعك الزمان والا طيعه

والله كنت بنفس مأساتج يادلة ويمكن تذكرين بذيك الايام كنت اصيح وارق صاديني من الهم والقهر اعوذ بالله ، بس الحمد لله لك يارب من عقب ماسقت وانا مرتاحة واااااايد ، بو عيالي والدريول موزعين نفسهم على عيالي والحمد لله ندش كلنا البيت بوقت واحد 2.15 2.20 اقصى حد لانه اساسا يخلصون 1.30 ، 1.45 يعني التاخير في المدرسة مش في الشوارع ، بس ماننكر انه الشوارع زحمة والشاطر اللي يطلع روحه من هالزحمة

الحل يادلة تحطين دريول ثاني وشغالة ثانية وسيارة اضافية وان شاء الله ترجعين تلتمين مع عيالج على وجبة الغدا والله يساعدك ويعيينج ويوفق عيالج للخير يارب امييييييييييييييييييييييييييييييييين

ياضوى لو كل واحد حط لكل طالب دريول وسيارة تخيلي الشوارع اللي اصلا لو لها صوت بتقول

ارحموا حالي اشلون بيكون حالها الزحمة بتكون دبل .

ياضوى المشكلة في الناس اللي بيدهم القرار ما يصلحون لأتخاذ القرار او التخطيط بلد نامي

غني متلعوزين في مليونيين نسمة اشلون عقب خمس سنوات ؟

على الجرح والله

ان حكينا ندمنا وان سكتنا قهـــــــــــــــــــــــــر

وعليا ليش نندم ايش قلنا يا اختي ؟؟

ضوى

13-10-2009, 08:31 AM

والله مدري شاقولج يادلة صج الوضع لايطاق ، بس كثر ماتكلمنا جرايد اذاعة منتديات ولا باحد حولنا والا طريق وجسر ونفق صار لها اكثر من سبع سنين ؟؟؟ هذا هو تقاطع 22 فبراير شوفيه كم سنة واقف اساسا كل يوم فيه مشكلة ، هذا الطريق بس لو يكملونه شوفي اشلون الزحمة بتخف في البلد كلها ، مشكلتنا المال العام صار هدف لكل لص ، يتعاقد ويبوق ويشرد وهلم جراااااااااااا وخلي القلب يذوب في كمد

دلة الرسلان

13-10-2009, 08:43 AM

الله يعينكم .....ويعينا

امين

تدرين وين المشكلة النهار قصير والليل طويل

:omg: تخيل لو احنا في الصيف ونفس الزحمة وذيك اللواهيب

دلة الرسلان

13-10-2009, 08:48 AM

والله مدري شاقولج يادلة صج الوضع لايطاق ، بس كثر ماتكلمنا جرايد اذاعة منتديات ولا باحد حولنا والا طريق وجسر ونفق صار لها اكثر من سبع سنين ؟؟؟ هذا هو تقاطع 22 فبراير شوفيه كم سنة واقف اساسا كل يوم فيه مشكلة ، هذا الطريق بس لو يكملونه شوفي اشلون الزحمة بتخف في البلد كلها ، مشكلتنا المال العام صار هدف لكل لص ، يتعاقد ويبوق ويشرد وهلم جراااااااااااا وخلي القلب يذوب في كمد

تدرين ياضوى انتي خابرة يوم يرزون البيرق على جسر الحديد المؤقت اللي يوصل لأشارات

السد وكتب اخونا الزاجل موضوع عنه في المنتدى !

ترى كانت اشغال ابخص وأنه مهوب حاصل لنا من المشاريع المنجزه الا جسر الحديد المؤقت

علشان كذا كانوا محتفلين فيه:(

ضوى

13-10-2009, 08:50 AM

تدرين ياضوى انتي خابرة يوم يرزون البيرق على جسر الحديد المؤقت اللي يوصل لأشارات

السد وكتب اخونا الزاجل موضوع عنه في المنتدى !

ترى كانت اشغال ابخص وأنه مهوب حاصل لنا من المشاريع المنجزه الا جسر الحديد المؤقت

علشان كذا كانوا محتفلين فيه:(

اييييييييه يادلة الله يذكره بالخير الزاجل نظرته ثاقبة :(

يامعودة الحمد لله والشكر على جسر الحديد والا كانت علووووووووووم لو ما هالجسر

دلة الرسلان

13-10-2009, 09:04 AM

اييييييييه يادلة الله يذكره بالخير الزاجل نظرته ثاقبة :(

يامعودة الحمد لله والشكر على جسر الحديد والا كانت علووووووووووم لو ما هالجسر

تدرين ياليت يحطون لنا كم من جسر مؤقت عند المدارس وخلاص ما نبغي نصير مثل دبي

نبغي مرور سلس وانسيابيه في الحركة خلاص ما نبغي نكشخ لا يحطون غار خلوه رمل

علشان يتناسب مع مسمياتنا القديمه الخويا والفزعه :cry2:

الألماسي

13-10-2009, 09:21 AM

الحل:

يأخرون دوام المدارس أو يأخرون دوام العاملين بالوزارت والشركات الخاصه

بمعنى :

دوام الطالب من: 7 - 1 مساءً

دوام الموظف من: 8 - 4 مساءً

هذا الحل الأمثل و الأسهل في ظل البطئ الحاصل في مشاريع البنيه التحتيه . .

برشلوني قطر

13-10-2009, 11:40 AM

والله اني امس اتكلم مع الربع عن ذي الموضوع.,,

يااااااخي صف اول اتدائي يطلع ثنتين الا ربع....شنووووو ذي...اطلع اوصله ست وربع وبتغدى مع

صلاة العصر...ايي بني آدم بيستوعب ؟؟؟؟ انا فالدوام وتطق جبدي الساعه وحده فما بالج الياهل..

يرجع تعبان يبي يريح ماتقدر ادرسه ف ذي الوقت...فلييل بيرقد من وهل علشاان يقوم مرتاح..

ابي اعرف متى يقعد معانا متى يلعب وهو في ذي العمر...

والله التعلييم صااااااااااااار ............................... استغفر الله العظيم..

يرجع البيت مسكين ويهه مصفوووق :(

الله المستعان ويرحم ايام المدارس الحكوميه و 12 ونص انت فالبيت ...

اشكرج اختي ع الموضوع الي فعلا محتااج لوقفه من قبل المسؤولين عن التعليم

قناص الخليج

13-10-2009, 12:18 PM

المشكله الكبيره هي الزحمه يعني الحين اغلب العيال يطلعون من المدارس من الساعه 12 - 1 ظهر على حسب المرحله سوء ابتدائي او روضه او تمهيدي

لكن مع الزحمه الطريق يأخذ ساعه يعني على الساعه 2 يوصلون البيت

قناص الخليج

13-10-2009, 12:20 PM

والله اني امس اتكلم مع الربع عن ذي الموضوع.,,

يااااااخي صف اول اتدائي يطلع ثنتين الا ربع....شنووووو ذي...اطلع اوصله ست وربع وبتغدى مع

صلاة العصر...ايي بني آدم بيستوعب ؟؟؟؟ انا فالدوام وتطق جبدي الساعه وحده فما بالج الياهل..

يرجع تعبان يبي يريح ماتقدر ادرسه ف ذي الوقت...فلييل بيرقد من وهل علشاان يقوم مرتاح..

ابي اعرف متى يقعد معانا متى يلعب وهو في ذي العمر...

والله التعلييم صااااااااااااار ............................... استغفر الله العظيم..

يرجع البيت مسكين ويهه مصفوووق :(

الله المستعان ويرحم ايام المدارس الحكوميه و 12 ونص انت فالبيت ...

اشكرج اختي ع الموضوع الي فعلا محتااج لوقفه من قبل المسؤولين عن التعليم

2 الا ربع :omg:

اي مدرسه هذي

عيالنا يطلعون وحده الا ربع على الوحده هم قاعدين يتغدون بس خبرك المدرسه عند البيت :nice:

برشلوني قطر

13-10-2009, 05:10 PM

2 الا ربع :omg:

اي مدرسه هذي

عيالنا يطلعون وحده الا ربع على الوحده هم قاعدين يتغدون بس خبرك المدرسه عند البيت :nice:

مدرسة ابي حنيفه :(

الجني

13-10-2009, 05:26 PM

اوجعتي قلبي يا دله

عندما كتبتي بالفصحى كأنني اقرأ الجريدة
كل شيء ممتاز و الأمور طيبة

و عندما كتبتي بعفوية و بالعامية ادخلتينا
البيت و المدرسة و السيارة و كأنني اشاهد فلم
الولد و البنت و هم حاطين يدهم على خدهم

الموضوع طال و شمخ و صكت الحقة البطان
و لا توجد بوادر للحلول القصيرة و لا البعيدة المدى
بل كل سنة اسوأ من التي قبل

لا نقول الا "حسبنا الله و نعم الوكيل"

الجني

13-10-2009, 05:33 PM

الحل:

يأخرون دوام المدارس أو يأخرون دوام العاملين بالوزارت والشركات الخاصه

بمعنى :

دوام الطالب من: 7 - 1 مساءً

دوام الموظف من: 8 - 4 مساءً

هذا الحل الأمثل و الأسهل في ظل البطئ الحاصل في مشاريع البنيه التحتيه . .

لا يوجد بطيء اخي الألماسي

المشاريع متوقفه حتى اشعار آخر

سنة . . . 10 . . .20 الله اعلم

لا احد كفو يتجرأ و يقول ان المشروع الفلاني سينتهي
في سنة كذا و ليس شهر كذا

الحديث حول مناقشات و تسويات بدون جداول زمنية

يقولون تقاطع 22 فبراير سينتهي في 2011
بشرط ان تقوم الساعة قبل هذا الموعد و حينها
عندهم عذر و هو قيام الساعة

عن أنسٍ رضيَ الله عنه عن النبي صلى الله عليه وسلم قال :

( إِنْ قَامَتْ السَّاعَةُ وَفي ِيَدِ أَحَدِكُمْ فَسِيلَةٌ ،فَإِنْ اسْتَطَاعَ أَنْ لَا يَقُومَ حَتَّى يَغْرِسَهَا؛ فَلْيَغْرِسْها )‏.

الطائر الحائر

13-10-2009, 09:46 PM

الله يرد ذيك الايام 12.30 احنا طالعين من المدرسه ، والحمدلله اللي ماسكين المناصب الحين كلهم خريجين (المدارس الحكوميه) وكانوا يطلعون من المدرسة الساعة 12:30