بنتي بالصف الاول ترجع من المدرسة الساعة 2 ونص ---- حقيقة لاخيال [الأرشيف]

khk

12-10-2009, 06:25 PM

السلام عليكم ورحمة الله وبركاته

ياجماعة أنا تفاجأت أمس لما رجعت من الدوام والا بنتي بالصف الاول الابتدائي نازلة من الباص فسألت أم العيال ليش البنت توها واصله قالت لي دوام المدرسة المستقلة لين الساعة 1 ونص :eek5::eek5:

اشدعوه ياجماعه هذولا بالصف الاول مو رابع ولا خامس

وبعدين الطلاب ناجحين ناجحين بالمستقلة ليش يشدوون على الدوام لين هذه الساعة يعني بيخترعون الذرة

أنا اطالب المجلس الأعلى الموقر أنهم ينظرون بموضوع حضور الأطفال بالصف الأول والثاني على الأقل أن يكون الى الساعة 12 - 12 ونصف بالكثير

سهم مديون

12-10-2009, 06:33 PM

صراحه دوام غير مناسب لهذه الاعمار اتمنى ينقصون ساعة على الاقل !

المرحب

12-10-2009, 06:35 PM

الله يعين الصغـــار على الدوام الطويل

ومشوار البـاصااات في هالزحمــــه !!!

تحيــــــــــــــــــاتي ...

بوطويشم

12-10-2009, 06:41 PM

انا اقترح

انه الأبتدائي يكون نهاية الدوام الساعة 12 وربع

الأعدادي 12 ونص او45

الثانوي 1وربع

بذي الطريقة اتخف الزحمة للي عندهم يهال في مرحلة وحده

ويكون في نظام حق الي عند في اكثر من مرحلة وبذي الطريقة ما نشوف زحمة ولا ناس مسرعين عشان يوصلون حق المدرسة الثانية

والله يخلي لك بنتك

مرتبش

12-10-2009, 07:16 PM

صحيح الدوام طويل
يظنون التعليم بحشو الشنطة بدفاتر وملفات وبيع سندويشات بايتة في المقصف باعلى الاسعار وكل يوم اجتماع ودعوة لفعالية واحيانا بعد العصر او يومي الجمعة والسبت اطباق خيرية ومهرجانات وكل شي "ادفع رسوم"

خلهم يركزون على الدراسة ابرك لهم

امل الحب

12-10-2009, 09:07 PM

لا تعب نفسك :)

احنا شبه تعودنا :rolleyes2:

bo_moha

13-10-2009, 02:56 AM

والله تعب وبكره في الشتاء النهار يقصر متي يذاكرون

كلي أمل

13-10-2009, 03:42 AM

ايييييييه عليهاااااااااا والله خصوصآ الصغاار يكسرون خاطري

حرااااااااااام من زين الجو ولا مادري وش بيعطونهم زياااده عن الساعه 1 او 12 ونص

الله يكووون ف عونكم

شبربوش

13-10-2009, 03:44 AM

انا اقترح

انه الأبتدائي يكون نهاية الدوام الساعة 12 وربع

الأعدادي 12 ونص او45

الثانوي 1وربع

بذي الطريقة اتخف الزحمة للي عندهم يهال في مرحلة وحده

ويكون في نظام حق الي عند في اكثر من مرحلة وبذي الطريقة ما نشوف زحمة ولا ناس مسرعين عشان يوصلون حق المدرسة الثانية

والله يخلي لك بنتك

انه اايدك في الراي

ام لولوه

13-10-2009, 05:00 AM

مساكين يرجعوم من المدرسه هلكانين من التعب

صاحبة طموح

13-10-2009, 05:13 AM

اضم صوتي لج طلاب المراحل الاولى وايد عليهم و1 ونص....اصلا من 12 تلقينهم ينودون وبعدين بالمدارس المستقله كل يوم يطلع 3 او 4 حصص احتياط من كثر غياب المعلمات ..يعني شفيها لكنسلنا الاحتياط وردينا اليهال لبيوتهم!!!

الورده

13-10-2009, 05:39 AM

الله يرحم الحال تخيلوا يا جماعه انا 3 الا ربع تجي واحدة والثانيه ثانويه عامه 3 ونص والثالته 4 العصر
الاخيرة جامعين معيذر كله مع مدينه المرة ويمكن العزيزيه في باص وبعض البنات بعد واقفين
مع شينه قواة عينه حتى الباص ما قدرين يوفرون لهم باص

أم وضحى

13-10-2009, 07:15 AM

الله يعينهم المساكين

انا ولدي بالصف الاول تعقد من اول يوم .. يقول مابي اروح المدرسه رجعيني الروضه :(
والله انه بالروضه ماشاء الله عليه مستواه افضل من مستوى طالب الصف الاول الابتدائي مع انه يطلع الساعه 11 .
اما المستقله للساعه وحده وربع وتلقى الطفل فاصل على الاخر ..

شيزكيك

13-10-2009, 07:27 AM

الله يعينكم

العام ولدي في الصف الاول يخلص 12 وثلث ولانه في الباص يضطر ينطر عيال رابع

وخامس وسادس لين يخلصون الساعه وحده وربع ولين تحرك الباصات ولين يوصل مسكين

الساعه 2 وعشر السنه انا اوديه الصبح والظهر يرجع مع السواق مايسوى عليهم هاليهال

بنت الرجال

13-10-2009, 07:28 AM

اضم صوتي لج طلاب المراحل الاولى وايد عليهم و1 ونص....اصلا من 12 تلقينهم ينودون وبعدين بالمدارس المستقله كل يوم يطلع 3 او 4 حصص احتياط من كثر غياب المعلمات ..يعني شفيها لكنسلنا الاحتياط وردينا اليهال لبيوتهم!!!

أمـا هـذي سالفـه ..!!!

كـل يـوم 4 حصـص أحتيـاط ... شدعـوه ويـن صـااارت هــذي ...!!!

عيـل عيالكـم متـى يـدرسـووون ..!!!

بـس شدعـوه يختـي يردونهـم بيوتهـم ... هـم طالب او طالبيـن ...

شكلكـم ماتبـون الدراسـه لعيالكــم ...

بلاهويـــــة

13-10-2009, 07:30 AM

الله يعينهم

جرح الزمان

13-10-2009, 08:19 AM

أضم صوتي لصوتكم مطلوب التدرج

وفي المرحله الابتدائيه المقرر بسيط بالنسبه للسنه الدراسيه

اذا خلوا الابتدائي من 7 - 12 = 5 ساعات فيها بركه ويقدر الطالب يرجع البيت يراجع ويحل الواجابات المدرسيه

بوفهد 5555

13-10-2009, 09:00 AM

بيخلون اليهال يكرهون المدرسة ـ