المساعد الشخصي الرقمي

مشاهدة النسخة كاملة : مشروع مكتب لتأجير السيارات!!



(حوريه)
12-10-2009, 09:27 PM
أعزائي افكر جديا بأفتتاح مشروع تأجير سيارات
لكني اجهل بعض الأمور من ناحية الجدوى الأقتصادية و من ناحية الأجراءت الحكومية و من ناحية التكاليف و المشاكل المتوقعه لمثل هذا المشروع

شكرا مقدماً

لكل مهتم

jajassim
12-10-2009, 10:16 PM
الله يوفقك ،، المشروع حلو

بس أهم مشاكل في مشروع تأجير السيارات ،، ،، مخالفات المستأجرين ،،

الحزين4800
12-10-2009, 11:26 PM
الله يوفقج

الاستثمار
13-10-2009, 03:58 AM
راجعي الخاص

نجم سهيل
17-10-2009, 11:20 PM
السلام عليكم

نتمنى الرد على العام لتعم الفائدة ..

وبالتوفيق ان شالله

هذلان
17-10-2009, 11:29 PM
السلام عليكم


مشروع جدا ممتاز و مجالات التطور فيه واسعه مستقبلا .

الموضوع موضوع علاقات بالدرجه الاولى و اكثر الي ماشين بهالسالفه هم الهنود لتقديمهم تسهيلات لبعظهم البعظ .

السيارات تاخذينها من الوكالات جديده باقساط وليس كاش و حاولي تكون من نفس الشركه . و انصح بشركه نيسان
امور الغش كثيره اقلها شخص يستاجر السياره و يغير توايرها بتواير اقدم و صارت كثير يتم تغيير مكينه السياره . بالنسبه للمخالفات هذي يتم توقيع شيك على الشخص .

انصح بالتاجير الشهري او السنوي و ابتعدي نهائيا عن التاجير اليومي او الاسبوعي .

فيه فئه من الاشخاص لاتفكرين تاجرين لهم و اذا عزمتي عطيني خبر على الخاص بقولج .

ترى لاتستبعدين تاجرين سياره لشخص لمده اسبوع او يوم يومين و يختفي الشخص و تلقين السياره بعد شهر محذوفه في مكان و مكسره و ملعوب فيه . طبعا حقج احتمال كبير جدا بتاخذينه بس مش دايما .

لازم رجل في هذا المشروع و يكون متابع ولا اقصد انه فيج قصور ولكن احيانا السياره تدخل للصيانه و هناك يصير فيه لعبه و تخاذل .

امممممم بعد بعد فيه اشياء كثيره لاتذكرت بقول .

هالكلام طبعا من تجربه شخصيه .
والمشروع جدا ممتا و يدخل اذا تمت المتابعه الدقيقه لكل شارده و وارده
وبالتوفيق

muslim
18-10-2009, 01:13 PM
مشروع خسايره ومشاكله اكبر من منافعه وارباحه..غير المشاكل اللي قالها الاخ هذلان فيه مشاكل اكبر...يكفي ان السيارات بتكون متبوعه بأقساط لا لها اول ولا تالي حتى لو سمح الله صار حادث وتكنسلت السيارة!!!
عدد السيارات لازم ما يكون اقل من 15 سيارة عشان يدر ارباح لان اقل من هذا العدد راح يكون مردود ضعيف او شبه منعدم ...
اتكلم عن تجربة شخصية والحمدلله الذي هداني الى الطريق الصحيح لان المشروع كلن اصله كان حرام ورب العالمين ما يبارك فيه(اقصد هنا البنوك الربوية)

اما اذا عندكي رأس مال كاش فهذا كلام اخر تقدرين تشترين سيارات بدون ما تدخلين في الربا واقساط ووجع راس..لكن لو صار واندعمت سيارة ولا تكنسلت مثل ما قلت تكونين خسرانة جزء من رأس المال..
بس لالالازم مثل ماقال الاخ هذلان يوقف على المشروع رجل ثقة...

نصيحة اخيرةاختي :ابتعدي عن التعامل مع البنوك الربوية إقراضاً واقتراضاً ،و تذكري قول رب العالمين(ومن يتق الله يجعل له مخرجاً ويرزقه من حيث لا يحتسب )
(انا عن نفسي لا انصحكي بالمشرووع بتاااااتا ولكي مطلق الحرية)
شكرا

قطري !
19-10-2009, 08:49 AM
مشرووووع مزعج جدا


انا عندي مكتب تاجير سيارات والمندوب مخصصينه حق النيابه العامه والشرطه



مشاكله كثيره , السرق على بيزه( تغيير تواير تغيير قطع في السياره .. الخ)


انصحج بالابتعاد عنه ... والله نصيحه اخويه

jajassim
19-10-2009, 11:00 AM
مشرووووع مزعج جدا


انا عندي مكتب تاجير سيارات والمندوب مخصصينه حق النيابه العامه والشرطه



مشاكله كثيره , السرق على بيزه( تغيير تواير تغيير قطع في السياره .. الخ)


انصحج بالابتعاد عنه ... والله نصيحه اخويه

هلا أخوى قطري!

بالنسبة للاطارات ،، بالامكان تحط دمغة على كل اطار ،، وعند تسليم السيارة ،، شيك على كل اطار ،، وخاصة عند ارجاع السيارة ،، ويفضل يكون بشكل سري ومن دون اشعار المستأجر ،، :nice:

ali_rabbah
20-03-2010, 02:52 PM
أعزائي افكر جديا بأفتتاح مشروع تأجير سيارات
لكني اجهل بعض الأمور من ناحية الجدوى الأقتصادية و من ناحية الأجراءت الحكومية و من ناحية التكاليف و المشاكل المتوقعه لمثل هذا المشروع

شكرا مقدماً

لكل مهتم

اخوي ممكن ترسل رسالة على ايميلي ali.rabbah@gmail.com

وان شاء الله افيدك

وحش قطر
20-03-2010, 04:56 PM
اخوي ممكن ترسل رسالة على ايميلي ali.rabbah@gmail.com

وان شاء الله افيدك

ماشاء الله عليك انت بتاع كلو

تفهم في تاجير السيارت والصالونات النسائية وكل شي

اخوي ممكن تشرح لي شنو التسلل ؟؟؟؟؟

ولا تبيني اطرش لك رسالة على ايميلك

ali_rabbah
20-03-2010, 05:20 PM
ماشاء الله عليك انت بتاع كلو

تفهم في تاجير السيارت والصالونات النسائية وكل شي

اخوي ممكن تشرح لي شنو التسلل ؟؟؟؟؟

ولا تبيني اطرش لك رسالة على ايميلك

انا لي بالدوحة اكثر من 30 سنة والحمد الله عندي خبرة كافية بجميع المجالات تقريبا وشغلي تطوير الاعمال وكنت اشتغل بشركة اعمار للعقارات دوحة دبي لكن زهقت الشغل المكتبيي وخاطري اديري مشاريع وافيد العالم بخبرتي ومنها نفيد ونستفيد بالنسبة لتاجير السيارات كلام فاضي ومشاكله لا تحصى خصوصا انه راح تقابل ناس تاخذ السيارة وما تدفع وتدخل بسين وجيم وصيانة السيارات وحوادث السيارات المستاجره خلك من السالفة بالنسبة للصالونات النسائية المدام مدير صالون لكن اتركت شغلها وشغل الصالونات يجيب ذهب للى يفهم بادارته وسبب اني قلت لك طرشيلي عالايميل بسبب انو خاصية الرسائل بالمنتدى فيها مشكلة عندي
اخوك علي رباح

ali_rabbah
20-03-2010, 05:23 PM
اخوي ممكن تشرح لي شنو التسلل ؟؟؟؟؟



هي خطة تكتيك دفاعية يلجى إليها لأعبي دفاع الفريق بحيث تعطل الهجمة المرتدة أو تعطل تقدم الفريق الخصم ، وهذا التكتيك يعرف بالمصيدة مبني على التسلل السالف الذكر وبالتالي هذا التعطيل القانوني يغير مجرى الكرة في الملعب لصالح فريقهم .

N7eEeS
21-03-2010, 10:36 PM
اخوي ممكن ترسل رسالة على ايميلي ali.rabbah@gmail.com

وان شاء الله افيدك


ماشاء الله عليك بتاع كله في كل موضوع تحط ايميلك وبتفيد الناس شرايك تفتح موضوع وتحط فيه خبراتك!!!!

SomeOne
21-03-2010, 10:40 PM
ماشاء الله عليك بتاع كله في كل موضوع تحط ايميلك وبتفيد الناس شرايك تفتح موضوع وتحط فيه خبراتك!!!!

ايه والله ،، اخاف اكتب عن الحوادث ،، يقول ارسلي ايميل ، :taunt:

الجووري
21-03-2010, 10:59 PM
اخوي ممكن تشرح لي شنو التسلل ؟؟؟؟؟



هي خطة تكتيك دفاعية يلجى إليها لأعبي دفاع الفريق بحيث تعطل الهجمة المرتدة أو تعطل تقدم الفريق الخصم ، وهذا التكتيك يعرف بالمصيدة مبني على التسلل السالف الذكر وبالتالي هذا التعطيل القانوني يغير مجرى الكرة في الملعب لصالح فريقهم .




هههههههههههههههههههههههه

احسنوا الظن واستهدوا بالله :nice:

شموخ دائم
21-03-2010, 11:34 PM
,

,


والله في ردود بالمنتدى

تخلي الي متضايق يضحك

:)

الله يسعد اوقاتكم يارب

ان شاء الله الجميع يفيد ويستفيد يارب

الله يوسع خواطركم يارب

,

,


اخوك


شموخ دائم