المساعد الشخصي الرقمي

مشاهدة النسخة كاملة : مقترح لآشارات المرور المزودة بساعة رقمية


كلاسيك قطر
13-10-2009, 11:14 AM
السلام عليكم ورحمة الله وبركاته

يا اخواني هذا الموضوع مهم فارجو التصويت عليه

والاقتراح كالآتي:

http://www.kharjhome.com/newsm/1818.jpg

تركيب ساعة رقمية جنب اشارات المرور التي تحتوي على كاميرات قطع الاشارة أو السرعة (عشان الواحد يحاسب يقدر يطوف أو يخفف من سرعته)، كما هو مستخدم في بعض الدول.

الصراحة اكثر الحوادث المميته سببها الكاميرات، شفت حادث عن اشارة فيها كاميرا السايق محاسب عشان ماتصيدة الكاميرا وحاول يوقف وجاك واحد من وراه وصدمه ، ماراح تصدقون قوة الضربة (الصندوق وصل للسيت الجدامي) والحمد لله انهم اثنيناهم رابطين الحزام ول جان راحو فيها. جان انا على طول اربط الحزام وتخيلت نفسي مكانهم

ارجو التكرم بالتصويت، وياريت إدارة المنتدى توصل صوتنا لأدارة المرور، وما اعتقد إدارة المرور راح يكلفهم الكثير كفاية المخالفات اللي ياخذونها، واذا يهمهم سلامة المواطنين خلهم يركبونها.

وسلامتكم
مستثمر مبتدئ
13-10-2009, 11:16 AM
اذا ركبوا ساعة رقمية الـ6000 بتروح عليهم خلها على ربك بس
عذايب قطر
13-10-2009, 11:16 AM
اي والله صدقت ياريت يطبقون هالنظام
اليوم الصبح في الدوام كنت اقولهم ليش مايركبون الساعه على الاشارات مثل عجمان في الامارات

ان شاءالله يشوفون الموضوع

تحياتي لكم
عذايب قطر
bo_hamad
13-10-2009, 11:19 AM
يا ريت لو يركبون العداد
كلاسيك قطر
13-10-2009, 11:22 AM
مشكووووووورين والله

فيكم الخير
نبي المزيد
احب قطر
13-10-2009, 11:25 AM
صباح الخير... على فكرة نظام الاشارات اللي عندنا افضل بكثير من نظام العداد... لان النظام اللي عندنا نظام الاشارات الذكية اللي تنظم الحركة حسب الازدحام ...بينما الاشارات الرقمية نظام قديم وثابت يعني مثلا اذا فتحت الاشارة حق طريق لمدة 40 ثانية..لازم تكمل 40 ثانية حتى لو مافي سيارات ...
GENIUS
13-10-2009, 11:27 AM
اقتراح رائع لكنه غير مفيد ماديا لإدارة المرور.

ياريت يفعلون نظام الإشارة الخضراء المتقطعة على كل الإشارات بدلا من تغيرها الفجائي وإصطياد الناس بصراحة ليس هناك من سبب مقنع بأن تكون بعض الإشارات تعمل بنظام الإشارات الخضراء المتقطعة قبل تحولها للأصفر ثم الأحمر وإشارات أخرى محرومة من هذا النظام.

عندك مثال إشارات الباراشوت .
زنجبيل
13-10-2009, 11:35 AM
نتمنى هالشي
G0LD
13-10-2009, 11:37 AM
يفضل الساعه الرقميه

شكرا
سمو انسان
13-10-2009, 11:42 AM
صباح الخير... على فكرة نظام الاشارات اللي عندنا افضل بكثير من نظام العداد... لان النظام اللي عندنا نظام الاشارات الذكية اللي تنظم الحركة حسب الازدحام ...بينما الاشارات الرقمية نظام قديم وثابت يعني مثلا اذا فتحت الاشارة حق طريق لمدة 40 ثانية..لازم تكمل 40 ثانية حتى لو مافي سيارات ...

ليش ما تكون الفكره الربط بين الاشارات الذكيه والمؤقت .. ياخي ما ينفع هالكلام تخيل نفسك ماشي 90 وانت على بعد 70 الى 100 متر .. وفجأه الاشاره صارت صفره .. اذا سرعت خذت محالفه واذا خفيت بتقطع الاشاره ولو بشوي او اللي وراك بيصخك على سنته .. وهذي كم مره صارت لي شخصياً ومره قطعت الاشارة غصبن عليّ !!
هذلان
13-10-2009, 11:46 AM
السلام عليكم

سنه ٢٠٠٥ كنت في زياره الاردن وكانت الاشارات الي فيها ساعه منتشره في عندهم :secret:
fhd4
13-10-2009, 11:51 AM
مرة تكلم مدير المرور هذا الموضوع ... وقال ان تطبيق هذا النظام غير ممكن مع اشارات الدوحة ...

لأن توقيت معظم الاشارات يعتمد على اعداد السيارت نظرا لوجود الحساسات في الشوارع ...

يعني مثلا ... اذا مافي أي سيارة على الاشارة ... كل الاشارات في كل الاتجاهات تتحول الى اللون الاحمر ... وما تخضر الاشارة الا اذا قربت سيارة عند الاشارة ...

ففي مثل هذي الحالة ما ينفع التوقيت ...


لكن أنا أقول ان هذا الاقتراح ممكن ومب مستحيل ... وهي سالفة برمجة ... اذا كانت الاشارات ذكية وفيها حساسات مب صعبة يتم برمجة التوقيت ...

لأن الاشارة في النهاية راح تتغير مهما كان عدد السيارات ... اذن ممكن يبتدي التوقيت عندما يبتدي التوقيت النهائي لتغير الاشارة من لون الى لون ...
كلاسيك قطر
13-10-2009, 12:06 PM
مشكوووووووووور يالغالي

وبعض الاشارات اتنقهنى ومانعرف متى اتبطل
السعدي999
13-10-2009, 12:09 PM
ضروري جدا هذا الاقتراح
كلاسيك قطر
13-10-2009, 01:55 PM
تسلموووون والله
كلاسيك قطر
13-10-2009, 05:22 PM
نبي الخر هذا يوصل المرور
مساهم عادي
13-10-2009, 05:32 PM
نعم ممكن الجمع بين الاثنين...

لكن هل توجد شركات عندها انظمة اشارات مرور كهذه ؟؟
مرتبش
13-10-2009, 08:54 PM
مرة في اذاعة بوظبي قال مدير المرور عندهم ان العداد على الاشارة يسبب الحوادث بسبب اللي يحاولون يسرعون قبل لا يسكر العداد..
واذا حطو عندنا عدادات بتكون نفس الاشارة الخضرا المتقطعة ..ناس تسرع وناس تخاف وتوقف وهي خضرا واعتقد بالعداد بتحصل كل الهنود واقفين قبل 10 ثواني يعني ما في حل غير الانتباه وترك مسافة كافية
هذلان
14-10-2009, 12:27 AM
مرة في اذاعة بوظبي قال مدير المرور عندهم ان العداد على الاشارة يسبب الحوادث بسبب اللي يحاولون يسرعون قبل لا يسكر العداد..
واذا حطو عندنا عدادات بتكون نفس الاشارة الخضرا المتقطعة ..ناس تسرع وناس تخاف وتوقف وهي خضرا واعتقد بالعداد بتحصل كل الهنود واقفين قبل 10 ثواني يعني ما في حل غير الانتباه وترك مسافة كافية

نا مش معاك نهائيا ،، لاتنسى بعد العد الاخضر الى الرقم صفر بيبدا اللون البرتغالي في الاشاره .
فيه مجال و بالعكس العد بخلي السواق على بينه هل يمديه او لا

و الهنود لو في البر بروحهم يسوقون بيدعمون السمر :nice:
ALRAYYAN
14-10-2009, 12:33 AM
السلام عليكم

سنه ٢٠٠٥ كنت في زياره الاردن وكانت الاشارات الي فيها ساعه منتشره في عندهم :secret:

ابشرك اني شايفها في الاردن في 2003

بس صحيح هالنظام مايتماشى مع نظام الاشارات الذكية .. لأن الاشارة الذكية تتحول من اللون الاخضر الى الاحمر في حال مامرت اي سياره خلال 10 ثواني

نظامنها احسن
هذلان
14-10-2009, 12:39 AM
ابشرك اني شايفها في الاردن في 2003

بس صحيح هالنظام مايتماشى مع نظام الاشارات الذكية .. لأن الاشارة الذكية تتحول من اللون الاخضر الى الاحمر في حال مامرت اي سياره خلال 10 ثواني

نظامنها احسن

الي سوى الاشارات الذكيه و الي سوى الاشارات الرقميه يقدر يسوي نظام يجمع بين الثنتين.
ما اتوقع صعب انه يكون فيه ارقام في الاشاره و في نفس الوقت تكون اشاره ذكيه ..
يعني حتى لو الاشاره قاعده تحسب لجهه من الشارع و الارقام ماشيه و الشارع كان فاظي . و جت سياره من شارع اخر عادي توقف الحسبه و تصير حمرا و تفتح للشخص الموجود
jajassim
14-10-2009, 12:39 AM
السلام عليكم ورحمة الله وبركاته

يا اخواني هذا الموضوع مهم فارجو التصويت عليه

والاقتراح كالآتي:

http://www.kharjhome.com/newsm/1818.jpg

تركيب ساعة رقمية جنب اشارات المرور التي تحتوي على كاميرات قطع الاشارة أو السرعة (عشان الواحد يحاسب يقدر يطوف أو يخفف من سرعته)، كما هو مستخدم في بعض الدول.

الصراحة اكثر الحوادث المميته سببها الكاميرات، شفت حادث عن اشارة فيها كاميرا السايق محاسب عشان ماتصيدة الكاميرا وحاول يوقف وجاك واحد من وراه وصدمه ، ماراح تصدقون قوة الضربة (الصندوق وصل للسيت الجدامي) والحمد لله انهم اثنيناهم رابطين الحزام ول جان راحو فيها. جان انا على طول اربط الحزام وتخيلت نفسي مكانهم

ارجو التكرم بالتصويت، وياريت إدارة المنتدى توصل صوتنا لأدارة المرور، وما اعتقد إدارة المرور راح يكلفهم الكثير كفاية المخالفات اللي ياخذونها، واذا يهمهم سلامة المواطنين خلهم يركبونها.

وسلامتكم

أخوى قيمة المخالفات ،، تذهب لوزارة المالية مباشرة وتعتبر كايرادات للدولة لا يحق للمرور التصرف بها او حتى اى وزارة ،،

وعلما ،، بان المرور دائما تطالب بتركيب العداد التنازلي ،، الا أن هيئة الأشغال ،، افادت بعدم امكانية تركيب العداد التنازلي لان الاشارات اللي عندنا تعمل على حسب تدفق السيارات من كل جهة ،، هذا مايسمى بالاشارات الذكية ، مثل ذكروا الأخوان ،، اذا تم تركيب العداد التنازلي ،، ستنتظر كل جهة الانتهاء العدد ،، حتى يفتح ( السيد ) حتى اذا كان الشارع فاضي ،، :victory:

ونظرا لإلحاح من المرور على تركيب العداد وعدت هيئة الأشغال ،، بايجاد الحل المناسب ، بالنسبة للعداد التنازلي ، وهذا هو ناطرين ،، الله يفرج علينا ،، :shy:
مستثمر مبتدئ
14-10-2009, 01:15 AM
صباح الخير... على فكرة نظام الاشارات اللي عندنا افضل بكثير من نظام العداد... لان النظام اللي عندنا نظام الاشارات الذكية اللي تنظم الحركة حسب الازدحام ...بينما الاشارات الرقمية نظام قديم وثابت يعني مثلا اذا فتحت الاشارة حق طريق لمدة 40 ثانية..لازم تكمل 40 ثانية حتى لو مافي سيارات ...

سلامتك اخوي والدليل دوار التضامن للقادم من جهة الدائري الرابع مدة الاشارة قصيرة بعكس باقي الاتجاهات اللي يكون الشارع فاضي ولا سيارة جاية والاشارة اتم خضرة واعتقد اشارة دوار التضامن فيها غباء شوينبغي بس يزيدون مدة هالمسار وخاصة بعد ماسكروا المخرج الفرعي الوحيد وتم مخرج المحطة
قلب الدوحة
15-10-2009, 02:43 PM
نتمنى من احد المسؤولين يقف عند دوار التضامن الساعة 7 صباحاا ويشوف هل مدة الاشارات تناسب الزحمة اذا على قولتهم ذكية شلون ذكية والزحمة توصل الى ماقبل دوار النعيجة للقادم من دوار العبيديلي
حليتان*
15-10-2009, 08:47 PM
الله يسمع منك