هذا مشكلتي مع شركة الخليج ( نوكيا)

[عـيـون قـطـر]

السلام عليكم

هذا مشكلتي مع شركة الخليج ( نوكيا ) وارسلت لهم اميل على الشكوه
توني من شوي مرسل لهم اميل

والله قهر حتى يوم تروح لهم زحمه على فاضي ولا القهر يقول لك بعد يومين او ثلاث ايام تعال وفي الأخر جهازك ما خلص من التصليح

انتظر تعليقاتكم على هذا الموضوع




التاريخ: 13/10/2009م
السادة/ شركة الخليج المتحدة المحترمين
السلام عليكم ورحمة الله وبركاته،،،،
الموضوع : شكوى
أنا عميل في شركة الخليج منذ فتره طويله وإليكم مشكلتي مع صيانة الأجهزة المشتراة من شركتكم الموقرة حيث أنني في أخر مره تقريباً قبل شهر رمضان المعظم اشتريت جهاز نوكيا 7600 جديد مع الضمان وبعد أسبوع من استعماله تعطل الجهاز وأحضرته للصيانة، وبعد فترة أبلغني موظف خدمة العملاء بان الجهاز لا يمكن إصلاحه وسوف يتم تعويضي بجهاز جديد، لكن للأسف لا يوجد جهاز من نفس الموديل... وبعد ما يقارب الشهران تم توفير جهاز واختلفت معهم في اللون وتمت تسوية الموضوع بتغير غطاء الجهاز مع الاحتفاظ بالضمان وانتهى الموضوع...
وتجددت المشكلة مع جهاز آخر موديل n85 وتنحصر مشكلته في أنه لا يقبل شحن الكهرباء وبعد فترة أبلغني موظف خدمة العملاء بأن الجهاز لا يمكن صيانته وسوف توفر الشركة جهاز جديد وللأسف لا يوجد جهاز من نفس الموديل وإلى الآن ما زلت منتظر وصول الجهاز، علماً بأنه لدى جهازين آخرين متعطلين وأخاف أن يتكرر نفس السيناريو... عليه أرجو التكرم بالنظر في شكوتي هذه باعتباركم شركة عريقة ذات سمعة طيبة تسعى جادة لإرضاء العملاء...
وتفضلوا بقبول وافر التقدير والاحترام،،،،،

[البنـدري]

نفس اللمشاكل اللي صارت لي قبل

غيـر للـ سوني اريكسون وريح نفسك :victory:

[BIG-VEGA]

اخوي جرب معاهم طريقه (العين الحمراء)......ترى مضبوطه وتجيب نتيجة...:nice:

[Abo Ahmed]

هلا شباب ...

واحد من الربع مشتري تلفون بضمان الخليج "نوكيا" وبعد 3 أشهر مات الموبايل صار ما في نفس "ما قام يشتغل". وداه الشركة وبعد فترة لما راجعهم قالوله ما نقدر إنصلح الموبايل ولازم تدفع 700 ريال وهو أساساً قيمته 700 ريال علشان البوردة مالت الجهاز خربانة ومبين إن الجهاز متصلح من قبل.

طيب أنا عندي كم سؤال:

1- على ما أظن إن الفني يقدر يكشف على الجهاز من قبل ما يفتحه ويعرف إذا كان مفتوح من قبل صح ولا لأ لأن الشركة تخلي مسؤوليتها عند إكتشاف ذلك؟

2- بالعقل شاري جهاز بالمبلغ الفلاني وعليه ضمان لما يخترب ويين أودييه "الوكالة ولا الدكان"؟

3- أنا إيش إلي يضمني إنه فني الشركة مش هو إلي خرب الجهاز؟

الخليج وما أدراك مالخليج

أخوكم

Abo Ahmed

[غناتي1]

الله يعينك ---

4 اجهزة خربانة من النوكيا

صدق انك عميل مميز وقدم عندهم --

ترى شكواك صادتنا كلنا اخوي -- لكن لا حياة لمن تنادي

[مخباط]

والله يرفعون الضغط

ما لي اسبوعين مزنط للموظف بس الناس الله يهداهم فكوه

[عـيـون قـطـر]

نفس اللمشاكل اللي صارت لي قبل

غيـر للـ سوني اريكسون وريح نفسك :victory:


والله مشكلتي متعود على نوكيا

[عـيـون قـطـر]

اخوي جرب معاهم طريقه (العين الحمراء)......ترى مضبوطه وتجيب نتيجة...:nice:


ههههههههههههههه

جربت معاهم بس ماينفع معاهم

[عـيـون قـطـر]

هلا شباب ...

واحد من الربع مشتري تلفون بضمان الخليج "نوكيا" وبعد 3 أشهر مات الموبايل صار ما في نفس "ما قام يشتغل". وداه الشركة وبعد فترة لما راجعهم قالوله ما نقدر إنصلح الموبايل ولازم تدفع 700 ريال وهو أساساً قيمته 700 ريال علشان البوردة مالت الجهاز خربانة ومبين إن الجهاز متصلح من قبل.

طيب أنا عندي كم سؤال:

1- على ما أظن إن الفني يقدر يكشف على الجهاز من قبل ما يفتحه ويعرف إذا كان مفتوح من قبل صح ولا لأ لأن الشركة تخلي مسؤوليتها عند إكتشاف ذلك؟

2- بالعقل شاري جهاز بالمبلغ الفلاني وعليه ضمان لما يخترب ويين أودييه "الوكالة ولا الدكان"؟

3- أنا إيش إلي يضمني إنه فني الشركة مش هو إلي خرب الجهاز؟

الخليج وما أدراك مالخليج

أخوكم

abo ahmed



والله اخوي انا منقهر منهم من قلب ودي اروح اقلب لهم الشركه فوقهم

[عـيـون قـطـر]

الله يعينك ---

4 اجهزة خربانة من النوكيا

صدق انك عميل مميز وقدم عندهم --

ترى شكواك صادتنا كلنا اخوي -- لكن لا حياة لمن تنادي

:):) اكيد عميل مميز

[ذيب زكريت]

الظاهر انت من اللي يحرقون الاجهزة مكالمات ---

خف عليهم وريح اجهزتك اشوي !!!!!

وألا غير الشركة وفك نفسك دامك مميز وهاذي معاملتهم لك .

[الـقـاسـي]

اجهزه النوكيا الاخيره كلها فاشله بمعنى الكلمه وخراباتها صارت كثيره كل جهاز جديد استخدمه لازم تطلع فيه عيوب ..
انا قررت اني ما اشتري جهاز من نوكيا ابدا راح اغير على السوني اريكسون ..

[البنـدري]

والله مشكلتي متعود على نوكيا


انا كنت مثلك

بس جربت سوني

وطلقت النوكيـا :nice:

جرب ماراح تخسر شي :omen2:

[بولينجر]

اترك عنك النوكيا التعبانة.... اشتري راحة بالك مع سوني اريكسون.... اجهزة يعتمد عليها.... ولا جوال منهم اخترب عندي.... واشكالهم مميزة وكشخة :nice:

[البنـدري]

اترك عنك النوكيا التعبانة.... اشتري راحة بالك مع سوني اريكسون.... اجهزة يعتمد عليها.... ولا جوال منهم اخترب عندي.... واشكالهم مميزة وكشخة :nice:


صدقت خصوصا الـ W995 :victory:

[عـيـون قـطـر]

مشكورين على التفاعل

شكلي بحول على شركه ثانيه

[الجوكر90]

السلام عليكم
اخوي احمد ربك
ترى انا تلفوني كان يخترب واوديه يصلحونه ويتم عندهم اسبوع وبعد يومين يخترب بعد مره ونفس المشكله
وديته 3 مرات مافي فايده اقولهم بدلوا التلفون يقولون لا مانقدر
تهاوشت معاهم مافي فايده لين مازهقت منه وبعته
وبالتوفيق ان شاء الله

[biz-qtr]

اخوي والله اسلوبك حضاري بس للاسف هالاسلوب ما ينفع مع شركه كلها حراميه اسفه ع الكلمه بس والله هالكلام صدق مب تاليف

شركه النوكيا نظام استثماري للاسف نجح ع اهل قطر والا ايش لك ف تلفون مواصفاته قليله وسعره غالي وخراباته وايد :(

السوني اريكسون وايد احسن والمواصفات افضل والبلاك بيري افضل بعد والاي فون افضل من النوكيا ....

لكن ما دام انهم يلقون اقبال والناس مب قاعده تبطل عيونها اكيد راح يصير هالاستغلال ..

بعدين لاحظ انهم عشان ينصبون صح اتجهو لتلفونات made in china يعني بالعربي ع الدنيا السلام نوكيا

يبه نصيحتي روح اخذ التلفونات واقعد ع جبدهم خل يبدلونهم لك كلهم وصاااارخ صراااااخ ترا ع بالك كتبت لهم شكوا بيعطونك ويه ذيلا

لو هالاسلوب نفع عيل ليش اسرائيل طايحه فيهم ذبح كان كتبت رساله لو سمحتو خلونا نعيش بسلام >>>>> معليش داشه عرض بس ما ادااااانيهم اكررررررررهــــم ياعالم

الله يعينك ومن جد بالك طويل ...

[ام حسوني]

هلا الشيخ ..مممممم الله يعينك صراحه بس انا في بالي شي ولحين ما عرفت جوابه:rolleyes2:


لما تشتري سماعه يقولك تبي بضمان ولا بدون اوك ناخذها بضمان تخيل نفسك طول بعرض داش الشركه تصلح سماعه اصلا المشوار روحته اغلى من السماعه هههههههه مالهم حل صراحه ...

وموضوعك رائع ويستحق المشاهدة...وربك كريم:)

[كاتم الاسرار]

سوالفهم شركه الخليج ما تخلص والله انا صارت لي وياهم بعد مشاكل