بخصوص النقل البحري يالربع ؟؟؟

[Dior]

ياجماعة انا عندي اسهم في النقل البحري
كنت مخطط ابيع قبل انعقاد الجمعية العمومية بيوم على امل انه بيكون فوق ال200 يالراحة وماكان عندي شك انه بيكون اقل من 200 ايدا
السؤال ؟؟ بعد التوزيعات وبعد انعقاد الجمعية اش مستقبل السهم ؟؟
هل سيكون غليه اقبال ؟؟
عشان اقرر ابيع الحين ولا انتظر ؟؟
الرجاء ما يجاوبني الا واحد فاهم .. لاني محتار :(

ياليت يؤجلون انعقاد الجمعية العمومية

[حبيـ M ـبها]

اخوي ديور .. والله نصيحتك لك .. انتظر توزيع الارباح واسهمك المجانية والاكتتاب ..

وبعدين بيع لان السهم بينزل اكثر واكثر بعد الجمعية ..

فانتظر لين يبدا بالارتفاع .. او على الاقل بيع الاسهم المجانية و اللي بيجيك من الاكتتاب وخل الاصل ..

هذا راي لك وانا عن نفسي مسوي كذا ..

والله اعلم

[كحيلان]

اقدر اقولك النقل البحري من ضمن اقوى خمس في البورصه يعني مستقبلها وااااااااااااااااااااااااااااعد

[حبيـ M ـبها]

عيل اصبر والصبر زين .. وماقدر افتى لهدرجة بس والله من مصدر جامد في النقل البحري واصلني خبر

انه بيوصل سعر محترم .. ان شاء الله والله الموفق

واستخير ربك

[lol]

النقل بيوصل سعر محترم !!!!!!!!!!!!!!!!!
هههههههههههة
المشكله عندي منه كمية :mad:

[سلطان]

وضع النقل البحري يعتمد على اعلان نتائجه الربعيه والمتوقع اعلانها نهاية هذا الاسبوع , والتي ستحدد اتجاه

السهم بعد الجمعيه .

[البرنس]

اصبر الى ان يرتفع دامك منت محتاج ، اما اذا محتاج في مثل يقول (المحتاج يركب الصعب) !

[عليان]

من مصلحة الشركه تأجيل اجتماع الجمعيه العامه المقرر في 12/4/2005 , أوالتعذربعدم إكتمال النصاب في الإجتماع لوقت أخر سوف يتم تحديده , وذلك بسبب حركة السوق والهبوط المفاجئ لكل الشركات والذي لم يخدم بالدرجه الإولى سهم النقل خلال الفتره أو الاسبوع الماضي.

[المراقب]

النقل سهم جيد، ويملك 15% من ناقلات، وتوزيعاته جيدة، ومن الطبيعي أن يكون هناك نزول بعد الجمعية ليستقر سعره بين 140 - 150 ريال لفترة، وإذا كانت نتائج الشركة جيدة سوف يصعد.

لاحظ معي أنه البارحة كان لمت أب أو وصل إلى لمت أب وكان تداول عليه مميز في وضع السوق الذي ينزف.

في كل الأحوال، لن يتعدى سعره 180 ريال قبل إنعقاد الجمعية.

والله أعلم.

[lol]

اي والله المحتاج يركب الصعب ;)

[فلان]

انا مع الأخ سلطان ... النتائج الربعيه للنقل بتكون ممتازة و هذا الشيء بيساعد في الإرتفاع ان شاء الله :)

[Dior]

مشكورين على تفاعلكم مع الموضوووع

انا اشوف ان تأجيل انعقاد الجمعية من مصلحة الشركة حتى ياخذ حقه في الارتفاع مثل العقارية والمصرف

انا فكرت ابيعه واشتري في الصناعات او وقود .. اش رايكم ؟