القناه الثانيه [الأرشيف] - منتديات شبكة الأسهم القطرية

العصامي

13-10-2009, 06:36 PM

من كم يوم رحت الحلاق وبالصدفه كان عنده الريسيفر مخترب
الا اشوفه حاط اريال عادي للتلفزيون وحاط تلفزيون قطر القناة الثانيه (qtv 2).
الصراحه استغربت ان هالقناه للحين موجوده
وتذكرت ايام ما كنا نتابع عليها الافلام والمباريات.
السؤال الحين بعد الكم الهائل من المحطات العربيه والاجنبيه اللي موجوده في الفضاء ما دور القناه في الوقت الحالي ؟
ومن هي الشريحه المستهدفه من البث؟
ثم لماذا لم يتم تحويلها الى قناه فضائيه كما حصل في محطات خليجيه كالسعوديه القناه الثانيه والكويت القناه الثانيه واخرى عديده؟.
اسئله خطرت في بالي وحبيت اضعها للنقاش.
وسلامتكم

alrheeb2020

13-10-2009, 06:39 PM

والله ياخوي مع الاسف القناة تعرض لك افلام انجليزيه وهنديه !!

ماعرف ليش مسمينها قطر 2

المفروض يسمونها كيرلا 2 ..

يعطيك العافيه ..

مساهم عادي

13-10-2009, 07:02 PM

المستغرب هو عدم الاهتمام بالبث الأرضي عندنا كما هو موجود بالدول المجاورة... يعني الواحد اذا راح البر او البحر وخيم ليلة او ليلتين او حتى نص يوم... شلون يتابع التلفزيون.. ومايسوى عليه يحط صحن ويقعد يضبط فيه ساعة ساعتين... واذا تحرك شوي اختفت كل القنوات..

الرايــق

13-10-2009, 07:03 PM

من يتذكر المصارعة والمسلسلات البوليسية
اللي كانت تنعرض في هالقناة:nice:

اياااااام والله

بويوسف

13-10-2009, 07:06 PM

من يتذكر المصارعة والمسلسلات البوليسية
اللي كانت تنعرض في هالقناة:nice:

اياااااام والله

هههههه اي والله المصارعة والفلم الهندي كان يوم الخميس !!

العصامي

13-10-2009, 07:39 PM

والله ياخوي مع الاسف القناة تعرض لك افلام انجليزيه وهنديه !!

ماعرف ليش مسمينها قطر 2

المفروض يسمونها كيرلا 2 ..

يعطيك العافيه ..

الله يعافيك اخوي الصراحه مادري عن برامجها من عقب الدش ماقمنا نشوفها
شرفني مرورك الكريم.
المستغرب هو عدم الاهتمام بالبث الأرضي عندنا كما هو موجود بالدول المجاورة... يعني الواحد اذا راح البر او البحر وخيم ليلة او ليلتين او حتى نص يوم... شلون يتابع التلفزيون.. ومايسوى عليه يحط صحن ويقعد يضبط فيه ساعة ساعتين... واذا تحرك شوي اختفت كل القنوات..

معاك حق ساعات تكون فيه مباريات في الدوري ياليت يحطونها عالاقل يكون لها متابعين!!
شرفني مرورك الكريم.

من يتذكر المصارعة والمسلسلات البوليسية
اللي كانت تنعرض في هالقناة

اياااااام والله

ومين يتذكر الجميله والوحش؟
و مسلسل McGiver ؟
شرفني مرورك الكريم.

هههههه اي والله المصارعة والفلم الهندي كان يوم الخميس !!

اي والله كنا ننطر الفيلم الهندي اخميس على احر من الجمر والنهايه صييييييياح!!
شرفني مرورك الكريم.

sendarala

13-10-2009, 07:50 PM

ههههههههههههههههههههههه
حلوة والله سوالفكم
بس مالي تعليق على القناة لاني ما تابع القنوات اللهم الا العفاسي والجزيرة فقط

مساهم فنان

13-10-2009, 10:11 PM

هاهاهاهاها قناة منسية ، وما أظن تصير فضائية .

الوحداني

13-10-2009, 11:59 PM

ماك جايفر - توب كوبس - برنامج الدوري الانجليزي - وولكر تكساس رينجر - سياره عام الفين - الجميله والوحش - دوري السله الامريكي - العرايس المتحركه الانجليزيه -المصارعه الحره (جيمي سوبر فلاي سنوكر-والياباني بوملح مستر فوجي-وهلك هوجن)

ايــــــــــــــــــــــــــــــــــــه واعزتي
خاطري اصيح

تتوقعون بترد هالايام ولا خلاص راحت علينا ؟
انا اقول خلاص باي باي الزمن تغير
حتى طفولتنا كانت غير اي شي نستانس عليه باقل الاسعار:)
مب عيال هالايام مايعجبهم شي واشكالهم ممله ويعيشون اكبر من عمرهم
الله يرحمنا برحمته

qatari1

14-10-2009, 01:02 AM

ماك جايفر - توب كوبس - برنامج الدوري الانجليزي - وولكر تكساس رينجر - سياره عام الفين - الجميله والوحش - دوري السله الامريكي - العرايس المتحركه الانجليزيه -المصارعه الحره (جيمي سوبر فلاي سنوكر-والياباني بوملح مستر فوجي-وهلك هوجن)

ايــــــــــــــــــــــــــــــــــــه واعزتي
خاطري اصيح

تتوقعون بترد هالايام ولا خلاص راحت علينا ؟
انا اقول خلاص باي باي الزمن تغير
حتى طفولتنا كانت غير اي شي نستانس عليه باقل الاسعار:)
مب عيال هالايام مايعجبهم شي واشكالهم ممله ويعيشون اكبر من عمرهم
الله يرحمنا برحمته

إيــــــــــــــــــــــــه أيام يا الوحداني....

ضيف عليهم الجميلة والمغرور، وفالكون كرست، ونايت رايدر، ودالاس، ولاسي، وسيسم ستريت، وBe my Geust!

هذلان

14-10-2009, 01:08 AM

موضوعك على الجرح :weeping:

الله يرحم ذيك الايام ،، كان عندنا الاريل الي بيب لين الارض انا اروح افر الاريل و اخوي يطل علي من الدريشه

صفا لالا ماصفا فر شوي :(

الحين بجوالك تابع القناه الي تبي ولا لها طعم

بالنسبه لجواب سؤالك اتوقع لو تسكر القناه نص شيبان التلفزيون بيحيلونهم للتقاعد
:rolleyes2:

العصامي

14-10-2009, 02:00 AM

ههههههههههههههههههههههه
حلوة والله سوالفكم
بس مالي تعليق على القناة لاني ما تابع القنوات اللهم الا العفاسي والجزيرة فقط

سوالف قبل كلها حلوه:nice:
بارك الله فيك وشرفني مرورك.

العصامي

14-10-2009, 02:04 AM

هاهاهاهاها قناة منسية ، وما أظن تصير فضائية .

والله ياخوي اذا موجوده ليش ماتصير فضائيه اعتقد فيه عندنا امكانيات ماديه وبشريه.
شرفني مرورك وبارك الله فيك.

العصامي

14-10-2009, 02:14 AM

ماك جايفر - توب كوبس - برنامج الدوري الانجليزي - وولكر تكساس رينجر - سياره عام الفين - الجميله والوحش - دوري السله الامريكي - العرايس المتحركه الانجليزيه -المصارعه الحره (جيمي سوبر فلاي سنوكر-والياباني بوملح مستر فوجي-وهلك هوجن)

ايــــــــــــــــــــــــــــــــــــه واعزتي
خاطري اصيح

تتوقعون بترد هالايام ولا خلاص راحت علينا ؟
انا اقول خلاص باي باي الزمن تغير
حتى طفولتنا كانت غير اي شي نستانس عليه باقل الاسعار:)
مب عيال هالايام مايعجبهم شي واشكالهم ممله ويعيشون اكبر من عمرهم
الله يرحمنا برحمته

ههههههههه حلوه اشكالهم ممله:nice:
ما شاء الله عليك متذكر عدل ولو الزمن تغير تبقى ذكريات جميله.
شرفني مرورك وبارك الله فيك.

العصامي

14-10-2009, 02:20 AM

موضوعك على الجرح :weeping:

الله يرحم ذيك الايام ،، كان عندنا الاريل الي بيب لين الارض انا اروح افر الاريل و اخوي يطل علي من الدريشه

صفا لالا ماصفا فر شوي :(

الحين بجوالك تابع القناه الي تبي ولا لها طعم

بالنسبه لجواب سؤالك اتوقع لو تسكر القناه نص شيبان التلفزيون بيحيلونهم للتقاعد
:rolleyes2:

ايام كنا لم تصفى عندنا قناة ابوظبي شنونستتتتتتانس.:)
موب لازم تسكر بس تطوير في الاداء وتصبح فضائيه .
شرفني مرورك وبارك الله فيك.

ساراام

14-10-2009, 02:42 AM

خخخخخخخخخخخخخخخ ايه والله ليتهاا تصير فضائيه

وصج هالقنااه لها ذكريات خصوصا مع الافلام الهنديه

ليتنا تمينا على هالقنوات ع الاقل احسن من بعض القنوات اللى مالها داعي

العصامي

14-10-2009, 02:55 AM

إيــــــــــــــــــــــــه أيام يا الوحداني....

ضيف عليهم الجميلة والمغرور، وفالكون كرست، ونايت رايدر، ودالاس، ولاسي، وسيسم ستريت، وBe my Geust!

ما شاء الله عليك للحين متذكرهم بس نسيت المارد الاخضر:nice:
شرفني مرورك وتعليقك.

العصامي

14-10-2009, 02:58 AM

خخخخخخخخخخخخخخخ ايه والله ليتهاا تصير فضائيه

وصج هالقنااه لها ذكريات خصوصا مع الافلام الهنديه

ليتنا تمينا على هالقنوات ع الاقل احسن من بعض القنوات اللى مالها داعي

شرفني مرورك وتعليقك.:nice:

abn qatar

14-10-2009, 03:37 AM

اذا قناه قطر الاولى الصوت فيها الله بالخير مره يرتفع مره ينخفض ولاتسمع شي تبغيهم يهتمون في

القناه الثانيه الحين الاهتمام والرعايه والملايين تنصرف على الدوري والكاس اما قنوات قطر

الاولى والثانيه اصبحو من الماضي

abn qatar

14-10-2009, 03:39 AM

ايام كنا لم تصفى عندنا قناة ابوظبي شنونستتتتتتانس.:)
موب لازم تسكر بس تطوير في الاداء وتصبح فضائيه .
شرفني مرورك وبارك الله فيك.

اخوي المثل يقول ان حبتك عيني ماظمك الدهر المسوولين لو يبغون يطورونها

او يهتمون فيها كان شفت كل شي متوفر ومقدم لها بس مايبغون

جاكم الأعصار

14-10-2009, 03:41 AM

والله ياخوي مع الاسف القناة تعرض لك افلام انجليزيه وهنديه !!

ماعرف ليش مسمينها قطر 2

المفروض يسمونها كيرلا 2 ..

يعطيك العافيه ..

ههههههههههههههه حلوه

هام السحاب

14-10-2009, 03:56 AM

اتذكر اسمها سبعه و ثلاثين
متى غيروا اسمها
:omen2:

boalia

14-10-2009, 10:45 AM

هههههههههههههههههه
صج قديم

IPOD

14-10-2009, 10:54 AM

بلعكس الحلو فيها ان قناة فاشلة مازالت تبث عبق الماي حام ودي مايقطعونها لانها ماظن تكلفهم شي

بومحمد911

14-10-2009, 10:54 AM

بصراحة ساعات اذا تمللت من الدش اتابعها

وخاصة الفلم الانجليزي عقب النشرة الاخبارية ما له حل

روض

14-10-2009, 03:52 PM

ايه على اياام خليج اكابولكو كان شى عندنا خخخخخخخخخ

مشكوووووووووووووووره على الموضوع

العصامي

14-10-2009, 04:06 PM

اشكر الكل على التفاعل والمشاركه:nice:
فيه سؤال عندي حد يتذكر الابتهال الديني اللي في رمضان قبل صلاه المغرب ومدفع الافطار اللي فيه مناظر طبيعيه وطيور مع موسيقى(قانون).
خاطري اسمعه مره ثانيه ياريت لو حد عنده طريقه للاستماع اليه مره اخرى.:shy:
وتحياتي

غابت الشمس~

14-10-2009, 04:09 PM

بل قاعده اشوف يطلع من الموضوع غبار

طلعت من هالقناه المغبره

بخصوص سؤالك ليه مايخلونها فضائيه
قناة قطر وهي القناه الاولى يالله يالله صارت فضائيه حتى قناة السودان صارت فضائيه قبلها

العصامي

14-10-2009, 04:11 PM

بل قاعده اشوف يطلع من الموضوع غبار

طلعت من هالقناه المغبره

بخصوص سؤالك ليه مايخلونها فضائيه
قناة قطر وهي القناه الاولى يالله يالله صارت فضائيه حتى قناة السودان صارت فضائيه قبلها

من ناحيه اغبار الصراحه غبار بس الواحد يحن الصراحه حق ذيك الايام.

كايد الوكره

14-10-2009, 04:35 PM

اشكر الكل على التفاعل والمشاركه:nice:
فيه سؤال عندي حد يتذكر الابتهال الديني اللي في رمضان قبل صلاه المغرب ومدفع الافطار اللي فيه مناظر طبيعيه وطيور مع موسيقى(قانون).
خاطري اسمعه مره ثانيه ياريت لو حد عنده طريقه للاستماع اليه مره اخرى.:shy:
وتحياتي

الله ع الموضوع ,
يازين المصارعه , حزه الليل , كلنا مع الشيبه هوك هوقن - بس انا كنت من معجبي بريت هارت ,

بالنسبه لـــ سؤالك ؟؟؟
انا في بالي مقطع , مادري هو اللي تقصده او لا

اتذكر , اول ما يبتدى يقول آلاء تسبح الله بعدين صوت عصافير ,,,,,,,,,,

العصامي

14-10-2009, 04:41 PM

الله ع الموضوع ,
يازين المصارعه , حزه الليل , كلنا مع الشيبه هوك هوقن - بس انا كنت من معجبي بريت هارت ,

بالنسبه لـــ سؤالك ؟؟؟
انا في بالي مقطع , مادري هو اللي تقصده او لا

اتذكر , اول ما يبتدى يقول آلاء تسبح الله بعدين صوت عصافير ,,,,,,,,,,

هلا بك اخوي شرفت الموضوع:nice:
انا كنت من معجبي مستر فوجي:shy:
بخصوص المقطع كانه هو بس الصراحه مااتذكر بدايته لو اسمعه اكيد باتذكره.

العصامي

15-10-2009, 09:25 AM

اشكر الكل على التفاعل والمشاركه:nice:
فيه سؤال عندي حد يتذكر الابتهال الديني اللي في رمضان قبل صلاه المغرب ومدفع الافطار اللي فيه مناظر طبيعيه وطيور مع موسيقى(قانون).
خاطري اسمعه مره ثانيه ياريت لو حد عنده طريقه للاستماع اليه مره اخرى.:shy:
وتحياتي

معقوله ماحد متذكر مقطع الدعاء!!!:weeping:

ياريت حد يفيدني ماعليش انا مغبراشوي.:nice:

qatari1

17-10-2009, 01:50 AM

الله ع الموضوع ,
يازين المصارعه , حزه الليل , كلنا مع الشيبه هوك هوقن - بس انا كنت من معجبي بريت هارت ,

بالنسبه لـــ سؤالك ؟؟؟
انا في بالي مقطع , مادري هو اللي تقصده او لا

اتذكر , اول ما يبتدى يقول آلاء تسبح الله بعدين صوت عصافير ,,,,,,,,,,

لا يكون اللي يقول:-

ماشي بنور الله..

أدعي وأقول يا رب..

يبارك لي ف عيالي..

م. عبدالعزيز

17-10-2009, 11:15 AM

اووه القناه الثانيه، ذكريات حلوه ،،
اللي اذكر منها كانت تشتغل الساعه 5 المغرب ولا 2 الظهر ،، الحين ما ادري متى تشتغل ومتى تبث
اتمنى والله يبثونها على عربسات على الاقل

مثل السعوديه عندهم القناه الثانيه صارت من محليه الى شبه عالميه ...

العصامي

17-10-2009, 05:40 PM

اووه القناه الثانيه، ذكريات حلوه ،،
اللي اذكر منها كانت تشتغل الساعه 5 المغرب ولا 2 الظهر ،، الحين ما ادري متى تشتغل ومتى تبث
اتمنى والله يبثونها على عربسات على الاقل

مثل السعوديه عندهم القناه الثانيه صارت من محليه الى شبه عالميه ...

نتمنى البث الفضائي مع التطوير فيها مثل الدول الاخرى.
شاكر مرورك الكريم.

مساهم عادي

17-10-2009, 07:18 PM

اشكر الكل على التفاعل والمشاركه:nice:
فيه سؤال عندي حد يتذكر الابتهال الديني اللي في رمضان قبل صلاه المغرب ومدفع الافطار اللي فيه مناظر طبيعيه وطيور مع موسيقى(قانون).
خاطري اسمعه مره ثانيه ياريت لو حد عنده طريقه للاستماع اليه مره اخرى.:shy:
وتحياتي

انا اتذكر هالابتهال... وكان بصوت المذيع الشهير صلاح خليفة رحمه الله.....
لين قبل حوالي 7 سنوات كانوا يجيبونه

العصامي

17-10-2009, 11:42 PM

انا اتذكر هالابتهال... وكان بصوت المذيع الشهير صلاح خليفة رحمه الله.....
لين قبل حوالي 7 سنوات كانوا يجيبونه

اخيرا لقيت حد يتذكر الدعاء ذكرك الله بالشهاده هل هو باسم آلاء تسبح الله كما ذكر الخ كايد الكره في مشاركته؟
الله يرحمه ان شاء الله المذيع صلاح خليفه ماكنت ادري انه مات.
شاكر مرورك وتعليقك الكريم.:nice:

مساهم عادي

17-10-2009, 11:48 PM

اخيرا لقيت حد يتذكر الدعاء ذكرك الله بالشهاده هل هو باسم آلاء تسبح الله كما ذكر الخ كايد الكره في مشاركته؟
الله يرحمه ان شاء الله المذيع صلاح خليفه ماكنت ادري انه مات.
شاكر مرورك وتعليقك الكريم.:nice:

لا.
آلاء تسبح الله كانوا يجيبونه بالليل في رمضان قبل اذان الفجر ... وكان بصوت مذيعة اتوقع كان اسمها مادري ايش الصعود.....

اما ابتهال صلاح خليفة قبل اذان المغرب ماتذكر ايش اسمه...بس اتذكر اللحن ماله :)

وهو مات قبل ثلاث سنوات على ماعتقد... الله يرحمه ويرحم اموات المسلمين جميعا

بوخالد911

17-10-2009, 11:52 PM

هلا

هالقناة اشوفها لما اكوون في ال X5

لما اووقف طبعا:nice:

واتذكرر ذكريات قبل
:weeping:

ام علي1981

18-10-2009, 12:38 AM

اذكر انه كان اسمها قناة 37 مادري ليش
وانا بعد استغربت انها موجودة من حوالي شهر كنت في كنتاكي اللي جنب السنتر وشفتها
والله اياااااااام

سداوي&مدريدي

18-10-2009, 12:41 AM

يمكن مخلينها للذكرى :nice:

بوخالد911

18-10-2009, 12:49 AM

يمكن مخلينها للذكرى :nice:
[SIZE="5"]
اي ذكررررى

؟؟!؟؟[/SIZE
]

:nop::nop::nop:

حدالكلمه

18-10-2009, 12:53 AM

يازين ذيك الايام مانعرف غير قطر الاولى و37 ، وان كشخنا كشخنا شفنا ابوظبي -- وين ايام اوشين وهتشكوك حتى الرسوم المتحركة حلوة ، مب الحين ( مساكين عيالنا )

ومالها حل غير يا اما تصير فضائية او يمحونها من الوجود

moonبنتnight

18-10-2009, 07:20 AM

من يوم تحولة تلفزيون قطر إلى القناة الفضائية القطرية 00 وحنا نسمع أن القناه الثانية الأرضية تحول قناه فضائية 00 بس ليومك ما شفنا شي 00

سهم طويل الأجل

18-10-2009, 08:03 AM

أيييييييييييييييه يالقناة الثانية أو 37 في مسميات أخرى وأحيانا يقولك بفر التلفزيون على
قناة U :victory:

آخر شي تابعته عليها مسلسل أسمه Twin Peaks جا على ما أعتقد سنة 89 ولا 90
تموت في أول حلقة منه البنت اللي اسمها لورا بالمر ويبدأ المحقق الزاير للمدينة بالبحث عن الجاني اللي لليوم ماعرفته :anger1::anger1:

ومسلسل ثاني ياباني على اجزاء أسمه ( أوشين ) تابعت مراحلها من الطفولة لين صارت عجوز وماخلص بعد :rolleyes2:

ضوى

18-10-2009, 08:08 AM

الصراحة القناة الثانية وايد حلوة كفاية عرفنا انجليزي منها قبل لا ناخذه بالمدارس ، حتى المسلسلات ماكان فيها هالتعرلي والتفصخ اللي الحين وكانت اجتماعية وحلوة ، كنت اشوف الرجل الاخضر ديفيد / وسيارة 2000 ، ومدرسة اللغات ، مدري المنزل الصغير كان يجي عليها والا على قطر الاولى ، غير برنامج ماوراء عام 2000 كان رهيب الصراحة اييييييييييييه ايام وراحت ومابقى الحين الا برامج ومسلسلات اباحية وكلها مسخرة في مسخرة

بوخالد2

18-10-2009, 08:10 AM

ماك جايفر - توب كوبس - برنامج الدوري الانجليزي - وولكر تكساس رينجر - سياره عام الفين - الجميله والوحش - دوري السله الامريكي - العرايس المتحركه الانجليزيه -المصارعه الحره (جيمي سوبر فلاي سنوكر-والياباني بوملح مستر فوجي-وهلك هوجن)

ايــــــــــــــــــــــــــــــــــــه واعزتي
خاطري اصيح

تتوقعون بترد هالايام ولا خلاص راحت علينا ؟
انا اقول خلاص باي باي الزمن تغير
حتى طفولتنا كانت غير اي شي نستانس عليه باقل الاسعار:)
مب عيال هالايام مايعجبهم شي واشكالهم ممله ويعيشون اكبر من عمرهم
الله يرحمنا برحمته

إيــــــــــــــــــــــــه أيام يا الوحداني....

ضيف عليهم الجميلة والمغرور، وفالكون كرست، ونايت رايدر، ودالاس، ولاسي، وسيسم ستريت، وBe my Geust!

بل ايام والله :omen2:

لو تسالي متى اخر مره شفت قناه قطر الفضائيه مب عارف ارد عليك

لاانها صارت بعد هي منسيه للاسف

سهم طويل الأجل

18-10-2009, 08:39 AM

الصراحة القناة الثانية وايد حلوة كفاية عرفنا انجليزي منها قبل لا ناخذه بالمدارس ، حتى المسلسلات ماكان فيها هالتعرلي والتفصخ اللي الحين وكانت اجتماعية وحلوة ، كنت اشوف الرجل الاخضر ديفيد / وسيارة 2000 ، ومدرسة اللغات ، مدري المنزل الصغير كان يجي عليها والا على قطر الاولى ، غير برنامج ماوراء عام 2000 كان رهيب الصراحة اييييييييييييه ايام وراحت ومابقى الحين الا برامج ومسلسلات اباحية وكلها مسخرة في مسخرة

المنزل الصغير أو Little House on the Prairie
كان يجي على قطر الأولى يوم الجمعة الصبح أذكر كنا نشوفه وأول مايخلص نروح المسجد مع
الوالد لصلاة الجمعة .

ضوى

18-10-2009, 08:42 AM

المنزل الصغير أو little house on the prairie
كان يجي على قطر الأولى يوم الجمعة الصبح أذكر كنا نشوفه وأول مايخلص نروح المسجد مع
الوالد لصلاة الجمعة .

صح صح كان يجي الجمعة الصبح الحين تذكرت

شيط ويط

18-10-2009, 08:47 AM

بااااااااال غبار هالقناة :rolleyes2:

بولينجر

18-10-2009, 12:59 PM

ذكريات زمان والله... ووكر تكساس رينجر وسيسمي ستريت.... والفيلم الهندي بعد ولوريل وهاردي يوم الجمعة هههههه..... كنا نقعد للقناة قعدة....
الظاهر من زود البخل ما يبون يشترون حقوق البث للبرامج والمسلسلات والافلام اللي تعرض.... عندهم بس حقوق بث ارضي وما يبون يدفعون حق الفضائي.....

العصامي

18-10-2009, 04:06 PM

لا.
آلاء تسبح الله كانوا يجيبونه بالليل في رمضان قبل اذان الفجر ... وكان بصوت مذيعة اتوقع كان اسمها مادري ايش الصعود.....

اما ابتهال صلاح خليفة قبل اذان المغرب ماتذكر ايش اسمه...بس اتذكر اللحن ماله :)

وهو مات قبل ثلاث سنوات على ماعتقد... الله يرحمه ويرحم اموات المسلمين جميعا

مشكور على المعلومه:nice:
بس لحن الابتهال عجيب ومؤثر ياريت لو فيه طريقه نسمعه مره ثانيه.:weeping:
شاكر مرورك الكريم .

العصامي

18-10-2009, 04:11 PM

هلا

هالقناة اشوفها لما اكوون في ال X5

لما اووقف طبعا:nice:

واتذكرر ذكريات قبل
:weeping:

هلا فيك اخوي.:nice:
احلى شي ان الواحد يلاقي شي يتذكر فيه ايام قبل.
شاكر مرورك الكريم ومشاركتك.

العصامي

18-10-2009, 04:15 PM

اذكر انه كان اسمها قناة 37 مادري ليش
وانا بعد استغربت انها موجودة من حوالي شهر كنت في كنتاكي اللي جنب السنتر وشفتها
والله اياااااااام

حتى انا اخوي مادري ليش كانوا مسمينها 37 والقناه الاولى كان اسمها 9 و11
بس اخوي غريبه ان كنتاكي السنتر حاط عليها الظاهر عنده ذكريات معاها بعد.:nice:

البارع

18-10-2009, 04:17 PM

ههههههههههههههههههه
الله يسامحك من موضوعك طلع اكثر الاعضاء شياب
هههههههههههههههههههههه

لاحديزعل ترا انا بعد شايب
هههههههههه

العصامي

18-10-2009, 04:18 PM

يمكن مخلينها للذكرى :nice:

اذا للذكرى زين بس اذا بتدور عليها بتتعب عالاقل تكون فضائيه.
شاكر مرورك الكريم.

العصامي

18-10-2009, 04:23 PM

يازين ذيك الايام مانعرف غير قطر الاولى و37 ، وان كشخنا كشخنا شفنا ابوظبي -- وين ايام اوشين وهتشكوك حتى الرسوم المتحركة حلوة ، مب الحين ( مساكين عيالنا )

ومالها حل غير يا اما تصير فضائية او يمحونها من الوجود

اي والله اخوي ايام كانت المتابعه متعه اما الحين القنوات بالهبل ولاودك تشوف قناه.:weeping:
وياريت تكون فضائيه ويعيدون بعض مسلسلات وبرامج قبل بس للذكرى.:nice:
شاكر مرورك وتعليقك الكريم.

العصامي

18-10-2009, 04:26 PM

من يوم تحولة تلفزيون قطر إلى القناة الفضائية القطرية 00 وحنا نسمع أن القناه الثانية الأرضية تحول قناه فضائية 00 بس ليومك ما شفنا شي 00

الله كريم ونشوفها فضائيه قد الدنيا.:nice:
شاكر مرورك الكريم.

العصامي

18-10-2009, 04:30 PM

أيييييييييييييييه يالقناة الثانية أو 37 في مسميات أخرى وأحيانا يقولك بفر التلفزيون على
قناة u :victory:

آخر شي تابعته عليها مسلسل أسمه twin peaks جا على ما أعتقد سنة 89 ولا 90
تموت في أول حلقة منه البنت اللي اسمها لورا بالمر ويبدأ المحقق الزاير للمدينة بالبحث عن الجاني اللي لليوم ماعرفته :anger1::anger1:

ومسلسل ثاني ياباني على اجزاء أسمه ( أوشين ) تابعت مراحلها من الطفولة لين صارت عجوز وماخلص بعد :rolleyes2:

ما شاء الله عليك متذكر ال u وها المسلسلات.
شاكر مرورك الغالي.

رجل الجزيرة

18-10-2009, 04:32 PM

المنزل الصغير أو Little House on the Prairie
كان يجي على قطر الأولى يوم الجمعة الصبح أذكر كنا نشوفه وأول مايخلص نروح المسجد مع
الوالد لصلاة الجمعة .

وكان فيه مشلشل أجنبي بعد ما توقف البيت الصغير وهو The Wilton
يعني عائلة ولتون.

العصامي

18-10-2009, 04:34 PM

الصراحة القناة الثانية وايد حلوة كفاية عرفنا انجليزي منها قبل لا ناخذه بالمدارس ، حتى المسلسلات ماكان فيها هالتعرلي والتفصخ اللي الحين وكانت اجتماعية وحلوة ، كنت اشوف الرجل الاخضر ديفيد / وسيارة 2000 ، ومدرسة اللغات ، مدري المنزل الصغير كان يجي عليها والا على قطر الاولى ، غير برنامج ماوراء عام 2000 كان رهيب الصراحة اييييييييييييه ايام وراحت ومابقى الحين الا برامج ومسلسلات اباحية وكلها مسخرة في مسخرة

ايه كلام في محله بس ايام وراحت.:weeping:
شاكر مرورك الكريم.

العصامي

18-10-2009, 04:38 PM

بل ايام والله :omen2:

لو تسالي متى اخر مره شفت قناه قطر الفضائيه مب عارف ارد عليك

لاانها صارت بعد هي منسيه للاسف

ياخوي للاسف البرامج صارت ممله والبرامج اللي تتفاعل مع المشاهدين قليله جدا.
شاكر مرورك الكريم.

العصامي

18-10-2009, 04:51 PM

بااااااااال غبار هالقناة :rolleyes2:

http://wadha2009.googlepages.com/image.jpg

هذي قناه U
شاكر مرورك وتعليقك.:nice:

العصامي

18-10-2009, 04:56 PM

ذكريات زمان والله... ووكر تكساس رينجر وسيسمي ستريت.... والفيلم الهندي بعد ولوريل وهاردي يوم الجمعة هههههه..... كنا نقعد للقناة قعدة....
الظاهر من زود البخل ما يبون يشترون حقوق البث للبرامج والمسلسلات والافلام اللي تعرض.... عندهم بس حقوق بث ارضي وما يبون يدفعون حق الفضائي.....

تذكر اخوي ولا عليك.:nice:
ياخي ماعتقد ان السبب مادي الحمد لله احنا في خير الله يديم النعمه.
شاكر مرورك الكريم.

العصامي

18-10-2009, 04:59 PM

ههههههههههههههههههه
الله يسامحك من موضوعك طلع اكثر الاعضاء شياب
هههههههههههههههههههههه

لاحديزعل ترا انا بعد شايب
هههههههههه

الله يهديك ان شاء الله الحين بتشردهم ماحد بيشارك عشان مايقولون عنه شايب.:secret:
اممممممزح وياك الله يعطيك الف عافيه على المشاركه.

الرايــق

18-10-2009, 06:11 PM

الله ع الموضوع ,
يازين المصارعه , حزه الليل , كلنا مع الشيبه هوك هوقن - بس انا كنت من معجبي بريت هارت ,

,,,,,,,,,,

يا عيني عليك ..
حتى انا كنت من محبي بريت هارت
والله ايااااااااااااااااااام