هل نقول وداعاً لخصوصية الحوش أو الحوي

[الدينار الذهبي]

أنا أقول نعم وداعاً لا رجعة فيه وأقصد فناء المنزل ونسميه الحوش في قطر وفي الأمارات الحوي لم يعد هناك خصوصية وكان يحسدنا دول خليجية مجاورة على سعة الأراضي الممنوحة
لنا ولكن يا حسرة بعد هذه المجمعات السكنية المتعددة الأدوار وقد يكون سكانها عزاب بل أجزم
بذالك حتى أن في بيتي حديقة لم يتهنى بها أبنائي وخاصة البنات منهم حيث سكنت فلتي الجديدة
منذ عدة أشهر فإذا المجمعات تطوقني هل هو سوء تخطيط أم خطة خمسية وعشرية على هذه
الأمور ومن الملاحظ أن هذه الطامة تشمل قطر من شمالها إلى جنوبها ومن شرقها إلى غربها
لذى ليس لك من خصوصية بيتك الذي قد يتعدى 1200مربع وأنا أتكلم عن مساحة بيتي لأن بعض الأراضي تفوق ذلك ولكن ليس لك من الخصوصة إلا من باب صالتك ونت داش أما غيره
فيشاركك كل من هم حواليك من المجمعات السكنية وأقل القليل التلصص على أهل بيتك

[بويوسف]

مافهمت اخوي شلون مالك خصوصة وشعلاقة المجمعات في حوشك ؟

[الدينار الذهبي]

مافهمت اخوي شلون مالك خصوصة وشعلاقة المجمعات في حوشك ؟
أخوي بويوسف هل أهلك يستطيعون الجلوس في الحوش وقت البراد أو في الحديقه وياخذون راحتهم وحواليهم مجمعات سكنية من ثلاث أدوار أو حتى أربعة ليس بينك وبين المجمع إلا طوفت بيتك (هل فهمت مقصدي؟)

[ضوى]

والله معاك حق ياخوي

شخصيا حوشنا واسع ماشاء الله بس للاسف مانقدر نطلع الا وايلتنا على روسنا لانه بيتنا ارضي واللي لاصق فينا فيلا دروين وحوشنا مكشوف لهم ، احنا حتى الشبابيك بغرفنا مانقدر نشيل السن بلوك عنها الا في النهار اما بالليل مانقدر لانهم يكشفونا ، بس الله خير مايتلصصون علينا هم بعد عايلة بس سبحان الله شعور غير مريح لما تحس انك مكشوف على احد

[شبربوش]

الله يعينك اخوي الدينار الذهبي

[بويوسف]

أخوي بويوسف هل أهلك يستطيعون الجلوس في الحوش وقت البراد أو في الحديقه وياخذون راحتهم وحواليهم مجمعات سكنية من ثلاث أدوار أو حتى أربعة ليس بينك وبين المجمع إلا طوفت بيتك (هل فهمت مقصدي؟)

اخوي في وين المجمعات اللي ثلاث ادوار واربعة ؟ اللي اعرفه ان المجمعات عادة تكون فلل من دورين ..

اذا كان الوضع مثل ماتقول شي غريب صراحة ..

[الدينار الذهبي]

والله معاك حق ياخوي

شخصيا حوشنا واسع ماشاء الله بس للاسف مانقدر نطلع الا وايلتنا على روسنا لانه بيتنا ارضي واللي لاصق فينا فيلا دروين وحوشنا مكشوف لهم ، احنا حتى الشبابيك بغرفنا مانقدر نشيل السن بلوك عنها الا في النهار اما بالليل مانقدر لانهم يكشفونا ، بس الله خير مايتلصصون علينا هم بعد عايلة بس سبحان الله شعور غير مريح لما تحس انك مكشوف على احد
أختي ضوى أشكرك على الرد وأنا معاك في أن بعض الجيران فيهم خير ولكن ليس الكل
وخاصة مجمعات العزاب

[بويوسف]

والله معاك حق ياخوي

شخصيا حوشنا واسع ماشاء الله بس للاسف مانقدر نطلع الا وايلتنا على روسنا لانه بيتنا ارضي واللي لاصق فينا فيلا دروين وحوشنا مكشوف لهم ، احنا حتى الشبابيك بغرفنا مانقدر نشيل السن بلوك عنها الا في النهار اما بالليل مانقدر لانهم يكشفونا ، بس الله خير مايتلصصون علينا هم بعد عايلة بس سبحان الله شعور غير مريح لما تحس انك مكشوف على احد

اختي ضوى طيب والحل في نظرج :) يعني محد يبني دورين ؟ الله يعين هذا موجود في كل مكان وكل البيوت تكشف البيوت الثانية .. ليش ماتسون حوش داخلي ..

[الدينار الذهبي]

اخوي في وين المجمعات اللي ثلاث ادوار واربعة ؟ اللي اعرفه ان المجمعات عادة تكون فلل من دورين ..

اذا كان الوضع مثل ماتقول شي غريب صراحة ..
حذ لك لفه في الوكره أو بالمشاف التي طوقت من كل الجهات باثلاث أدوار

[ALHAJAJI]

انا مسوي ساترعلى حوش البيت والحمد لله الامور على خير ما يرام

[الدينار الذهبي]

اختي ضوى طيب والحل في نظرج :) يعني محد يبني دورين ؟ الله يعين هذا موجود في كل مكان وكل البيوت تكشف البيوت الثانية .. ليش ماتسون حوش داخلي ..
أسمحلي أخوي بويوسف أرد حيث أني طارح الموضوع أنا لا أقول أن هناك حل ناجح100%ولكن قد يكون أخف الأضرار وهو بناء البيوت الشعبية متساوية والفلل من دورين كذلك أو يعمل كما هو معمول به في دول مجاوره أن لا يكون هناك بيت من دور وأخر من دورين
أما من دور أو دورين ثانياً يمنع سكن العزاب بين العوائل حيث أنها أخف الضررين

[ضوى]

اختي ضوى طيب والحل في نظرج :) يعني محد يبني دورين ؟ الله يعين هذا موجود في كل مكان وكل البيوت تكشف البيوت الثانية .. ليش ماتسون حوش داخلي ..


اخوي بويوسف انا مادور حلول لاني انا بعد بابني طابق ثاني في المستقبل وبعد باكشفهم يعني بيكون الشئ متبادل لا انا ارضى اكشفهم ولا هم بيرضون يكشفوني ، انا اوضح حالة معينة ، واذا على قعدات الحوش فيه اماكن صادة عندنا الحمد لله محد يكشفنا انا اقصد المشي في الحوش .

والله اتذكر بيوت رميلة جنب بعض ونكشف بعض لا والصوت يسري في الفريج من كثر قرب البيوت .

الاخ مايتكلم عن عوايل كاشفته يتكلم عن عزاب تتخيل كلمة عزاب وش تعني ؟؟ شئ بشع ، هنا نبحث عن حلول ليش اسكن عزاب بعمارة كاملة جنب عوايل هذا مب حرام ؟؟ اشلون رب البيت بيامن على زوجته والا بناته وخواته وهو بوسط عزاب ؟؟ والله حتى لو كانوا عزاب بشركات كبيرة ومحترمة لازم يكون لهم منطقة خاصة بهم مب اجيب النار جنب البنزين وبعدها اسال اشلون ولعت النار؟؟؟؟ ان شاء الله تكون الصورة وضحت اخوي بو يوسف

اخوي الدنيار الذهبي حاسة فيك والله حاسة فيك لانه عندي بنت واخاف حريم يكشفون سترنا بحوش بيتنا اشلون ماقدر خوفك وقلقك على شوفاتك وسط عزوب

[cristal]

الحمد الله .. ارضنا على 4شوارع لاحد يطل علينا ولاحد يكشفنا

[رهج السنابك]

اي والله صادق .. امنيتي اطلع الحوش واتمشى فيه لانه كبير بس للاسف وجود الدريول يمنعني

[ساراام]

هذي نتيجه البناااء العشوائي

عاادي تشوف فيلا في حي كله بيوت شعبيه

وعااادي تقوم من النوم وتشوف عمااره جنبك

احسن شي حط حواجز بين الطوف مافي الا هالحل

[بويوسف]

هذي نتيجه البناااء العشوائي

عاادي تشوف فيلا في حي كله بيوت شعبيه

وعااادي تقوم من النوم وتشوف عمااره جنبك

احسن شي حط حواجز بين الطوف مافي الا هالحل

اختي سارام ترانا مب في موزمبيق .. مافي بناء عشوائي مثل ماتقولين ..

فيلا في وسط بيوت شعبية عادي صح لانك تقدرين تحددين اقصى حد بس ماتقدرين تحددين اقل حد ..

يعني شخص بيبني دورين وشخص بيبني دورين وطابق سطح (بنتهاوس) وشخص يبني دور واحد ..
ماتقدرين تقولين حق اللي بنى دور لاء لازم تبني دورين او العكس .. حتى اللي عنده بيت شعبي ويبغي يبني دورين من حقه .. يمكن هذي احتياجاته ..

اما عن العمارات فكل منطقة لها ارتفاعات معينة ..

الاخ دينار يتكلم عن بعض المناطق اللي فيها (mix use) وهذي مناطق معدودة في الدولة ..

[msd313]

أخوي بويوسف هل أهلك يستطيعون الجلوس في الحوش وقت البراد أو في الحديقه وياخذون راحتهم وحواليهم مجمعات سكنية من ثلاث أدوار أو حتى أربعة ليس بينك وبين المجمع إلا طوفت بيتك (هل فهمت مقصدي؟)

في هالحاله مب لازم البلدية تلزم صاحب هالمجمع انه يركب حاجز بين المجمع وبين الجار بما انه قريب لهالدرجه؟

[غير البشر]

صحيح كلامك اخوي

بس انا في نظري الواحد يقدر يسوي جزء من الحوش مظلات

وخاصه هذي المظلات الجديده شكلها حلووووو وتغطي جزء من الحوش يكون ساتر

[ام لولوه]

تقدر تسوي ساتر او تكلم البلديه يسكرون الدرايش الي تطل على بيتكم ولو اني ارجح الاقتراح الاول اريح لك

والله يعينك الصراحه

[مساهم عادي]

الخصوصية ضاعت لما منعت البلدية بناء البيوت العربية القديمة حين يكون الحوش في النصف والغرف مطلة عليه...... وفرضت هذا النموذج الغربي المسمى فيلا مع حوش امامي مكشوف لكل الجيران المحيطين بالمنزل..

[ماهر حسن]

اي فقدنا الخصوصية ... والساتر هو الحل ...

[ساراام]

اختي سارام ترانا مب في موزمبيق .. مافي بناء عشوائي مثل ماتقولين ..

فيلا في وسط بيوت شعبية عادي صح لانك تقدرين تحددين اقصى حد بس ماتقدرين تحددين اقل حد ..

يعني شخص بيبني دورين وشخص بيبني دورين وطابق سطح (بنتهاوس) وشخص يبني دور واحد ..
ماتقدرين تقولين حق اللي بنى دور لاء لازم تبني دورين او العكس .. حتى اللي عنده بيت شعبي ويبغي يبني دورين من حقه .. يمكن هذي احتياجاته ..

اما عن العمارات فكل منطقة لها ارتفاعات معينة ..

الاخ دينار يتكلم عن بعض المناطق اللي فيها (mix use) وهذي مناطق معدودة في الدولة ..

مفهوووم اهئ اهئ :(

[الموضوعي]

أرفع قضية عليهم او على البلدية وصدقني اقل شي بتاخذ قيمة بيتك تعويض عن الضرر النفسي

[راعي البيرق]

الحمد الله .. ارضنا على 4شوارع لاحد يطل علينا ولاحد يكشفنا

شلون بيتكم على 4 شوارع ممكن توضح لي اكثر :con2:

[الجني]

في حد يطز عينه بنفسه

بيوتنا الأول كان الحوي في نصف البيت و الدور (الغرف)
داير ما دارها و لا احد يكشف الثاني

و حتى لو سويناها دورين بعد محد يكشف الثاني

خلو تصميم الحوي في نصف البيت و الشمس ما تضرب
الحوي الا ساعتين في النهار صيفاً شتاءً

اما اذا تبون تصميم البيت على الطراز الفيكتوري
او الإدواردي او الروماني فلا تشتكون من فقدان الخصوصية

لأن نسوان الرومان ما يستحون يطلعون في الحوي

[بواردي]

حنا في الشمال والحمد لله الخصوصية 100%

بس من يوم جارنا
الله يصلحه
ركب لنا برج فودافون فوق روسنا
ما عرفوا عيالنا شي اسمه حوش

[ضوى]

في حد يطز عينه بنفسه

بيوتنا الأول كان الحوي في نصف البيت و الدور (الغرف)
داير ما دارها و لا احد يكشف الثاني

و حتى لو سويناها دورين بعد محد يكشف الثاني

خلو تصميم الحوي في نصف البيت و الشمس ما تضرب
الحوي الا ساعتين في النهار صيفاً شتاءً

اما اذا تبون تصميم البيت على الطراز الفيكتوري
او الإدواردي او الروماني فلا تشتكون من فقدان الخصوصية

لأن نسوان الرومان ما يستحون يطلعون في الحوي

للاسف يا خوي الجني ، طلبنا الدور الثاني يكون تصميمه بهالشكل ورفضوا لنا البلدية ، كنت مسوية على اساس انه النص يكون فاضي مثل الحوش السوري تقريبا والغرف كلها مع الدرايش تطل عليه ، قالوا لنا ممنوع هذا مخالف وغيرنا التصميم وسوينا لنا تصميم فيكتوري وادواردي :rolleyes2:

[بويوسف]

في حد يطز عينه بنفسه

بيوتنا الأول كان الحوي في نصف البيت و الدور (الغرف)
داير ما دارها و لا احد يكشف الثاني

و حتى لو سويناها دورين بعد محد يكشف الثاني

خلو تصميم الحوي في نصف البيت و الشمس ما تضرب
الحوي الا ساعتين في النهار صيفاً شتاءً

اما اذا تبون تصميم البيت على الطراز الفيكتوري
او الإدواردي او الروماني فلا تشتكون من فقدان الخصوصية

لأن نسوان الرومان ما يستحون يطلعون في الحوي

ههههههههه عجبني رد الجني .. فعلا للاسف نسفنا كل تراث الاجداد وتراكمات فن البناء اللي امتلكوه اجدادنا واستوردنا افكار من شعوب مختلفة عنا ..

اللي قال ان البلدية تمنع الحوش في وسط البيت غلطان .. وانه بنفسي شفت بعض الناس مسوي فكرة الحوش بالوسط ومن اروع التصاميم ..

[دنيا جديده]

ابوي الله يحفظه زارع شجر عشان يغطي :)

[بويوسف]

للاسف يا خوي الجني ، طلبنا الدور الثاني يكون تصميمه بهالشكل ورفضوا لنا البلدية ، كنت مسوية على اساس انه النص يكون فاضي مثل الحوش السوري تقريبا والغرف كلها مع الدرايش تطل عليه ، قالوا لنا ممنوع هذا مخالف وغيرنا التصميم وسوينا لنا تصميم فيكتوري وادواردي :rolleyes2:

متى هالكلام ؟ مافي شي يمنع تسون حوش وسط البيت !!

[الجني]

للاسف يا خوي الجني ، طلبنا الدور الثاني يكون تصميمه بهالشكل ورفضوا لنا البلدية ، كنت مسوية على اساس انه النص يكون فاضي مثل الحوش السوري تقريبا والغرف كلها مع الدرايش تطل عليه ، قالوا لنا ممنوع هذا مخالف وغيرنا التصميم وسوينا لنا تصميم فيكتوري وادواردي :rolleyes2:

عندي لج حل اختي ضوى باطرشه لج على الخاص

[ضوى]

متى هالكلام ؟ مافي شي يمنع تسون حوش وسط البيت !!

يمكن لانه مالنا واسطة ؟؟ قالوا مخالف ورفضوا الفكرة اساسا :(

[ضوى]

عندي لج حل اختي ضوى باطرشه لج على الخاص

انتظر الحل اخوي :)

[cristal]

شلون بيتكم على 4 شوارع ممكن توضح لي اكثر :con2:

يعني ماحد لازق فينا الفيلا فالوسط وعلى يمينا وشمالنا وجنوبنا وشرقنا شارع << ان شاء الله اوضحت لك الصوره:nice:

[المقهوره]

بصراحه المفروض سكن العمال بالذات يخصصون لهم اماكن مثل الصناعية ولا اي مكان غير سكن العوائل

حتى الاطفال نخاف عليهم من هالي ياكلون لحم الاوادم الفيتناميين ولكن لاحياه لمن تنادي


حوالي بيتنا لو تشوفهم يخووفون تحسهم يترصدون للواحد ويقزونه اليييييييييييييييين يدخل البيت


+

العمال الي ماخذين فلل حزه العصاري متناثرين عند الباب وفاتحين الباب على مصرعيه تقول سوق الحراج كلن ناشر ملابسه والباب فاتح حتى لو المنطقه راقيه ونظيفه يخلونها وجه غير حضاري بطريقتهم.

[3beed]

مالك اللا تشوف لك فيلا غيرها بين مجموعة فلل ..

[قطر دزاين]

انا الصراحة شريت ام صكمه للعزاب اللي يطلون من سطح كنت احذفهم ما اصيدهم:)

[هتـان قطر]

الحمدلله مازلنا نتمتع بقعدة الحوش ..

خصوصا مع دخول الشتا..وكل اللي حوالينا اهلنا

هذي فايدة توزيع الاراضي لكل عائلة مع بعض

:)