المساعد الشخصي الرقمي

مشاهدة النسخة كاملة : الروضات المستقلة


خمسميه
15-10-2009, 04:28 PM
السلام عليكم ورحمة الله وبركاته

تحية طيبه وبعد


حبيت اطرح موضوع قد يكون الكثير منكم يعاني منه

سجلت ابني في روضة ابي ايوب الأنصاري المستقلة الأقرب الا منزلنا عن غيرها من الروضات وكنت اتمنى ان يتم نقله بالباص الخاص بالروضة حيث اتفاجئ بأن الباصات لا تنقل طلاب خارج منطقتها الكائنه في (مسيمير- أبو هامور)

ماذا عن عيالنا اللي ساكنين حول النادي العربي والسلطة القديمة والجديده والمعموره؟

عيزت والله

انا صرت اوصل ولدي على المدرسة والسايق يوصل الأهل ودوم اتأخر على دوامي وأطلع مبكر من دوامي عشان ارد اخذه من الروضه وش الحل؟

اتمنى من المجلس الأعلى يشوف لنا حل لو يطلبون فلوس بندفع بس يشوفون لنا حل

والله فكرت اسحب ملفه بس وين البديل

وسامحوني طولت عليكم


:anger1:
امل الحب
15-10-2009, 04:48 PM
:weeping: :weeping: :weeping:

احنا الروضة قالوا لنا بيوفرون باص خاص كل شهر 500 ريال :secret:

نوديهم ونيبهم بروحنا ابرك مع انها المفروض تكون مجانية :)
خمسميه
15-10-2009, 04:53 PM
اي روضه هذي؟

من باكر بسجلة فيها اتمنى يكون فيها شاغر
ريماس الغلا
15-10-2009, 10:37 PM
الله يعينك
بنك التنمية
16-10-2009, 12:09 AM
اصلا الروض المستقله مافيها مواصلات .... لان البيبي يكون صغير ع سالفة الباص
صاحبة طموح
16-10-2009, 12:25 AM
انصحك اخوي لاتعرض ابنك للتهلكه .....انا موقف شفته بمدرسه مستقله حلفت ان ولا واحد من عيالي يركب باص حياته كله حتى لو يطلع من المدرسه..سوء تنظيم والسايق مايعرف الولد في اي منطقه ووين مكان بيته وممكن ينزله بنص الشارع اذا مادل البيت خلني ساكته احسن وانتوا الله الله بعيالكم تراهم امانه
خمسميه
16-10-2009, 12:43 PM
والله يا بنك التنميه خبرك عتيق كل الروضات المستقله فيها باصات كروه ومواصلات بس ما يخدم اللي بيته شوي بعيد عن المنطقه واحنا منطقتنا مافيها مدارس وروضات مستقله

وبعدين يا بنك التنميه متى بتنزلون قروض هالناس صاري انطر من سنة 2000 وسمعت في شهر 11 الجاي راح ينزلون اسامي (صحيح)؟

اختي صاحبة طموح أشكرك على التنبيه بس ابي اضيف لمعلوماتك ان السنه عندهم تنظيم حلو ومرتب للأولاد اللي بيروحون بالباص مثلا صار وقت خروجهم من الروضه الساعه 12
يصفون طابور وبالأسامي يركبون الباص تحت مراقبه شديده من المدرسه لان المسؤلية على عاتقها وما يتحرك الباص لين يتأكدون ان العدد اكتمل وكل باص فيه ( فراشة) مساعدة في توصيل الاولاد الى المنزل واذا كان مافي حد بالمنزل يرجع الولد معاهم الا الروضة مع الفراشة حتى تتخذ الادارة الاجراء اللازم يعني انشاء الله وباذنه مافي خوف

:omen2:
المهم وش الحل يا أخوتي الكرام
مجرد انسان
16-10-2009, 06:22 PM
اخي الكريم ..

اعرض الفكرة على الادارة ..

يقوم اولياء الامور بالتعاقد مع باص خاص وتتابع الادارة التنظيم ...

اما ان تطلب الادارة من اولياء الامور اجرا على النقل ... فهذا يمنعه المجلس ... الادارة ليس لها من الامر شيء وانا متاكد انها بتوافق على الاقتراح ..بس احصر اللي وضعهم مثل وضعك واحجز باص خاص ..

وان شاء الله يكون خير ..

مع كل تقدير واحترام
مجرد انسان
almaha19999
16-10-2009, 09:18 PM
مااشجع طفل في الروضه يركب باص

متى بيوصل للبيت

غير ماتعرف من اللي بيشرف عليه

وهل المشرفه نبيهه ولا من العاملات اللي اول ماتركب الباص ترقد ومخليه القرعى ترعى
خمسميه
17-10-2009, 10:41 PM
الظاهر انت ماعندك عيال عشان تحس باللي قاعد يصير

المهم

شكله الموضوع ماله حل سكروا عليه