المساعد الشخصي الرقمي

مشاهدة النسخة كاملة : يوكن دينالي؟؟ تنصحوني فيه


gxr o.z
16-10-2009, 12:48 AM
السلام عليكم ورحمة الله وبركاته
اخواني انا اليوم سقت دينالي واحد من الربع وعجبني الصراحه ودش في بالي لأنه اريح من الكروزر واثبت فالخط وعزمه جباااااااار
مقارنة بالفي اكس ار هل تتصحوني فيه يعني يستاهل ابيع الفي اكس ار علشانه؟
استخدام ٥-٦ سنوات على الأٌقل وراح اكرفه ( بر على الخفيف )) تنصحوني فيه ولا اتم على الفي اكس ار؟
ابي موتر مريح بدون مشاكل والكروزر ماعليه كلام ومن احلى مايمكن خصوصا فالبر والأماكن الحجريه ريف بس الكرسي ابدا مب مرييييح !!
هل تنصحوني فيه وكم سعره فالوكاله؟
وبالحجز ولا ادفع واستلم؟
تحياتي
saeed alhajri
16-10-2009, 01:15 AM
موتر جبار وما عليه كلام وضمانه في كل الشرق الاوسط والصيانه في الشركة ممتازة ومش مكلفه وبصراحة هالموتر صار له وزن كبير في سوق السيارات عندنا بس خبرك عقلية شبابنا مبرمجة على طول على البرج اللي في المطار ( تايوته ) واسعار الدينالي اعتقد حول ال196 الف فل اوبشن بس ما عندهم حالياً لأني كنت عندهم قبل كم يوم وقالوا ما فيه الا 2010 وممكن يوصل في شهر 1 أو 2
قطري فلته
16-10-2009, 01:23 AM
السلام عليكم

اخوي انا عندي فكسار 2009 وعندي دينالى 2008 اصدق والله ما اجاملك صرت اروح دينالى اكثر من تيوتا شوف موتر بدون مجامله حق خطوط سفرات عليك به موتر حق اخطوط صراحه والله حتي هلى ما يرتاحون فى ياباني لما اروح الحساء بس هاه سعره فى قاع بس ما دام تستعمله 6 7 لا توكل على الله وترتاح ياريال اتقول لا تيوتا ولا نيسان بس سوق مد ريولك شوف الفرق فى مساحه من عند اريولك وانت كرامه
ANONYMOUS
16-10-2009, 01:40 AM
لا واللي يرحم والديك خلك ع الكروزر
اهـم001
16-10-2009, 02:17 AM
مع ان سيارتي جي اكس 2009 ... لاكن اشوف اليوكن احسن

توكل على الله واخذه اذا بخاطرك موتر ماله حل والاوبشن الي فيه احسن من الفيكسار
q6ri_vip
16-10-2009, 02:40 AM
دينالي عاد الله يهديك والله مغترين فيه أستخدمه فتره وبتعرف الدينالي صح

ترى قطع غياره ناااااااااااااار انا قلت لك قبل ماتاخذه اسأل عن سعر الصداديم او الشبك او الليتات

لقدر الله وعملت حادث شوف كم بيكلفك تصليحه مايسوى عليك والله ...

الفي اكس ار افضل من الدينالي ب 1000 مره .

بالأخير الشور شورك ... انزين الفي اكس ار اللي عندك وش موديله ؟ وبكم تبي فيه ؟
خيال شمر
16-10-2009, 03:24 AM
أخوي أنصحك خلك على الفي اكس ار الدينالي 3 سنيين حده اما الجي عمرررر
بن درويش
16-10-2009, 10:13 AM
صل الاستخاره
biker
16-10-2009, 10:23 AM
خذ لك في اكس ار 2010 ابرك لك سواقه كماليات كل شي ولا تقارنه معا جي اكس ار 8 سلندر ترا يفرق فالسواقه والكراسي وكل شي ..
بس ارجع اقول لك الامريكي اريح عالخط ..مسافات طويله
شوف انت اللي يصلح لك
بالتوفيق
مزيون الدوحه
16-10-2009, 10:27 AM
اذا تبي اليوكن حق بر ومطامر شله من بالك ترا ماينفع والله
صحيح في السواقه وعلى الخطوط احسن واقوا واثبت من الفي اكس ار
لاكن فكر في وقت البيعه بعد 5 سنوات السعر بينزل وايد وثانيا مب اي شخص
يشتريه عكس الكروزر الكل يرغب فيه حتى لو كان قديم وفكر في قطع الغيار والاسعار
ويكفي هذا ( ياباني وهذا امريكي ) طبعا مافي مقارنه .

وموفق اخوي
.qatar.
16-10-2009, 10:48 AM
للأستعمال فتره 5 سنوات لا تيوتا يعش اكثر وخراباته اقل والامريكي حده سنتين بس
ومشكلته الكهربه من واقع تجربه