تخيلوا معي قطر بعد.........!

[ساعي الخير]

صباح /مساء الخير..

كل منا يجلس بروحه ويتخيّل قطر بعد 80 سنة ...سبحن الحي الدايم..

مثلا في : 1-العمران ..2-عادات الناس .3-.النسيج الإجتماعي ..4-.السلطة من حيث فاعلية مؤسسات المجتمع المدني بما في ذلك السلطة التشريعية...الخ. ثم يكتب لنا ماتخيله.

ودمتم بخير/أبو خالد

[نمر بن عدوان]

1-العمران :- الانتهاء من خط سلوى وتقاطع الصناعية :nice:


..2-عادات الناس:- بلاليط وسهالات

.3-.النسيج الإجتماعي ::- الاب يقول لولدة عيب عليك لاتسهر مع رفيقتك لين الفجر حدك الساعة ثنتين . والام تقول لبنتها متى رجعتي من البي سين .:shy:

والزيارات تخف يعني كل 5سنين مره - واذا مات واحد من الاقارب او تزوج تعزية او تبارك له بمسج :(


..4-.السلطة من حيث فاعلية مؤسسات المجتمع المدني بما في ذلك السلطة التشريعية: سلطة :secret:

[دار بومشعل]

فكرة حلوه هاي اذا عشنا طبعا
يعطيك العافية

[ساراام]

اناا اقول بعد 80 سنه مابتحصل ولاقطري بقطر!!

[QATAR 11]

في وقتها مدري انا من الاحياء او الاموات لكن اذا كنت من الاحياء

قطر اعتقد بتكون شي خيالي

[ديموور]

انا اتخيل بس في داخلي آماني

العمران بيكون ضد الشمس والرطوبة والحرررر وتبريد ذاتي وتعيش المباني قرون ماتحتاج صيانة

والعادات ندش بيوت بعض من غير موعد ونروح اعراس الأهل من غير عزيمة ونتساعد ونحط يد بيدوتختفي كلمة التشره ا

شدعوة ماتبينون << من كثر مانرز الويه


والنسيج الاجتماعي لين رحنا متحف الشمع مالنا بنجوف تمثال حق الخدامة والدريول ...تدرون المرة تسنعت

والريال يقوم باهله

والسلطة؛ وانت في بيتك تخلص المعاملات وتسجل حق الجامعة وعيالك تسجلهم في المدارس كله بالكمبيوتر


والدولة ماعندها مكان حق جوائز نوبل اقتثينا منها <<< والله قطر تستاهل

http://img80.imageshack.us/img80/5027/ebep.gif

[الرايــق]

نأمل ان تكون أفضل .. من جميع النواجي والجوانب

[الجزوع]

اهل قطر بيركبون السياكل والهنود بتلقاهم على الاند كروزرات هذا اذا وجدت ذيك الحزه

والبترول بيكون مخلص ، و كل وحده تروح تقدم لها على فيزة عمل للخارج والرجاجيل بيقعدون في البيت عند

عيالهم ليش انه مافيه شغل ، والوزراء انجليز وهنود ، وبتكثر حملات محاربة النقاب والشيله والعبايه ،

و بنك الدوحه بعده يخصم معاش زوجي بسبة السلفيه اللي خذها ذاك الزمان و بلاوي بتصير والعلم عند الله

[alkuwari55]

باذن الله بيكون في ترابط اسري قوي ان شالله لانه بذرة هل قطر فيها خير

ومن ناحية العمران مادري بيكون فيه اشغال او بتكون مسحة من الوجود

[Al-Qatari]

الله أبقى وأعلم سبحانه ..



لكن الأكيد إني أتمنى وقتها تكون جميع الدول العربيه والإسلاميه قد توحدت تحت راية واحده .. وعاد زمن الخلافه الإسلاميه من جديد ..


من يعلم ربما يبعث الإمام المهدي ويبايعه جميع حكام دولنا الحاليه ويتوحدون تحت رايته لتعود الفتوح ويعود العصر الذهبي للإسلامي ..

[بوخليفة3]

اتوقع ان بعد 80 سنه نفس الحفر بتكون موجوده في فريجنا!

[حشيم]

اتمنى ان يكون على الاقل ربع الي في صفوف المدارس هل قطر
( عزوتي الاد نفيع )

[قطريه ماركه]

بنصير مثل الهنود الحمر ..



و بننقرض :(