المساعد الشخصي الرقمي

مشاهدة النسخة كاملة : بسبة البلاك بيري


QATAR 11
16-10-2009, 12:13 PM
http://www.14noor.com/forum/uploads_members/2195/2195_2009-09-27_fyumka.bmp



بسبة البلاك بيري ..

بغيت اندعم مليون مرة بالسيارة واخرها كان امس لكن الله ستر كان بيكون صج حادث مأساوي

والسبة ان الناس مو منتبهة للشارع ولاهية بالمسجات والسوالف بالماسنجر

والنت والمنتديات والمواقع ومادري شنو ..


بسبة البلاك بيري ..

بغيت اندعم بالسوق مليون مرة

خلق الله ماشين وماسكينه وسوالف مالها اول وتالي وزين ما يدعمون بالناس

خو رفعوا روسكم وانتوا تمشون .. لاحقين على السوالف ..



بسبة البلاك بيري ..

اقعد مع ربعي اسولف بروحي ..

انا الي اسولف وانا الي اتفاعل مع السوالف وانا الي اضحك عشان احس اني قاط نكتة حلوة

اقعد معاهم بالمجلس ولا بالكافية وكأني قاعد بروحي ..

كل من لاهي بهالبلاك بيري ..



بسبة البلاك بيري ..

الناس تسولف مع بعضها بالسيارة وبالسوق وبالبيت

وبالمطبخ وبالحمام وانتوا بالكرامة وبكل مكان

واذا تواعدوا بمكان وتلاقوا فيه محد يسولف مع الثاني ..

لأن السوالف خلصت قبل لا يجتمعون ..

هذا اذا اجتمعوا ..


بسبة البلاك بيري ..

الطلعات اختربت والكشتات مالها طعم

لأن كل واحد لاهي بلي يسولف معاه بالبلاك بيري ولا انه مشغول بالنت وبالمواقع




بسبة البلاك بيري ..

كتبت هالموضوع

البلاك بيري او اي جهاز ثاني ترى استخدامه اكثر من استخدام نت وسوالف وماسنجر


لكن كتبت هالموضوع هني لأن هالتكنلوجيا للأسف الناس مب عارفين شلون يستخدمونها صح ..

قبل كم يوم كنت بورشة ستارلينك 2

كل شوي واحد ولا وحدة داشين ورايحين الورشة ..

( لو سمحت شوفلي الماسنجر ما يشتغل ..لو سمحت شوفلي الجات ما يشتغل .. لو سمحت بغيت برمجه )



معقولة الناس ما شرت هالجهاز الا للسوالف .. !!؟

خل نفرض انهم شروه للسوالف .. عليهم بألف عافية

بس قدروا الناس الي حواليكم .. !!

انا بصراحة واحد من الناس وايد يحز بخاطري اقعد مع واحد ولا اطلع معاه نبي نسولف

الاقيه مجابل البلاك بيري ويسولف ولا كأني موجود ..

أقوله ( والله ما يندرى صج ولا جذب لقوا علاج لانفلونزا الخنازير )

يقولي ( اي اي امس المباراة مادري منو فاز ) .. !!

انا بوادي واهو بوادي .. ولا يدري عن شنو اسولف ..

حسسني ان في كائن حي قاعد يسولف معاك

ياخي كلها ساعة زمان بطلع معاك وبرد البيت ..

هم بهالوقت مو معاي .. ؟؟!

=\

وسوالف المداعم بالسوق والله صج صج اكثر من مرة ..

كل من كاشخ وحاط راسه بهالسوالف وشوي ويدعموني بسبة سوالفهم

هم شباب هم بنات .. الكل لاهي بالسوالف ..

ترى عيب البنت تدعم ريال وين الحيا .. ؟!

خل السوالف .. مو وقتها الحين ..

والله شي يحز بالخاطر ..

يالله خلوها على الله 2

سوري على هالتحلطم ..

بس صج صج شي يحز بالخاطر
biz-qtr
16-10-2009, 12:23 PM
اي والله انا دعمت مره بسبه البلاك بيري بس الحمدلله بسيطه :)


موضوع مميز والله ومهم :) *
بوحارب
16-10-2009, 12:25 PM
يا رجال الحين البلاك بري وصل لين داخل المسجد

حتى وحنا انصلي تسمع صوت نغمه المسن ( تررن تررن )

الله يهديهم بس

تسلم على الموضوع المبسبس

بز قطر خلي عن البلاك بري وقت السواقه وردي لعيالج سالمة ابركلج
bofahad5080
16-10-2009, 12:25 PM
انا معاك في موضوعك ،،

والمشكلة انا وصلنا لهذي المرحلة .

الله يهدينا اجمعين ونستخدم هالتكنلوجيا بالشكل الصحيح ..

وشكراااااااااا
موضي قطر
16-10-2009, 12:42 PM
وشو البلاك بيري؟ ترى ما أدري شالسالفة:shy:

بس فهمت من الكركاتير أنه جوااال صح :telephone:
biz-qtr
16-10-2009, 12:54 PM
يا رجال الحين البلاك بري وصل لين داخل المسجد

حتى وحنا انصلي تسمع صوت نغمه المسن ( تررن تررن )

الله يهديهم بس

تسلم على الموضوع المبسبس

بز قطر خلي عن البلاك بري وقت السواقه وردي لعيالج سالمة ابركلج




والله الحين صرت اخاف اكتب وانا اسوق :)

يسلمو ع النصيحه
eXpert*
16-10-2009, 12:57 PM
موضوعك جميل جداً أتمنى يأخذ صداه في هذا المنتدى .

الحمدلله لا عندي ولا بـ أشتري لي واحد .

واذا على ايميلات الدوام ،، جواليّ نوكيا e71 و الموديلات الجديدة كلها فيها خدمة الايميل .
BURBERRY
16-10-2009, 12:59 PM
مشكله بعض الناس الي يستخدمون التقنيه بشكل غلط x غلط
خمسميه
16-10-2009, 01:12 PM
هذا حال التكنلوجيا عند العرب
روح الاطلس
16-10-2009, 01:23 PM
البلاك بيري اشتراك ورسوم ولا مفتوح مجاني على مصراعيه ؟
ANONYMOUS
16-10-2009, 01:24 PM
بلاك ربي
خمسميه
16-10-2009, 01:26 PM
هههههههههههههههههههههه


بلاكم بيري
فراغ
16-10-2009, 01:26 PM
المشكله مش مشكله التكنولوجيا
المشكله مشكلة العلم أذا تقابل مع الجهل
يصبح أستخدامة بشكل جهول
butterfly qatar
16-10-2009, 01:28 PM
ههههههه اي والله حتى فالجامعه كل شوي وحده داعمه وحده بسبة البلاك بيري

والله الحمدلله ماعندي بلاك بيري
بس المشكله
ههههههه عندي e75 ووفيه ماسنجر و 24 ساعه شابكته على الفودافون لانه ماياخذ رصيد كل ماعبي تزيد نقاط الإنترنت بالمئاات ويطووول يعني بس ياخذ رصيد من نقاط الإنترنت مب من الرصيد عند تسجيل الدخول الحين كل شي صار سهل ومتوفر ومخرررررب في نفس الوقت ومدمر حق الي مايعرف يستعمله بطريقه صح وفي الوقت الصح
شيط ويط
16-10-2009, 01:29 PM
يعطيك العافيه على هالكلام .. بس صراحه يبيله بلاك بيري .. التجربة جديرة بالاهتمام والخوض فيها خصوصا ان الكل عنده هالجهاز شباب وبنات صغار وكبار :secret:
مضاد
16-10-2009, 01:30 PM
وشو البلاك بيري؟ ترى ما أدري شالسالفة:shy:

بس فهمت من الكركاتير أنه جوااال صح :telephone:


والله أريح لك .


على العموم هذا هو Blackberry :)


http://www.knowledgerush.com/wiki_image/d/d1/Blackberries_on_bush.jpg
ANONYMOUS
16-10-2009, 01:33 PM
يعطيك العافيه على هالكلام .. بس صراحه يبيله بلاك بيري .. التجربة جديرة بالاهتمام والخوض فيها خصوصا ان الكل عنده هالجهاز شباب وبنات صغار وكبار :secret:


المشكله النطيحه والمترديه وما أكمل السبع قامو يستخدمون هالبلاك ربي

يعني لو خلو سعره نفس الفيرتو.. كان زين..

ع الاقل بيكون مميز..

بس الحين.. لاتعليق
حراير قطر
16-10-2009, 01:48 PM
يبيله واحد :nice:

بخصوص انه عليه مخالفه بعد انتبهوا

والله يحفظكم من شره
راعي الغزيل
16-10-2009, 01:52 PM
موضوع مميز والله ومهم
3beed
16-10-2009, 01:55 PM
ما خلصنا من الجوال وبلاوويه جانا البلاك بن بيري لا بارك الله فيه
بوعلي-Qtr
16-10-2009, 02:04 PM
اتمنى تكون في مخالفة حق البلاك بيري بالتحديد
وهي سجن شهر
GULFSUN
16-10-2009, 02:07 PM
http://www.14noor.com/forum/uploads_members/2195/2195_2009-09-27_fyumka.bmp



بسبة البلاك بيري ..

بغيت اندعم مليون مرة بالسيارة واخرها كان امس لكن الله ستر كان بيكون صج حادث مأساوي

والسبة ان الناس مو منتبهة للشارع ولاهية بالمسجات والسوالف بالماسنجر

والنت والمنتديات والمواقع ومادري شنو ..


بلاك بيرك ماله ذنب يوم دعم المسكين المرور حاطين الاشاره معكوسه لاتلومة يوم دعم :rolleyes2:

http://up4.m5zn.com/9bjndthcm6y53q1w0kvpz47xgs82rf/2009/10/16/04/my94uwt5q.jpg (http://www.tobikat.com)
العصامي
16-10-2009, 02:11 PM
المشكله النطيحه والمترديه وما أكمل السبع قامو يستخدمون هالبلاك ربي

يعني لو خلو سعره نفس الفيرتو.. كان زين..

ع الاقل بيكون مميز..

بس الحين.. لاتعليق


واضيف على كلامك الفراغ + سوء الاستخدام.
عايشة
16-10-2009, 02:11 PM
لا والله مب بسبة البلاك بيري .... بسبتنا احنا ...احنا الي ما انعرف نستخدم هالتكنولوجيا صح ..
بنت الخور
16-10-2009, 02:11 PM
دايما الناس جذيه اذا طلع شئ هبوو فيه هبه

كانهم ما شافوو خييييييييييييييييييييييييييييييير للأسف
واحد 11
16-10-2009, 02:17 PM
وشو البلاك بيري؟ ترى ما أدري شالسالفة:shy:

بس فهمت من الكركاتير أنه جوااال صح :telephone:

ماشاء الله على حريم أول مايعرفون هالسوالف..... :nice:
ياليت كلنا نفسج ياموضي مانعرف هالبلاك بيري

انا الان في فرنسا واشوف البلاك بيري منتشر عندهم مب بس عندنا لكن مب نفسنا ابدا هناك على سنع لكن عندنا مصخت السالفة والحمدلله اني في لحظة انتشار البلاك بيري كنت برا الدوحة واخاف لارجعت يصدمني المشهد
لأني مابي اقارن بينا وبينهم في استخدام هذا الجهاز
GULFSUN
16-10-2009, 02:17 PM
وشو البلاك بيري؟ ترى ما أدري شالسالفة:shy:

بس فهمت من الكركاتير أنه جوااال صح :telephone:

نعم جول مافيه ذاك الزود عن الجوالات غير نشر الاشاعات اسرع :omen2:

وهاذي صورته ( المتهم )

http://up4.m5zn.com/9bjndthcm6y53q1w0kvpz47xgs82rf/2009/10/16/04/26i33opco.jpg (http://www.tobikat.com)
مرتبش
16-10-2009, 02:19 PM
زين
واللي يقرا ويكتب مسجات في تلفون نوكيا والسماعة دايما في راسه.. هل يصير له نفس البلاك بربري؟
..
الناس من طلع الجوال وهم معتفسين
موضي قطر
16-10-2009, 03:04 PM
والله زين ياجماعة علمتوني شنهو ورويتوني صورته تصدقون

نفس الجهاز اللي في الصورة عند البنات في الشغل بس كنت

أفكر نوكيا منزله جوال جديد :taunt:

الحين عرفت ليش كله يطالعونه كل شوي
GENIUS
16-10-2009, 03:27 PM
مشكلتنا للأسف نستخدم التكنولوجيا في غير حاجتها الفعلية والمفيدة يعني هذا الجهاز له ميزات رائعة للإستخدام لكن ربعنا يدورون حاجتهم فقط وللأسف هي بعيدة كل البعد عن الهدف الأصلي من إختراع هذه التكنولوجيا
همسه
16-10-2009, 03:49 PM
ماحبيته

الناس ماخذته بس عشان المسنجر

واذا اجتمعنا ابي اسولف مع حد مافيه الكل لاهي بجهازه

ملل ماتقدر تسولف مع حد

مب حلوه لما اتكلم مع وحده وهي قدامي وبس تهز راسها عشان تثبت لي انها معاي وهي عيونها بالجهاز وتكتب

اتمنى يملون منه
ساحر برشلونة
16-10-2009, 03:58 PM
من يوم نزل مادش بالي كلش هتلفون مع انه فيه مميزات كثيرة ومفيدة

حسب الاستعمال
شبيــه الريح
16-10-2009, 04:37 PM
انا ماخذه واسولف بالمسنجر بس اذا طلعت مع احد والله احطه بمخباي اسمع النغمه بس عادي لانه

رفيجي مابجتمع معاه الا يالله يالله يعني بالاسبوع مره فليش اخرب جلستي معاه علشان بلاك بيري مع انه

اهو السواق واذا اسوق وجاني مسج وحبيت اشوفه اوقف اشوي السياره اشوفه وارد اكمل هاذي الطريقه

صح علشان الواحد مايسبب حوادث
QAT999
16-10-2009, 04:47 PM
عندى سؤال ثانى


ليش كل ما طلعت عندنا ظاهره قمنا نتقدها بشي السلبي
الموضوع مب موضوع بلاك بيرى الموضوع موضوع اشخاص وكيفية استعماله

انا ورفيجى عندنا بلاك بيرى ويوم نطلع مع بعض بعد نسوالف اكثر من البلاك بيرى

اكثر شى استفده منه فى الوقت الحالى وهو القروبات البلاك بيرى انا مشترك فى 5 قروبات اسلاميه
فيها قسم خاص للأدعيه ، وفى قروب خاص بصور وفى الدوام عندى مسوين قروب خاص للشغل
وناسه


المهم كل واحد وطريقه استخدامه بس يبى لنا شوى نرتقى :)
almaha19999
16-10-2009, 04:57 PM
البلاك حلو

بس الاستخام السيء له هو السبب
وبالذات للي يسوقون يعني انت منت ضار نفسك بتضر غيرك
بنت ابوها 19
16-10-2009, 05:00 PM
خخخخخ والله الناس حالتها حاله


صج مب شايفين خير
بوخالد911
16-10-2009, 05:00 PM
العيب بالمستخدم = اليووزر

جهاز حلوووو



عيبي اني اكتب وانا اسووق

واحاول اتخلص من هالعادة



مسيوو / بوخالد911
امل الحب
16-10-2009, 05:16 PM
الله لايبلينا ..

حاولوا يقنعوني فالدوام اخذه وانا مابيه:anger1: عشان مايتعطل الشغل :rolleyes2:

شالجديد يعني هي بتوقف على هالشي قبل لاينزل هالجهاز كان ينتظر الشغل .. خله ينتظر مو خسرانين شي :)
طلعة الروح
16-10-2009, 06:12 PM
الله يهدي اللي يستخدمونه استخدام خاطئ خصوصا اثناء القياده
فراغ
16-10-2009, 08:39 PM
والله يالربع أمس وأنا قاعد أسوق وشارع فاضي ومن فتحه جانبيه خرج لي واحد من الشباب أنا أشوفه وكنت عندي أحساس أنه بيوقف بس طلع في ويهي وهو قاعد يعبث في جهز بيده أنا ما عرف البلاك بيري ألا من المنتدى
المهم أنا مسكت بريك قوي علم على الشارع ووصلت لين تايره الوراني وصوت البريك قوي
والحبيب طالعني بنظره ومشى كأن شي ما صار
وأنا وقفت من الخرعه في الشارع دقيقتين وتعوذت من باليس وتيسرت
مثل هل شكال شتسوي معاها
بوخالد911
17-10-2009, 12:26 AM
الله يهدي اللي يستخدمونه استخدام خاطئ خصوصا اثناء القياده

:weeping::weeping::weeping:
حليتان*
17-10-2009, 12:32 AM
شوف
الشي اللي زاد عن حده انفلب ظده
قمرهم
17-10-2009, 12:38 AM
انا دايما اردد هذي الجمله الي تشتري البلاك بري يصيدهم مرض التوحد استغفر الله تشوف الوحده قاعده مع الناس بس مش معاهم راسها كله تحت اطقطق في البيبي على قولتهم ولا اتشارك الناس في السوالف وتضحك بروحها جنها مينونه والله بلوه
الله المستعان
شيط ويط
17-10-2009, 01:32 AM
يبيله واحد :nice:

بخصوص انه عليه مخالفه بعد انتبهوا

والله يحفظكم من شره

إذا حولج شي صوبنا نبي نجرب :secret:
امل الحب
17-10-2009, 01:35 AM
والله يالربع أمس وأنا قاعد أسوق وشارع فاضي ومن فتحه جانبيه خرج لي واحد من الشباب أنا أشوفه وكنت عندي أحساس أنه بيوقف بس طلع في ويهي وهو قاعد يعبث في جهز بيده أنا ما عرف البلاك بيري ألا من المنتدى
المهم أنا مسكت بريك قوي علم على الشارع ووصلت لين تايره الوراني وصوت البريك قوي
والحبيب طالعني بنظره ومشى كأن شي ما صاروأنا وقفت من الخرعه في الشارع دقيقتين وتعوذت من باليس وتيسرت
مثل هل شكال شتسوي معاها


ههههههههههههههههههههه باله مو وياك باله في البيبي واحتمال يكون حتى ماحس بكل الي صار..

صج مشاكل :rolleyes2:
حراير قطر
17-10-2009, 01:50 AM
إذا حولج شي صوبنا نبي نجرب :secret:

والله يا شيط ويط

هو جاري التفكير فيه

بس دفش حجمه لو يصغرونه ويكون بناتي احلى واحلى

ننتظر لين ينزل الجديد ويأخذون اقتراحي ...

وانت بعد اذا حولك واحد صوبي لا تنسى :tease:
بومحمد المطاوعه
17-10-2009, 02:07 AM
اي والله مشكله البلاك بيري

انا عندي بس يوم اسوق كلش كلش مادري عنه

لاني كم مره كنت بدعم الله حفظني والله

الله يعين الشباب الي غرامهم البلاك بيري


يعطيك العافيه ع الموضوع
هام السحاب
17-10-2009, 02:13 AM
كل مانزل شي جديد الناس اتولع فيه فتره و تهده
موضه وبتعدي
تحملوا شوي :tease:
صوت الضمير
17-10-2009, 02:27 AM
للاسف مافكرت اخذ هالجوال

وعندي نوكيا e75 ادخل النت للضروره اذا احديت

والوقت غالي عندي بين ابحاث ودراسه وماعندي وقت لهل خرابيط

والسموحه احس انها سالفة مراهقه ... وخرابيط

أبداع
شيط ويط
17-10-2009, 02:43 AM
والله يا شيط ويط

هو جاري التفكير فيه

بس دفش حجمه لو يصغرونه ويكون بناتي احلى واحلى

ننتظر لين ينزل الجديد ويأخذون اقتراحي ...

وانت بعد اذا حولك واحد صوبي لا تنسى :tease:

انا بعد جاري التفكير فيه يوما بعد آخر :secret:

ومن ناحية الحجم اتفق وياج .. شكله (كلكليتر) :rolleyes2:

ووووووووووووووين لو حولي شي ما كلمتج :rolleyes2: العين بصيره واليد قصيره :secret:
انتثر لك عطر
17-10-2009, 02:48 AM
أذا تواجدت عقول فاضيه وفراغ وفلوس زايده وحب مظاهر واتبع كل جديد دون معرفه لماذا وجد ولمن وماهو استخدامه شي طبيعي الدريول والخدامه راح يكون عندهم بعد بلاك بيري

للاسف الشديد ظاهره سلبيه ولم يخطر ببالي يوم من الايام أن اقتني المدعو بلاك ربي لان من يريدني يعرف كيف يصل لي والجوالات ماتقصر الله يطول بعمرها

واستغرب ممن يحملونه اليس لبدنكم حق عليكم ان ترتاحون وتريحون عقولكم من الكلام والهذره الزايده شوي اربع وعشرين ساعه روسكم في هالبلاك ربي وقت النوم معكم بااحلامكم معكم لكل شي وقته وحلو يكون بوقته للنت وقته وللجوال والاصحاب وقت والاهل وقت عطي كل صاحب حق حقه ولكن مب اربع وعشرين ساعه انا مقابل بلاك ربي ومع ربعي او حتى اهلي وناسي الدنيا ومافيها

عسى الله يهديكم يا مستخدمين بلاك ربي وتحسنون استخدامه ولكن من متي احنا يالعرب نحسن استخدام شي ونستخدمه لغرض المصنوع له



دمتم بود
ام حسوني
17-10-2009, 06:02 AM
مممممممممممم شكرا على الموضوع بس ايسلي صراحه بس لما اكون مع حد ماحب حد يلهي عني ويكتب ويطرش بBlackBerry
الحين السالفة مو هني،

السالفه حتى اليهال يبون بلاك بيري...
قطري في لندن
17-10-2009, 08:33 AM
بالعكس انا واحد استفت من البلاك بيري حوالي 80% في اشغالي بسبب سفراتي الكثيره

المشكله من البزران لي يستعملون ولي اعقولهم صغيره

ولا البلاك بيري صارله حول 6 اسنين

يعطيك العافيه على الموضوع
موضي قطر
17-10-2009, 08:51 AM
اسمه ( البيبي ) الله المستعان على هالصبح :rolleyes2:
sweet qatar
17-10-2009, 10:23 AM
ماشاء الله على حريم أول مايعرفون هالسوالف..... :nice:
ياليت كلنا نفسج ياموضي مانعرف هالبلاك بيري

انا الان في فرنسا واشوف البلاك بيري منتشر عندهم مب بس عندنا لكن مب نفسنا ابدا هناك على سنع لكن عندنا مصخت السالفة والحمدلله اني في لحظة انتشار البلاك بيري كنت برا الدوحة واخاف لارجعت يصدمني المشهد
لأني مابي اقارن بينا وبينهم في استخدام هذا الجهاز

اول ما انتشر في امريكا... كلهم رجال اعمال او شباب او مراهقين او حتى عجايز تولعوا فيه...بنفس الطريقه الي تولعوا فيها هني...

لاتكبرون الموضوع يا جماعة الخير... كلها موضة وتخمد.. و كلن يعمل باصله واخلاقه... في اي شي يمسكه...
ناصر30
17-10-2009, 10:32 AM
التطور حلو

ولكن احنا نستخدم التكنولوجيا في التباعد الانسانى

وننسى صلة الارحام وحقوق الوالدين والربع

على كثر مالناس متفرقه زاد الفراق بينهم حتى وهم مع بعض

في النهايه الـ b-b سلاح ذو حدين وراعيه هو الموجه له

لكـم اجمــل تحيـــه
ضوى
17-10-2009, 11:23 AM
الحمد لله ماخذته ولا ابيه ولا ارح اخذه بيوم من الايام ، مابيتعطل الشغل اذا ماشفت كل الايميلات بيوم اجازتي وبعدين الشغل يعرفون كل ارقامي لو فيه شئ بيكلموني دايركت او مسج عادي الدنيا مابتطير

والله وانا اسوق احاول قدر الامكان اني انتبه لكل صوب اخاف واحد لاهي يقرا مسج والا يسولف يخبطني وانا في حالي خاصة عند اللفات او الاشارات الخبال يشتغل على اصوله بالاشارات

دائما وابدا استخدام التكنولوجيا بشكل خاطئ ولصارت المصيبة قلنا ياليت اللي جرى ماكان
المرحب
17-10-2009, 12:42 PM
تسلم على الموضوع

والحمد لله انه بسبب البلاك بيري

قريت الموضوع وعرفت مشاكل البلاك بيري

علماً بأن الدوام حاولوا يصرفونه لي ورفضت










تحيـــــــــــــــاتي ...
بومحمد911
17-10-2009, 12:48 PM
في ناس مع الخيل يا شقرا

ما يدري شالطبخه واتحصله قاعد يحوس في هل اسود بيري اقصد بلاك بيري

والناس علبالها انه بزنس مان قاعد يعقد صفقه


شكرا على طرحك الموضوع

والله يهدينا الى طريق الحق
ابو ضمير
17-10-2009, 01:01 PM
http://www.14noor.com/forum/uploads_members/2195/2195_2009-09-27_fyumka.bmp



بسبة البلاك بيري ..

بغيت اندعم مليون مرة بالسيارة واخرها كان امس لكن الله ستر كان بيكون صج حادث مأساوي

والسبة ان الناس مو منتبهة للشارع ولاهية بالمسجات والسوالف بالماسنجر

والنت والمنتديات والمواقع ومادري شنو ..


بسبة البلاك بيري ..

بغيت اندعم بالسوق مليون مرة

خلق الله ماشين وماسكينه وسوالف مالها اول وتالي وزين ما يدعمون بالناس

خو رفعوا روسكم وانتوا تمشون .. لاحقين على السوالف ..



بسبة البلاك بيري ..

اقعد مع ربعي اسولف بروحي ..

انا الي اسولف وانا الي اتفاعل مع السوالف وانا الي اضحك عشان احس اني قاط نكتة حلوة

اقعد معاهم بالمجلس ولا بالكافية وكأني قاعد بروحي ..

كل من لاهي بهالبلاك بيري ..



بسبة البلاك بيري ..

الناس تسولف مع بعضها بالسيارة وبالسوق وبالبيت

وبالمطبخ وبالحمام وانتوا بالكرامة وبكل مكان

واذا تواعدوا بمكان وتلاقوا فيه محد يسولف مع الثاني ..

لأن السوالف خلصت قبل لا يجتمعون ..

هذا اذا اجتمعوا ..


بسبة البلاك بيري ..

الطلعات اختربت والكشتات مالها طعم

لأن كل واحد لاهي بلي يسولف معاه بالبلاك بيري ولا انه مشغول بالنت وبالمواقع




بسبة البلاك بيري ..

كتبت هالموضوع

البلاك بيري او اي جهاز ثاني ترى استخدامه اكثر من استخدام نت وسوالف وماسنجر


لكن كتبت هالموضوع هني لأن هالتكنلوجيا للأسف الناس مب عارفين شلون يستخدمونها صح ..

قبل كم يوم كنت بورشة ستارلينك 2

كل شوي واحد ولا وحدة داشين ورايحين الورشة ..

( لو سمحت شوفلي الماسنجر ما يشتغل ..لو سمحت شوفلي الجات ما يشتغل .. لو سمحت بغيت برمجه )



معقولة الناس ما شرت هالجهاز الا للسوالف .. !!؟

خل نفرض انهم شروه للسوالف .. عليهم بألف عافية

بس قدروا الناس الي حواليكم .. !!

انا بصراحة واحد من الناس وايد يحز بخاطري اقعد مع واحد ولا اطلع معاه نبي نسولف

الاقيه مجابل البلاك بيري ويسولف ولا كأني موجود ..

أقوله ( والله ما يندرى صج ولا جذب لقوا علاج لانفلونزا الخنازير )

يقولي ( اي اي امس المباراة مادري منو فاز ) .. !!

انا بوادي واهو بوادي .. ولا يدري عن شنو اسولف ..

حسسني ان في كائن حي قاعد يسولف معاك

ياخي كلها ساعة زمان بطلع معاك وبرد البيت ..

هم بهالوقت مو معاي .. ؟؟!

=\

وسوالف المداعم بالسوق والله صج صج اكثر من مرة ..

كل من كاشخ وحاط راسه بهالسوالف وشوي ويدعموني بسبة سوالفهم

هم شباب هم بنات .. الكل لاهي بالسوالف ..

ترى عيب البنت تدعم ريال وين الحيا .. ؟!

خل السوالف .. مو وقتها الحين ..

والله شي يحز بالخاطر ..

يالله خلوها على الله 2

سوري على هالتحلطم ..

بس صج صج شي يحز بالخاطر

والله اسمحولي يا شباب انتوا مخكم فاضي تراكم صجيتونا بهالتلفون في كل مكان اروح احصل هالتلفون والناس ما شايفه خير والله في ناس مستعده تبيع كرامتهم علشان هالتلفون لا ولم افتح قسم الكمبيوترات والهواتف احصل هالتلفون والناس مثل المجانين

يا شباب صلوا عالنبي ترا كل تلفون عقلوا شوي
أخت الغالي
17-10-2009, 02:19 PM
اخووووي أول ماخذاة 24 ماسكة فيدة يقعد معانا ولاهي مع هالبلاك بيري وحتى فالسياؤة لاظهرنا نفس الشي اقولة يعني مافي فالبيت انترنت فية مسن ومنتديات وكل شي مادري شالحلو بهالجهاز ..

بس بعدين قطعة ولايدري عنة حتى :)

اشووووووف الجامعة كلها عندهم منة بس ماعجبني الحمدلله ولافكرت اقول لأبوي يشترية لي حتى ..
مايمدح السوق
17-10-2009, 02:26 PM
الجهاز عملي جدا بس حق الى بيستخدمه بعقل اما المجانين لازم نحجر عليهم :)
بوخالد911
17-10-2009, 02:33 PM
متااااابع .....
QATAR 11
18-10-2009, 07:36 AM
اشكركم على تفاعلكم اخواني / اخواتي

وعساكم على القوه جميعااااا