المساعد الشخصي الرقمي

مشاهدة النسخة كاملة : :::مفارقات...سهالات...مما رأيت في استراليا...ماهم بمسلمين!:::


The Master
16-10-2009, 09:45 PM
احم احم ثم احم

ايييييه من زمان ما طرحنا موضوع
ايييي شاقول ولا شاقول احم

اليوم عندي شي ودي اطرحه
شي يجول في عقلي ويجول في عقل اي شخص مسلم وبمعنى اخص خليجي وبتخصيص قطري

نطرح لكم بنات افكاري(اوش اوش اهم شي البنات احم)

وانا في استراليا لاحظت هالمواقف
عيشوها معاي....

رجال...يوم رمضان...يدخن...وانا صايم...صدق مايخاف ربه...
...سالت نفسي ليه يفطر؟...
سهالات..تراه ماهو بمسلم...

يرفع صوته على امه...ويسكتها...وشوي يرفع يده عليها...
...سالت نفسي...مايدري ان الجنه تحت اقدام الامهات...!
سهالات...تراه ماهو بمسلم

شباب قاعدين...سوالف وضحك وغشمره...واحد يبغي يعقر...اسكتوا...وعطوه بنظره...استحى...واعتذر...
...قالت نفسي...ماشاء الله يدرون ان الغيبه حرام...
مفارقات...تراهم ماهم بمسلمين

سييد طووووويل...والكل مستعجل...لكن محافظين على النظام والدور...محد كفو يتجاوز...الكل محترم وقفة اللي قبله ومقدره ايا كانت جنسيته...
...قالت نفسي...سبحان الله عامل الناس كما تحب ان يعاملوك...
مفارقات...تراهم ماهم بمسلمين

واحد يمشي...لاهي...ادعمه واحد...اثنيناهم اعتذروا لبعض...وابتسموا...وحركوا...
...قالت نفسي...ماشاء الله على الاحترام والطيبه...
مفارقات...تراهم ماهم بمسلمين

واحد...دخل محل...جاته البايعه...ابتسمت له...واقعدت تسولف معاه...وتضحك...وطلع بدون لا يشتري...
...سالت نفسي...اوب اوب...ضبطها...اكيد حبته...سالته...ها خذت رقمها؟...قال لي أي وحده تضحك معاك يعني تحبك...يبا هذا تعامل والاهم تحسن النيه...
مفارقات...تراه ماهو بمسلم

انت مسلم...اي نعم...تراني ضد امريكا...واللي تسويه في العراق وافغانستان غلط...من هي امريكا عشان تسوي هذا كله...واسرائيل تضطهد الفلسطينيين..وتقتلهم...واللي فوقكم ساكتين؟؟؟
...سالت نفسي...وين الفيديو خلني اصوره...يمكن اقول لحد بيقول لي هذي مؤامره منهم...لانه قال الصدق!!
مفارقات...تراه ماهو بمسلم

خلاف...قال وجهة نظره...رد عليه بوجهة نظر...ما اقتنعوا... بافكار بعض...انتهت السالفه...وسولفوا عن شي ثاني...ولا كنه صار خلاف...
...قالت نفسي...صدق انهم اخلاق..واحترام...ولباقه واسلوب...والاهم رجوعهم لعلاقتهم من جديد بدون اي تعصب وبغض...
مفارقات...تراهم ماهم بمسلمين

اوش اوش....وخر عنها ياولد...احم احم...هنا النسوان ولا بلاش...الجسم الزين...وكل مايفتن مبين...لا وتتعلك بعد...كنها تقول...انا هون يا حنفي...احم
...سالت نفسي...ماتخاف ربها...ماتدري ان هذا فتنه ومايجوز؟...
سهالات...تراها ماهي بمسلمه

طير دعم الزجاج وطاح عالشارع...جاوو كلهم وشلوه...واسعفوه...وخذوه للمستشفى...
قطو...بيعبر الشارع...مرت سياره مسرعه وادعمته...وقف راعي الموتر...والناس احتشروا عليه...ازقروه..هو متحسف..خذه للمستشفى...للعلاج...
...قالت نفسي...الله ياجرهم...الرفق بالحيوان...وعدم اذيتهم...
مفارقات...تراهم ماهم بمسلمين

الزوج يشيل اغراض عن زوجته...ويشيل البزر عنها...ويبتسم لها...وهي تبتسم له...ويدز عنها الجاري في الجمعيه..وهو شايل البزر...
...قالت نفسي...صدق رجال...خيركم من كان خيرا لاهله...
مفارقات...تراه ماهو بمسلم

بزر...في الحديقه...ضرب عجوز قاعده...يعني يستهبل الاخ...جا الاب...وازقره...وقال له اعتذر لها...وخلها تسامحك...
...قالت نفسي...نعم التربيه...احترام الكبير...والتوبيخ عند الخطأ...
مفارقات...تراهم ماهم بمسلمين

هلووو(في المول)...ممكن دقيقه...سمعت عن المسيح...تراه دين يدخل السعاده في قلبك...تبغي تشاركنا...حياك بكره في الكنيسه...ترا في بوفيه غدا وبلاش....
...قالت نفسي...شوف كيف الناس تدعوا لدينها...حتى انهم ناس عاديين مش فاهمين في الدين عدل...
مفارقات...تراهم ماهم بمسلمين

واحد يسوق سياره...ادعمه ثاني عند الاشاره...على واحد فيهم الغلط...اتفقوا على من...وحلوا المشكله...خلال ثواني...وتواعدوا في المركز عشان التامين والتصليح...
...قالت نفسي...شوف الحق...والامانه...وعدم قول الزور...
مفارقات...تراهم ماهم بمسلمين

يداوم الساعه 9....بريكه الساعه 12...مع ذلك يبقى عشان يخلص الشغل اللي عليه...دوامه ينتهي الساعه 5....يبقى عشان مشاغل الناس ماتوقف...ويحلل معاشه...
...قالت نفسي...يطبق من عمل منكم عملا فليتقنه...
مفارقات...تراه ماهو بمسلم

اتصلت وحده عليه بالغلط...قالت له فلان...قال لها غلطانه...سكر...انتهت السالفه...
...سالت نفسي...ياترى عندنا لو حتى هو ماسمع صوت...هل ماراح يسندر المتصل الا يعرف من...وماعنده في قاموسه كلمه تعني "بالغلط"...
مفارقات...تراه ماهو بمسلم

سمعت ان المجمع الفلاني احترق...لحظه خلني اشيك على الاخبار...واشوف مواقع موثوقه...واتاكد قبل لا اصدقك...
...قالت نفسي...يطبق وان جائكم فاسق بنبإ فتبينوا...
مفارقات...تراه ماهو بمسلم

واحد يتلفت...مضيع...مايدل...مايدري شسالفه...ساله واحد...تبغي اي مساعده؟
...قالت نفسي...ناس يحببون الواحد فيهم ويخلونه يفكر في طبيعتهم وهم ليه كذا...ويتمعن في كل شي فيهم ولهم وبهم ومنهم...
مفارقات...تراهم ماهم بمسلمين

يوم الاحد...الساعه 10 الصبح...الكل يروح الكنيسه...الفاسق والطالح والمنتهي والقاضي...ويصلون...ويتعبدون...وحاطين امل في ربهم...
...سالت نفسي...يطبقون ولا تقنطوا من رحمة الله...
مفارقات...تراهم ماهم بمسلمين

متزوجه...وتحب من ورا زوجها...وتطلع معاه...وتخون زوجها...
متزوج...يكلم وحده...يقول لها كلام احم احم...زوجته هاملها...معطها بلوك...يشيله متى مابغى ويرجعه متى مابغى...وعايشين حياتهم...صااامت...
...سالت نفسي...وين العشرة...وين ميثاق الزواج...مايخافون ربهم...
سهالات...تراهم ماهم بمسلمين


رجال مع حبيبته...يطلعون مع بعض...يتمشون مع بعض...يغازلون بعض(اوب اوب)...يسهرون مع بعض...ولوصلت اخر السهره...وصلها لبيتهم...او .....
وعادهم ماتزوجوا...
.....سالت نفسي...ليش مايتزوجون؟...جاني جواب اشدعوه زواجهم بيحلل؟..مافرقت...
تراه ماهو بمسلم!


احم.....ادري ان الموضوع طويل ولحد يتشكى
بس تراه سلس زي العاده(سلس يعني سهل والسرد جميل مب سلس اللي هو نوع السمك...الولادة احم)

الهدف....اممممم اتوقع انه وصل...
حاولت اني ابتكر طريقه...واتمنى ان ربي وفقني في طرحها..

وننتظر ارائكم...واقتراحاتكم ان كان فيه(حشى مقدم على مشروع الاخ احم)

ولاهنتوا جميييييعا....
alrheeb2020
16-10-2009, 09:50 PM
جزاك الله خير ..

اي والله للاسف احنه المسلمين مانعطي صوره زينه لدينها مع انه دينه امرنا بهالاشياء بعكسهم هم ..

والله الموضوع رائع رائع جزاك الله خير ورحم الله والديك من عذاب النار
Marshmallow
16-10-2009, 10:09 PM
روووووووووووووعه الموضوووع

وللاسف اخوووي نلاقي البعضضضض وللاسف يعطي صوره غير مشرفه

للاسلام والمسلمين سواااء برى او حتى هنيه!!!

الله يهديهم ويصلح حالهم

لاهنننننننت
ديموور
16-10-2009, 10:44 PM
http://img243.imageshack.us/img243/1173/ny14.gif





http://img207.imageshack.us/img207/3185/380missu.gif

السلام عليكم ورحمة الله يا أحم أحم

حبينا نسويلك استقبال

صج من طول الغيبات جاب الغنايم

ماشاء الله موضوع سلس وملئ بالملاحظات القيمة

عندي تعليق على الغرب ؛ هم صحيح مثل ماذكرت وأكثر بس هم عبيد القانون

أذكر لك مثال في دولة غربية انقطعت الكهربا عندهم وانتشرت السرقات ..... ليش؟؟؟

لأنهم بعيد عن القانون مافي رقابة ذاتيه

في امريكا اذا ضربت اعيالك خذوهم منك وفي قانون صارم ليش؟؟؟

لأن الامريكيين أكثر من يضرب اطفالهم

أما المسلم الحق أقول الحق عنده رقابه ذاتيه في كل أحواله وفي أمثلة كثيرة بس ماودي أطول عليك

ولاتحرمنا أخوي الفاضل من جديدك
موضي قطر
16-10-2009, 10:51 PM
صحيح كلامك بس مثل ماقلت أختي سنوات الضياع منظمين بقوة ( القانون )

وما انكر أن بعض المسلمين للاسف مايعطون أو يعكسون صورة الإسلام

الحقيقية واللي هي في عين كل مسلم مثالية
BURBERRY
16-10-2009, 11:00 PM
واحد يتلفت...مضيع...مايدل...مايدري شسالفه...ساله واحد...تبغي اي مساعده؟
...قالت نفسي...ناس يحببون الواحد فيهم ويخلونه يفكر في طبيعتهم وهم ليه كذا...ويتمعن في كل شي فيهم ولهم وبهم ومنهم...
مفارقات...تراهم ماهم بمسلمين

احم احم

يا مرحبا اخوي اعليان يامرحبا بهل الشمال ..

موضوع طيب و سلس<<< يحب المواضيع السلسه

.. و ياريت بعض المسلمين يتعدلون ..

اليوم خطيب الجمعه ذكر سالفه ... انه من كم يوم رايح وزاره و كان مضيع يدور مكتب فلان ..
شاف واحد و قاله " السلام عليكم يا اخي .. وين مكتب ... " الخطيب ماكمل كلامه إلا الاخ يرد عليه " يلا وخر عني مب فاضي لك"..
فرحة الكواري
16-10-2009, 11:06 PM
دايما واينما كنا

الخير يخص والشر يعم

في الاحداث اللي سردتها او بأي حدث بشكل عام


يعطيك العافية على الطرح المميز اخي الكريم
هتـان قطر
17-10-2009, 12:24 AM
في كل مكان بتلاقي الزين وبتلاقي الشين مع بعض

لكن اتفق معك اخوي عليان ان الاجانب وخصوصا المسيحيين

يطبقون أشياء المفروض احنا المسلمين نطبقها لان دينا الاسلامي

حث عليها..لكن سبحان الله فرطنا في اشياء كثيرة ودينا برئ من

كل خلق سئ نتخلق به..

ابتعادنا عن سنة الرسول الكريم هي سبب ابتعادنا عن الاخلاق الحسنة

قال صلى الله عليه وسلم :

" تركتكم على المحجة البيضاء ليلها كنهارها لا يزيغ عنها إلا هالك "

مشكور على الموضوع عليان

:)
جرير
17-10-2009, 01:38 AM
ابشرك اخوي عليان ترى كنايسهم فاضيه ومهجوره من قلب

والله ان ديانتهم خبر خير مايدرون عنها ولا هي بحولهم

والعنصريه عندهم ما يحتاج بس القانون هو اللي جابرهم يعاملونك زين

والا الود ودهم يشوتونك برع بلادهم

خذ الكلام وانا اخوك

اما من النواحي الثانيه معاك حق

كل شي عندهم مثل المسطره من ناحيه مواعيد وانتظام
The Master
17-10-2009, 09:36 AM
احم
ان شاء نرد عليكم شخص شخص
لكن حبيت اوضح
ان الموضوع يحمل فكرتين
اقروا الموضوع بتمعن
واستنتجوا قصدي باني ابتكرت طريقه للعرض او الطرح
فا كلكم رديتوا على اساس فكره وحده
لكن تمعنوا وفكروا شوي راح تشوفون فكره وهدف ثاني في الموضوع
ً(اشفييييييه بوحركات....احم..شنسوي نتفنتق)
_بوشهاب_
17-10-2009, 05:23 PM
اخوي عليان انا جولد كوست زياره والربع يدرسون هناك

اقولها بالقطري الفصيح (( شفت كل انواع المصخره )) من الخليجيين الخليجيات والله اني خفت لاننخفس في ذاك اليوم
يوم واحد ورجعت برزبن

تخيلوا كلمني واحد من الربع استرالي قالي انا كنت متردد اني اتعرف على عرب على انهم متشددين وجي لكني اظنه تعرف على العرب بعد ماشاف ان حالهم من حاله

الله يستر على جميع المسلمين والمسلمات

آآآآآآآآآآآآآآآآآآآآآآآآآمـــــــــــــــــــــيــ ـــــــــن
The Master
17-10-2009, 05:33 PM
جزاك الله خير ..

اي والله للاسف احنه المسلمين مانعطي صوره زينه لدينها مع انه دينه امرنا بهالاشياء بعكسهم هم ..

والله الموضوع رائع رائع جزاك الله خير ورحم الله والديك من عذاب النار

هلا ومرحب الرهيب2020
ويجزاك يارب
صدقت ياخوي وعسى الناس تهتم بمظهرها ومظهر المسلمين وعلاقته بتصرفاتهم...

الحمدلله الموضوع اعجبك خيو
ووالديك يارب
ويجزاك خير على الدعوات الطيبه
ولك بالمثل يارب

ويامرحبا بك
ولاهنت
msd313
17-10-2009, 05:38 PM
انا لاحظت ان فيه فكرتين في الطرح
فيه اخلاق حسنه هم ملتزمين فيها مع انهم غير مسلمين والمفروض التزامنا احنا المسلمين يكون قبلهم.

وفيه اخلاق غير حميدة تصدر منهم لانهم غير مسلمين وشرعنا الحنيف ينهانا عنها.

لكن بصراحه الربط بينهم في موضوع واحد ما توصلت له

وياليت تنورنا اخوي

وجزاك الله خير على هالموضوع والطرح الرائع
The Master
17-10-2009, 05:53 PM
روووووووووووووعه الموضوووع

وللاسف اخوووي نلاقي البعضضضض وللاسف يعطي صوره غير مشرفه

للاسلام والمسلمين سواااء برى او حتى هنيه!!!

الله يهديهم ويصلح حالهم

لاهنننننننت

هلا ومرحب اختي مارشميلو(خوش سويت احم)

اشكر لج مرورج الجميل
واهم شي الموضوع نال اعجابج ورضاج...

عسى ربي يهديهم ويصلحهم وحنا معاهم يارب...
وصدقتي...لو يخلون عنهم التكبر والغطرسه...وانا وانا...بنكون بخير...من تواضع لله رفعه...

ولا انتي خيتو
ويامرحبا بج
العصامي
17-10-2009, 06:01 PM
الله يهدي الشباب ان شاء الله
وياريت تكون اخلاقهم والتزامهم هو الدافع والمحفز لكثير من في الغرب لدخول الاسلام
وكم من طلاب ابتعثوا واهتدى على ايديهم الكثير.
The Master
17-10-2009, 06:13 PM
http://img243.imageshack.us/img243/1173/ny14.gif





http://img207.imageshack.us/img207/3185/380missu.gif

السلام عليكم ورحمة الله يا أحم أحم

حبينا نسويلك استقبال

صج من طول الغيبات جاب الغنايم

ماشاء الله موضوع سلس وملئ بالملاحظات القيمة

عندي تعليق على الغرب ؛ هم صحيح مثل ماذكرت وأكثر بس هم عبيد القانون

أذكر لك مثال في دولة غربية انقطعت الكهربا عندهم وانتشرت السرقات ..... ليش؟؟؟

لأنهم بعيد عن القانون مافي رقابة ذاتيه

في امريكا اذا ضربت اعيالك خذوهم منك وفي قانون صارم ليش؟؟؟

لأن الامريكيين أكثر من يضرب اطفالهم

أما المسلم الحق أقول الحق عنده رقابه ذاتيه في كل أحواله وفي أمثلة كثيرة بس ماودي أطول عليك

ولاتحرمنا أخوي الفاضل من جديدك

اوش اوش
اهم شي النفافيخ...احم
اشكرك خيتو سنوات الضياع على الاستقبال الجميل...احم

النقطه اللي ذكرتيها فيها شي من الصحه..لكن مب موضوعنا ان نشوف سلبياتهم...موضوعي التركيز على ايجابياتهم...والتمعن فيها...صحيح ذكر سلبياتهم بيخلينا نبتعد عنها...لكن هذي نقطه ثانيه نتكلم فيها وقت ثاني...

اممممم ومن حقج تطرحين وجهة نظرج...ونحترمها...خاصة لما تكون شي واقع

اكيييد المسلم تكون له رقابه ذاتيه...وهذي نقطه جميله ذكرتيها...وان شاء الله بيكون لها طرح اخر...

تشكرين على كلامج الطيب...والتشجيع...
ويامرحبا بج
ولاهنتي
The Master
17-10-2009, 06:21 PM
صحيح كلامك بس مثل ماقلت أختي سنوات الضياع منظمين بقوة ( القانون )

وما انكر أن بعض المسلمين للاسف مايعطون أو يعكسون صورة الإسلام

الحقيقية واللي هي في عين كل مسلم مثالية

هلا ومرحب اختي موضي قطر
اشكرك على مرورك

وهذا اللي الواحد يبغي يوصله للناس...ليه ماتكون ولو دقيقه مسلم حقيقي...اخلاق وصفات...حتى ولو كنت مهما كنت...هذا مايمنع او يشفع لك...

يامرحبا بج اختي
ولاهنتي
The Master
17-10-2009, 06:25 PM
احم احم

يا مرحبا اخوي اعليان يامرحبا بهل الشمال ..

موضوع طيب و سلس<<< يحب المواضيع السلسه

.. و ياريت بعض المسلمين يتعدلون ..

اليوم خطيب الجمعه ذكر سالفه ... انه من كم يوم رايح وزاره و كان مضيع يدور مكتب فلان ..
شاف واحد و قاله " السلام عليكم يا اخي .. وين مكتب ... " الخطيب ماكمل كلامه إلا الاخ يرد عليه " يلا وخر عني مب فاضي لك"..

هلا ومرحب بالماركه الترتيب احم
مرحب باقي...لاهنت يالشيخ..

احم...اهم الشي السلاسه(لاتحاتون مانسيت النقط احم)
والاهم اعجابك بالموضوع...

خيو...اشكرك على النقطه اللي ذكرتها...وعلى فكره تراها من النقاط المخفيه في الموضوع(اشفيييييييه احم) عاد مادري هل انت فهمتها ولا جات معاك احم

يامرحبا بك
لاهنت...خيو
The Master
17-10-2009, 06:28 PM
دايما واينما كنا

الخير يخص والشر يعم

في الاحداث اللي سردتها او بأي حدث بشكل عام


يعطيك العافية على الطرح المميز اخي الكريم

هلا ومرحب اختي فرحه

صدقتي في اللي قلتيه...
لكن في موضوعي...ترا جمع
يعني الخير يعم والشر يعم...
هنا سر الفكرتين في الموضوع...

ويعافيك يارب
ولاهنتي على المرور
The Master
17-10-2009, 06:32 PM
في كل مكان بتلاقي الزين وبتلاقي الشين مع بعض

لكن اتفق معك اخوي عليان ان الاجانب وخصوصا المسيحيين

يطبقون أشياء المفروض احنا المسلمين نطبقها لان دينا الاسلامي

حث عليها..لكن سبحان الله فرطنا في اشياء كثيرة ودينا برئ من

كل خلق سئ نتخلق به..

ابتعادنا عن سنة الرسول الكريم هي سبب ابتعادنا عن الاخلاق الحسنة

قال صلى الله عليه وسلم :

" تركتكم على المحجة البيضاء ليلها كنهارها لا يزيغ عنها إلا هالك "

مشكور على الموضوع عليان

:)

هلا ومرحب خيتو هتان

اشكرك على هالكلام الطيب...والجميل
وهو الصح...والله يهديهم يارب

والنجاة والحياة السعيده...باتباع القرآن والسنه...

والعفو اختي....
ويامرحبا بج
ولاهنتي
The Master
17-10-2009, 06:34 PM
ابشرك اخوي عليان ترى كنايسهم فاضيه ومهجوره من قلب

والله ان ديانتهم خبر خير مايدرون عنها ولا هي بحولهم

والعنصريه عندهم ما يحتاج بس القانون هو اللي جابرهم يعاملونك زين

والا الود ودهم يشوتونك برع بلادهم

خذ الكلام وانا اخوك

اما من النواحي الثانيه معاك حق

كل شي عندهم مثل المسطره من ناحيه مواعيد وانتظام

هلا ومرحب اخوي جرير...
كلامك فيه من الصح...لكن هم بعد فيه من الاشيا اللي اخالفك فيها...
لكن تبقى وجهة نظرك...ومانبغي ننجرب برا الموضوع...

لاهنت على المرور خيو
ويامرحبا بك
The Master
17-10-2009, 06:41 PM
اخوي عليان انا جولد كوست زياره والربع يدرسون هناك

اقولها بالقطري الفصيح (( شفت كل انواع المصخره )) من الخليجيين الخليجيات والله اني خفت لاننخفس في ذاك اليوم
يوم واحد ورجعت برزبن

تخيلوا كلمني واحد من الربع استرالي قالي انا كنت متردد اني اتعرف على عرب على انهم متشددين وجي لكني اظنه تعرف على العرب بعد ماشاف ان حالهم من حاله

الله يستر على جميع المسلمين والمسلمات

آآآآآآآآآآآآآآآآآآآآآآآآآمـــــــــــــــــــــيــ ـــــــــن

هلا ومرحب اخوي بوشهاب....
امممم اي مايحتاج صوب قولد كوست عالم ثاني ياولد...
خلك على برزبن ابرك ياخوي...
واذا في مجال يمدحون تازمينيا(احم...مدينة الاشباح)

الله يعين ياخوي
وهداهم الله...وهدانا...

يامرحبا بك
ولاهنت على المرور
(وروق خيو)
ديموور
17-10-2009, 10:55 PM
أخوي عليان قريت الموضوع شفته واضح و يمكن في شي بين السطور. هم فعلا عندهم ذوق في التعامل و

بالذات فيما يخص صحة الانسان والمواعيد يعني ناس متحضرة وكأنهم مسلمين .ومثل ما قال احد الأدباء رأيت

الاسلام ولم أرى المسلمين وفي الدول الاسلامية بالعكس شاف المسلمين من غير اسلام .
The Master
18-10-2009, 10:04 AM
انا لاحظت ان فيه فكرتين في الطرح
فيه اخلاق حسنه هم ملتزمين فيها مع انهم غير مسلمين والمفروض التزامنا احنا المسلمين يكون قبلهم.

وفيه اخلاق غير حميدة تصدر منهم لانهم غير مسلمين وشرعنا الحنيف ينهانا عنها.

لكن بصراحه الربط بينهم في موضوع واحد ما توصلت له

وياليت تنورنا اخوي

وجزاك الله خير على هالموضوع والطرح الرائع

هلا ومرحب اخوي msd313
اشكر لك اهتمامك وتفاعلك وحتى التفكير...

واللي انت قلته شي مهم وهي نقطه من اللي طرحته..وكانت الفكره الاولى البديهيه...بس في وحده ثانيه تتخللها...
باذكرها ان شاء الله

وجزاك يارب...والاهم اعجابك بالموضوع
ويامرحبا لك
ولاهنت
The Master
18-10-2009, 10:07 AM
الله يهدي الشباب ان شاء الله
وياريت تكون اخلاقهم والتزامهم هو الدافع والمحفز لكثير من في الغرب لدخول الاسلام
وكم من طلاب ابتعثوا واهتدى على ايديهم الكثير.

هلا ومرحب اخوي Limit Up UP
اشكر لك تواجدك...
امين يارب...
واكيد اللي قلته صحيح والله يثبتهم ويزيدهم يارب...
وان شاء الله ربي يهدي على يدنا يارب...وش تبغي احسن من انك تهدي على يدك شخص...

يامرحبا بك
ولاهنت
The Master
18-10-2009, 10:27 AM
أخوي عليان قريت الموضوع شفته واضح و يمكن في شي بين السطور. هم فعلا عندهم ذوق في التعامل و

بالذات فيما يخص صحة الانسان والمواعيد يعني ناس متحضرة وكأنهم مسلمين .ومثل ما قال احد الأدباء رأيت

الاسلام ولم أرى المسلمين وفي الدول الاسلامية بالعكس شاف المسلمين من غير اسلام .

هلا ومرحب اختي من جديد
بخصوص ان عقدت العالم..احم
لا واخرتها يطلع الموضوع غلط وانا كنت مفهي احم...نمزح

طيب باقول الفكرتين اللي تفنتقت فيهم...(اشفييييه احم)

ارجعوا للموضوع....
لما تلقون في الفقره كلمة سهالات...
هذا معناه حنا المسلمين نسوييه وفي قطر خاصة

ولما تلقى في الفقره كلمة مفارقات...
هذا معناه حنا المسلمين مانسوييه او مانطبقه...ونسوي العكس...وفي قطر خاصة...

وطبعا كلها سلبيات...
وحبيت منها نقارن نفسنا بهم...
وكا هدف
اولا تشوفون فعايل الانجليز الحسنه مقارنه بنا وحنا مسلمين

والثانيه... مقارنه فعايلنا بهم...في اشيا نشابههم فيها خاصة في افعالهم الغلط...
واشيا نخالفهم فيها ونسوي العكس خاصة في افعالهم الصح...

ومعير الصح والغلط....من دينا الاسلامي...وعاداتنا وتقاليدنا...

اتمنى الفكرتين اوضحوا الحين...
ويعني حركات...احم

واتمنى الفايده وهي الاهم...

وتشكرين خيتو سنوات والباقي اللي اهتموا بالموضوع وبايجاد الفكرتين...
واتمنى الطريقه نالت استحسانكم...وابهرتكم(اي هين احم)

شنسوي نحب نتفنتق ونألف...

ويامرحبا بج خيتو
ولاهنتي
biz-qtr
18-10-2009, 12:00 PM
والله انت صج مالك حــــل ياخوي

للاسف هاي حالنا وهاي حال المسلمين ونسيت تحط فئه الكذب واللف والدوران ....

الاجانب لو يسلمون ويتمون ع نفس اخلاقهم بيصيرون احسن منا بواااااااايد :( اقول هالكلام وقلبي يعورني ع حالنا اللي ما راح يتعدل

الاجانب ترتاح فالتعامل معاهم عكس العربي وبالتخصيص الخليجي وبالاحري القطري :(

تسلم يمناك ويسراك ع الموضوع السلس اشهد انه سلس مع اني ما احب اقرا المواضيع الطويله بس عجبني الصراحه :)
ديموور
18-10-2009, 02:16 PM
((هسه طخت دادا)) يعني توني فهمت المغزي. قريت مرة ثانية حتى أشوف المفارقات والسهالات.

فعلا نتشاابه في الخير والشر. فيهم عقوق وفينا عقوق هم مايلامون بس احنا نلام

وناس تفطرفي رمضان ؛ أول على التونة واللحين على المسخرة في التلفزيون .[img]

احنا لين أختلفنا نقول مثل ماتقول عتوقة (كرهتك)

أما عدم احترام الطابور عاد صارلي موقف في دولة عربية؛ واحد بغى ياخذ مكاني وهو من أهل البلد عاد أنا

قمت و حطيت الجوازات بكل قوتي فوق الكونتر& وهو قصر الشر وراح!! ما يمشون الا بالعين الحمرة .

وبعد صارلي وانا رايحة السعودية سوتها فيني وحدة واحط الجواز قبلها مب لعبة .

ومشكور على الموضوع
البعد الخامس
18-10-2009, 02:30 PM
الشعوب الأوربية يطبقون تعاليم الاسلام بطريقة غير مباشرة رغم أنهم ليسوا مسلمين ينقصهم فقط النطق بالشهادة والدخول في هذا الدين ...

"ينقصهم إيماننا وتنقصنا صناعاتهم" .


وموضوعي هذا يصور ما تطرقت إليه أخي الكريم

هنا (http://www.qatarshares.com/vb/showthread.php?p=4943469#post4943469)
The Master
18-10-2009, 07:21 PM
والله انت صج مالك حــــل ياخوي

للاسف هاي حالنا وهاي حال المسلمين ونسيت تحط فئه الكذب واللف والدوران ....

الاجانب لو يسلمون ويتمون ع نفس اخلاقهم بيصيرون احسن منا بواااااااايد :( اقول هالكلام وقلبي يعورني ع حالنا اللي ما راح يتعدل

الاجانب ترتاح فالتعامل معاهم عكس العربي وبالتخصيص الخليجي وبالاحري القطري :(

تسلم يمناك ويسراك ع الموضوع السلس اشهد انه سلس مع اني ما احب اقرا المواضيع الطويله بس عجبني الصراحه :)

هلا ومرحب خيتو biz-qtr
ماشاء الله تغيبين وتطلين...
اولا اشكرك على تواجدك في الموضوع
اهم شي يكون في الخير(مالك حل احم)

اشكرك على طرح وجهة نظرك القيمه...
فيها مبالغه لكن فيها من الواقع...وخاصة في زمنا هذا...هدانا وهداهم الله...
بس الواحد لازم يكون عنده امل...ويتعب عشان يحيي هالامل...وان شاء الله يتحقق ولو قليل...يبقى نقطه فارقه لو غيرت..

ومن قال سالم....اهم شي السلاسه...(هالكلمه لا تلصق فيني لان في كل موضوع لازم يقولونها لي...احم...بكره ينادوني "عليان السلس"امم شكلها مسبه احم)
والصراحه اعجابك بالموضوع اعتبره شهاده...وشرفتي ونورتي...

ويامرحبا بج
ولاهنتي على التواجد

(اقول...خلج...هذا البولد الجديد بينزل هنا الشهر الجاي Bold 9700
ومواصفات ترتيب...خلج يالكيرفيه احم)
كنته باظلله بالابيض بس مب راكبه علي احم
The Master
19-10-2009, 01:03 AM
((هسه طخت دادا)) يعني توني فهمت المغزي. قريت مرة ثانية حتى أشوف المفارقات والسهالات.

فعلا نتشاابه في الخير والشر. فيهم عقوق وفينا عقوق هم مايلامون بس احنا نلام

وناس تفطرفي رمضان ؛ أول على التونة واللحين على المسخرة في التلفزيون .[img]

احنا لين أختلفنا نقول مثل ماتقول عتوقة (كرهتك)

أما عدم احترام الطابور عاد صارلي موقف في دولة عربية؛ واحد بغى ياخذ مكاني وهو من أهل البلد عاد أنا

قمت و حطيت الجوازات بكل قوتي فوق الكونتر& وهو قصر الشر وراح!! ما يمشون الا بالعين الحمرة .

وبعد صارلي وانا رايحة السعودية سوتها فيني وحدة واحط الجواز قبلها مب لعبة .

ومشكور على الموضوع

مشكله العصب احم
اهم شي تكونين على حق مب نفس ربعنا يصارخون ويرفعون صوتهم بس على اساس ان رايي يمشي عليك ومب انت اللي تمششي رايك علي....وان كان على خطأ...

والحمدلله الشرح كان كافي ووافي والذهبي(اشدخل احم)

واتمنى الفكره كانت مبتكره وحركه ستايل احم

والعفو ويامرحبا بج خيتو سنوات الضياع
ولاهنتي على المتابعه
biz-qtr
19-10-2009, 01:07 AM
هلا ومرحب خيتو biz-qtr
ماشاء الله تغيبين وتطلين...
اولا اشكرك على تواجدك في الموضوع
اهم شي يكون في الخير(مالك حل احم)

اشكرك على طرح وجهة نظرك القيمه...
فيها مبالغه لكن فيها من الواقع...وخاصة في زمنا هذا...هدانا وهداهم الله...
بس الواحد لازم يكون عنده امل...ويتعب عشان يحيي هالامل...وان شاء الله يتحقق ولو قليل...يبقى نقطه فارقه لو غيرت..

ومن قال سالم....اهم شي السلاسه...(هالكلمه لا تلصق فيني لان في كل موضوع لازم يقولونها لي...احم...بكره ينادوني "عليان السلس"امم شكلها مسبه احم)
والصراحه اعجابك بالموضوع اعتبره شهاده...وشرفتي ونورتي...

ويامرحبا بج
ولاهنتي على التواجد

(اقول...خلج...هذا البولد الجديد بينزل هنا الشهر الجاي bold 9700
ومواصفات ترتيب...خلج يالكيرفيه احم)
كنته باظلله بالابيض بس مب راكبه علي احم




الله يسلمك ع الكلام الطيب ياخوي

بخصوص البولد 9700 اذا نزل خبرني :)

موضوعك ف وادي وانا وانت مع البي بي ف وادي
The Master
19-10-2009, 07:28 PM
الشعوب الأوربية يطبقون تعاليم الاسلام بطريقة غير مباشرة رغم أنهم ليسوا مسلمين ينقصهم فقط النطق بالشهادة والدخول في هذا الدين ...

"ينقصهم إيماننا وتنقصنا صناعاتهم" .


وموضوعي هذا يصور ما تطرقت إليه أخي الكريم

هنا (http://www.qatarshares.com/vb/showthread.php?p=4943469#post4943469)

هلا ومرحب اخوي البعد الخامس...
اشكر لك تواجدك...
هم يطبقون...لكن على ماقالوا مب في كل شي...ومحد كامل...
وموضعك قريته اخوي...وتقرير جميل...وعندنا وعندكم خير احم...

ويامرحبا بك...
ولاهنت
ديموور
19-10-2009, 07:43 PM
السلام عليكم

أخوي عليان ممكن تنزل تقرير عن السياحة في استراليا قسم السياحة والسفر .

بصراحة انا أدخل بعض المواقع المتخصصة بالسياحة بس تكون من وجهة نظرهم يعني يذكرون أماكن

ما تعجب القطريين .

يعطيك الف عافية .
خوخه وحلو
19-10-2009, 09:43 PM
يعطيك العافيه موضوعك رائع
وحيد-الشوق
19-10-2009, 09:56 PM
موضوع رائع مثل ماتعودنا منك

شكرا لك وتسلم ايدك اخوي عليان عالطرح المميز

:)
بوخالد911
20-10-2009, 12:29 AM
ايييه على استراليا بس

وعلى ال ( غولد كوست تحديدا )


مسيوو / بوخالد911
عبدالمحسن
20-10-2009, 06:04 AM
عليان مرحبا بك

موضوع جمييييييييييييييييل ورااااااااائع جدا



بس بغيت طلب قول تم


هذا بسميه موضوع ( ترا ماهم مسلمين )

طلبتي ابغي موضوع ( تراهم مسلمين )

:)
Ghost
20-10-2009, 06:59 AM
موضوع فوق الرائع بمراحل لك مني كل احترام وتقدير على الطرح الرائع وترانا مسلمين هههه
غناتي1
20-10-2009, 07:17 AM
احنا فينا يا المسلمين كل شئ عدل -- بس وين هم المسلمين صدق

يعني المتخلقين بخلق القرآن والسنة
الكلدي
20-10-2009, 08:41 AM
موضوع حلو ومتعوب عليه

بس اقولها ولا يهمني احد...

.....الحمد لله اني مسلم
The Master
20-10-2009, 04:06 PM
السلام عليكم

أخوي عليان ممكن تنزل تقرير عن السياحة في استراليا قسم السياحة والسفر .

بصراحة انا أدخل بعض المواقع المتخصصة بالسياحة بس تكون من وجهة نظرهم يعني يذكرون أماكن

ما تعجب القطريين .

يعطيك الف عافية .

هلا ومرحب اختي سنوات الضياع...
امممم ابشري ان شاء الله...
بس يبغي لي وقت...مشغول شوي مع الدراسه والامتحانات...لكن ابشري ومالج الا طيبه الخاطر...
ونسكر على التقارير اللي ماتهمنا في السياحه كا قطريين احم...

وانتظرينا...
واذا سوينا شي لازم نبدع فيه...
ولازم نعطيه كل اللي عندنا...
ومن عمل منكم عمل فليتقنه...

يامرحبا بج خيتو
The Master
20-10-2009, 04:07 PM
يعطيك العافيه موضوعك رائع

ويعافيك يارب...
ويامرحبا بك
لاهنت
The Master
20-10-2009, 04:09 PM
موضوع رائع مثل ماتعودنا منك

شكرا لك وتسلم ايدك اخوي عليان عالطرح المميز

:)

هلا ومرحب خيو وحيد الشوق
شرفت اخوي...
والحمدلله الموضوع اعجبك خيو...
العفو...والابداع منكم ولكم

يامرحبا بك
ولاهنت على المرور
The Master
20-10-2009, 04:11 PM
ايييه على استراليا بس

وعلى ال ( غولد كوست تحديدا )


مسيوو / بوخالد911

امممممم
شسالفه....مسيو...قسم السياحه ذاك الصوب...احم
مادري اشدخل قولد كوست في موضوعي؟؟؟

ولا ياناس شوفوني ترا رحت استراليا وموضوعي في توقيعي!!احم
The Master
20-10-2009, 04:14 PM
عليان مرحبا بك

موضوع جمييييييييييييييييل ورااااااااائع جدا



بس بغيت طلب قول تم


هذا بسميه موضوع ( ترا ماهم مسلمين )

طلبتي ابغي موضوع ( تراهم مسلمين )

:)

هلا ومرحب عبدالمحسن
مرحب باقي...
شي طيب الموضوع اعجبك
تم ياولد ومالك الا طيبه الخاطر...(بخصوص الموضوع صار موضوع طلبات احم)

وابشر باللي يعجبك خيو

ويامرحبا بك
The Master
20-10-2009, 04:16 PM
موضوع فوق الرائع بمراحل لك مني كل احترام وتقدير على الطرح الرائع وترانا مسلمين هههه

هلا ومرحب اخوي Ghost
اشكرك على مرورك...
وابداء رايك بالموضوع...والحمدلله نال اعجابك
وانت كذلك اخوي
اهم شي حنا مسلمين...

ويامرحبا بك
ولاهنت
The Master
20-10-2009, 04:19 PM
احنا فينا يا المسلمين كل شئ عدل -- بس وين هم المسلمين صدق

يعني المتخلقين بخلق القرآن والسنة

هلا ومرحب اخوي غناتي
اشكر لك مرورك الجميل
وصدقت..وين تلقى المسلم قول وفعل(امم احس الكلمه قديمه)
هم موجودين...لكن قله قليله..
وعسى ربي يهدينا لما يحبه ويرضاه...ويجعلنا قدوه خير...ويهدي على يدنا يارب...

يامرحبا بك
The Master
22-10-2009, 05:51 AM
موضوع حلو ومتعوب عليه

بس اقولها ولا يهمني احد...

.....الحمد لله اني مسلم

هلا ومرحب اخوي الكلدي
تشكر على المرور
الحمدلله ان حنا كلنا مسلمين...
لكن اللي لازم تقوله...ان شاء الله باكون مؤمن...

ويامرحبا بك
ولاهنت
The Master
24-10-2009, 10:35 AM
يامرحبا بكم جميعا...تشكرون على المرور (عياره بس يبغي يرفع الموضوع احم)
Mozanee
24-10-2009, 11:19 AM
صدق عيارة..... بس يستاهل الرفع..موضوع يهببببل

شكلي تولعت في اسطوراليا .

ودي أشوف السهالات والمفارقات .
The Master
25-10-2009, 09:37 PM
صدق عيارة..... بس يستاهل الرفع..موضوع يهببببل

شكلي تولعت في اسطوراليا .

ودي أشوف السهالات والمفارقات .

يا مرحبا بج اختي
ان شاء الله...
انتظري تقرير عن اوصطراليا...
ويامرحبا بج
ولاهنتي على الكلام الطيب
The Master
30-10-2009, 11:23 AM
نعم نعم
للرفع لا اكثر
نفيد ونستفيد
احم
kuwaiti
30-10-2009, 04:02 PM
خوووش موضوع
The Master
31-10-2009, 06:57 PM
خوووش موضوع

هلا ومرحبا بك اخوي كويتي...
لاهنت
joody6005
31-10-2009, 06:59 PM
وانا ابصم بالعشر انه خووووووش موضوع

بالتوفيق ان شاء الله .........

ومنكم نستفيد......
Rosy
31-10-2009, 09:32 PM
good luck
B-GMC
31-10-2009, 10:24 PM
موضوع لطيف ومن كاتب ألطف
صحه وماتشوف شر شكلك مريض كله تكح كح :)
روح-قطر
01-11-2009, 12:52 AM
كل مكان وباي زمان تلقى الناس الزينه والشينه والله يهدي الجميع:)

وتسلم عالموضوع وسلاسته:)
The Master
02-11-2009, 02:58 AM
وانا ابصم بالعشر انه خووووووش موضوع

بالتوفيق ان شاء الله .........

ومنكم نستفيد......

يا مرحبا بج جووودي
اهم شي انه اعجبك الموضوع...ومن حقج تقولين رايج...
وياج يارب...
اكيد اكيد...وانتي كذلك...نورتي

يامرحبا بج
ولاهنتي على الكلام الطيب
The Master
05-11-2009, 09:54 AM
good luck

welcome Rosy
appreciate your attendance
and to you

welcome
The Master
05-11-2009, 09:56 AM
موضوع لطيف ومن كاتب ألطف
صحه وماتشوف شر شكلك مريض كله تكح كح :)

هلا بوجماس
اهم شي اللطافه...والطافه ماتجي الا من اللطيفييين...لحد يكثر بس احم

ولا تواجهه...الله يعينك على التفهي...احم

يامرحبا بك
وتشكر على المرور
ولاهنت
الرويـس
05-11-2009, 10:04 AM
ياخوي خف شوي من التعليق على كلامك :(

ولا تهون
The Master
05-11-2009, 11:25 AM
كل مكان وباي زمان تلقى الناس الزينه والشينه والله يهدي الجميع:)

وتسلم عالموضوع وسلاسته:)

هلا ومرحب بج اختي روح-قطر
اشكر لج مرورج...واهم شي اعجبتج السلاسه...احم
ومن قال سالم...
يا مرحبا بج
ولاهنتي على المرور الجميل
The Master
05-11-2009, 11:29 AM
ياخوي خف شوي من التعليق على كلامك :(

ولا تهون

احم....بخصوص يعني؟؟
وحده من الثنتين
يا انت مضيع في الموضوع
او قصدك شي غير عن اللي ظاهر...

ان بغيت تنصح...طرش لي علي الخاص...
ان بغيت تفضفض اكتب هنا...وما الومك ولا اعتب عليك...رايك وتقول اللي تقوله يبقى رايك انت...
لكن وضح...وخل الناس تستفيد من خبرتك...وثقافتك في الردود والكلام مع الناس...وماتدري...ومنكم نستفيد...

واهم شي لحد يكثر...

يامرحبا بك...احم
The Master
11-02-2010, 06:34 PM
احم...للرفع...
من المواضيع المفيده...
ومنها للاعضاء الجدد...