المساعد الشخصي الرقمي

مشاهدة النسخة كاملة : للمطـــــــــــــــــــرودين فقــــــــــط


s o s o
17-10-2009, 01:29 AM
حبيت اعرف من خلال هذا الموضوع عدد المطرودين من جامعه قطر
وماهو مصير هؤلاء المطرودين الان ؟

يعني بعد طي القيد شنو عانيت ؟ وين اشتغلت ؟

وهل في بينا ممن تم طي قيدهم وبعد ذلك تم اعادته مره ثانيه للجامعه ؟

الي عليهم انذار اخير ..يهمنا جدا عددهم كذلك ..لو كنت منهم اترك تعبير عن شعورك



والاهم من هذا كله ..

كشباب (للجنسين)

وبكل صراحه وصدق وشفافيه ..

مستقبلك في عيونك ..بأي منظار تشوفه ؟

ساخط على المسؤلين ...وتحس بلادك ماعرفت قيمتك ..ومااتاحت لك الفرصه كما يجب؟

خل نتواصل من خلال هذا الموضوع وبدون اي احراج يمكن يكون لنا وقفه يكون لها صدى ونتيجه ..

يمــــــــــــــــــــــــكن
امل الحب
17-10-2009, 01:50 AM
تتوقعين تغطين الكل هنا .. ماعتقد تلاقين نسبة كبيرة..

ولكن ننتظر النتائج..

عني مريت بتجربة الانذار وانا فالجامعة .. وتعلمت منها من اول مرة ..

ورفعت معدلي وحطيت في بالي يا أنا يا التخرج .. والحمدلله تخرجت ..

وبقولج بصراحة في ناس فالجامعة يلعبون ويبون النجاح على طبق من ذهب وتخصصاتهم سهلة بس شنقول الله المستعاان ..

وعندي واحد من الاهل تخرج السنة الي راحت من الجامعة .. واختي ان شاء الله هالسنة .. كلنا درسنا بنفس الجامعة ولكن انتبهنا لنقطة الاهتمام والاجتهاد ..

لاتقولون الدراسة صعبة ومانقدر عليها .. كل شي صعب وكل شي يبي له جد واجتهاد :)

هذا رأيي

الله يوفقهم :)
حليتان*
17-10-2009, 01:52 AM
الله يعينكم

ان لين الحين ما وصلت لهذي المرحلة

الله يعينكم
صوت الضمير
17-10-2009, 03:07 AM
اختي ضحية الطرد لسنة 2003

طرد 1700 طالب وطالبه ... بدون اي انذار
او اي قانون..

انطردت من الجامعه لكنها لم تستسلم
وعادت الثانويه العامه من جديد
وهي الآن في جامعة قطر.. ومن المتفوقين وان شاء الله بتخرج قريب

ونصيحتي لكم اللي صار صار
وقدامكم اختيارين

يا انكم تستسلمون للفشل وتهدمون احلامكم

ويا انكم تشدون حيلكم .. وتتوكلون بالله .. وتسعون جاهدين للتحقيق اهدافكم

الكلام لم ينفع ... لانه ذيك الحزه تكلمت الاذاعة والجرايد وتكلم المواطنين

لكن لااحد يسمع؟؟؟؟

الله المستعان

الانذار يجي اذا نزل المعدل عن 2
والدعوه سهالات ان شاء الله

أبداع
ممنوع اللمس
17-10-2009, 03:49 AM
مع الاسف خلصت ثانويه واشتغلت بس دوامي ما يبي يعطيني ورقه موافقه اكمل دراسه؟؟
مقدم من زمان على امل تجي ورقة الموافقه وكل ما اراجع قالو انتظر وانتظر لين متى بس لين ما اموت بتجي هالموافقه على اني اكمل دراسه؟ او لازم اقدم استقاله علشان اكمل دراسه هالمذله بس لين متى
ادري ردي ماله دخل في الموضوع والسموحه من صاحب الموضوع نفسه بس مقهور
الوجبه
17-10-2009, 08:44 AM
ممممممممممم ..

شوفي اختي ..

انا بقول لج تجربه ..

انا خلصت تقريبا 21 ساعه في الجامعه .. لكن مع النظام الامريكي الموجود

في جامعه قطر وعدد الساعات المكتسبه .. قلت في نفسي لو اواصل على

هذا الوضع مش محقق نتيجه .. لان النظام متعب ومعقد (تعتمد) على الحفظ

والاهم كيف (تكسب) الدكتور واتخليه (يحبك) .. فانا ما قبلت هذا الوضع

فدخلت على مدير شئون الطلاب و (سبحان الله ) كان خروجي من الجامعه

(اسهل) من دخولي .. فيها خيره ..

طبعا وباختصار وبدون تفاصيل اكثر .. :)

درست في الخارج وجبت (دبلوم) وبعدها (الباكالريوس) واخطط للاعلى :)

وعندي حول 55 شهاده في تخصصي .. كل هذا لاني فكرت (صح) وطلعت

من (مكان) (اذا حبيتك) ( نجحتك) .

للعلم طلعت بنفسي بدون اي انذار ..
موضي قطر
17-10-2009, 08:55 AM
آآآخ يا قلبي هيضتوني
الفريق أول ركن
17-10-2009, 09:26 AM
واحد من الربع انطرد من الجامعه من سنتين تقريبا ( مواازي) وهو بينه وبين التخرج امتار قليله

المسكين الحين يدور على جامعه تقبله والى الحين مافي اي شي

الله يعينه ويعين كل طالب تم طي قيده
بوالفاروق
17-10-2009, 02:24 PM
بديت في 2006 مع الجامعه ودرست سنتين
في سنة خلصت رياضيات وكمبيوتر ..كورسين .. وسنتين انجليزي
بس للأسف رسبت في آخر لفل ...وخصلت 11 ساعة مكتسبة .. وغير السنتين كان مطلوب علي
اجيب التوفل او الآيلتز .. في اول سنيتن في الجامعه وسنة في التجميد
قدمت 12 ما بين توفل وآيلتز مع جم دورة وجي .. لكن شفت وقتي يرووح
وانا ما سويت شي وكل امتحان انطرله شهرين او شهر غير تكاليف هالامتحانات
والدورات والانتظار ..

الحمدلله نسبة الثانوية ممتازة وتأهلني لأي تخصص ..

فقلت خلاص مب امكمل في هالجامعه وبدور نصيبي في مكان ثاني
والله ييسر لي الطريج الثاني ..

والله يوفق الجميع

:)
عازف الاورج
17-10-2009, 03:13 PM
بديت في 2006 مع الجامعه ودرست سنتين
في سنة خلصت رياضيات وكمبيوتر ..كورسين .. وسنتين انجليزي
بس للأسف رسبت في آخر لفل ...وخصلت 11 ساعة مكتسبة .. وغير السنتين كان مطلوب علي
اجيب التوفل او الآيلتز .. في اول سنيتن في الجامعه وسنة في التجميد
قدمت 12 ما بين توفل وآيلتز مع جم دورة وجي .. لكن شفت وقتي يرووح
وانا ما سويت شي وكل امتحان انطرله شهرين او شهر غير تكاليف هالامتحانات
والدورات والانتظار ..

الحمدلله نسبة الثانوية ممتازة وتأهلني لأي تخصص ..

فقلت خلاص مب امكمل في هالجامعه وبدور نصيبي في مكان ثاني
والله ييسر لي الطريج الثاني ..

والله يوفق الجميع

:)

نصيحه قدم لك بعثه لبرع مدام نسبه الثانويه ممتازه

والله يوفقك ويحقق لك الي في بالك . . . .