المساعد الشخصي الرقمي

مشاهدة النسخة كاملة : شبكة فودافون ،، متى بتتعدل ؟


م. عبدالعزيز
17-10-2009, 09:44 AM
السلام عليكم ورحمه الله وبركاته ،،


منذ عدة أيام أعلنت فودافون عن ترقية شبكتها الخاصه ومضاعفة الاستيعاب ،، ولكن إلى الآن هنالك بعض الانقطاعات وظهر عباره الشبكة مشغوووووووله ، والمشكله هالعباره تظهر لو بسوي مكالمه محليه الى رقم فودافون آخر كذلك !!!

اتصل لـ 111 التابع لهم فيردون علي احد الحلول التالية:

1- المنطقة اللي انت فيها الابراج ماتستوعب . (انزين رحت لأكثر من منطقه ونفس الشي!!)
2- طلع شريحتك ودخلها مره ثانيه (مادري شدخل طالما انه الجوال متصل للشبكة)
3- وايد ناس تستخدم الشبكه خصوصا انه عرض المكالمات الدولية متاح لمسبق الدفع لأي شخص بالشارع ،(طيب وانا شعلاقتي بالناس ، قاعد ادفع مبلغ ولازم الاقي خدمه محترمه ، ولا انا ماقاعد العب بفلوسي وياهم)
4- الشبكه فيها تحديث (مو توكم سويتوا تحديث بعد متى بيستمر هالتحديث ؟؟؟)
5- لا تتصل بالليل اتصل بوقت ثاني (شدعوه صرتوا انتو تتحكمون بوقتي ولا كيف ؟؟؟!!!)
6- مانقدر نفيدك بشي الا انك تحاول تتصل لين مايدخل عالشبكه (والله الله يعز كيوتل من اسوي اتصال يرن سواء رقم محلي ولا دولي ولا شبكه مشغوله ولا هم يحزنون).

طبعا بالنهايه شليت الشريحه وحطيتها في البوك وخليك رقم كيوتل شغال .. لين مايستعدلون فودافون ..
خمسميه
17-10-2009, 10:08 AM
ماردكم لكيوتل
عبدالله العذبة
17-10-2009, 10:09 AM
الأخ العزيز م. عبدالعزيز المحترم

لا أدري، ولكنني لم أجرب فودافون حتى الآن، وتواجهني مشكلة الشبكة مشغولة في كيوتل أيضاً.

هل تعتقد بأن خدمة فودافون ازدادت سؤاً؟
امل الحب
17-10-2009, 10:46 AM
:secret: انا بطلع الي بخاطري وان كان في ناس بيقولون بما معناه انتوا كذابين..

انا اعاني من هالشي .. خصوصا الشبكة مشغولة طفرت منها زهقت :( بس شنقول ..

الشبكة للحين ضعيفة ضعيفة ضعيفة وماتم اي تعديل فيها :weeping: لو صار الي تعديل المفروض نحس فيه مو تزيد مشاكلنا وياه :weeping:

واخيرا 111 هذول يبي لهم دروس في التعامل مع خلق الله لان ردودهم تنرفز وكأن يقول ياعمي فكنا ليش مزعجنا + تدريب عشان مايردون الرد خصوصا لما يقول طلع الشريحة ودخلها والا لاتتصل بأوقات الذروة :rolleyes2: ردود منطقية وحل صائب جدا منهم :anger1:..
م. عبدالعزيز
17-10-2009, 11:10 AM
ياهلا بك اخوي عبدالله ،، انا اعاتب قسم التسويق في فودافون ، عروضهم ممتازه لكنها جت في وقت غلط كلش
الشبكه للحين مب جاهزه وهم طارحين لي عرض جامد ،، مو مثل كيوتل
كانت قبل شبكتها تعبانه ،، ويوم اكتملت في البنية التحتيه بدت تنزل خدمات أكثر وعروض جديده والحمد الله لا توجد أي مشكله مع الشبكه

خمسميه
وامل الحب
شاكر لكم على مروركم وتعليقاتكم وننتظر فودافون تعدل امورها
fff
17-10-2009, 11:16 AM
ما لكم إلا كيوتـــــــــــــــــــــل

ولا أتوقع شركة تقدر تنافس كيوتل
عبدالله العذبة
17-10-2009, 11:28 AM
ياهلا بك اخوي عبدالله ،، انا اعاتب قسم التسويق في فودافون ، عروضهم ممتازه لكنها جت في وقت غلط كلش
الشبكه للحين مب جاهزه وهم طارحين لي عرض جامد ،، مو مثل كيوتل
كانت قبل شبكتها تعبانه ،، ويوم اكتملت في البنية التحتيه بدت تنزل خدمات أكثر وعروض جديده والحمد الله لا توجد أي مشكله مع الشبكه
وننتظر فودافون تعدل امورها


في الحقيقة فودافون تملك اسم لامع وخدمات سيئة على مستوى العالم، وكنت أتمنى أن تفوز إتصالات بالعرض.

المصيبة أن فودافون ستقدم خدمة الهاتف الأرضي بكل أسف.
حيهور
17-10-2009, 11:49 AM
نفس المشاكل الي مع فودافون في قطر تجدها مع نفس الشركة في باقي الدول

يعني الموضوع لدى فودافون عادة وهم ماشين عليه


المفروض ان الترخيص يسحب منهم او يتكنسل

لان خدماتهم عالميا تعبانة
hamoor4ever
17-10-2009, 12:02 PM
مابغي اتكلم عن موضوع فودافون وابدي رايهم لاني سبق تكلمت عن مشاكلهم اللي مالها نهايه ، وتم اتهامي من بعض الاعضاء المحترمين بأني متحامل على الشركه واني اقوم بتشويه سمعه الشركه بأختصار انا رجعت لكيوتل وراح ادفع لهم اكثر مقابل خدمه افضل والسبب اني اهم شي يكون الجوال عندي مايقطع لانه اصبح بالعصر هاذه وسيله اتصال هامه لاغنى عنها وبصراحه استحي ان خطي يقفل بويه المتصل عده مرات واقعد اعتذر بسبب سوء الخدمه بسبب استخدامي للارخص
(حوريه)
17-10-2009, 12:17 PM
اصبروا

وبسكم شكاوي

في معظم الدول اكثر من شركة اتصال

ومع السنين بتطور وبيعتدل الارسال

صج اذا قالوا ان اهل قطر يحبون شي اسمة الانتقاد والشكوى
عبدالله العذبة
17-10-2009, 01:48 PM
اصبروا

وبسكم شكاوي

في معظم الدول اكثر من شركة اتصال

ومع السنين بتطور وبيعتدل الارسال

صج اذا قالوا ان اهل قطر يحبون شي اسمة الانتقاد والشكوى


الشكوى والانتقاد تدل على أن المجتمع حي.

وسنصبر سنوات ولن نشترك في خدمات قودافون حتى تحسن من خدماتها، لأنه وبحسب كلامك الأمر يحتاج إلى سنوات.

لماذا أدفع نقودي في خدمة غير جاهزة وتحتاح سنوات؟

شكراً لك على تأكيدك بأن الخدمات في فودافون غير جاهزة. :victory::victory::victory:
ANONYMOUS
17-10-2009, 01:59 PM
والله ياباش مهندس انا من رايي تعطيهم فرصه..

توهم فاتحين.. ويبي لهم وقت.. وموضوعك سابق عن أوانه..

يعني هالموضوع المفروض تنزله سنة 2013

مب عقب شهرين من الافتتاح


ياريت تعطينا خبر.. كيوتل عقب كم سنه عدلت ارسالها مع انها موجوده من السبعينات



طبعا موضوعك مادري شقول لك...
ANONYMOUS
17-10-2009, 02:02 PM
الشكوى والانتقاد تدل على أن المجتمع حي.

وسنصبر سنوات ولن نشترك في خدمات قودافون حتى تحسن من خدماتها، لأنه وبحسب كلامك الأمر يحتاج إلى سنوات.

لماذا أدفع نقودي في خدمة غير جاهزة وتحتاح سنوات؟

شكراً لك على تأكيدك بأن الخدمات في فودافون غير جاهزة. :victory::victory::victory:


بوحمد.. الخيار راجع لك..

تشترك الحين ولا عقب 12 سنه..

فودافون ماجبرت احد يشترك معاها.. وكذلك كيوتل ماجبرت احد يشترك بها

للناس مطلق الحريه
غلبان
17-10-2009, 02:03 PM
والله بعد ما رأيته من خدمة فودافون الخايسة أصبح واجب على كل فرد يعيش على أرض قطر التقدم بإعتذار رسمي لكيوتل عن أي إساءة صدرت منا لهم.

بس لو كيوتل ترخص الإسعار شوية
hamoor4ever
17-10-2009, 02:30 PM
والله بعد ما رأيته من خدمة فودافون الخايسة أصبح واجب على كل فرد يعيش على أرض قطر التقدم بإعتذار رسمي لكيوتل عن أي إساءة صدرت منا لهم.

بس لو كيوتل ترخص الإسعار شوية

صادق .
واللي يقول اصبرو ، دام هم يدرون ان شبكتهم فاشله ليش من الاساس يفتحون وبعدين انا اشوف فلوسي تنباق عيني عينك وماقدر اسوي شي لان انا اول مااتصل يتم خصم 50 درهم والمكالمه ماتكمل ثانيه ، فأقوم اتصل مره ثانيه ونفس السالفه تصير معاي ، يعني انا ادفع 50 درهم مقابل ثانيه واحده نهب وسرقه بطريقه ثانيه من فودافون ، بصراحه فعلا لازم نعتذر لكيوتل
4qatar
17-10-2009, 05:10 PM
الشباب كلهم شغالين فكيوتل
hamoor4ever
17-10-2009, 06:07 PM
الشباب كلهم شغالين فكيوتل

لا وانت الصادق ، انت شغال في فودافون :nice:
aa3131
17-10-2009, 07:05 PM
عندي كرت فودافون حق المكامات الدولية قلت 50 درهم حلوين ولكن
حاولت اتصل في امس في الليل وكله مشغول وحاولت اليوم ونفس الشي
واتصلت من كرت كيوتل مع اني ادفع اشتراك في الفودافون وكل شهر يروح
على الرصيد

اللي يقول فودافون شركة جديده غلطان هذي شركه قديمه وفتحت
فروع كثيره في كل دول العالم فالمفروض عندها الخبره في فتح فرع جديد بدون
مشاكل واذا في كل دوله نفس المشكله فهذي شركة ما تعلم من التجارب
سعد آل شريم
17-10-2009, 07:52 PM
حتى لو الشبكة ضعيفه ومردها بتتعدل .. على الاقل عندهم مصداقية ..

ومن زين شبكة كيوتل .. لين الحين في مناطق مافيها ارسال وهذا عيب عليهم ..
ANONYMOUS
17-10-2009, 11:26 PM
ع العموم لاحد يدز حد

كيوتل شركه وطنيه

وفودافون مشاركه قطر فاونديشن

يعني دهنا اب مكبتنا

والحلال واحد

واختلاف قوة الارسال لايفسد في الاتصال قضيه
biz-qtr
17-10-2009, 11:48 PM
والله انا اشوف شبكه فودافون شوي تحسنت عن اول

يبيلها وقت مهما كان شركه جديده ..

اصبرو عليها ...

اللي يبي فودافون هذي عيوبها واللي ما يبيلها مب مجبر .. كيوتل ارسالهم زين احسن من فودافون بمراحل لكن تذكرو اول ما نزلو خدمه ال 3 جي مع انها شركه قديمه لكن يوم نزلت خدمه وحده جديده عفست الموازيين

هاي كله من صنع البشر والاخطاء وارده ....
حليتان*
17-10-2009, 11:54 PM
فودفون تو الناس عليها

بس اصبرو سنه ولا سنتين بيسون اللي كيوتل ما سوته من يوم افتتاحها

ومره انتو على كيوتل وتمدحون فودفون
ومره على فودفون وتمدحون كيوتل

ما عرفنا هذي ولا هذي
بوخالد911
18-10-2009, 12:05 AM
طلع شريحتك ودخلها مره ثانيه





هالجملة تررفع ضغطي:anger1:

والموظف اللي يرددها كالبغبغاء ؛ لا يفهم عمله
ويبي يتخلص من العميل
ANONYMOUS
18-10-2009, 12:21 AM
طلع شريحتك ودخلها مره ثانيه





هالجملة تررفع ضغطي:anger1:

والموظف اللي يرددها كالبغبغاء ؛ لا يفهم عمله
ويبي يتخلص من العميل





كان سألته وش تحليل هالحركه

واحرجته
هجمة مرتدة
18-10-2009, 12:48 AM
نار فودافون ولا جنة كيوتل ..
براتزية برازيلية
18-10-2009, 09:16 AM
والله انزعج كل شوي و ينقطع الخط اثناء المكالمة بس ما الومهم شركة جديدة و على الاقل عندهم مصداقية و ان شاءالله الخدمات تتحسن