رنج روفر فوووج

[Al-Kuwari]

السلام عليكم
شباب بغيت اسألكم
الرنج روفر الفوج
موديل 2003/04
بكم اسعارهم تقريباً ؟
والمردودين الوكاله بكم القاهم تقريباً ؟
يعطيكم العافيه

[Al-Kuwari]

للرفععععععععععع بلييييز شدعوه محد يعرف :(

[لابس بشت]

2004 تلقاهم على ال190 -180
على حسب نظافه الموتر وممشاه
بس ما عتقد انه يتعدى ال200
وأسأل المعارض والخبراء في المنتدى يمكن يفيدونك زياده :)
هذا والله اعلم

[البنز]

أضف إلى كلام أخوي لابس بشت ..

الزيادات والمواصفات لها دور في السعر ..

فيه ناس يركبون رنجات 22 أنش وشبك السبورت وتعديلات الخان وكراسي البي أم ، هذا غير مواصفات شد البلاد مثل الشاشة والتلفون والنفيجيشن . . . وكل شئ بحسابه ..

في الشركة 2003 مرجّع رصاصي رنجات 19 أنش زنزن + ملاحة + تلفون + تلفزيون = 180 ( غالي شوي )

وفيه 2004 ( طلبية خاصة ) أبيض وذهبي رنجات 19 أنش + ملاحة + تلفون + تلفزيون + ملاحة + شكامين خان= 208000

عليه ضمان دولي .. 57كم

سعرة في السوق من 180 ـــــــــــــــــــ 200

المعارض التالية عندهم رنجات ..

معرض الخليفي + معرض الشهابي + معرض المستقبل + معرض الربان + معرض الظبي


(( وإذا لقيت شئ نظيف ورخيص خبرني يا خوك .. تراني أنطر فايض الريان وبطب في واحد .. ))


دمتم ساااااالمين

[ولد قطــــــر]

السلام عليكم
شباب بغيت اسألكم
الرنج روفر الفوج
موديل 2003/04
بكم اسعارهم تقريباً ؟
والمردودين الوكاله بكم القاهم تقريباً ؟
يعطيكم العافيه


اخوي اذا انت تقصد الفووج .. فهو ما نزل من سنه 2004 وما راح تلاقي 2003 ,,, وانا بايع 2004 من شهرين تقريبا ب 227 بس عليها رنجات خان ودبات هارتج وبيبات .. يعني بالعربي ماخليت شي من اكسسوري الوكاله ما ركبته ..

اما اذا تقصد ال HSE فسعره 2003 180
و 2004 190-195الف

[قطري وكلي فخر]

حصلت رنج اسود مرجع بالوكاله استعمال عمر الفردان شخصيا وماشي اظن 60 الف لو ماخاب ظني بس طالب فيه غالي شوي 215 الف وكلام الزلمه مال الوكاله يقول لو تبيه افحصه وسوي كل الي عندك ولو حصلت شمخ واحد بس تعال خذه بلاش !!!!! .. الله يوفقك الكواري

[Al-Kuwari]

الله يعطيكم العافيه
قطري وكلي فخر: باخذه بشمخه وبرجعه خخخخخخخخ وباخذه ببلاش :p

[قطري وكلي فخر]

اماااااااااااااااااااااااااااااا :eek2: خوش فكره والله :app: