اين البلدية تشوف لنا حل

[قطر دزاين]

السلام عليكم

لا يخاف عليكم سكن العزاب واثاره

انا اسكن في مدينه المره الشرقيه ونسبه العزاب 87% او اكثر خلف بيتنا عزاب عمال جنب البيت قالبين البيت تصليح مكيفات

المهم

تذكرون الفئران الجرذان السود الكبيره انها انقرضت بفضل الجهات المختصه ولكن بعد تركم العزاب ظهرت مره ثانيه في المنطقة وغير ذلك كثر الصراصير كل سبوع اجيب شركه ترش البيت وبنفسه يقول لي هذا من العزاب فا اماكنهم شبه القمامه


فما هي الحلول

[منقهر]

والله ونحن بعد في منطقه اسلطه الجديده .. الله يعنك ويعينا

[قطر دزاين]

منقهر
والله لو تجي يوم اجازه تحصلهم بالشوارع تقول براحه ناشنوال قبل

وفوق هذا تحصلهم مفصخين ومتجمعين عند ابواب سكنهم ما عليه الى وزار لا ورافعه

[طلعة الروح]

الله يعينك مافيه الا تطلع في برنامج وطني الحبيب وتشتكي عليهم يمكن البلدية يسمعون ويردون عالموضوع...
العزابية مادري شنو الحل وياهم ووين المفروض يسكنون محد تكلم عن هالمشكله من قبل فالمنتدى للاسف ماعندي فكره..

[رمــش الغلا]

منقهر
والله لو تجي يوم اجازه تحصلهم بالشوارع تقول براحه ناشنوال قبل

وفوق هذا تحصلهم مفصخين ومتجمعين عند ابواب سكنهم ما عليه الى وزار لا ورافعه

نفس مشكلتنا بالضبط
والله انا خايفة على عيالي منهم
حشى مانقدر انبطل الباب إلا تجمعوا ايطالعون :anger2:

[الوفي]

87% :eek5: اشك في هذا

[ابن مانع]

الله يكون في العون
هذي الظاهرة انترست في كل مناطق الدوحه
حتى الجديده وكبار الموظفين موجودين العزاب

[jajassim]

كلم عضو المجلس البلدي ،، :victory:

[الموضوعي]

وزارة البلدية عندنا لا زالت تعيش في عقد الثمانينات من القرن الماضي ، والكرة الآن في ملعب مجلس الوزارء الذي لم يسن تشريعات تمنع سكن العزاب في مناطق العائلات ولم يوفر البديل ولم يكلف نفسه اصلاً للإستماع لشكاوي المواطنيين

[qatari1]

وزارة البلدية عندنا لا زالت تعيش في عقد الثمانينات من القرن الماضي ، والكرة الآن في ملعب مجلس الوزارء الذي لم يسن تشريعات تمنع سكن العزاب في مناطق العائلات ولم يوفر البديل ولم يكلف نفسه اصلاً للإستماع لشكاوي المواطنيين

وزارة البلدية والتخطيط العمراني لا تستطيع منع العزاب من السكن وسط العائلات لعدم وجود قانون يجرم أو يمنع ذلك!

وفعلاً -أخي الموضوعي- المطلوب هو سن تشريع من مجلس الوزراء بهذا الخصوص، والأهم هو توفير البديل خارج المدن.

وبدلاًمن إلقاء اللوم على البلدية ينبغي لوم المواطنين الذين قاموا بتأجير منازلهم لهؤلاء العزاب.

[هذلان]

نفس مشكلتنا بالضبط
والله انا خايفة على عيالي منهم
حشى مانقدر انبطل الباب إلا تجمعوا ايطالعون :anger2:

السلام عليكم

قهرني الكلام الي كتبتيه و الي كتبوه الشباب . في فريجنا (قصدي قريتنا المتواضعه) :) واحد من الناس الله يصلحه باع بيته و المشتري اجر البيت على قبيله عمال و صار الشارع الي يوصل للبيت هذا كانه سيد نمل يمشون فيه العمال و اهل الفريج استظاقو من هالشي ولكن القانون يوقف قدامنا الا ان جا يوم تم اكتشاف كذا جاله حمل للخدامات و جريمه انتحار داخل هذا البيت .
ثاني يوم نص الفريج في مركز الشرطه و قدرو يوصلون لحل مؤقت وهو انه مايطلع ولا يدخل ولا هندي الساعه ٦ الصبح يدخل باص ياخذهم و الساعه ٦ المغرب ينزله ولا حد يطلع ولا حد يدخل في غير هالوقت .
والفضل بعد رب العالمين لانه اهل الفريج كلمتهم وحده

[حليتان*]

انت من الره

انا من الخور عيل شاقول
اللي محاوط بيتنا من كل صوب عزوب

[بواردي]

الشرها مو بعليهم
الشرها على بعض المواطنين

اللي ما همهم
غير انه ياجر بيته
ان شالله يسكن في جنانوه
المهم اخر الشهر في بيزات

[ANONYMOUS]

سمعت مؤخرا ان بيتم شي في موضوع سكن العزاب في المناطق المأهوله..

ياما سمعت.. ولا قريت في مكان ما..


انشالله خير..