تقليد شبابنا لأغاني الغرب هل هذا الشيء ايجابي ام سلبي ؟؟ موضوع مهم

[قوه فالركاده]

السلام عليكم ورحمة الله وبركاته

اليوم جايب لكم موضوع يستحق المناقشه ... وهو تقليد شبابنا للغرب من حيث اغاني الراب

اغاني نوعها غريب على الاذن العربيه ولم نتعود في سماعها وهي تقليد للغرب من حيث الألحان ...

الكثير من الشباب يستمعووون الى هالاغاني وبعض الاغاني تهدف الى مواضيع معينه وبعضها تتكلم عن الحب والغرام والمشاكل ..الخ

اجرت محادثه بيني وبين مغني راب قطري والأسئله كانت كالتالي ...

س: ماهو الراب ؟؟ الراب القطري ...

ج: الراب هو نوع من الاغاني يمكن للمغني انه يتكلم بحريه عن اي موضوع يبيه ويوصل الفكره للمستمع بطريقة حلوه ومرتبه من ناحية الكلمات والالحان واللي يقولك عصابات
وسلاسل وخرابيط من الغرب كله كلام فاضي انا اعرف كل اللي يغنون في قطر ومعرفة قويه
محد له بهالخرابيط وكل واحد الحمدلله ناجح في حياته من الناحيه الدراسيه

س: من يألف لكم الكلمات ومن يعطيكم الألحان ؟؟

ج: كل مغني يكتب كلماته بنفسه والالحان في شباب يسونها وبعض الاحيان نشتريها من الانترنت

س: الراب تقليد للغرب فما رايك انت في هالجمله

ج: الراب تقليد للغرب ؟؟ ليش واحنا من متى مانقلدهم ؟؟ احنا من ايام الابيض والاسود ناخذ منهم
احنا حتى المدارس سووها كلها باللغه الانجليزيه وبعدين انا ماهتم لو كانت بداياته جات من الغرب انا اغني عربي واطرح مواضيع حلوه للشباب وكلمات انا أألفها وين التقليد في هاي ؟؟ انا مالبس سلاسل ونادر مالبس جنز والحمدلله مافي شي يفرقني عن شباب قطر .. المشكله كل واحد سمع كلمة راب على طول يجي فباله تقليد للغرب .. تدري لو بيدي كان غيرت اسم هالمجال واسويلي فن خاص فيني عشان محد يقول تقليد
والحمدلله اعرف عاداتي وتقاليدي وانا ماعمري سويت شي يشبهني بالاجانب

س: من هو جمهور الراب وكم تقريبا عددهم في قطر ؟

ج : جمهور الراب هم الشباب ويتراوح اعمارهم مابين الـ 14-26 وعددهم تقريبا 60% من شباب قطر والعدد كل ماله ويزيد

س: الراب ضاهرة هذا الجيل هل تعتقد الراب بيستمر ولا مثل ماطلع بينتهي ؟؟

ج: الراب القطري طلع في سنه 2001 وكان العدد قليل وكل ماله العدد يزيد اضعاف اضعاافه في كل سنه يعني ماعتقد بتجي سنه والعدد بيكون اقل من السنه اللي قبلها

س: ماهي مواضيع اغانيك الهادفه وممكن نبذة صغيره عن كل اغنيه

غنيت وايد اغاني منها

بنت بلادي .. واتكلم فيها عن مشاكل البنات والزواج والمهر والغرور في البنات بطريقة انتقاد وتقدر تسمعها بهذا الرابط

http://www.zshare.net/audio/648599644db56347/

الدوحه ملل .. واتكلم فيها عن الملل اللي ذابحنا ومافي شي نسويه غير البليارد والمقاهي وانه مافي امكان ترفيهيه للشباب وتقدر تسمعها بهذا الرابط

http://www.zshare.net/audio/619225094a819a64/

لحظة طيش ... والاغنيه 3 مقاطع المقطع الاول اتكلم عن واحد في المحكمه وانحكم عليه سجن سنتين عشان لحظة طيش والمقطع الثاني اتكلم عن واحد صاده شلل كامل طول حياته بحادث سياره بلحظة طيش والمقطع الثالث اتكلم عن هذيل الشباب انه منو يبي هالحياه لحظة طيش تمحي كل طموحاتك واحلامك اللي بنيتها .. وتقدر تسمع الاغنيه من هالرابط

http://www.zshare.net/audio/670971222d17ddec/

س: مواضيع جميله لاكن هل المستمعين بها يتأثرون ؟؟

ج: الله العالم ربي ميز الانسان بالعقل وكل واحد يدري انه اذا باق او تضارب او اي شي يتعدى عالقانون بينسجن وكل واحد يستهتر بسواقته ممكن يصير له حادث و يفقد فيه شي غالي ..
لاكن اذا انا غنيت على هالموضوع المستمع بينجذب للفكره اكثر وبيحاسب اكثر لاشعوريا وخاصه المراهقين يتأثرون فيها وينجذبون لها اكثر

س: ليش ماتفكر تطلع عالتلفزيون او تغني على مسرح او تسويلك البوم ينباع فالسوق ؟؟

ج: غنيت 4 اغاني لقناة الكاس وكانو يبثونها فالتلفزيون والراديو والحمدلله غنيت على مسرح في البحرين وكانت حفلة حلوه ... مافي شركة تدعم هالمجال عشان انزل البوم فالسوق ... حفرت الارض وانا ادور ماخليت مكان .. رحت اسأل عن القاعات في مشروع اللؤلؤه كنت ابي اسوي حفله بس قالولي انه لازم واحد يكون ساكن فالعماره اتصلت فالراديو وقلت لهم عندي اغاني ابيكم تبثونها قالو مايصير .. رحت كلمت مسؤول كان مسوي برنامج مهرجان للأطفال في الستي سنتر قالي برد عليك ولا رد .. رحت حق محل فيرجن في فيلاجيو وقالي سولي سيدي من اغانيك وحطه لي بأسمي فالمحل بسمعه وبرد عليك و للحين مارد ... تقدر تقول الله مب كاتب

-------------------------------------------------------------------------------------------

والان اسأله للقارئ

هل تعتبر هذا المجال اجابي ام سلبي للشباب ؟؟

اذا رأيت ابنك يستمع الى هالاغاني ماذا سو تفعل او تقوله ؟؟

هل ترى انه تقليد للغرب ويجعل الشباب ينسون العادات والتقاليد ؟؟

وسلامتكم

[قطر دزاين]

اذا الفكره ما راح توصلني الى عن طريق الراب فا انا مستغني عنها
الله يهدي شبابنا الله هم امين

[The Blade]

الحمدلله رب العالمين ,

ج : جمهور الراب هم الشباب ويتراوح اعمارهم مابين الـ 14-26 وعددهم تقريبا 60% من شباب قطر والعدد كل ماله ويزيد
الضاهر الرجال امولكينه على شباب قطر؟

الله يهديهم بس في الف طريقة وطريقة علشان اعبر فيها عن نفسي...


هل تعتبر هذا المجال اجابي ام سلبي للشباب ؟؟

سلبي لانه مب الطريقة الوحيده الي الشخص يعبر عن مشاعره فيها

هل ترى انه تقليد للغرب ويجعل الشباب ينسون العادات والتقاليد ؟؟

الشخص جاوب عن السؤال , ولا اتوقع ان هذا الشئ يراح ينسيه تقاليده او عاداته إلا اذا تعلق في الامر هذا وتعمق فيه لدرجة الانحدار في التقليد الآعمى :omen2:

[مستجدة]

الاغاني كلها مرفوضه ربي يهدي شباب المسلمين شلون عاد هالمصخرة اللي اسمها راب

انا ضد تقليد الغرب في كل شئ ومع الاسف مايقلدونهم الا في الاشياء اللي مب زينه

[لولوتي]

س: ماهو الراب ؟؟ الراب القطري ...

ج : هذا هو اللي على اليسار :nice:

http://www.gulfup.com/gfiles/12558387681.jpg (http://www.gulfup.com/)

:nice:

[قوه فالركاده]

ههههههههههههههههه يعطيكم العافيه على المرور نورتو الموضوع ضحكتيني اختي لولوتي

[براتزية برازيلية]

الراب او غيره سلاح ذو حدين اي حاجة ممكن يستخدم في الخير او في الشر و برايي الراب حلو بس اشوف اليوم الاغنية العربية فقدت ملامحها

[الخارجية]

عليكم بالقرآن ياشباب وخلواعنكم هذي الاغاني اللي ما منها فايدة

[nouar]

الموضوع مغبر ..

كح كح كح ...


صاره من عمر ..

بس الحين صاير الوضع راجع للعربي ...

كل السبب مش تقليد للاجانب لانه مواد الدراسه باللغة الانجليزيه وممنوع التحدث والتدريس بالللغة العربية

ووالاغاني الاجنبيه كانت فتره قوتها من قبل سنه الالفين ..

فما بالك الحين مدارس مستقله بالانجليزي ..

ويش ذا الهرج

[قوه فالركاده]

يعطييكم العاافيه على المروور صح الاغاني الاجنبيه كان تأثيرها قوي من قبل الـ2000 لاكن الموضوع عن الاغاني العربيه اللي بطريقة اجنبيه ويعطيج العافيه اختي عالمرور

[قوه فالركاده]

الرفع للأفاده ...