شنو أحس فندق فيهم ؟؟؟؟ بكل أمانة

[بدوي]

انا محتار اي فندق اسكن في دبي .. ابي استانس وارتاااااح نفسيآ

وياليت اللي جرب هالفنادق يطرح افكاره وانطباعه عنهم



القصر اولد تاون the palace old town

http://the-palace-theoldtown.hotel-rez.com/The_Palace_The_Old_Town_Photo_album_en.html

او

رافلز Raffles

http://www.raffles.com/EN_RA/Property/RDB/Suites_Rooms/Signature_Room/

او

مونارك the monarch

http://travel.maktoob.com/vb/travel252381/



للأمانة

the palace old town سكنت فيه وخذت سويت وكان فخم وسعره حلو بالنسبة

لفخامتة ويمتاز بأطلالتة على بحيرة برج دبي + قربه من دبي مول ..

Raffles لما كنت في دبي كان ولد عمي ساكن فيه ومتردد هل آخذه او لأ

the monarch سمعت عنه ولكن ماشفته شوف العين

فعشان كذا انتظر آرائكم

ولحد يطول علي لو تكرمتوا

:nice:

[شذى الورد]

القصر اولد تاون the palace old town

الفخامه والهدوء والرومانسيه وبجنبك دبي مول وسوق البحار يعني كل شي موجود
الصراحه هالفندق رووووعه

[بدوي]

القصر اولد تاون the palace old town

الفخامه والهدوء والرومانسيه وبجنبك دبي مول وسوق البحار يعني كل شي موجود
الصراحه هالفندق رووووعه


شذى الورد


شكرآ لطرح وجهة نظرج ، وفعلآ هالفندق مميزاتة تجذبني وخاصه اني مجربه ولكن

فضول التغيير يداعب افكاري :omen2:

تحياتي لج

[الرميله]

ايش رايك في هذا

http://www.theaddress.com/en/hotel/downtown-burj-dubai-1-2

[الماليه]

كل الفنادق اوكي ماعدى مونارك ممل وكأيب مانصح به كلش

[سمو]

القصر أولد تاون حلو خصوصا لسويتات فخامة ورقي ويميزه قربه من مول دبي و فندق العنوان وهذا مطاعمه وجلساته حلوة خصوصا الخارجية الي تطل على البحيرة بس للسكن أشوف القصر احلى من تجربتي لهم

رافيلز خاااااطري أجربه وأحسه أفخم ...اللوبي عجبني بس الغرف ما شفتها

يعتمد إذا عندك سيارة وتحب تلف لف فجرب رافيلز وإذا ما تحب المشاوير خلك ع القصر أقرب من دبي مول الي فيه كل الخيارات ...جرب مطعم الأسماك الي في البحار مول:nice: بس نصيحة راجع الفاتوره عدل تراهم :rolleyes2:

[غزلان]

جربت الأنتر الى عند فاستيفال سكناه اول مافتح حلو وغرفه واسعه وتطلع على البحر

رافلز Raffles

ماسكناه بس كل الى اسكنوه من هلي يمدحونه وااايد

جربت البوفيه عندهم واااايد حلو الى بالطابق الثالث كل مره نروح دبي نروح نتغدى فيه

[مستقلة]

رافلز روعة ............... ماراح تتحسف

[ام لولوه]

رافلز وانت مغمض روعه روعه روعه انا صرت ساكنته 3 مرات وكل مره استانس فيها اكثر من الي قبلها شنو نظافه وفخامه ورقي بعمري ماشفتها بأي فندق غيره
وعندك تحت سبأ عجيبه غريبه حق الريلاكس والراحه النفسيه اسمه سبأ أميري
وغيرك هذا كله الفندق فيه باب في اللوبي يدخلك على الوافي مول وسوق مرجان الي كل ماادخله احس اني اول مره ادخله

وان شاء الله تروح وترجع بالسلامه

[بدوي]

ايش رايك في هذا

http://www.theaddress.com/en/hotel/downtown-burj-dubai-1-2


the castle


ذا آدرس زين لكن اعتقد للعوائل

تحياتي لك

[بدوي]

كل الفنادق اوكي ماعدى مونارك ممل وكأيب مانصح به كلش


الماليه


كلامك صحيح شكلي استبعدته من اللائحة

تسلم عزيزي

:)

[بدوي]

القصر أولد تاون حلو خصوصا لسويتات فخامة ورقي ويميزه قربه من مول دبي و فندق العنوان وهذا مطاعمه وجلساته حلوة خصوصا الخارجية الي تطل على البحيرة بس للسكن أشوف القصر احلى من تجربتي لهم

رافيلز خاااااطري أجربه وأحسه أفخم ...اللوبي عجبني بس الغرف ما شفتها

يعتمد إذا عندك سيارة وتحب تلف لف فجرب رافيلز وإذا ما تحب المشاوير خلك ع القصر أقرب من دبي مول الي فيه كل الخيارات ...جرب مطعم الأسماك الي في البحار مول:nice: بس نصيحة راجع الفاتوره عدل تراهم :rolleyes2:


سمو


مشكور يالغالي

وانا ابشرك خلاص حليت الموضوع

حجزت في رافلز 3 ليالي والقصر الود تاون 3 ليالي

:nice:

[بدوي]

جربت الأنتر الى عند فاستيفال سكناه اول مافتح حلو وغرفه واسعه وتطلع على البحر

رافلز Raffles

ماسكناه بس كل الى اسكنوه من هلي يمدحونه وااايد

جربت البوفيه عندهم واااايد حلو الى بالطابق الثالث كل مره نروح دبي نروح نتغدى فيه


غزلان


الأنتر حلو واذكر شفت السويتات عندهم حلوه وواسعة

وفاستيفال حلو وشرح ولكن دش في خاطري رافلز وخذته 3 ليالي والقصر 3 ليالي

بقولج عن رافلز بس اخلص الردود

:nice:

[بدوي]

رافلز روعة ............... ماراح تتحسف

مستقلة


شورج وهداية الله

وفعلآ ماتحسفت

:nice:

[بدوي]

رافلز وانت مغمض روعه روعه روعه انا صرت ساكنته 3 مرات وكل مره استانس فيها اكثر من الي قبلها شنو نظافه وفخامه ورقي بعمري ماشفتها بأي فندق غيره
وعندك تحت سبأ عجيبه غريبه حق الريلاكس والراحه النفسيه اسمه سبأ أميري
وغيرك هذا كله الفندق فيه باب في اللوبي يدخلك على الوافي مول وسوق مرجان الي كل ماادخله احس اني اول مره ادخله

وان شاء الله تروح وترجع بالسلامه


ام لولوه


الله يسلمج من الشر اختي

ابشرج حجزت فيه واموري طيبة وتسر الخاطر :nice:

فعلآ الفندق حلو ويشرح النفس

تحياتي لج يا ام لولوه

:)

[بدوي]

تحية لكل اللي ردوا واللي ما ردوا بعد لهم تحية :nice:

ابشركم انا في دبي وحجزت في رافلز 3 ليالي والقصر 3 ليالي

وعلى كلام السفريات ان نظام الغرف عندهم في رافلز كأنها سويتات مصغرة

فتوكلت على الله وحجزت ولما وصلت استقبلوني برحابة صدر وقهوة وخير وقعدوني في اللوبي على مايجهزون لي الحجز

المهم جاني واحد وقالي احنا رقيناك الى جونيور سويت .. :dance

فعلآ فعلآ سويت حلو ويشرح النفس

صالة كبيييييرة بجلستها وتلفزيونها الخاص وبلكونة واسعة وغرفة حلوة بتلفزيونها وحمام (عزكم الله) + جاكوزي

:nice:

صورت لكم ولكن للأسف ماعرف انزلها

متى ماعرفت ابشروا بلي يسعدكم

:nice:

تحياتي للجميع

[سمو]

رحلة سعيدة يا البدوي ومبروك عليك ubgrade تستاهل :nice:

بس ملزوم تحط صور :waiting: بتتعلم وبتحط الصور :waiting: أوكي :waiting:

[سماء الرياض]

الحمد لله على السلامة

واقامة ممتعه ان شاء الله

[بدوي]

رحلة سعيدة يا البدوي ومبروك عليك ubgrade تستاهل :nice:

بس ملزوم تحط صور :waiting: بتتعلم وبتحط الصور :waiting: أوكي :waiting:

سمو


ابشر بعزك عزيزي

وبأذن الله بحاول احط الصور

لكن ترى الصبر زيييييييين :omen2:

[بدوي]

الحمد لله على السلامة

واقامة ممتعه ان شاء الله


سماء الرياض


الله يسلمج وايامج اسعد ان شاء الله

شكرآ لج

[بدوي]

تحية كبييييييييييييرة اقدمها لكم

وابشركم لما رحت فندق القصر أولد تاون

استقبلوني استقبال طيب وقالوا لي احنا نشكرك على اختيارك فندقنا

وعملنا لك ubgrade :eek5:

:dance

قلت : حلو ، انا في الأصل حاجز سويت

قال : احنا بنعطيك سويت اكبر منه :nice:

قلت : يابختك يابدوي راضييييييين عليك اليوم :victory:

فعلآ كان سويت حلو ويتكون من صالة بتلفزيونها وطاولة طعام وغرفة مستقلة بتلفزيونها وحمامين عزكم الله واحد للغرفة وواحد للصالة ويطل على بحيرة برج دبي

صورت لكم لسويت لكن الشهادة لله ان فندق (رافلز) افخم من فندق (القصر) اولد تاون

وكلن له ميزة (رافلز) لوبي شرح ومشبوك مع مجمع وافي

(القصر) ايضآ لوبي شرح وتدخل على سوق البحار وخطوتين الا انت عند مدخل دبي مول

سوق البحار ياجماعة ملموم وفيه قهاوي (ستاربكس + شوكليت بار ... ) ومطاعم مطلة على بحيرة برج دبي وكذلك محلات وجمعية صغيرة وصيدلية ... )

نصيحة خاصة هالوقت او لأسبوعين قدام هالمنطقة تكون حلوة ووقتها وميزتها ايام الشتاء يعني اذا برد الجو منطقة (الأولد تاون + مرسى دبي) تنتعش :victory:

شكلي طولت عليكم تحياتي لكم جميعآ

وان شاء الله بحااااااااااول انزل لكم الصور :omen2:

لا اقول وداعآ ، بل الى لقاء قريب

بأذن الله

:nice:

[علموني]

اخوي اذا بغيت جو رومانسي وحلو لمدة يومين مع الاهل
تنصحني برافلز او بالس اولد تاون ؟

[كازانوفا]

والله ما رحت دبي من سنيين ممكن تنتظرني اروح واقولك ردي اذا عندك صبر هههههه
تقبل مروري

[Emarati]

ماشاءالله شكلك استانست فالرحلة :) .. ان شاءالله دوم

وبخصوص الرافلز .. اختيار موفق ويمكن أكثر فندق أسمع ان هل قطر يختارونه ..

تحياتي لك

[export]

اذا انت بتروح شباب عندك رويال ميراج بالجميره شي روعه للغايه