شكوى من فزااع الى توااق

[الامارات]

تواق

توّاق لـك أشكـي ولا زلـت فـزّاع
لكـن تبـدلْ حـال وابغيـك تـفْـزَعْ

انت الذي لك رمز فـي كـل مطـلاع
يوم الرجـال تْحيـن (تـوّاق) يطلـع

المجد لك يا فخـر الامجـاد ينصـاع
غصبٍ عليه وتحت رجليـك يِخْضَـعْ

والعز بامرك يا سنـا العـز مطـواع
ومن كان مثلك.. كـان للعـز مربـع

غصت فْـبحور الشِّعر لين اغزر أقواع
ومنزلك عالي.. يا نجـم فـوق تلمـع

الحر في المقنـاص معـروف طَـلاعْ
وانت الفريد.. النادر.. الحـر اْلاروع

كلٍ لـه اعجـازٍ.. وكـلٍ لـه ابـداع
لكنّك انتـه بالفعـل صـرت الابْـدَعْ

لو باكْتِبْ مْـن اليـوم ويجـف لِيْـراع
ما اظنّي أحصي كل ما فيـك واجْمَـعْ

ظبيٍ سَرَقْني.. ماخِـذْ القلـب بِخْـداع
حلـوٍ وداده.. لكـن القـول يِـخْـدَعْ

كـمٍ تحمّلتـه وكـم جتنـي أوجــاع
وانا ابتسِمْ له.. كيف والجـرح يوجـع

أبغي دخيلـك آخِـذْ الصـاع بالصـاع
آخِـذْ قضايـه ليـن لِعْيـون تِـدْمَـعْ

فزّاع يشكي لـك.. ولا زلـت فـزّاع
لكـن تغيّـر حـال وابغيـك تـفْـزَعْ

[الامارات]

من "توّاق" إلى "فزّاع" مع التحية



يا مشتكي الاوجاعْ بك مرحبا السَّاعْ
نِفْزَعْ متى تْنَادي وْنِنْفَعْ ونِدْفَعْ

إمّا بْسياسه أوْ بقوّهْ وبِذْراع
في شَفْ خلاّنِكْ بنسعَى وْنِشْفَعْ

لبّيتْ صوتِكْ مِ الحنايا والاضلاعْ
صوتٍ له أصوات القصيد إتّجَمّعْ

وانتهْ سليل إسباع ما تْرومكْ إضباعْ
إلا الغزالْ اللّي له إيسيل مدمَعْ

تدري بأنّهْ صاحبْ الشّوقْ سَمّاعْ
من خوفَهْ الواشينْ آذانِهْ أرْبَعْ

وتدري بأنهْ صاحب الشوق طَمّاعْ
من شوفْ خلاّنهْ عيونه ما تشْبَعْ

وتدري بأنهْ صاحب الشوق مرتاعْ
من خوف فرقاهم فوادِهْ مروّعْ

وتدري بأنهْ صاحب الشوق جَزّاعْ
يجزَعْ إذا ودّعْ واذا زارْ يجزَعْ

وتدري بأنْ الصبر له سِتةْ أنواعْ
وآحيدْ فيكْ العِلمْ يثمِرْ وينفَعْ

صَبْرك لها وصبركْ عليها بالإقناعْ
والزينْ إنْ حَسّكْ تودّهْ تمَنعْ

وصَبْرك على الموشي يلاقيكْ خَداعْ
وْصَبْرك على الحاسد وله فيك مطمعْ

وصبرك على كيد الليالي والاوجاعْ
وصبركْ على مِرْ الصبر له تجَرعْ

ولا تنطِقْ الكلمه ترَى القول يِنْذاعْ
من قبلْ أنْ تضْرِبْ وْتِطْرَحْ وْتِجْمَعْ

واذا جفاكْ الزينْ له كون مِطْواعْ
لانّه إذا قلبهْ يودّكْ بَيِرْجَعْ

واذا جفاكْ الرايْ عَيا وما طاعْ
تاريخْ أجدادكْ يِجَديْك واتْبَعْ

وانتهْ شجاعْ وْبِنْ شجاعْ وبِنْ شْجَاع
ما حَدْ مثلْ جَدّكْ بها العَالَمْ أشْجَعْ

والشعِرْ عندك ماخذنّه بالاطباع
في صنْعته موهوبْ ما إنتهْ إتّصَنعْ

وانتهْ فزعتْ وتبغي الفزعْ فَزاعْ
ومنصورْ بالمجد الذي لك مْجَمعْ

كلْ العرَبْ فَ .. امركْ يلبّون بإسراعْ
آمر ولى تبغيه لك غصب يِخْضَعْ

لكن خِذْ الدنيا سياسه وما ضاعْ
من كان للرايْ السّديدْ إيْتِسَمع

على فكرة (( تواق هو الشيخ محمد بن راشد ال مكتوم))

[مابنكسر صابر]

يعطيك العافيه