الاستفسار عن المبالغ التي تؤخذ من الطلبة

[tawareq]

بنتي في مدرسة مستقلة وجاتني وطلبت مبلغ من المال بناء على طلب ادارة المدرسة وذلك مقابل المواد المستخدمة في التعقيم في المدرسة

بس حبيت اعرف هذا الطلب مطبق في كل المدارس وبعلم من الجهات العليا في التعليم العالي ام هذا قرار فردي من المدرسة

نرجو التوضيح

علما بأن بنتي لديها جميع انواع المعقمات في شنطتها للاستعمال اليومي

شكرا

[همي علي قدي]

على الاقل انتي طالبين من بنتج معقمات مب مشكله سهله
انا بناتي في مدرسه مستقله طالبين من كل وحده فيهم
1-عدد 6 كراتين فاين.
2-عدد 4 ملفات.
3-عدد 1 حقيبة ملفات.
4- عدد 1 كلونيا.
5- عدد 1 علبة قلامة رصاص.
6-عدد 1 لوحه سبوره البيضه.
7-عدد 1 مساحة سبوره.
8-عدد 1 الوان السبوره(اربع الوان مختلفه).
9-عدد 2 محايه.
10-عدد 1 برايه.
11-عدد1 ربطه اوراق ملونه a4
12-عدد1 ربطه اوراق بيضه a4
13-عدد 2 صمغ سائل.
14-عدد 4 صمغ اوهو.
15-عدد 2 الوان خشبيه.
16-عدد 1 الوان مائيه.
17-عدد 2 الوان شمعيه.
18-عدد 2 معجون(من النوع الجيد).

شرايج ؟ وسألت مدرسات في مدارس مختلفه من اهلي قالوا لي ان المدرسه ممنوع تطلب هالاشياء من الطالبات.
وان لكل طالب فالمدرسه مبلغ 20 الف مخصص من المجلس الاعلى عشان الاشياء اللي يحتاجونها .
وبعد سألت امهات طالبات في مدارس مختلفه قالو لي ان المدرسه اتوفر لبناتهم كل شي مجرد يودون فطورهم معاهم انا اقصد الروضه والتمهيدي...

[مرتبش]

الكتب عليها تأمين!
وممنوع الكتابة فيها ويجب ارجاعها ولا ما في شهادة

يعني عمليا .. الكتب بفلوس

[همي علي قدي]

مب مشكله ياخوي الكتب بنرجعها سليمه لكن كوارتين الفاين والطلبات الثاني كل يوم طلب شنو هالمهزله هاي مدرسه حكوميه ومن فتره قريت فالمنتدى ان مدرسه مستقله تاخذ رسوم 500 ريال للباص بأي حق يتصرفون هالتصرف انا عمري ماسمعت بهذا الشي التعليم ولله الحمد ابلاش عندنا
ان شاء الله احنا مقتدرين ونقدر ندفع لهم لكن اللي عنده 3 او 4 بنات فالمدرسه وراتبه على قده يصرف على بيته ولا على المدرسه مالهم اي حق يطلبون والله اول حتى الدفاتر يوزعونها علينا وكل شي واللي غير مقتدرين يعطون عيالهم شنط مدرسيه وزي مدري كل شي ابلاش الحين الزي بفلوس الطلبات اللي يطلبونها الباص بفلوس شنو هالمسخره

[حليتان*]

ما عليكم من هم وصحيح قبل كان مخصص لكل طالب وطالبة سواء قطري او مقيم 16000ريال من ميزانية الدولة والحين يمكن زادوهم الى 20000ريال (حسب كلام الاخت همي على قدي)

لكن رسوم الباصات والكتب على المقيمين فقط وهي 150ريال رسوم كتب و 350 رسوم باص

اما عن الكلونيا والمعقمات...الخ، مالهم حق يجبرون الطلاب انهم جيبونها

والمعقمات والفاين المدرسة ملزومة انه توفر هالاشياء

الله يعز الدولة ما مقصره لا على المواطن والمقيم بشي

انصحج كلمي المدرسة وشوفي هذا قرار من وشتكي عليهم

[همي علي قدي]

ما عليكم من هم وصحيح قبل كان مخصص لكل طالب وطالبة سواء قطري او مقيم 16000ريال من ميزانية الدولة والحين يمكن زادوهم الى 20000ريال (حسب كلام الاخت همي على قدي)

لكن رسوم الباصات والكتب على المقيمين فقط وهي 150ريال رسوم كتب و 350 رسوم باص

اما عن الكلونيا والمعقمات...الخ، مالهم حق يجبرون الطلاب انهم جيبونها

والمعقمات والفاين المدرسة ملزومة انه توفر هالاشياء

الله يعز الدولة ما مقصره لا على المواطن والمقيم بشي

انصحج كلمي المدرسة وشوفي هذا قرار من وشتكي عليهم
والله وايد قالو لي اشتكي عليهم
لكن هلي قالو بيحطون دوبهم ودوب بناتج وبيسون لهم حركات وتعرفين عاد ان المدرسه يالله يالله تقبل الطالب المواطن القطري المسكين وهاي مدارس حكوميه

[الجوكر90]

السلام عليكم
لا الشيخه تقدرين تشتكين فوطني الحبيب صباح الخير بدون ماتذكرين اسمج او اسم البنت وماراح يعرفون هالشي

[umabdulla77]

انا بنتي في خاصة واثنين من عيالي في مدرسة اعدادية مستقلة
والحمدلله كلهم بالنسبة لي من افضل المدارس من ناحية التعليم والاهتمام غير هذاعمرهم ماطلبوا منا شي

ماعدا ملتزمين برسوم المدرسة الخاصة

[tawareq]

مشكورين وماقصرتوا على الردود واتمنى الرد من الجهات المختصة في التعليم العالي بخصوص هذه التصرفات

والله المستعان

[براتزية برازيلية]

و الله ما ادفع و خنشوف بيسوون
بيطردون عيالي??
هه