طلبات المدارس لازم تكون خاصة

[قطر دزاين]

السلام عليكم

انا لدي ابنتان في الابتدائي والاعدادي وهات طلبات والطلبات ما نحصلها الى بمكان تحدده المدرسه جبنا اله حاسبة قالوا لا روح المكان الفلاني لتحصل الاله الحاسبة اللي تبيها ويوم رحت حصلت الاله الحاسبة اللي جبتها اول مره امكانيتها افضل من اللي وصونى عليها

السؤال؟
هل لهم مصلحة في ذلك ولماذا تحدد الاماكن هذى من غير لبس للرياضه وغيره

هذي كل سنه على ها الموال

[ام حسوني]

هلا اخوي زد صدووودك مممممم معاك حق ياخووك المدارس الخاصه لوعو جبدنا انا ولدي في الحضانه قالولي نبي افلوس حق الكتب اي كتب وهو توه لا وفي نهايه الدوام اروح اخذه يعطوني حصيله اليوم دفتر تلوين شاقه ولدي من النص لا والرسمه فصوب والتلوين فصوب الي يقهرني يقولون منهج واساله شنو عطوك في الحضانه يقولي الابله عندها علوج وانا لا تحرق قلب ولدي ومانعين الحلويات عنهم ابله واتعلج تعال فجج... جني قمت اعفس البطح المهم موضوعك حلووو والله يعينك ويعينا ..

[الجزوع]

هلا اخوي زد صدووودك مممممم معاك حق ياخووك المدارس الخاصه لوعو جبدنا انا ولدي في الحضانه قالولي نبي افلوس حق الكتب اي كتب وهو توه لا وفي نهايه الدوام اروح اخذه يعطوني حصيله اليوم دفتر تلوين شاقه ولدي من النص لا والرسمه فصوب والتلوين فصوب الي يقهرني يقولون منهج واساله شنو عطوك في الحضانه يقولي الابله عندها علوج وانا لا تحرق قلب ولدي ومانعين الحلويات عنهم ابله واتعلج تعال فجج... جني قمت اعفس البطح المهم موضوعك حلووو والله يعينك ويعينا ..

ياريتها جات ع المدارس الخاصه بروحها

حتى المدارس المستقله ذبحونا بطلباتهم الله يهداهم

[أم البنات]

الصراحة كنت أبغي أتكلم عن هالموضوع توني راده من المدرسة

طالبين 70 ريال ثمن 7 دفاتر كل دفتر ب 10 ريال

طالبين 120 ريال مصروفات لمدة سنة لمادة الرسم

ما يصير الصراحة تعبنا والله

ومانقدر نشتكي لأن ما في فايده ...

ومابي يقولون عني بخيلة وراعية مشاكل ...

شنسوي بندفع وبندخل المنتدى نفضفض :secret:

[قطريه ماركه]

^
^

خخخخخخخخخ الله يعين ..

ما اقول غير ااااااه ع الحكومة وعلى أياااامها :(

[::.Silent.::]

اي والله حتى المستقله

طالبين علينها آله حاسبة قديييييمه

دورتها في كل مكان ما حصلتها

اليوم الثاني والا المدرسة تقول .. في مكتبة صوب المنتزة ,, بتحصلونها هناك ..

انزين روحي اخذيهم .. و احنا بنعطيج ..

اما تخليييين اهالين الطلاب يروحون حق المكتبه

والله شي غريب

[المقهوره]

وكل مدرسه تبي لون ملف خاص

كل يييييييييييييييييييوم اسمع عيالنا الي يدرسون بالمستقله يمه يبه المدرسه طالبه هالشي
يمه يبه المدرسه طالبه هالشي


حشى مب صاحيين بصراحه وكل طلب في مكان

الملابس عند خياط معين في المطار

ولبس الرياضه اللون الفلاني من المكان الفلاني

طيب فيه اهالي صعب عليهم كل يوم يجيبون هالاشياء

هالطلاب رايحيين يستعرضون ولا رايحين يدرسون ليش كل هالطلبات الي مالها داعي.


واذا جاب الطفل الي بالابتدائي ملف لونه احمر قالت رجعه مابيه ابي ملف ازرق يا اختي يامدرسه اخذيه وفكينا كلها الا ملفات نفس الاستخدام والمهام ليش هالتعسير.

[الخير كله]

كل اللي قلتوه ولا شي

اشرايكم بطلبات المدينه التعليميه.....لازم نعيد تطعيماتنا اللي خذناها واحنا صغار ولا ما في تسجيل للكورس الجاي؟؟؟؟؟؟؟؟؟؟؟؟؟؟؟؟؟؟

[almaha19999]

انا بناتي في مدرسه البيان

اول ماتفتح المدرسه يعطونى لسته

فيها المطلوب وتكون للفصلين الاول والثاني
وبنهايه السنه يرجعون للكل بنات ادواتها الباقيه
من علب الوان
واوراق التصوير وغيره
حتى الدفتر يستخدمونه للفصل الاول والثاني
يعني طلباتهم عاديه ونشتريها مره وحده

[مشتاقة لقطر]

لا الاعدادية طالبين خياط معين واللبسة ب200 ريال والخامة نايلون يفشل ما ينلبس ,,؟؟ على ايش ال200 ريال ؟؟

ويااويلها اللي تخيط عن خياط ثاني والاموديل غير الكسرات اللي مصممتهم الاخت المديرة

طيب بناتنا ما يلبسون هالخامة الجيييييييب بناخذ خامة ثانية وبناخذ الموديل وبنفصله عن خياط ثاني

لا ممنوع ما يصير لازم تستفيد المديرة ..

ولا الجديد بعد لبس الرياضة من عند الخياط هذي عجزت اركبها لبس الرياضة من يومنا اناخذه جاهز بالالوان المطلوبه

اهم لا فصلو عند نفس الخياط لبس رياضة

هالكلام الللي قلته كله بقطر ..

اما بلامارات كل مادة تبي 7 ملفات ؟؟ حق ابتدائي وصبيان بعد ؟؟ ولا يوم شفتهم داعسين الاوراق بالشنط مب مستخدمين الملفات

وبعد مطلوب اقلام رصاص فايبر كاسل ؟؟ ياخي كلها اقلام رصاص لا لازم ماركة فايبر كاسل من الروضة طالبين ومن المدرسة بعد نفس الطلب .. كانها موضة لسنة فايبر كاسل ..

يالله ربك كريم .. شنسوي كل واحد يترزق على الثاني

والاحلى انه كل سنة يغيرون الموديل واللون عشان البنت ما تلبسه السنة الياية