8 علاوات للمعلمين والإداريين القطريين بالمستقلة

[moonبنتnight]

8 علاوات للمعلمين والإداريين القطريين بالمستقلة

الراية - 20/10/2009م

أكد مصدر مطلع ل الراية الانتهاء من إعداد لائحة شؤون الموظفين بالمدارس المستقلة لإصدارها بمجرد الانتهاء من الإجراءات التشريعية لإقرارها وكشف المصدر عن أن اللائحة تتضمن للمرة الأولى اقتراح 8 علاوات للقطريين بالمدارس المستقلة بينها ثلاث علاوات مرتبطة بالرخص المهنية التي سوف يحصل عليها المعلمون من هيئة التقييم بالمجلس الأعلى للتعليم وعلاوات مهنية خاصة بالتطوير الوظيفي.
وقال إن معلمي التخصصات النادرة مثل الرياضيات والعلوم واللغة الانجليزية سيكون لهم نصيب وافر من العلاوات في اللائحة الجديدة ضمن إطار حرص المجلس الاعلى للتعليم على تقطير وظائف التعليم وجذب المواطنين والمواطنات لدراسة هذه التخصصات.
وأشار إلى أن المعلمين سوف يحصلون في اللائحة على علاوتي بدل تكنولوجيا وبدل تدريس وتطوير مهارات مشيرا إلى تخصيص علاوتين للاداريين بالمدارس المستقلة.
وقال إن جدول الرواتب المقترح يتضمن 13 درجة وظيفية لتعيين القطريين عليها أغلبها مماثل لجدول الرواتب بقانون إدارة الموارد البشرية مشيرا إلى أن التغيير سيكون طفيفا وفي بعض الدرجات الأخيرة من الجدول.
وكانت مصادر قد أكدت لالراية أن لجنة خاصة من عدد من مسؤولي المجلس الأعلى للتعليم وهيئة التعليم وجهات حكومية قد استأنفت اجتماعاتها لإجراء تعديلات جوهرية على اللائحة الحالية والتي تنظم صرف رواتب الموظفين والمدرسين القطريين بالمدارس المستقلة وأكدت هيئة التعليم أن أكثر من 7000 معلم وإداري يعملون حاليا بالمدارس المستقلة.


مبروك ويساهلون 00 بصراحة غطو على دوائر الحكومية لي شملها قانون الموارد الجديد 00
وعقبال ما نشوف المدارس المستقلة قطرية 100%

[قناص الخليج]

يستاهلون كل خير

اهم شيء هل الفئة من المجتمع

[مسلمة]

الله يبارك للجميع في أرزاقهم ومبروكين

[بوفهد 5555]

يستاهلون المدرسين والمدرسات القطريين

[الجزوع]

الفال لجميع الموظفين بشتى المجالات

[قطريه ماركه]

اكبر علاوة نطمح لها انه ينقلوننا من هالمستعلات الى اي مكان اخر :)

[بوعلى 1]

علاوات --- غير واضحة وغامظة وصار لها 3 سنوات يعلنون عنها --- انزين كم قيمة العلاوة مح يدري كلها كلام فاضي

[kitmat]

شبعنا جذب من المجلس الاعلى الي لين الحين ماعطوهم زيادة العام فقاره ولو في شي واضح بيبين وصدقوني علاوات كلها تافهه اصلا يستخسرون يزيدون المواطن شي عدل وباذكركم بس خل يحطون علاواتهم وانطر يا ................................................. لين يجيك الفرج ياماكثر ما اعلنو وما شفنا شي ولا في شي على الاساسي

[المرحب]

الفال للجميع باللي فيه خير وصالح








تحيــــــــــــــاتي ...

[السد]

هههههههههههه

[ودي أكون]

يستاهلون ..

وعقبالنا .. << حشى مايشبعون كلش :shy:

[ريماس الغلا]

يبون يجذبون اكبر عدد معين من الاداريين والاداريات

ويقولون وصل عددهم الحين الى 7000 موظف وموظفه


الله المستعــــــــان

[غناتي1]

ان الله يرزق من يشااااااء بغير حساب

يستاهلوووووون كل خير

[اسعاف]

كذابون

زوجتيوعدوها من زمان بالزيادة ولم يزيدوها

[ابن مانع]

الفال لجميع الموظفين بشتى المجالات

[صاحب حق]

من هو المصدر المطلع ؟ <<<< لا أحد ،،، فقط لامتصاص غضب المعلمين و المعلمات
متى الزيادة ؟ <<<< إذا حجت البقر

كــــــلام جرايـــــــــــــــــــــــــد

ملّ المعلمون و المعلمات من الوعود الكاذبة ،،، ما يستحون كل يوم طالعين بكذبة ،، لو أنا منهم من الفشيلة
أقعد في البيت أحسن ،، لأنه من المفروض الذي يوعد ينفذ وعده و لا يخونه كي لا يتشبه بالمنافقين .

[ANONYMOUS]

الله يزيدكم ويبارك لكم


بس نبي تعليم محترم مقابل هالزياده رجاءا يامدرسينا ومدراساتنا الافاضل


رقاب عيالنا في ذمتكم يوم القيامه ولا تقولون ماعلمتكم

اللي مب قد التدريس يرتاح بلبيت

مانبي اطفال تنابل

[طلعة الروح]

مع انه الموضوع مايخصني بس فعلا بط جبدي،الموضوع مايبيله كل هالتفشخر والتفلسف لو يبون من زمان حطوا الميزانيه وزدوهم مب كل يومين طالعين للعالم تصريحات واعلانات صج انه اللي اختشوا ماتوا
وبعدين شنو علاوات خاصه حق تخصصات العلوم والرياضيات والانجليزي ومن قال انها تخصصات نادره يعني بالعربي بدوا بالتفريق بين المدرسين ولا مب عارفين شلون يجذبون العالم غصب قاموا يخربطون بالقرارات

[إنسان عادي]

بروك ، والفال لباقي الموظفين

[السهم الملتهب]

الفال لجميع الموظفين القطريين دوووووووووووووون اسنثناء

[meme~qatar]

الله يبشرك بالخير
لكن السؤال
متــــــــــــــــــــــــــــــــــــــــــــــــ ـــــــــــى؟؟؟؟؟؟؟

[رنج سبورت]

يستاهلون كل خير العاملين في قطاع التعليم

[قطريه ماركه]

الله يزيدكم ويبارك لكم


بس نبي تعليم محترم مقابل هالزياده رجاءا يامدرسينا ومدراساتنا الافاضل


رقاب عيالنا في ذمتكم يوم القيامه ولا تقولون ماعلمتكم

اللي مب قد التدريس يرتاح بلبيت

مانبي اطفال تنابل

المجلس الأعلى يبي اطفال تنابل .. الدليل انه لازم الطالب ينجح آخر العام حتى لو
رسب في كل المواد :rolleyes2:

احنا نبي الحكومه الوزارة .. يوم تغيرت خلاص ما نبيها بس هم مايفهمون !!

خل ينقلوننا مكان ثاني .. :victory:

و بنشوف تدريس الاجانب أحسن والا تدريس القطريات :)

[sh.a]

ان شاء الله الصراحة يستاهلون العلاوات محد كثرهم تعب ويستاهلون بنات قطر وعيال قطر والصراحه انا ما شفت حنان وحب للطلبة كثر معلماتنا القطريات

[kitmat]

اي زياده ياحسره والي يقول نبي تدريس عدل احنا نراعي ربنا قبل كل شي وبعدين تباركون على وشو تعرفون الزياده كم ومن اولها مماطله واقول نبي البند المركزي خلاص خل يعلنون فتح الباب مثلنا مثل غيرنا ليش التفرقه ليش كل يوم عندنا القانون يتغير مانبي مستقله ومالكة المدرسه تتحكم فينا كككككككككككككأن المدرسه ملك لها

[pinky1]

والله ماشفنا من ورا المجلس الأعلى غير الوعود الكاذبة .. والأشغال المؤبدة الشاقة..أدارة المجلس الأعلى جالسين في برجهم العاجي وكل يوم يصدرون قرارتهم وخططهم المتخبطة واللي فالحين فيه يرسلون للمدارس عاجل وهام جدا ومطلوب خلال يومين أعمال وخطط وبعدها يغيبرون رأيهم وبطلبون خطط وأعمال ولغاية مادخلونا في دوامة مش عارفيين نطلع منها. وفيه أستياء جدا كبير من مديرات المدارس المستقلة وجميع العاملين فيها وأي رواتب وعروض مغرية ماراح تقنع العاملين في المدارس المستقلة لأن شي غير مشرف عملنا في مجلس عشوائي متخبط وعديم المصداقية.

[مستثمره جديده]

8

أكد مصدر مطلع ل الراية الانتهاء من إعداد لائحة شؤون الموظفين بالمدارس المستقلة

زين منهو المصدر المطلع خل يفصح عن نفسه ولا عارف ان السالفه كلها كذب في كذب علشان جذيه خش اسمه :omen2:


8
لإصدارها بمجرد الانتهاء من الإجراءات التشريعية لإقرارها

هذا ويهي اذ أصدروها.. ولا بينتهون منها حتى بعد قرن .. ربعنا ونعرفهم كلها وعود

كاذبه لجذب القطريين والقطريات لتوريطهم بالالتحاق بالمدارس المستقله .. لايتعبون نفسهم

ويقعدون يعدون لوائح وخرابيط ويضيعون وقتهم على الفاضي لان ما وراهم الا الضعوي ..

خل يستريحون بس مانبي نشتغل في المدارس المستغله نبي ننقل لوزارات ثانيه

..

[احمد زين الشباب]

والله ماشفنا من ورا المجلس الأعلى غير الوعود الكاذبة .. والأشغال المؤبدة الشاقة..أدارة المجلس الأعلى جالسين في برجهم العاجي وكل يوم يصدرون قرارتهم وخططهم المتخبطة واللي فالحين فيه يرسلون للمدارس عاجل وهام جدا ومطلوب خلال يومين أعمال وخطط وبعدها يغيبرون رأيهم وبطلبون خطط وأعمال ولغاية مادخلونا في دوامة مش عارفيين نطلع منها. وفيه أستياء جدا كبير من مديرات المدارس المستقلة وجميع العاملين فيها وأي رواتب وعروض مغرية ماراح تقنع العاملين في المدارس المستقلة لأن شي غير مشرف عملنا في مجلس عشوائي متخبط وعديم المصداقية.


هذا بالضبط مايستحق تسميته* المجلس الاعلى للتخبط والعشوائيه وعدم المصداقيه..*:victory::victory:
عوضا عن مسماه الحالي..

[تربوي]

علاوات --- غير واضحة وغامظة وصار لها 3 سنوات يعلنون عنها --- انزين كم قيمة العلاوة مح يدري كلها كلام فاضي

لنتفائل

وان شاء الله القانون بوضحها

[تربوي]

شبعنا جذب من المجلس الاعلى الي لين الحين ماعطوهم زيادة العام فقاره ولو في شي واضح بيبين وصدقوني علاوات كلها تافهه اصلا يستخسرون يزيدون المواطن شي عدل وباذكركم بس خل يحطون علاواتهم وانطر يا ................................................. لين يجيك الفرج ياماكثر ما اعلنو وما شفنا شي ولا في شي على الاساسي

تفائل بالخير

هانت وان شاء الله بكون الخير لأهل الخير