نصيحتي قبل بيع (بروة)

[خبير أسهم]

أحبابي هي نصيحه اخويه بالحيل اخويه

الفرصه كبيره والعائد اكبر والي يسمع الكلام اكيد بكون شاطر

ويا حليله الي يسمع الكلام لان بروة بتكون فال السعد عليه

بروة عطاء الخير عطاء السعد عطاء لنهاية الديون
كل قطري يقول يارب ان بروة ما تطب وتنزل

كل قطري يقول يا رب بروة اسلامية بارك فيها يارب وعطها القوه

كل قطري يثبت ويثبت سعره فوق فوق ويرفع راسه ولا يوطي ويضعف للي حاط درج يبي يقطف الوردة (بروة)

احبابي كل شي غالي سعره فيه

وبروة سعرها في العلالي وساعتها لا تقول يالضعيف راح حلالي

انتهز الفرصه وعلي فوق من يشيل بروة يالحيايب كنز ثقيل

:app: :app: صفق لبروة لانها بتكون السبب في ارتفاع السوق مستقبلا

[rt2225]

صح الله لساتك
والله هذي نصحيتي .... ياعالم لاتفرطون فيها

[المراقب]

ما شاء الله. كلام جميل جدا، ولكن للأسف حال السوق غير ذلك تماما.

[المخلب]

شف اخي العزيز

نصيحتك على العين والراس !!

ولكن مثل ماانقول الناس الي في بورصتنا اول يوم يتبعون نظام

الرجل رجلي وخلي الناس تلحقني :(
بتقولي شمعنا هذا المثل ؟

اقولك يعني معروف طبعهم يبيعون كلهم اول يوم !!

ويبون بنفس الوقت يشترون بنفس اليوم !!

وكله بحجه يااخوي اول يوم بيرتفع السهم بعدين بينزل وبشتريه وهو نازل !!

لكن ماافكر ان كل ماانزل سعر السهم حتى لو شراه بنازل بيطيح زياده !

فلازم ترفعونه من اول يوم حتى مع البيع الكبير له !

تحياتي لك :D

[جوكر البورصة]

ما كل ما يتمناه المرء يدركه تجري الرياح بما لا تشتهي السفن :deal:

[بنت قطر]

بيصير تخبط نفس دلاله وبترتفع

نفس الشي اللي صار حق دلاله بيصير حق بروه

[عاشقة المضاربة]

بيصير تخبط نفس دلاله وبترتفع

نفس الشي اللي صار حق دلاله بيصير حق بروه



اكيد دلالة والشركات الي نزلت نفس السناريوا طبعا ارتفاع اول يوم ومن ثم لاتشوفون سعر السهم

[qatary1]

والله الظاهر بتصير نفس دلاله

يااااااليت

[صناعات قطر]

بروة من أقوى الشركات على حسب دراسة الجدوى ...والغالبية عارفة هذا الشي ... بس انه بعض الاخوان يقولون بيسير مثل دلاله ولا بيسير مثل ناقلات كل فترة وكل سهم وله ظروفه ... دلاله غير وكان في عوامل كثيرة انه ينزل بهذا السعر وهو انه الشركة تعتبر محتكره في مجالها وعدد أسهمها قليل جدا والبنوك كانت تسعى انه يكون لها فيها نصيب عشان تعوض اللي بتفقده من سوق شركات الوساطه بالاضافه الا سعي الهوامير لدخول مجلس الادارة مستقبلا ..... بروة تعتبر لها نفس المميزات بس تختلف في عدد الاسهم المتداولة بتكون تقريبا 18 مرة ضعف أسهم دلالة على ما أظن .. بروة سهم قوي اذا نزل بسعر فوق ال 90 حلو انه لواحد يبيع ويقنع واذا نزل اقل انا انصح بالاحتفاظ فيه كأدخار للزمن ...ليش دايما مستعجلين يعني الحمدالله هي فرص تجينا من غير تعب او تكلفه أهم شي الواحد فينا يتخذ قراره عن قناعه ومايندم على شي مادي وبيكون مرتاح ..

[سلطان زماني]

ما كل ما يتمناه المرء يدركه تجري الرياح بما لا تشتهي السفن
__________________

[talal23]

انتوا الظاهر وايد متفائلين بالسوق وحاطين سعر بروه في العالي بس بتشوفون يوم الخميس الاسود لانه الهوامير عارفين ايش الشركات الجديدة اللي رح تنزل ومب فاضين لبروه وغير بروه ودلالة أكبر مثل شوفوا سعرها اليوم والشركات والبنوك الجاية معروفة للهوامير وسحبت السيولة الكبيرة من السوق

[بـوصـالـح]

الشركه حلوه وشغلها عدل وكل شي حلو

ولكن ببيع من اول ايوم (( بعد نص الى ساعه من التداول ))

ويمكن اشتري اول السوق (( ولكن ما يجي نهاية السوق الا وانا بايعهم كلهم ))

(( هذا من باب الشفافيه الي عندي )) :funny:

[شمعة الحب]

100 تنفع ولا نزيد :app: :app: :app: :app:

[nor85]

والله الواحد احتار من كثر الكلام اللي يقول بابيع اعلى سعر واللي يقول بابيع 30 ريال واللي واللي الله يكون في العون بس

[الشقيان]

انزين بس بروه ماافيهااا تعويم لسهم هذا الي سمعته

وابي التاكيد منكم يعني حدهاا ترتفع خمس اريال

[qrlamcy]

بروة سعرها عائم مثل كل الشركات والدليل ان البائع والمشتري يحدد السعر اللي على باله.
وللاسف كلنا ننصح غيرنابعدم العرض باسعار متندية والتمسك بالسهم لرفع سعره.
ولكننا في الواقع نتهافت على البيع باقل سعر من اول يوم ونتسبب في انهيار سعره في الايام التالية، على عكس ماهو مفروض من استغلال اقبال كبار المستثمريرين لشراء كميات كبيرة تؤهلهم لدخول مجالس الادارة.
يعني ننصح غيرنا ولانطبق على انفسنا. وسلامتكم ، وتحياتي العطرة للجميع.

[عاشقة المضاربة]

انتوا الظاهر وايد متفائلين بالسوق وحاطين سعر بروه في العالي بس بتشوفون يوم الخميس الاسود لانه الهوامير عارفين ايش الشركات الجديدة اللي رح تنزل ومب فاضين لبروه وغير بروه ودلالة أكبر مثل شوفوا سعرها اليوم والشركات والبنوك الجاية معروفة للهوامير وسحبت السيولة الكبيرة من السوق




:eek3: :eek3: :eek3: :eek3: والله حاسه بالي اتقولة ودليل التداول والكل ايفكر ابيع ولا ايفكر يشتري أقولكم ترى في ناس تبيكم تعرضون بالعالي عشان اتضيع عليكم فرصة البيع باجر واذا ماعلقوكم فية باجر زين اهم شي الحذر الحذر وبتذكرون كلامي اسهم عملاقة في السوق الان هي في الحضيض تذكروا ادراج دلالة وناقلات لم يكون فيه سحب للسيولة نفس هالايام باجر الي بيبع بيكون محظوظ :eek3: :eek3: :eek3: :eek3: