القيادة في المناطق الرملية

[بوسعد82]

السلام عليكم و رحمة الله و بركاته ،،،
حبيت أطرح هذا الموضوع لما له من أهمية و خصوصا ً مع إقتراب موسم التخييّم ، حيث تعتبر القيادة في المناطق الرملية خطيرة إذا لم تُتبع القواعد الصحيحة ...
أبدء بما قرأته من كتيب الإرشادات في سيارتي :
1- عند التعشيق للدبل الخفيف h4 يجب ايقاف السيارة ووضع القير على n
2- عند الحاجة للتغيير من وضع h4 الى l4 الثقيل ينبغي ايقاف السيارة ووضع القير على n وتحريك الدبل
3- عند الانتهاء من ذلك والرجوع للوضع h4 لابد أن يكون ذلك في وضع الوقوف n

السيارات قد تختلف عن بعضها البعض في ذلك ولكن الطريقة الاكثر أمانا ً هي التي ذكرت أتمنى السلامة للجميع .

آملين من الجميع إثراء هذا الموضوع بخبراتهم ...
و السلام عليكم و رحمة الله و بركاته ،،،

[شبح الصمت]

جزاك الله الف خير ،،، والدور والباقي على الي يدرول فالرمله مب اي واحد يسوق فالشارع يحسب الرمله سواقتها نفس الشيء لا ياخوك على حسب الدريول الي وراء الساكن ياما ناس تمر على رمله بدون دبل وناس بدبل ( الدروله تلعب دور ) الله يستر على الشباب هالسنه وما يصير اي شيء ويحفظهم .. امين

[وطن]

جزاك الله الف خير ،،، والدور والباقي على الي يدرول فالرمله مب اي واحد يسوق فالشارع يحسب الرمله سواقتها نفس الشيء لا ياخوك على حسب الدريول الي وراء الساكن ياما ناس تمر على رمله بدون دبل وناس بدبل ( الدروله تلعب دور ) الله يستر على الشباب هالسنه وما يصير اي شيء ويحفظهم .. امين

:victory:

[بوسعد82]

أتمنى يكون في تفاعل من الشباب

[بويعقوب]

الصراحة , اهم شئ في السواقة في الرملة (( التنسيم على التواير ))
ومثل ماقال اخوي سلفاً (( السر في اللي ورى السكان))

[al-obaidly]

اهم شي الشريط الي في المسجل يكون فيصل علوي ولا دبل ولاتنسيم ولاخرابيط

[بن درويش]

الله يحفظ الجميع

[الدوحه قطر]

لاهنت اخوي عالموضوع المهم والله يستر على شبابنا هالسنه و اتمنى تكون سنة خاليه من الحوادث و الوفيات

اللهم آمين ..

[yousef545]

اذا الموتر فاضي نسم 13 التواير الي قدام

و 15 التواير الي ورى و الله يستر عليكم

ملاحظه = 13 قدام و 15 ورى حق البالون بـــــــس الميجر حسبته غير

( بس لحد ايطب في اصبخه يالربع و لتعم الفايده عندي لكم عنده ونج حق الحالات الخطره )

اكتبو في جواويلكم ( بو احمد راعي الونج بينفع يوم من الايام 5350424 و الله يجزاه خير

طلع موتر واحد من الربع كان طااااب في اصبخه خايسه و عطيناه المقسوم )

[hxamad]

تسلم على النصيحه

[Mody]

السلام عليكم و رحمة الله و بركاته ،،،
حبيت أطرح هذا الموضوع لما له من أهمية و خصوصا ً مع إقتراب موسم التخييّم ، حيث تعتبر القيادة في المناطق الرملية خطيرة إذا لم تُتبع القواعد الصحيحة ...
أبدء بما قرأته من كتيب الإرشادات في سيارتي :
1- عند التعشيق للدبل الخفيف h4 يجب ايقاف السيارة ووضع القير على n
2- عند الحاجة للتغيير من وضع h4 الى l4 الثقيل ينبغي ايقاف السيارة ووضع القير على n وتحريك الدبل
3- عند الانتهاء من ذلك والرجوع للوضع h4 لابد أن يكون ذلك في وضع الوقوف n

السيارات قد تختلف عن بعضها البعض في ذلك ولكن الطريقة الاكثر أمانا ً هي التي ذكرت أتمنى السلامة للجميع .

آملين من الجميع إثراء هذا الموضوع بخبراتهم ...
و السلام عليكم و رحمة الله و بركاته ،،،


مشكور على النصيحه اخوي بس اول شي ذكرته غير صحيح وهو التعشيق من
h2 ل h4 هذا يا عزيزي لا يتطلب ايقاف السياره نهائيا ومثل ماتشوف
بالكتالوج ولمعظم السيارات ان النقل من h2 ل h4 هو آمن على ان
تكون سرعة السياره اقل من 80 كم في الساعه واحنا كل اسبوع
في الرمله وفي سيلين الى آخره وهذا الكلام مذكور في الكتيب
والعكس صحيح لاهل الخبره أكيد

مثال: لو انك سايق على السنقل وفجأه دشيت رمله ولا رباضه
ولا حتى اصبخه !!!! هل بتوقف ؟؟؟؟ ان وقفت رحت فيها
ويمكن يروح موترك عليك واسأل مجرب ويعطيك العافيه

وانشد كل الشباب أما اللي يتطلب الوقوف الكامل فهو
النقل من h4 ل l4 والعكس صحيح وهذا تنويه
حبيت اذكركم فيه وارجعوا لكتيبات التشغيل

وجزاكم الله خير جميعا

أخوكم : بوسعود

[رنج سبورت]

:victory:
:eek5:
وانتي شدراج ان كلامه :victory:

شكلج تسوقين في الرمله :nice:

[ليث العرين]

يجزاك خير عالمعلومه الي يجهلها كثيرين من رواد الأماكن الرمليه

[Qa6ar]

ياجماعه بالنسبه للسيارات اللي دبلهم تماتيك يعني زرار غير لازم اتعشقه قبل اتدش الرمل يعني مثل السيارات

الجديده مثلا 2008 وطالع بالنسبه للجيات لان الفورويل فيها خفيف او لحمايه السياره ويكون الدفع الرباعي

على طول ولازم قبل الرمل اتعشقه لانه اذا ماعشقته تسمع صوت غريب بالشفت الامامي او بالضبط صوب

التواير اللي قدام مثل الصوت اللي تسمعه اذا ضربت رصيف ....عموما اما الدبل اليدوي فعادي عشقه

والسياره تمشي وافصله بنفس الحاله ماعندك اي مشكله

اما بالنسبه للدبل الكبير لازم اتكون السياره في وضع الوقوف لتعشيقه لانه مايقبل التعشيق الا بوضع

الوقوف

[الزيبق]

الله يحفظ الجميع

تعجبني يا بن درويش على روحك الدينيه وهذه من صفاتك

[خيال شمر]

الله يحفظ الجميع ,,,