المساعد الشخصي الرقمي

مشاهدة النسخة كاملة : مفاجئة العقود النهائية لاراضي مشروع لوسيل ..!!!!!!


bond007
20-10-2009, 02:10 PM
حبيت افتح موضوع يمكن يكون مكمل لمواضيع قديمة بخصوص الاستثمار في اراضي لوسيل .. طبعا الدعوة مفتوحة لكل الاعضاء سواء اللي اشتروا واللي ماشتروا في المشروع ..

اخيرا وبعد انتظار دام شهور .. بدات الشركة الوطنية للتطوير العقاري (مملوكة للاجارة) بالاتصال على المستثمرين عشان يوقعون على العقود النهائية للمبايعة .. والغريب في الامر انهم يجبرون الشخص على التوقيع وهو جالس عندهم ، ومايصير تاخذ العقد معاك البيت عشان تقراه براحتك !! (حصل لي ولصديقي)
هل هذا اجراء طبيعي ان لازم تقرا العقد وانت عندهم بس؟؟؟؟

المهم،، بعد صولات وجولات وافقوا انهم يعطوني نسخة اقراها فالبيت على راحتي .. وحبيت اخذ رايكم في بعض البنود :

1) لما دفعنا الدفعة الاولى عطونا ورقة مكتوب فيها ان مساحة الارض ممكن تزيد او تنقص بنسبة 20% بس في العقد الجديد ماحددوا النسبة .. يعني لو حبوا يزيدونها 80% لازم ادفع قيمة الزيادة وانا ساكت (بافتراض اني وقعت العقد الجديد الذي يلغي ما سبق)

من بيحميني سنة 2014 لما يطالبوني بالزيادة؟؟
شخصيا اتوقع بزيدون المساحات للكل لان في وايد اراضي ما انباعت

2) العقد الجديد لا يذكر وقت التسليم .. بس يقولون لما تجهز بنسلمك الارض .. ناقشتهم بموعد التسليم يقولون لاتخاف بتكون حسب موعدناكم سنة 2014 .. اقولهم طيب كلام جميل .. ممكن تكتبونه في العقد .. يقولون لا مايصير نلزم الشركة وبعدين تصير مشاكل لو تاخرنا ..

الحين احنا لو تاخرنا في السداد بيسحبون الارض مني .. وهم عادي يتاخرون؟؟؟


3) في بند يقول المشتري ماله حق يشتكي او يرفع قضية لو صار اي تاخير في التسليم !!!!
عيل شنو فايدة العقد ؟؟؟؟ وعجبي !!


4) بند اخر يقول: "يتحمل المشتري جميع مصاريف خدمات الاقامة في مدينة لوسيل"

حاولت استفسر عن خدمات الاقامة بس مالقيت الجواب الشافي .. انا بس اخاف بعد كم سنة يدفعوني رسرم الانتفاع للحدائق والملاعب والامور الاخرى المتوفرة للكل !!!



والحين متردد اوقع او لا .. الصراحة مافيني شدة لمصاريف زيادة ..

هل لي الحق اني ارفض التوقيع على هذا العقد؟؟

وياريت الاخوان اللي شروا في المشروع يشاركونا بحكم تجربتهم .. وكذلك اللي ماشتروا ولهم راي بخصوص الشروط اللي في العقد
الماليه
20-10-2009, 05:00 PM
اخوي على هاذا كله وبعد بتوقع 00000
La Bella
20-10-2009, 05:03 PM
الناس شردووو من زمان
اسيرالدوحه
21-10-2009, 06:59 AM
السلام عليكم ...

صراحة اخوي ... عجبتني ....

يقولك العقد ... شريعة المتعاقدين ....

والعقد يكون بالاتفاق بين الطرفين ....

يعني هم حطوا شروطهم ... وضمنوا حقهم ....

وانت من حقك .. تحط شروطك وتضمن حقك ....

انا اشوف اخوي ... انك تثبت على رأيك ... وتطالب بما يضمن حقك ...

وتزيل كل اللبس اللي فالعقد ...

ذولا الشركات ... ذبحونا ... وهم يسلخونا فالعقود ...

شوف هذا هو الوقت اللي تقدر تقول فيها كلمتك ...

لانك لو وقعت الحين ... وبدأوا ينفذون العقد ... وان كان جائر في حقك ...

واشتكيت ... تدري وشراح يقولون .... احنا بينا عقد ... وهو موقع عالعقد ...

عليك ان تثبت على رأيك ...


ولو تقدر ... انصحك تستشير محامي ... وشف وشيقولك ...


ولو اني اشوف سالفة المحامي مضيعة للوقت ... لانه المحامي ... راح يقولك اول شي ان الحق معاك ...

بس ادفع اول شي ... وعقب ماتدفع ... يبدأ ملاعيبه ... (( مايخافون الله )) ...

او اذا تعرف قاضي ... او حد يشتغل في سلك القضاء ... او من ريحتهم ...

خله يشوف العقد ... ويعرضه على ناس متخصصين ...

وخذ الرأي القانوني فالعقد ..

لان العقد قد يكون غلط ... لكن لو توقع من الطرفين ... راح يصير ملزم للطرفين ...

وذولا الشركات ... عندهم محامين ... وهو اللي حطوا بنود هالعقد ... (( تذكر كلمتي ... مايخافون الله )) ... يعني تذكروا مصلحة شركتهم ... ونسوا مصلحتك انت (( المواطن )) ....

اتمنى لك التوفيق ...

ويعطيك العافية يا رب ...
ANONYMOUS
21-10-2009, 09:03 AM
وانت من حقك .. تحط شروطك وتضمن حقك ....

...


كثر منها انت تحط شروطك

على بالك بتصبغ بيت.. ولا بتركب حجر للبيت

هذي عقود وراها محامين عباقره..

تبي توقع اهلا وسهلا.. ماتبي.. مادري وش بيقولون..
اسيرالدوحه
21-10-2009, 02:06 PM
كثر منها انت تحط شروطك

على بالك بتصبغ بيت.. ولا بتركب حجر للبيت

هذي عقود وراها محامين عباقره..

تبي توقع اهلا وسهلا.. ماتبي.. مادري وش بيقولون..

اييه اكثر منها وازيد ...

العقد شريعة المتعاقدين

ولما يصير خلااف بينهم ... راح يرجعون للعقد ... واللي بصيغته الحالية ...

في صف الشركة ....


وبعدين انت لك حق ... ولازم تتطالب به ...

اذا انت سكت عن حقك ... وانا سكت .... وهو سكت ... وهي سكتت ...

راح يجي وقت .... تصير المطالبة بهذا الحق ... شي مستهجن ومستغرب ....

وماضاع حق وراءه مطالب ....


وشي معروف ... انه هالعقود وراها محاميين ....

لذا ... احنا نوقف في وجههم .. ومانخضع لهم ...
bond007
21-10-2009, 04:15 PM
اشكركم على التفاعل ..

المشكلة اني لما اتناقش معاهم ، يقولون ان 95% من المشتريين راضيين وهم ماعندهم استعداد يغيرون العقد عشان خاطر 5% بس ..

بصراحة مادري اذا فعلا 95% راضيين ولا بس يسكتوني !!!

انا قلت ماراح اوقع لين ماهم يتصرفون ويسوون شي .

بس حسافة الدفعة الاولى اللي دفعتها (20%) من قيمة الارض..
MP3
21-10-2009, 04:35 PM
الصراحه عقدهم شي تعجيزي

مع هاي العقد يعتبر ولاشي بيدك؟؟ كل شي بيدهم

بيصغرون بيكبرون الا تدفع الا ماتدفع ولالك حق تشتكي اذا تأخروا

شفايدتك ك مستفيد؟؟
mubarak2000
22-10-2009, 03:37 AM
انت ان زقعت وحبيت اتبيع محد بشراي منك لانة عقدك كلة التزامات من دون حقوق
اسيرالدوحه
22-10-2009, 08:26 PM
اشكركم على التفاعل ..

المشكلة اني لما اتناقش معاهم ، يقولون ان 95% من المشتريين راضيين وهم ماعندهم استعداد يغيرون العقد عشان خاطر 5% بس ..

بصراحة مادري اذا فعلا 95% راضيين ولا بس يسكتوني !!!

انا قلت ماراح اوقع لين ماهم يتصرفون ويسوون شي .

بس حسافة الدفعة الاولى اللي دفعتها (20%) من قيمة الارض..

السلام عليكم ...

ليش احنا وين قاعدين ؟؟؟

شنو يعني 95% راضيين واحنا ما راح نغير عشان الباقي ...

انت من حقك توقع على عقد انت موافق عليه ....

والبلد فيها قانون ... مب فوضى ...

وليش حسافة على فلوووسك ...

فلوسك ... حقك ... ترجع لك اخوي ...

بس انت اثبت على موقفك .... وقولهم .... انا ماراح اوقع على عقدكم ...

عندك نقاط على بعض البنود ... ولازم يصير اتفاق عليها اولا ....

واعتقد ... المبلغ بالملايين ... يعني مب شوي ....

واذا رفضوا ... طالبهم بفلوسك ...

واذا رفضوا ...

شوف لك محامي شاطر .... يرجع لك فلوسك ...

او بالاحرى جزء منها .... لانه هو راح ياخذ له جزء منه ....

وطالب بتعويض على الضرر اللي صار لك منهم ...


وخصوصا انهم استفادوا من فلوسك ... الفترة ذي كلها ....


خلك على موقفك اخوي ...

وماعليك من اللي يقولك .. هو عندهم محاميين ... ومستحيل تقدر عليهم ...


الله يوفقك اخوي ...

ويعطيك العافية ,,,و
سعادة الوزير
22-10-2009, 08:34 PM
اشكركم على التفاعل ..

المشكلة اني لما اتناقش معاهم ، يقولون ان 95% من المشتريين راضيين وهم ماعندهم استعداد يغيرون العقد عشان خاطر 5% بس ..

بصراحة مادري اذا فعلا 95% راضيين ولا بس يسكتوني !!!

انا قلت ماراح اوقع لين ماهم يتصرفون ويسوون شي .

بس حسافة الدفعة الاولى اللي دفعتها (20%) من قيمة الارض..

قال من شاهدك يابالحصين .... قال ذنبي!!!
سعادة الوزير
22-10-2009, 08:38 PM
اذا تبي نصيحتي ،،، ياخوك اتركهم عنك واشتر لك ارض "حقيقية" في زغوة على 150 ريال الفوت واشتر راحتك ، لا مصاريف اقامة ولا شروط جائرة ولا يزيدون وينقصون على كيفهم ، وتقدر تقسمها وتأجرها على الي تبي بدون ما احد يمنعك.

انا شخصيا ب 145 ريال ما آخذها ، لو كانت ب 80-100 بتكون اوكي.
ناصح لكم
22-10-2009, 11:16 PM
واحد من الربع اشترى ويقول شارطين عليه ما يبيع الارض الا بعد ان يبنوها له
يعني ما يتصرف فيها واهيه ارض لازم يبنيها وهم بس اللي يبنونها له وبعدين يبيعها

هل هذا مقبول
bond007
24-10-2009, 01:40 AM
واحد من الربع اشترى ويقول شارطين عليه ما يبيع الارض الا بعد ان يبنوها له
يعني ما يتصرف فيها واهيه ارض لازم يبنيها وهم بس اللي يبنونها له وبعدين يبيعها

هل هذا مقبول



هالشغلة ماتطرقت لها لين الحين .. بس دام انك ذكرتها ، خلني اوضحها للاخوان اللي ماشافوا العقد

يقولك انك لو وقعت فانت (المشتري) تقر وتوافق على انك تبني البيت عن طريقهم (الوطنية للاستثمار العقاري) فقط.. ولا يمكن انك تبني مع حد ثاني وذلك وفق شروط راح تحدد لاحقا بعقد للبناء ..والاسعار سوف تكون تنافسية وحسب اسعار السوق في ذلك الوقت ..



تحفظي على كلمة اسعار تنافسية.. طبعا لو حطوا اي سعر عاجبهم ممكن يقولون تنافسي ,, عاد تعال حاججهم.. مافي فايدة ..


انا والله مافكرت ابيع، قلت ابي اسكن هناك بس مادري شفيهم الجماعة محكرين لنا بهالعقد اللي مايخدمني ولا يحفظ لي حقي ..

اذا كان المدير المسؤول عن المشروع قعد نص ساعة يعاندني ويقول ان العقد يذكر موعد التسليم، وانا احلف له انه مافي تاريخ .. وهو مب راضي يفتح العقد عشان مايتفشل ..

حسبنا الله ونعم الوكيل
bond007
29-10-2009, 07:34 PM
للرفع

حبيت اشوف اذا في احد اشترى .. وشنو رايه بالعقد؟
PoBox
29-10-2009, 08:49 PM
*
*
*
*


يعطيكم العافية جميعا واخوي Bond007

اخوي لو كان بالامكان ولاعليك امر تغطية ماامكن
وتحط صورة من العقد كامل
للافادة اكثر ومناقشة باقي الشروط من باقي الاخوان الاعضاء
ولعلنا نطلع بفوايد اكثر من موضوعك الجميل هذا

*
*

من النقاط اللي حطيتها يتضح
ان الشركة مسوية عقد يحميها من كل النواحي
حتى لو سببت هالحماية
ضرر على الشراي صاحب الشأن

*
*
مب شرط ان هالعقد يعني ( تجهيز الدوة قبل الفلعة ) والفلعة جاية جاية ولازم يحصل تاخير
ماعتقد ان تسليم الاراضي يتاخر ( كاعتقاد ) الا فترة بسيطة
خصوصا ان الحفريات والحط والصب صوب الوسيل شغالة ليل نهار

ومش ( أشغال ) اللي مسوية هالبلبلة بل ( الديار )
وبين اشغال والديار
فرق كما بين القطو والفار != << مع اعتذاري لاحدهما طبعا :looking:


لكن مثل مالمطور يبي يضمن حقه ،
الشراي يبي يضمن حقه
والعقد شريعة المتعاقدين
غالب اللي خذو العقد في ظني
شخطوا العقد مكان التوقيع وبدون قراية ولا تمحيص
وجان زين كل الناس مثلك كان احنا بخير
حتى لو توقع على الاقل بتوقع وانت فاهم شاللي وقعت عليه وحاط شوية احتياطات

نقطة ان الوطنية تكون هي المطور
الوحيد والحصري للمشروع نقطة ايجابية
ان كانت تنفذ بشكل احترافي ،
لان المنطقة ذي تصميمها وُضع
على اساس تكون كلها بستايل واحد
ونظام بناء واحد
وحكرها على شركة وحده تعطيك عدة خيارات
اشوفه ايجابي ( للمنطقة ككل )
اكثر من انه سلبي بدل البناء العشوائي
( وان كان فيه بعض سلبيات )

*
*


البند رقم 2 و 3 باول مشاركة يساندون بعض
وفعلا مالك حق تشتكي قانونيا
لان وقت التسليم مش مكتوب بالعقد اصلا ، فبتشتكي على أي أساس !
والكلام الشفهي ماله اعتبار قانونيا :telephone:

*
*

نقطة اخرى ، التاخير راح يضرهم هم ايضا ، مثل مايضرك
لان الوطنية ( بنت الاجارة ) هي المطور الحصري
ومثل ماالشراي مستعجل على البنيان
الوطنية مستعجلة على فلوس البنيان اللي بتندفع ،،

*
*
نقطة أهم
لابد ان تضع في بالك احتمال التأخير في حدود سنة وحولها
حتى لو كان عندك عقد محكم جامع مانع
احنا بالنهاية شغالين في قطر:telephone:
والتاخير لعبتنا ونسويه بمزاج عالي اوي اوي واحترافية لامثيل لها بعد !!:protest:

وعليك بالاستخارة + الاستشارة ،
وموفق خير بكل حال
omega
29-10-2009, 08:58 PM
المشكله محد يقرأ العقد

الحمد لله انا قريت العقد ورفضته
ANONYMOUS
30-10-2009, 12:35 PM
اييه اكثر منها وازيد ...

العقد شريعة المتعاقدين

ولما يصير خلااف بينهم ... راح يرجعون للعقد ... واللي بصيغته الحالية ...

في صف الشركة ....


وبعدين انت لك حق ... ولازم تتطالب به ...

اذا انت سكت عن حقك ... وانا سكت .... وهو سكت ... وهي سكتت ...

راح يجي وقت .... تصير المطالبة بهذا الحق ... شي مستهجن ومستغرب ....

وماضاع حق وراءه مطالب ....


وشي معروف ... انه هالعقود وراها محاميين ....

لذا ... احنا نوقف في وجههم .. ومانخضع لهم ...


هلا اخوي.. سوري ع التاخير

اللي اقصده.. ان العقد جاهز.. ومالك الا توقع وانت ساكت

مافي امل تحط شروطك..

كلها شروطهم.. ولازم تكون موافق عليها
عبدالرحمن
30-10-2009, 06:14 PM
اذا تبي نصيحتي ،،، ياخوك اتركهم عنك واشتر لك ارض "حقيقية" في زغوة على 150 ريال الفوت واشتر راحتك ، لا مصاريف اقامة ولا شروط جائرة ولا يزيدون وينقصون على كيفهم ، وتقدر تقسمها وتأجرها على الي تبي بدون ما احد يمنعك.

انا شخصيا ب 145 ريال ما آخذها ، لو كانت ب 80-100 بتكون اوكي.
ابشرك يالوزير وصلت 80-100 اراضى ازغوى
والوسيل بتوصل بعد هلاسعار وقريب
التومي
30-10-2009, 07:14 PM
اخوانى واخواتى العقار الفتره الجايه نزول وهذا واضح لاكن بعض اخواننا المستثمرين اللى ضحكوا عليهم موظفون السجل العقارى او المكاتب والوسطا تلبسوا وسبحان الله الان محد يبى لايشترى ولا ياجر بالاسعار مشاريع ضخمه جايه مثل بروه والاجاره ومشروع الشيخ ثانى بن عبدالله ومن غير اللى ماندرى عنه الان مع نزول البورصه انسى العقار المضاربين خسروا كل شى بين العقار وبين الاسهم والمستثمرين يحتفظون وهم قلائل جدا او معروفين وبعد بدو يضاربون فى العقاروانشالله بتشوفون اسعار 2005 عن قريب عرض افيه طلب مافيه والله يخلى الحكومه بفضل سياسة سمو الامير وولى العهد حتى يتمكنو اهل الدخل المحدود السكن والراحه النفسيه والله يوفقكم يااهل قطر
شقران2
30-10-2009, 09:43 PM
اسمعها نصيحه من اخو لاخوه

وانا قريت شروطهم الي انت حطيتها بتمعن

وكانت رافعه ضغطي

بس شرط انه ما ابني الا عن طريقهم هذي الكارثه

وعلى ما اظن هم حاطين نماذج البناء وانت تختار منه وانت ادفع

حتى لو ما حصلت ال 20% اسلم على الباقي

وانا بصراحه ما اعرف كيف انتوا شريتوا فيها وهم اطرحوها بعد الازمه والاراضي كانت نازله وفي ازغوى على 80 و100
وملك حر واراضي جاهزه اشتر وابن ولا بيع براحتك

وارجوا انه ما انكون من ذوي الغفله
حمد
31-10-2009, 09:08 AM
بعدين لتنسى اخوي البند الي يذكر انه من حقهم يزيدون مساحة ارضك قبل الدفعه الاخيره .... يعني الاراضي الي توهقوا فيها ومحد شراها .... راح تتوزع بين الي وقعوا .... ولتنسى انهم امسحوا نسبة 20 % الزياده ... يعني يمكن ارضك تصير دبل .. وانت مضطر تدفع !!!!!
Index Signal
31-10-2009, 03:18 PM
مشروع الوسيل أكبر مقلب..

و الله يعوض إللي توهقوا فيه .
bond007
31-10-2009, 08:42 PM
*
*
*
*


يعطيكم العافية جميعا واخوي bond007

اخوي لو كان بالامكان ولاعليك امر تغطية ماامكن
وتحط صورة من العقد كامل
للافادة اكثر ومناقشة باقي الشروط من باقي الاخوان الاعضاء
ولعلنا نطلع بفوايد اكثر من موضوعك الجميل هذا

*
*

من النقاط اللي حطيتها يتضح
ان الشركة مسوية عقد يحميها من كل النواحي
حتى لو سببت هالحماية
ضرر على الشراي صاحب الشأن

*
*
مب شرط ان هالعقد يعني ( تجهيز الدوة قبل الفلعة ) والفلعة جاية جاية ولازم يحصل تاخير
ماعتقد ان تسليم الاراضي يتاخر ( كاعتقاد ) الا فترة بسيطة
خصوصا ان الحفريات والحط والصب صوب الوسيل شغالة ليل نهار

ومش ( أشغال ) اللي مسوية هالبلبلة بل ( الديار )
وبين اشغال والديار
فرق كما بين القطو والفار != << مع اعتذاري لاحدهما طبعا :looking:


لكن مثل مالمطور يبي يضمن حقه ،
الشراي يبي يضمن حقه
والعقد شريعة المتعاقدين
غالب اللي خذو العقد في ظني
شخطوا العقد مكان التوقيع وبدون قراية ولا تمحيص
وجان زين كل الناس مثلك كان احنا بخير
حتى لو توقع على الاقل بتوقع وانت فاهم شاللي وقعت عليه وحاط شوية احتياطات

نقطة ان الوطنية تكون هي المطور
الوحيد والحصري للمشروع نقطة ايجابية
ان كانت تنفذ بشكل احترافي ،
لان المنطقة ذي تصميمها وُضع
على اساس تكون كلها بستايل واحد
ونظام بناء واحد
وحكرها على شركة وحده تعطيك عدة خيارات
اشوفه ايجابي ( للمنطقة ككل )
اكثر من انه سلبي بدل البناء العشوائي
( وان كان فيه بعض سلبيات )

*
*


البند رقم 2 و 3 باول مشاركة يساندون بعض
وفعلا مالك حق تشتكي قانونيا
لان وقت التسليم مش مكتوب بالعقد اصلا ، فبتشتكي على أي أساس !
والكلام الشفهي ماله اعتبار قانونيا :telephone:

*
*

نقطة اخرى ، التاخير راح يضرهم هم ايضا ، مثل مايضرك
لان الوطنية ( بنت الاجارة ) هي المطور الحصري
ومثل ماالشراي مستعجل على البنيان
الوطنية مستعجلة على فلوس البنيان اللي بتندفع ،،

*
*
نقطة أهم
لابد ان تضع في بالك احتمال التأخير في حدود سنة وحولها
حتى لو كان عندك عقد محكم جامع مانع
احنا بالنهاية شغالين في قطر:telephone:
والتاخير لعبتنا ونسويه بمزاج عالي اوي اوي واحترافية لامثيل لها بعد !!:protest:

وعليك بالاستخارة + الاستشارة ،
وموفق خير بكل حال


مشكورين جميعا على مداخلاتكم وارائكم..

اعذروني على التاخير ..


للي يحب يطلع على العقد يتفضل يشوف المرفقات ..

صج حاميين نفسهم من كل شي وراميين اي نفقات ممكن تصير في المستقبل على ظهر المواطن المسكين اللي ما صدق يلقاله فرصة عشان يتملك له عقار في احد المشاريع الضخمة في البلد
Index Signal
31-10-2009, 09:37 PM
مشكورين جميعا على مداخلاتكم وارائكم..

اعذروني على التاخير ..


للي يحب يطلع على العقد يتفضل يشوف المرفقات ..

صج حاميين نفسهم من كل شي وراميين اي نفقات ممكن تصير في المستقبل على ظهر المواطن المسكين اللي ما صدق يلقاله فرصة عشان يتملك له عقار في احد المشاريع الضخمة في البلد



إللي يقرأ بنود العقد يحس إن الشركه موزعه الأراضي هبه على المواطنين..!!

إيش هالتعجيز و القيود و الإذلال للملاك..؟!

الله يكون بالعون و الحمدلله ما تم إختياري بالقرعه .
bond007
01-11-2009, 08:32 PM
اخوي pobox

في مشاركتي السابقة .. حطيت سهم احمر على بعض البنود في العقد عشان تكون عندك فكرة عن سبب استيائي منهم ..
ANONYMOUS
01-11-2009, 09:19 PM
مشكورين جميعا على مداخلاتكم وارائكم..

اعذروني على التاخير ..


للي يحب يطلع على العقد يتفضل يشوف المرفقات ..

صج حاميين نفسهم من كل شي وراميين اي نفقات ممكن تصير في المستقبل على ظهر المواطن المسكين اللي ما صدق يلقاله فرصة عشان يتملك له عقار في احد المشاريع الضخمة في البلد



وين صاحبنا اللي يقول حط شروطك..

خله يقرا العقد.. ويكثر منها
bond007
20-11-2009, 03:31 AM
اخواني الكرام ...

حبيت ارفع الموضوع للاهمية ..
بعد عدة مراجعات .. واخذ وعطى معاهم .. قررت اني اقدم رسالة خطية تبين عدم موافقتي على بعض بنود العقد وتكون خطاب رسمي مني ..

اتمنى من اللي لين احين ماوقعوا ، وحابين يشاركون يراسلوني على الخاص .. لاني لازم اشوف لي حل وماسكت عن حقي .. لين متى؟؟؟

المهم .. اللي حاب حياه الله .. والاخوات بعد ممكن يخلون حد ينوب عنهم ..

والخطاب راح ارسله للرئيس التنفيذي الغني عن التعريف باخلاقه ..

وانشالله تجيب نتيجة ... واذا مانفع ، نلجا للقضاء..
bond007
22-11-2009, 01:01 PM
توكلت على الله وطرشت رسالة رسمية لهم ,, وانشالله تلقى لها من يستجيب
عابر سبيل
22-11-2009, 02:45 PM
توكلت على الله وطرشت رسالة رسمية لهم ,, وانشالله تلقى لها من يستجيب


تصرف جيد يا اخوي..خاصة اذا انك مؤمن بهالاستثمار
و اتشوفه مجدي لك...

نتمنى ان نقرا رسالتك مع الرد منهم..لكي نستفيد!

انا على اجلة شفت الشروط اللي حطيت عليها
سهم بالاحمر...
حقيقة شروط اشوف في نفسي شي عليها
من الناحية الشرعية..
و هم كانوا يدعون ان عندهم لجنة شرعية
تشرف على عقودهم..ليش ما تطلب اتقابل اللجنة الشرعية لهم
او اي لجنة شرعية بالبنوك الاسلامية..ممكن اتفيدك اكثر.

و بالتوفيق و نتمنى نسمع منك الجديد.
Index Signal
22-11-2009, 10:55 PM
توكلت على الله وطرشت رسالة رسمية لهم ,, وانشالله تلقى لها من يستجيب



بالتوفيق إن شاء الله ..

و بإنتظار ما يستجد لديك .