خبرتكم ياشباب ارجو الافاده

[بوزيد]

السلام عليكم ورحمة الله وبركاته
عندي كيان تيربو وخاطري اسويله تخشيبه داخل على السكان والقبضات الي عند القير والطبلون بس يكون فايبر كربوون وين تنصحون احسن محل يظبطها كأنها من الوكاله مايلعب بسياره ويخربها يكون شغله مضمون ومجرب ومشكورين مقدم(ن)
وسلامتكم

[وحيد-الشوق]

افضل طريقة تطلب القطع من النت وعقب تركبه في الوكالة بس ماعندي علم في اي موقع

في الدوحة يمكن الكريستال عنده بس خبرك اسعاره دايما غالية ومايندرى شغله مضبوط او لا

وعن نفسي لو انا مكانك بخلي الموتر وكالة احسن لأنه تيك الوكالة مافي احسن منه وغير ان الموتر بورش مايحتاج ماشاء الله

والسموحة عالقصور :)

[بوزيد]

افضل طريقة تطلب القطع من النت وعقب تركبه في الوكالة بس ماعندي علم في اي موقع

في الدوحة يمكن الكريستال عنده بس خبرك اسعاره دايما غالية ومايندرى شغله مضبوط او لا

وعن نفسي لو انا مكانك بخلي الموتر وكالة احسن لأنه تيك الوكالة مافي احسن منه وغير ان الموتر بورش مايحتاج ماشاء الله

والسموحة عالقصور :)

تسلم اخوي ومشكور على النصيحه
وبتوفيق

[الماليه]

اخوي بوزيد
انا مع كلا اخوي وحيد الشوق
موفق ان شاء الله

[بن درويش]

الله يعينك اخوى فى قطر مافى اله كرستال
والله يعينك على القصف فى السعر

[الجوكر90]

بالتوفيق ان شاء الله

[alil]

في الامارات بالضبط ثلث السعر والسعودية اقل من ذلك
الكرستال لدي تجربة مريرة معهم ممكن شغلهم جيد وليس ممتاز من الزحمة
تاخير في المواعيد
ولو اتفقت معاهم عند استلام الموتر بعد روحح وتعال واسفين اتاخر الشغل بكرة بيكون جاهز
بتحصل اشياء كنتم متفقين عليها مامسوينها ويحلفك علي المصحف انكم ماتفقتم عليها
(ترى هذي الحقيقة عنده مصحف في الدرج لهذا الغرض)
وعند الاستلام بزيد السعر لانك طالب هذه النواقص اضافة مع انها من اصل العمل
والسموحة علي الاطالة
ويمدحون لمسة فنوليس لدي تجربة معهم
لو لدي اي من الشباب يمكن يفيدنا فيها

[بوزيد]

مشكوربن ياخوان على المشوره الطيبه

[خيال شمر]

اخوي بوزيد عندك الله يسلمك محل صدى الصوت في الغرافة انا شفته مسوي حق التيوتا الجديد وشغله نظيف تقدر تمر عليهم عند الاخ / فيصل ... والله يوفقك ,,,