ابى اتزوج وكمل نصف دينى

[ابو ماجد]

باختصار

هذى القصه صارت لواحد من الشباب من فتره لاهى بقصيره ولا طويله

اللى اعرفه عنه انه وحيد امه واخلا ق ومحترم من المسجد لين البيت وشغله و الحمدالله
قليل مايجى المجلس كل ويا امه الله ايخليها له


هذا الشاب كنت يوم من الايام كنت جالس وياه فى المجلس ابروحنا وقبل ما ايجون الشباب
انسولف فى امور الحياه وغيرها واسئله انشاء الله تكون امورك كانت سهالات فى الزواج من تكاليف العرس وغيرها

ايقولى قبل ما اتزوج كانت جارتنا خطابه وفى الاساس هى اتعرف الوالده بحكم الجيره فا
الوالده يوم كلمتها وقتلها ابى اتزوج وكمل نصف دينى فرحت وقالت لى خلاص باكلم
جارتنا ام فلان الخطابه وهى مهب مقصره

بعد كم يوم جات الخطابه حق الوالده وقالت لها حصلت لكم ذيك البنت المحترمه من العائله
المعروفه فى لبلاد ها ها اشرايك

الوالده ترد على الخطابه ام فلان بس هذيلن معروفين كل ما راحو مكان احنا وحنا وحنا من
العائله لفلانيه بيرضون بولدى اللى على قد حاله فى الاخير اقتنعت الام وقالت حق الخطابه خلهم يسئلون عن ولدى وحنا با نسئال عن بنتهم واللى فيه الخير الله بيقدمه

المهم كلا تطقس عن الثانى فا وافقو مبدئيا على مشروع الزوج اهل البنت اطلبو صوره
الولد وعطتهم الخطابه الصوره و وافقو عليه ورضو انهم ايجهم و يشوف البنت ونفس الشيئ اطلبت ام الولد صوره البنت

المشكله بدت يوم اطلبت ام الولد صوره البنت فا على كلام الخطابه يوم اطلبت من اهل البنت
صوره البنت ارفضو وقالو ما عندنا بنات نعطى صوهم حد وهاذى مهب عوايد عائلتنا
الولد رفيجنا كنسل وقال حق امه قولى حق الخطابه الله يسهل عليهم ويوفقهم

ايقول دارت الايام ولا بالصدفه الخطابه مرت على الوالده وعلى لسان الخطابه وتحلف
وتقول حق الوالده البنت اللى اهلها رفضو يعطونى صوره بنتهم تنازلو عن عوايدهم ورضو
بس مهب حق ولدكم رضو يعطون صورت بنتهم حق واحد عود ومنصب تاجر بيشغل العيله بيسفر بنتهم كل سنه اوروبا وبيرز بنتهم والمشكله ابنفسى اموديه الصوره للا سف للاسف للاسف

مشكله اللى ايتنازل عن مبادئه عشان .....

[بوطويشم]

السلام عليكم

الزواج قسمه ونصيب

ويمكن تكون خيره له

والله يوفقه ويلقى بنت الحلال

[qtr-1st]

كل البنات جى قدرك بفلوسك

[PARIS]

لاحول ولا قوة الا بالله .... الناس في هذا الزمان مظاهر وبس والله لايبلانا بهاالاشكال.............

[Ghost]

لكل واحد ظروفه وانا ما استطيع احكم لان القصة من طرف واحد بس للاسف اللي يتنازل عن مبدء هو صانعه مصيبة كبر والاحق انه راها رؤية شرعية افضل من الصورة

[ابو ماجد]

السلام عليكم

الزواج قسمه ونصيب

ويمكن تكون خيره له

والله يوفقه ويلقى بنت الحلال

اخوى ما ركزت الر جال تزوج .........مشكور على المرور

[طلعة الروح]

اذا بتابع الناس وافعالهم بتموت من الهم
مادام تغيرت القناعات هاي شي ثاني وهم يتحملون النتيجه
وتبقى النظرة الشرعية افضل من الصورة نفس ما قالوا الاخوان

[alrheeb2020]

الحمدلله لانها ماخذها ..!

لانه ماتنفع له احسها ..

الله يكتب كل مافيه خير

[السهم الملتهب]

الزواج قسمه ونصيب

[ممنوع اللمس]

اي اهم شي من العائله الفلانيه ويكون رصيده في البنك 243.000.000.000.000 ريال
والا مايسير
الله يعطيك العافيه عالموضوع المهم وصدقني مثل هالزواج علشان فلان غني وتلقا هالغني اخلاقه منتهيه والله ما يدوم وكله مشاكل

[nouar]

اهل البنت باعوا بنتهم بفلوس ..

ومب من عوايدهم يززوجوا الشب ...

ويزوجوا بنتهم للشيبه .... ميشان فلوسه .....

بقول بعض الناس اللي اعرفهم " بدلت الشاب بالشايب"

[أم البنات]

السلام عليكم ورحمة الله وبركاته

أخي الكريم
ما تدري يمكن البنت بالبداية أرفضت وتمسكت بمبدأ أنها ماتعطي صورتها للرجال الخاطب

بس للأسف الرجال تركها وخلاها بسبب مبدأها

يعني الحين من الغلطان الرجال ولا البنت

أنا أشوف الرجال غلطان

لأنه رفض البنت الي ما رضت تعطيه صورتها

لو طالب يشوفها بالبيت يمكن تقبل ؟ لكن هو رفض ودور غيرها وما دور حل ثاني حتى يشوفها !!

وأحتمال البنت تنازلت عن مبدأها لأنها خافت تعنس لأن لو أشرطت نفس الشرط بيطير المعرس
وبيدور على وحده ثانيه تعطية صورتها

ما تدري يمكن الله عوضها بواحد أحسن من صديقك ((مع أحترامي لصديقك وأنا بكلامي هذا ما أقلل من قدره بس حبيت أبين أن أحتمال أن الله عوضها بأحسن منه ))

والله عوضه بأحسن منها كذلك ....

والله يوفق الأثنين يا رب ويسعدهم

[سوبرقطري]

السلام عليكم ورحمة الله وبركاته ,,,,, مساء الخير ,,,,,


هالوقت وللأسف يمكن يصير لقاء من خلف الأهل اما في سوق او عمل او شارع المهم انه يشوف الشي على الطاير كلمحه سريعه لتأكيد الأوكية !

ومب شرط ان البنت تعطي صورتها ذاك الغني لاجل انه غني ممكن لاجل إختصار المسافات ..

النظره الشرعية مطلوبه حق لكل متقدم لزواج وتكون مباشره وجاً لوجه وأمام الأهل عشان يشوف وجها زين والا عكس الزين

ويخليها تخطى قدامه يمكن تطلع عرجاء ولا رجلها ملتوية والا محروله ومطلوب بعد يتحدث معها يمكن تطلع لتغا لسانها ثقيل المهم انه يتفحصها بشكل معقول ومحدود ,,,

عمر بن الخطاب رضي الله عنه بقصد النظره الشرعية رفع ثوب وحده بقصد انه يبي يشوف ساقها مبرومه والا دقيقــــــــــة
مافيها شي النظره الشرعية ومن يرفضها هذا يجيب الشك لنفســـــــــه !

بالنسبه لزواج النساء من الأغنياء
ياما سمعنا قصص عن حريم تزوجوا رجال على قد حالهم وعطوهم وسفروهم ورزوهم

وهو أول كنه عمود خيمه طايحن على جنبه محدن يبيـــــه من حالته المادية ..


( كلامي عام مب شرط احصر حكيي في موضوع الصورة )

( تذكر ان وراء كل رجل عظيم إمرأة )

[ناصر30]

القصه تحتمل اشياء كثيره مانقدر نحكم حكم نهائيا بان

حد خسران لكن فيه شي لازم مانتجاهله وموجود بكثره

في واقعنا الناس بس تتكلم كلام في كلام اهم شي الاخلاق

والدين والسمعه الطيبه ووقت الصج يبون الفلووس ...!

صدق اللى قال :


المرأه تعشق الوسيــم

وتحــب العــاقــــل


وتتزوج الغنـــي !:secret:


اجمـــل تحيــه يابو ماجد:nice:

[ابو ماجد]

مشكورين على المشاركه

[ANONYMOUS]

مافيها شي

قالوها

لفلوس تغير النفوس

واخد بالك :p

[Northman]

الي ماعنده ريال مايسوى ريال

في كل ظرف ومناسبه مو بس زواج

[اسعاف]

تبي تتزوج ؟؟

اتصل على المأذون على طول

[i.qatar]

الله يعطيك العافيه يابوماجد

بس سؤال !

صاحبك ليش هون عن فكرة الزواج من هالبنت ؟

[طموحي عالي]

شنو الفايد رجل غني ومايدري عن هوى داري

رجل غني وبس اسمه الفلان الفلاني وهو مايدري اذا عنده زوجه او وحده من قطع الاثاث بالبيت

رجل غني ........................ وتتعدد الاسباب

وانا اقول اللي شايف خير عمره مايتانزل عن مبادئه وبنات حواء الله مكثرهم

[شبح الصمت]

الله يعوضه خير ،، بس للاسف هي الخطابه لازم تأمن على هالسوالف وما تفضح العالم اشدعوه تخطب والا تنقل حجي خلاص جاءها نصيبها والله يستر عليها لازم هالسوالف الي تطلع على العالم ،، وهي موديه الصورة للمعرس يعني أهي لازم تقهر الولد والا شلي يبون يوصلون له ( يعني خلاصة الكلام لازم الخطابه تكون سر للبيوت مب نشرة ام بي سي )

[سنطره]

اغلب البنات نفس ما ذكرت اخوي مطاليبهم واجد
فالاحسن للشاب اذا شاف طلبات ااهل البنت وايدة ايخليها ويشوف اللي تناسبة اللي شارية الرجال مو شارية مظاهر الدنيا
والبنات وايد في اللي تبي الزبو وفي اللي تبي الستر0

[سنطره]

اخوي اللي صار مع صديقك صار مع اغلب الشباب؟؟؟؟؟؟؟؟؟؟وبعدين ايقولون ليش عندنا عنوسة؟؟؟؟؟؟

[ابو ماجد]

مشكورين على المشاركه

[حليتان*]

اقول احسن ما تورط معاهم من البداية فركش


كل البنات جى قدرك بفلوسك


لا الشيخ مب كل البنات

[براتزية برازيلية]

الحقيقة المرة أن أغلب البنات يهمهم الفلوس قبل كل شي

[طلعة الروح]

الحقيقة المرة أن أغلب البنات يهمهم الفلوس قبل كل شي

الفلوس مهمه ماقلنا شي، بس مالت ع الفلوس اللي بتخليني اقبل واحد مش مرتاحه له ومش مقتنعه فيه نفسيا ولا فكريا ولا اجتماعيا ونواحي كثيرة اساسية بس عشان فلوسه..

هذا زواج ماقدر احكم على سعادتي بحسب مركز الشخص المالي اصلا شيضمني انه مايكون غني ومعقد ولا بخيل بيعور قلبي وراح تترتب عليه امور كثيره وكفايه اني بكون بطلة بالفلم هذا ولو فشلت بتأثر من كل النواحي وبكون جنيت على روحي باختياري الخاطئ لشريك حياتي...

ما اعتقد انه في بنت عقلانيه وقت الجد ينصب تفكيرها على ثروة الريال ومركزه المالي فقط اكيد بيكون تركيزها الاول على دينه واخلاقه وشخصيته الانسانية وبعدها الامور الثانية تحصيل حاصل..

[koketa]

كل واحد ياخذ نصيبه

هاي ارزاق

[براتزية برازيلية]

الفلوس مهمه ماقلنا شي، بس مالت ع الفلوس اللي بتخليني اقبل واحد مش مرتاحه له ومش مقتنعه فيه نفسيا ولا فكريا ولا اجتماعيا ونواحي كثيرة اساسية بس عشان فلوسه..

هذا زواج ماقدر احكم على سعادتي بحسب مركز الشخص المالي اصلا شيضمني انه مايكون غني ومعقد ولا بخيل بيعور قلبي وراح تترتب عليه امور كثيره وكفايه اني بكون بطلة بالفلم هذا ولو فشلت بتأثر من كل النواحي وبكون جنيت على روحي باختياري الخاطئ لشريك حياتي...

ما اعتقد انه في بنت عقلانيه وقت الجد ينصب تفكيرها على ثروة الريال ومركزه المالي فقط اكيد بيكون تركيزها الاول على دينه واخلاقه وشخصيته الانسانية وبعدها الامور الثانية تحصيل حاصل..

معاج أختي
بس أكيد عارفة في كثير بنات أحين مقتنعين أن بالفلوس يقدرون يعيشون و يضمنون (مستقبلهم) و مايلتفتون لدين و أخلاق الزوج الا بعد الزواج و بعد ماينصدمون في حالة اختيارهم لشخص مايخاف الله فيهم فصج شفايدة الفلوس او المنصب في هالحالة الله يهدي الجميع

[الخارجية]

سبحان الله .. الواحد يأخذ من مستوي أحسن

[قطري فلته]

السلام عليكم ورحمه الله وبركاته

اخواني الاعزاء انا بقولكم حاجه انا مريت 3 مراحل فاشله فى زواجي والاسف قطريات بس ما كان فى نصيب ولعلمكم انا جامعي ماجستير قطري قبيلى معليش اقول هل كلمه لحد الان فى ناس عايشه نظام القبيله وقطر مجتمع قبيلى وسبحان الله خذيت الرابعه سعوديه والله حمد توفقت وياها تعرفون ليش لحد يزعل من كلامي قطريات الاسف مش قد مسوؤليه زواج صراحه ما اقول الكل 95 فى الميه معتمدين على الخدم وعلى المظاهر الكذابه والله يستر على بناتنا بعدين وين الواحد يتزوج وشروطهم تعجزيه لعلمكم انا تزوجت والله العظيم 50الف وسافرت شهر عسل ورجعت وسوينا حفله صغيره وكان غفور رحيم .وفى نفطه ثانيه لحد لان فى ناس ترفض رؤيه الشرعيه الاسف الشديد بسبب العادات والتقاليد وانا اقول الله يلعن العادات والتقاليد الى سببت فى طلاق ومحاكم والخ .
وسامحوني على الاطاله بس مجرد تعبير
اخوكم
قطري فلته

[موضي قطر]

الله يسهل عليه ويلاقي البنت اللي تسعده وتريحه

[سعد آل شريم]

لعله خير

[الرويـس]

نصــــيب

[نظرة شجاع]

السلام عليكم ورحمه الله وبركاته

اخواني الاعزاء انا بقولكم حاجه انا مريت 3 مراحل فاشله فى زواجي والاسف قطريات بس ما كان فى نصيب ولعلمكم انا جامعي ماجستير قطري قبيلى معليش اقول هل كلمه لحد الان فى ناس عايشه نظام القبيله وقطر مجتمع قبيلى وسبحان الله خذيت الرابعه سعوديه والله حمد توفقت وياها تعرفون ليش لحد يزعل من كلامي قطريات الاسف مش قد مسوؤليه زواج صراحه ما اقول الكل 95 فى الميه معتمدين على الخدم وعلى المظاهر الكذابه والله يستر على بناتنا بعدين وين الواحد يتزوج وشروطهم تعجزيه لعلمكم انا تزوجت والله العظيم 50الف وسافرت شهر عسل ورجعت وسوينا حفله صغيره وكان غفور رحيم .وفى نفطه ثانيه لحد لان فى ناس ترفض رؤيه الشرعيه الاسف الشديد بسبب العادات والتقاليد وانا اقول الله يلعن العادات والتقاليد الى سببت فى طلاق ومحاكم والخ .
وسامحوني على الاطاله بس مجرد تعبير
اخوكم
قطري فلته



اشكرك على الرد المحكم بجد بجد اعجبني ردك :) وتعقيبا على جزء من كلامك القطريات فعلا حق كلام بس يعني تمدح نفسها واذاجات مرحلة الزواج فهي مش كفو للاسف مش الكل طبعا لكن نسبه كبيره منهم ... وانا على طريقك راح يكون زواجي من سعوديه ان شاء الله ادعي لي بس ....سلااااااااام

[بوجاسم 75]

لعله خير فعلاًًً

[العلم الوكاد]

يمكن عشان قالوا شايب

فالشايب ثقة

[مسكين]

السلام عليكم ورحمة الله وبركاته

أخي الكريم
ما تدري يمكن البنت بالبداية أرفضت وتمسكت بمبدأ أنها ماتعطي صورتها للرجال الخاطب

بس للأسف الرجال تركها وخلاها بسبب مبدأها

يعني الحين من الغلطان الرجال ولا البنت

أنا أشوف الرجال غلطان

لأنه رفض البنت الي ما رضت تعطيه صورتها

لو طالب يشوفها بالبيت يمكن تقبل ؟ لكن هو رفض ودور غيرها وما دور حل ثاني حتى يشوفها !!

وأحتمال البنت تنازلت عن مبدأها لأنها خافت تعنس لأن لو أشرطت نفس الشرط بيطير المعرس
وبيدور على وحده ثانيه تعطية صورتها

ما تدري يمكن الله عوضها بواحد أحسن من صديقك ((مع أحترامي لصديقك وأنا بكلامي هذا ما أقلل من قدره بس حبيت أبين أن أحتمال أن الله عوضها بأحسن منه ))

والله عوضه بأحسن منها كذلك ....

والله يوفق الأثنين يا رب ويسعدهم

:nice::nice:

[doha1]

صحيح قسمه ونصيب

ولكن الاخذ بالاسباب مش معقووله فكر الناس وصل لهدرجه

الماده مب دايمه زواله والله

الحمدلله ماصار نصيب بينهم ولا كان بيتعب

[سكرمر]

مرحبا


اخوي سالفه ان الزوج يشوف زوجته هذا حق من حقوق الزوج او الشخص المتقدم للزواج والشريعه تنص على هالشي

مافيها شي لو اهل البنت اخطوا فى هالشي وعدلوا غلطتهم وتوفقت البنت بزوج ثاني وتزوجت

لكن الزوج يجي يشوف الزوجه فى الصاله مثلن بوجود اهلها

مو يعطون الزوج صوره لان اول شي الصوره ماتظهر الشكل الصحيح وبعدين تكون خطر فى حاله ضياع الصوره

واذا وجب الامر انه يشوفها بالصوره فيشوفها فى بيت اهلها وماياخذ الصوره معه




وكل شي قسمه ونصيب ومواضيع الزواج والاعراس ترى يصير فيها بلاوء زرءءءءء


تحياتي لكم

[khalid-qtr]

اشكرك على الرد المحكم بجد بجد اعجبني ردك :) وتعقيبا على جزء من كلامك القطريات فعلا حق كلام بس يعني تمدح نفسها واذاجات مرحلة الزواج فهي مش كفو للاسف مش الكل طبعا لكن نسبه كبيره منهم ... وانا على طريقك راح يكون زواجي من سعوديه ان شاء الله ادعي لي بس ....سلااااااااام

يالربع عاد مو لهي الدرجة نحكم على بنات قطر كلهم وكل بلد فيها مقبرة والله انا اكثر ربعي متزوجين قطريات وبالعكس مرتاحين وحياتهم من افضل ما يكون واعرف واحد متزوج من بلد اخر لا والمشكلة ماخذها من والله محرقة شوي والله يحلفون انها ما تبدل ملابسها وفقر لكن يوم طاحت بالنعمة هلكت زوجها بالديون والملبس وكلنا نعرف شنو المبالغ الخيالية الي تندفع وكل يوم ضاربة دريول ورايحة السوق والله يحلف لي انها مفصلة 40 جلبية حق رمضان الي فات والبنات يعرفون كم سعر الجلبية يعني لا نظلم بنات ديرتنا ونحكم عليهم كلهم والله اعرف قطريات هم الي يصرفون على بيوت وزوجها مو مهتم

والسموحة لو طولت عليكم

[ســـهم]

اي اهم شي من العائله الفلانيه ويكون رصيده في البنك 243.000.000.000.000 ريال
والا مايسير
الله يعطيك العافيه عالموضوع المهم وصدقني مثل هالزواج علشان فلان غني وتلقا هالغني اخلاقه منتهيه والله ما يدوم وكله مشاكل

أخوي ابي اعرف بس كم هالمبلغ ؟
:)















اذا تفكير البنات هالشكل فراح تفوتهم قطارات العالم كلها

ولكن هناك من البنات من يريد الزواج لتكوين أسره واستقرار ..

[مسكين]

يالربع عاد مو لهي الدرجة نحكم على بنات قطر كلهم وكل بلد فيها مقبرة والله انا اكثر ربعي متزوجين قطريات وبالعكس مرتاحين وحياتهم من افضل ما يكون واعرف واحد متزوج من بلد اخر لا والمشكلة ماخذها من والله محرقة شوي والله يحلفون انها ما تبدل ملابسها وفقر لكن يوم طاحت بالنعمة هلكت زوجها بالديون والملبس وكلنا نعرف شنو المبالغ الخيالية الي تندفع وكل يوم ضاربة دريول ورايحة السوق والله يحلف لي انها مفصلة 40 جلبية حق رمضان الي فات والبنات يعرفون كم سعر الجلبية يعني لا نظلم بنات ديرتنا ونحكم عليهم كلهم والله اعرف قطريات هم الي يصرفون على بيوت وزوجها مو مهتم

والسموحة لو طولت عليكم


رفيقك اللي يشتكى فعايل زوجته مهب ريال ... عبنو غيره حد يتكلم في هله يايحشمها ويمسكها ولا يسرحها ولا يتشكى عليها قدام ربعه

افففف يرتفع عندي الضغط لي سمعت هالقصص

[khalid-qtr]

رفيقك اللي يشتكى فعايل زوجته مهب ريال ... عبنو غيره حد يتكلم في هله يايحشمها ويمسكها ولا يسرحها ولا يتشكى عليها قدام ربعه

افففف يرتفع عندي الضغط لي سمعت هالقصص

بسم الله على ضغطك :)

[HIGHNESS]

الله يوفقها ويوفقه في الاخير الزواج قسمة ونصيب ... والخيرة فيما اختاره الله ....

لكن عندي سؤال للي ينتقد ( القطرية ) وياكثرهم .. ويظلم بنات الناس كلهم ( ويصفهم بالاغلب ) مع اني اسمع بهالنوعية لكنها قليلة جداً !!!!... سؤال ؟؟ من يخطب اهلكم ؟؟ خواتكم خالاتكم عماتكم ... الخ ... ولا هم مرفوع عنهم القلم وملائكة ...؟؟؟ سبحان الله :)

[technical]

الناس تبي الغني والنسيب في هله , وهذا الشيئ مش جديد في قطر ! بعضهم يوم ما لقى من يزوجه راح الهند ومصر والشام عشان يعف نفسه , والمسئله هذه مستمره ولسه يتزوجون بره قطر لأنه محد قابل يزوجهم .

[حقيقه]

عاد اكبر مشكله اذا خذت لها واحد مستواه المادي تعبان واخلاقه تعبانه اهنا بتتوهق من قلب

بس خل تاخذ هالشيبه راعي الفلوس ابرك لها على الاقل تستانس بالفلوس وتروح وتجي وتسافر يعني شيء يعوضها عن شيء

لانه الزواج مثل البطيخه يا اما تطلع بيضه او حمره

[روح-قطر]

حرااااااااااام عليكم اصابعم مو سواااااااااااااااااا :(

[المغروره]

والله زواج هالوقت البنات تبي تفوشر على الفاضي انا اشتري الرجال بدينه وااخلاقه مو سفر وتخربط واذا جاني بطران ولا يعرف ربه شبسوي ذيك الساااااعه
الوم الشباب الي يرفضون الزواج والله من هالبنات ومهايطهم
الله يوفق لك

[ودي أكون]

الله يوفقها ويوفقه في الاخير الزواج قسمة ونصيب ... والخيرة فيما اختاره الله ....

لكن عندي سؤال للي ينتقد ( القطرية ) وياكثرهم .. ويظلم بنات الناس كلهم ( ويصفهم بالاغلب ) مع اني اسمع بهالنوعية لكنها قليلة جداً !!!!... سؤال ؟؟ من يخطب اهلكم ؟؟ خواتكم خالاتكم عماتكم ... الخ ... ولا هم مرفوع عنهم القلم وملائكة ...؟؟؟ سبحان الله :)

هم يشوفون غيرهم وينسون ان عندهم خوات واهل :)

وينسون اعمارهم .. لهم الشرف اصلا ان قطرية اتوافق عليهم .. ناس مليانه ديون من السيرة او السفرات او المكالمات اوالاسهم او .. ولين تزوجوا قالوا لا من الزواج :)

يعني اتهقين بيقولون لج سلفياتنا كانت للعب :)

واغلبهم كلهم يا سنتار ومجمعات يا تلفونات يا سفرات ونسبه منهم عندهم بطاله ولا تعليم عالي .. وتعالي قوليله افتح بيت او صلح فالبيت وعدل واشتر لو شفت شي خربان عدل بدل .. ماااافي .. مالهم اي منفعه :)

السموحه بروح الدوام تاخرت :):shy:

[بنت ذياب]

ماعندها سالفه