قصة رائعة

[عبير قطر]

كان في شاب اسمه حمد وعنده صديق اسمه وائل ..

وكانوا لا يخافون الله فيما يفعلون ..



وفي مره من المرات قال وائل لحمد : انا تعرفت على زوجة إمام المسجد ..

وهي تبغاني أجيها البيت ..

وانا أخاف يطب علينا زوجها ..!!



فـ اشرايك لو بعد الصلاة تجلس تتكلم مع الإمام ..

وتلهيه شوي لين ما بغى يرجع بيته تكلمني ؟



حمد قال له : أبشر ..

وفعلا بعد الصلاة راح حمد وسلم على الامام ..

وجلس يحاول يتكلم معاه ..

لين ماخلصوا كلام دق على وائل ويقوله :

ان الشيخ بيرجع بيتهم ..



وطبعاً على طول وائل يرجع لحمد ..

ويقوله اللي صار .. وكل يوم على هالحال .. لفترة طويلة



ومرت الأيام وازدادت الصداقة بين حمد وبين إمام المسجد ..



من كثر مايقعد معاه لدرجة ان ضميره بدا يانبه ..





وفي يوم من الأيام .. حمد أخذ قرار وقال لازم اقول للشيخ ..

حرام ومسكين اقص عليه ..

ولازم يعرف زوجته شتسوي فيه ؟



وراح للإمام وقاله : ياشيخ بصراحه أنا ماكنت اقعد معاك

لله في الله ..



ولكن كنت اجلس عشان اغطي على رفيجي ..

لأن زوجتك تخونك معاه ..



تعرفون شنو رد الشيخ ؟؟؟











قال :



بس أنا ماني متزوج ؟؟؟















هنا الصدمة !!!











عرفتوا وائل كان يروح لزوجة من ؟؟







كان يروح لزوجة حمد









في الحديث الشريف :



((من اعان على ظالم .. سلطه الله عليه ))

[نحول]

بللللللللللللللللللللللل

اعوذ بالله ... هالرفقة مامنها خير ..لانها كانت على اساس غلط

والله يستر علينا وعلى اهالينا

[بوخالد911]

يسلموو عبيير

للقصة الجميلة

[y.o.y.o]

اعوذ بالله

[حقيقه]

استغفر الله

بس مادري ليه ضحكت على القصه :rolleyes2:

[nouar]

اعوذ بالله

[Mozanee]

http://img33.imageshack.us/img33/7931/622701172860882f.gif

قصة فيها من الغبرة الشئ الكثير

الزنا مثل الدين يدفعه من أهل بيته

جزاك الله خير عبير على القصة المرعبة أحسه مرعبة .

[black@white]

قشعر بدني
بئس الصديق
شكرا لك على القصه

[عبير قطر]

اشكركم على الردود المعبرة

[طيب وحبوب]

لا حول ولا قوة الا بالله ..

يعطيج العافية عبير عالقصة المعبره ..

تحياتي

[الجزوع]

حسبي الله ونعم الوكيل ، الخوف من اللي ما يخافون من الله ..

لاحول ولا قوة الا بالله، يعطيكي العافيه اخت / عبير قطر .. عساك على القوه

[عبير قطر]

الله يعافيكم جميعا

[العداله]

قال تعالى (الزَّانِيَةُ وَالزَّانِي فَاجْلِدُوا كُلَّ وَاحِدٍ مِنْهُمَا مِائَةَ جَلْدَةٍ وَلا تَأْخُذْكُمْ بِهِمَا رَأْفَةٌ فِي دِينِ اللَّهِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِنَ الْمُؤْمِنِينَ)

[هدهد سليمان]

والله قويه .. الله يعين !

يعطيك العافيه اختي عبير