ممكن تفيدوني ف هالتصميم

[السنافيه]

السلام عليكم شحالكم اخواني

انا تقريبا مريت على كل المواضيع اللي تخص مخطط رسم خريطه لفلل

وعرفت مكاتب كثيره واسعارهم .. .

وانا ابي ابتدي ارسم خريطه لفيلا مساحتها 1225 م

شاللي تقترحونه علي يكون مساحه البناء 800م

انا حاطه ف راسي فكره ف المخطط ان مافي صاله فوق يعني الغرف اللي فوق اطل على الصاله تحت احس البيت يكون اشرح وعندي مخطط بنفس هالتصميم يعني بس شويه تعديلات عليه

شرايكم ف هالتصميم توافقوني الراي
؟؟؟؟؟

[السيل]

ليس السامع كالمعاين !!

و ليس من رآى كمن سمع !!

يعني لو تحطين المخطط بيكون التفاعل اكثر ،، انصحك بهالمنتدى http://www.homekw.com/bet/
قسم مكتب التصميم بإمكانك تحطين تصميمك وتستفيدين من مقترحات وافكار الاعضاء

موفقهـ

[بويوسف]

اي حلو .. بس على فكرة 800 كبير .. لو يكون اصغر بيكون افضل ..

[اسيرالدوحه]

فكرة ان الطابق العلوي يكون للنوم ... فكرة جيدة ..

وصراحة مطلوبة ...

لكن فكرة عمل شرفة فوق .... راح تاكل عليج مساحة كنتي من الممكن انج تستفيدين منها ... هذا اولا ...

وثانيا .... اذا ناوية تسوين هالشي .,.. فلازم .... عشان يكتمل التصميم ... تسوين شي فوق هالشرفة ... قبة ... او اي شي ....


لكن .... ممكن تقنين هالفكرة .... وعمل صالة فوق ... بس مافيها تلفزيون أو شي من اللي يسوي ازعاج ...

بحيث يبقى الدور العلوي للنوم فقط ... والدور الارضي للقعدة والسوالف ومشاهدة التلفزيون ...

مقصد كلامي .... يكون في مثل القعده فوق ... بس تكون راح قعدة خفيفة ... بحكم انه مافي تلفزيون ...

وانا اشوف 800 م مربع ... حلو ... اذا كانت الاسرة كبيرة ... ((طبعا مع الملاحق)) ...


هذي وجهة نظري .... وهذا اللي سويته في بيتي ...

يعطيج العافية اختي .... وبالتوفيق يا رب ...

[السنافيه]

السيل تسلم اخوي وان شالله بحط اقتراحي

بويوسف يعني اصغر المساحه

اسير العايله صغيره يعني انا وزوجي بس

وما احب سالفه الصاله اللي فوق لان كلش ما لها دور اثاث على الفاضي كل قعدتنا ف الصاله اللي تحت

لان بيت اهل زوجي نفس الشي الصاله اللي فوق شبه مهجوره

ف حبيت اسوي شي جديد وشرح ويعطيك منظر ان البيت وسيع

[موضي قطر]

أنا أقول خذي أفكار من مواقع عدة بتستفيدين أكثر حبيبتي

[السنافيه]

والله قاعده ادور

[قطري !]

السنافيه


الله بيرزقكم انشالله بالاولاد واحسبي حساب المستقبل



اول شي لازم تحددون عدد الغرف اللي في الدور الاول مع دورات المياه


ثاني شي التكييف ... سبيلت ولا سنترال ولا عادي.. ولا دكت سبيلت ؟؟؟


دورات المياه الللي فوق تفضل ان تكون فوق دورات المياه اللي في الدور الارضي.

بايبات الصرف والماء .. يعمل لها دكت يسكر عند التشطيب حتى لا يبين من الخارج.

وضعية البيت ... يعني لازم تحسبين حساب انج مثلا بتسوين حديقه او بركة سباحه , يعني البيت يبني في المكان المناسب من الارض...

مساحات الغرف والصالات ... بعض الناس اللي يبني يتفاجأ في صغر الغرف او الصاله على الطبيعه .. لانها في الخريطه غير وفي الواقع شي ثاني ...

[السنافيه]

تسلم اخوي ع النصايح بيكون شكل البيت على حرف _l

والمكيفات سنترال وفوق بيكونون 4 غرف الرئيسيه وغرفه بحمامها ووغرفتين بينهم حمام طبعا مافي صاله لان بيكون مفتوح ع اللي تحت

وتحت مجلس+ مطعم +مغاسل وحمام

وغرفتين بينهم حمام وصاله ومطبخ

والملاحق برع مطبخ + مخزن

وغرفه خدامه + حمام كبير لغسيل الملابس

والحوش بيكون فيه حديقه

والواجهه زجاج

[بو الجوري]

هلا أختي :..
أنا من فتره مسوي مخطط :.. أرضي مساحتها 1240 :..
والبناء كامل دورين وبنت هاوس والملحق والمجلس طلعوا 708 متر مربع :..

أنا أنصحج تسوين صاله فوق :.. لأنج بتحتاجينها :.. تكون لقعدة العايله واليهال :..
لأن اللي تحت بتكون للضيوف وشي مرتب :..

أنا فوق مسوي 4 غرف ماستر بمساحات مختلفه :.. مع صاله ومطبخ صغير :..
وتحت (الصاله والمجلس والمطعم ) مفتوحين على بعض :.. لأنها بتكون للحريم بس :..
والرجال لهم مجلس برع :.. وفيه غرفه ماستر تحت :.. ومطبخين (خارجي وداخلي):..

نصيحه :.. لا توافقين على المخطط من أول مره :.. يعني شاوري الناس :.. وخذي آرائهم :..
وأكيد بتسويين تغيرات :.. وترا عادي لج حق إن الاستشاري يكون باله طويل :.. ويسويلج التعديلات لين ماتقتنعين :..لا تستعجلين :..

والغرف لا تسوينها صغيره :.. أنا الغرف مسويها 5*5 مع درسنج رووم :..
والحمام أنا من رايي يكون الشور واقف :.. يعني مب بانيو :.. عشان تستغلين المساحه :..

والبيت طبعا خليه على جنب :.. مب في النص :..

وأي إستفسار أنا حاظر :..

بالتوفيق :..

[بو الجوري]

وبخصوص الغرف إن كلها ماستر :..
أنا أول شي سويت 2 ماستر و2 بينهم حمام :..
وعقب غيرت :.. قلت العيال بيكبرون :.. ولازم كل واحد يكون له حمام خاص :.. أحسن :..
وطبعاً الشي بيرجع لج :.. وعلى حسب سكان البيت إن شاء الله :..

[السنافيه]

بو الجوري تسلم اخوي ع النصايح

واكيد بيكون حجم الغرف معتدله والحمام بيكون شور واقف

بي سالفه الصاله اللي فوق مب داشه مزاجي خخخخخخ ما ادري احب شي مفتوح يشرح الصدر

[بو الجوري]

بو الجوري تسلم اخوي ع النصايح

واكيد بيكون حجم الغرف معتدله والحمام بيكون شور واقف

بي سالفه الصاله اللي فوق مب داشه مزاجي خخخخخخ ما ادري احب شي مفتوح يشرح الصدر

والله الشي راجع لج :.. ومثل ماقلت على حسب سكان البيت :..
إذا في يهال لازم تكون صاله فوق عشان يلعبون وياخذون راحتهم :..
ويكون المكان تحت نظيف :)

وإذا خليتي المكان مفتوح من فوق ويطل على تحت :.. بتضيعين مساحه :.. عالفاضي :..
فكري فالمستقبل :)

موفقه :..

[السنافيه]

جاااري التفكير

المشكله انا توني ف بدايه حياتي الزوجيه ويشوفوني اني صغيره على اني اصمم او اختار خريطه

وكل ما قلت جي حلو قالوا انتي ما تعرفين باحر شبيصير

انا كان من راي كل غرفه بحمامها بس قالوا لي لا خلي كل غرفتين بينهم حمام برع احسن

[بو الجوري]

:)
الله يوفقج يارب :..
بس دايماً فكري فالمستقبل :..
في يهال وفي خدامه أو ثنتين :.. وفي وفي وفي :.. :.. :.. :)

بس الصاله اللي فوق لازم :.. هذي نصيحه :..

مثل ماقلت فكري فالمستقبل :.. لأنه بيت العمر إن شاء الله :..

[السنافيه]

ان شالله جاري التفكير

[شموخ دائم]

,

,



السلام عليكم وررحمه الله


الله يوفقك يارب

بقولك اختي الكريمه من واقع الخبره وكثير بيوت مرت علي

لما نفكر بعمل بيت نفكر بثلاث امور

احتياجاتنا + الجمال + التكلفه

في بدايه حياتك كل الي ذكرتيه جيد وراح يلبي احتياجاتك

وفكره الصاله فكره طيبه واكيد راح تعطي فخامه وجمال على البيت

بعد كم سنه راح تزيد احتياجاتك للغرف ( للاطفال الله يرزقك ) اذا بنت تبي غرفه لوحدها

اذا ولد بس يصير عمره 10 يبي غرفه لوحده

يبون غرفه للالعاب هذا شي اكيد

غرفه للاكل بجانب المطبخ

غرفه لكي الملابس ( ما بتحتاجينها بدايه حياتك ) بعدين بتصير ضروريه

بدل الخادمه بعد كم سنه بتحتاجين( خادمه ثانيه ) وراح تصير الغرفه ضيقه

خاصه انا احنا نسوي غرف الخدم صغيره كثير

فوق راح تحتاجين غرفه لتحضير طعام خفيف بعد الساعه 10 لما تنتقلون فوق

( طلوع الدرج اكثر من مره راح يكون مزعج مع مرور السنوات وتبون كل شي جنبكم فوق )

لازم بتحتاجون شاي وقهوه واكلات خفيفه وسندوشيات اذا مو لكم فهو للاطفال

ولغسيل الاكواب وملاعق وسكاكين وراح تحتاجين ثلاجه فوق اكيد

خاصه ايام الصيف واوقات السهر

وراح تزيد احتياجاتك للمخازن ملابس وملاحف واثاث مستخدم وتم تبديله وامور كثيره

من سجاد واواني منزليه ومعدات للبر والبحر ( للزوج )

( تحتاجين غرفه مكتب ) اذا شغلك او شغل زوجك يطلب ينجز بعض الاعمال في البيت

بتحتاجون مكان للمكتب واللكمبيوتر فاكس مكينه تصوير ( البعض يحتاجها )

وراح تزيد احتياجاتك للملاحق بشكل ما يخطر على البال

وجود غرفه نوم في الدور السفلي (ضروريه ) وجود غرفه العاب في الدور السفلي ( ضروريه )

ايام بيجونكم اطفال الاهل والقرايب اذا مافي غرفه يلعبون فيها ماراح حد يقدر ينام بالبيت

:)

بالنسبه للمساحه فهذا يرجع الى وضعك المادي قبل كل شي

وكل ما كبر البيت بيكون احسن اكيد للمستقبل وراح يكون شرح

ولكن تكلفته راح تزيد معاك

البيت الضيق يضيق الخلق مع وجود لاثاث يصير كل شي مزحوم

المساحه 800 مساحه زينه للفيلا بس ماعرف اذا مع الملاحق او بدون

وبالتوفيق لكم يارب

ياريت تشوفين موضوع المثبت عن اخطاء البناء وتجارب الاعضاء


ان شاء الله يكون بيت مبروك وتتوفقين بخريطه ترضيك

,

اخوك



شموخ دائم

,

[بو الجوري]

بيض الله وجهك :.. :)

هذا اللي أبي أوصلها إياه من الصبح :..

:)

[السنافيه]

ههههههههههههههههههههه

بو الجوري وصلت وصلت المعلومه

اخوي شموخ يعطيك الف عافيه اخوي على التوضيح

وان شالله انا حاطه حساب حق كل شي

وبمر على الموضوع اللي ذكرته وباخذ نصايح وافكار منه

[بويوسف]

اختلف مع اللي يقول لج وسعي لانج بتحتاجين لهالمساحات بالمستقبل .. احصري احتياجاتج وحدديها وعلى اساسها بتعرفين المساحات اللي تحتاجينها فعليا .. كم الميزانية اللي عندج عنصر مهم ممكن تحسبين التكلفة التقريبية بضرب المتر المربع في 2000 ريال .

بخصوص الصالة فوق ما اعتقد انها لها اهمية ذاك الزود .. اذا وفرتي صالة كبيرة تحت ومطبخ فيه مكان للاكل اعتقد بيكون كفاية ..

وجود منفذ وفراغ للاعلى جيد ومفيد ويخلي البيت مريح واشرح .. البيت مش بكبر مساحاته ياما شفت بيوت مساحات كبيرة وكلها ضايعة وفي بيوت صغيرة لكنها شرحة ووسيعة ..

المساحات اذا ماكانت مدروسة بطريقة جيدة بتكون مريحة واذا كانت مساحات لمجرد الحجم الكبير فما بتكون مريحة ..

بالعكس البيت الكبير محتاج صيانة اكبر على مر السنين .. محتاج الى اهتمام وعناية وخدم اكثر .. قد يكون موحش اذا ماكان فيه ناس مالينه ...

افضل بيت اصغر مع تصميم وتشطبيات سوبر ديلوكس على ان يكون بيت كبير وتشطيبات وتصميم عادي جدا

[الأميرة ملاك]

:ok::ok:
هلا أختي :..
أنا من فتره مسوي مخطط :.. أرضي مساحتها 1240 :..
والبناء كامل دورين وبنت هاوس والملحق والمجلس طلعوا 708 متر مربع :..

أنا أنصحج تسوين صاله فوق :.. لأنج بتحتاجينها :.. تكون لقعدة العايله واليهال :..
لأن اللي تحت بتكون للضيوف وشي مرتب :..

أنا فوق مسوي 4 غرف ماستر بمساحات مختلفه :.. مع صاله ومطبخ صغير :..
وتحت (الصاله والمجلس والمطعم ) مفتوحين على بعض :.. لأنها بتكون للحريم بس :..
والرجال لهم مجلس برع :.. وفيه غرفه ماستر تحت :.. ومطبخين (خارجي وداخلي):..

نصيحه :.. لا توافقين على المخطط من أول مره :.. يعني شاوري الناس :.. وخذي آرائهم :..
وأكيد بتسويين تغيرات :.. وترا عادي لج حق إن الاستشاري يكون باله طويل :.. ويسويلج التعديلات لين ماتقتنعين :..لا تستعجلين :..

والغرف لا تسوينها صغيره :.. أنا الغرف مسويها 5*5 مع درسنج رووم :..
والحمام أنا من رايي يكون الشور واقف :.. يعني مب بانيو :.. عشان تستغلين المساحه :..

والبيت طبعا خليه على جنب :.. مب في النص :..

وأي إستفسار أنا حاظر :..

بالتوفيق :..


اخوي بوالجوري
احس انك تتكلم عن خريطة بيتي بالضبط ، وانا أأيد فكرتك بالضبط لا هذا المخطط مب حق سنه للمستقبل
:ok::ok::ok:

[الأميرة ملاك]

,

,



السلام عليكم وررحمه الله


الله يوفقك يارب

بقولك اختي الكريمه من واقع الخبره وكثير بيوت مرت علي

لما نفكر بعمل بيت نفكر بثلاث امور

احتياجاتنا + الجمال + التكلفه

في بدايه حياتك كل الي ذكرتيه جيد وراح يلبي احتياجاتك

وفكره الصاله فكره طيبه واكيد راح تعطي فخامه وجمال على البيت

بعد كم سنه راح تزيد احتياجاتك للغرف ( للاطفال الله يرزقك ) اذا بنت تبي غرفه لوحدها

اذا ولد بس يصير عمره 10 يبي غرفه لوحده

يبون غرفه للالعاب هذا شي اكيد

غرفه للاكل بجانب المطبخ

غرفه لكي الملابس ( ما بتحتاجينها بدايه حياتك ) بعدين بتصير ضروريه

بدل الخادمه بعد كم سنه بتحتاجين( خادمه ثانيه ) وراح تصير الغرفه ضيقه

خاصه انا احنا نسوي غرف الخدم صغيره كثير

فوق راح تحتاجين غرفه لتحضير طعام خفيف بعد الساعه 10 لما تنتقلون فوق

( طلوع الدرج اكثر من مره راح يكون مزعج مع مرور السنوات وتبون كل شي جنبكم فوق )

لازم بتحتاجون شاي وقهوه واكلات خفيفه وسندوشيات اذا مو لكم فهو للاطفال

ولغسيل الاكواب وملاعق وسكاكين وراح تحتاجين ثلاجه فوق اكيد

خاصه ايام الصيف واوقات السهر

وراح تزيد احتياجاتك للمخازن ملابس وملاحف واثاث مستخدم وتم تبديله وامور كثيره

من سجاد واواني منزليه ومعدات للبر والبحر ( للزوج )

( تحتاجين غرفه مكتب ) اذا شغلك او شغل زوجك يطلب ينجز بعض الاعمال في البيت

بتحتاجون مكان للمكتب واللكمبيوتر فاكس مكينه تصوير ( البعض يحتاجها )

وراح تزيد احتياجاتك للملاحق بشكل ما يخطر على البال

وجود غرفه نوم في الدور السفلي (ضروريه ) وجود غرفه العاب في الدور السفلي ( ضروريه )

ايام بيجونكم اطفال الاهل والقرايب اذا مافي غرفه يلعبون فيها ماراح حد يقدر ينام بالبيت

:)

بالنسبه للمساحه فهذا يرجع الى وضعك المادي قبل كل شي

وكل ما كبر البيت بيكون احسن اكيد للمستقبل وراح يكون شرح

ولكن تكلفته راح تزيد معاك

البيت الضيق يضيق الخلق مع وجود لاثاث يصير كل شي مزحوم

المساحه 800 مساحه زينه للفيلا بس ماعرف اذا مع الملاحق او بدون

وبالتوفيق لكم يارب

ياريت تشوفين موضوع المثبت عن اخطاء البناء وتجارب الاعضاء


ان شاء الله يكون بيت مبروك وتتوفقين بخريطه ترضيك

,

اخوك



شموخ دائم

,

100%
:ok::ok::ok:

[السنافيه]

بس اخواني اذا صارت الصاله اللي فوق لالعاب الاطفال وين تقدر تنام من الازعاج

بالعكس اذا صار تحت غرفه مخصصه لالعاب الاطفال وتكون قريبه بعد من المطبخ واامن من سالفه الدرج

[بو الجوري]

شوفي إختي :.. <<< وراااج ورااااج :)

إذا إنتي بتسوين غرفه لألعاب اليهال وفيها تكون قعدتهم :.. الوضع يختلف :..
ممكن إنج تكنسلين الصاله اللي فوق :..

والله يوفقكم :..

[السنافيه]

اي انا هذا اللي اقصده :)

[قطري !]

شرايج تسوين غرفة مساحتها 8*8 قبو (بيسمنت) تحت الفيلا ومدخلها من داخل الفيلا



انا مسوي قبو في بيتي 10*10 وطالعه روعه .

[السنافيه]

يا سلام عليك والله تقرا افكاري وهذا الشي بعد يدور ف راسي

الفكره عاجبتني وان شالله انفذها :)