شرايكم في راوتر كيوتل

[فرفوش]

السلااااااام عليكم

شرااااااايكم في الراوتر مال كيوتل

Qtel ADSL WiFi Router

حد جربه شرايكم فيه؟اداءه؟ممتاز ولايقطع

وانا من سكان مسيمير تهقون الخدمه بتوصل بسرعه ولابتتأخر

وسلاااااااامتكم

[king999]

خايس اتركة
حده 3 متر

[فرفوش]

افااااااا بس اناا شايفه عند هلي وممتاااز

[شبيه الريح]

عندي وممتاز جدا

واسهل تركيب واعدادات

وبدون ماتجيب فني

[قطر دزاين]

انصح بشركه لنكس
http://www.linksysbycisco.com/US/en/home

[Msh3l]

اخوي ياللي قلت انصح بلينكسس ..


على كلامك اتوقع خبرتك فالكمبيوتر يا انها قليله او قديمه ..

اللينكسس كان في 2007 وتحت افضل راوتر .. اما من بعدها

جاء الـ Netgear .. وبقوه وبافضل المواصفات ..

[فرفوش]

الحين شااخذ لينكس او نت قير

ويصير اطلب اشتراك بدون المودم مال كيوتل؟

[ANONYMOUS]

مع الراوتر الجديد" ماعرف شنوعه" ماقام يشبك الايبود وايرلس :(

[BuFaisal]

الحين شااخذ لينكس او نت قير
ويصير اطلب اشتراك بدون المودم مال كيوتل؟

linksys هو الافضل برأيي وتجربتي

[قطر دزاين]

انا استخدمة حليآ ومن افضل الشركات اللي استخدمت منتجاتها

[BuFaisal]

هل نظام الراوتر هذا n ام g ؟

[فرفوش]

اخاااااف اخذ لينكس ويفصل معاي ويبلشني

شنو احسن نووووع راوتر لينكس؟اي موديل يعني؟

وبخصوص الاشتراك يصير اطلب الاشتراك بدون الرواتر صح؟

[العمـادي]

خذ لك نتقير وترك اللينكس على جنب

[فرفوش]

اي موديل؟وكم سعره؟

واعداداته سهله ولا؟

[oْـِـِْـِ جِ ـِِـِرِدِ آنـِـِسـِْـِاِنِ]

جرب n1 عندي ومن ركبته ماِشتكيت منه

[قطري فلته]

linksys خذ نوعيه الى يجيك اسود شنو رهيب سعره على 400 بس قوله ابي N

وادعيلى

[فرفوش]

بس اخاف يقطع وماعرف احدثه

[المشط]

اخوي انا استخدمه ممتاز

امركب 3 من نفس النوع في البيت وفي المجلس ويوصل بعيد

واستخدامه في المجلس جيم اولاين ومع هذا ممتاز لا يقطع ولا يعلق مع ان اللى يستخدمونه اكثر من 6 كمبيوترات في نفس الوقت

لكن في المجلس الثاني نفس الجهاز بس يفصل الانترنت فيه لمده ثواني كل 7 او 8 ساعات .. واتوقع ان الجهاز نفسه فيه مشكله

غير ان تركيب الجهاز سهل وسعره بسيط

[BuFaisal]

ان كان نظامه g فالافضل منه راوترات بنظام n لان سرعتها اكبر وتغطيتها اوسع

[فرفوش]

وش رايكم في لينكس wag160n??

[Media]

راوتر كيوتل جيد بشكل عام ولكن هناك ماهو الافضل مثل راوترات شركة Linksys و Belkin حيث ان بها مميزات متقدمة اكثر من راوتر كيوتل.

[بن دعلوي]

السلااااااام عليكم

شرااااااايكم في الراوتر مال كيوتل

Qtel ADSL WiFi Router

حد جربه شرايكم فيه؟اداءه؟ممتاز ولايقطع

وانا من سكان مسيمير تهقون الخدمه بتوصل بسرعه ولابتتأخر

وسلاااااااامتكم

السلام عليك
و اعتقد ان جهازك اسمة Alcatel او speedtouch. و شبكة النت في قطر من صنعهم و في البداية مافي كان احسن منها و لكن التكنولجيا تطورت و شرتها شركة(Thomson) اخرى و تمت كيوتل تعاني في تطوير بسبس عدم وجود الكاتل بعد شرائها

بلنسبه حق جهازك تبدلة الى +Linksys N هذا ارسالة قوى و ممكن انت تقوية بطريقة انك زودة بي Access point من نفس الماركة و الاْكسس بوينت تضعة في عدة نقاط في البيت الي مايوصلها الاْرسال.


طبعا من الروتر الى البويت لازم واير (فيها تمديد ويرات حق 4 نقط)

[فرفوش]

مشكورررررررررررين

[رجل الجزيرة]

linksys خذ نوعيه الى يجيك اسود شنو رهيب سعره على 400 بس قوله ابي n

وادعيلى

وأنا عندي مثله، فظيع في الواير لس منه وفيه، وسهل التركيب وخفيف الوزن.

[فرفوش]

وش رقم موديله يارجل الجزيره؟؟

تقصد الاسود wag160n?

وممكن اعرف شنو يعني الوايرلس منه وفيه؟تراني ماعرف لهسوالف خخخخ

[رجل الجزيرة]

وش رقم موديله يارجل الجزيره؟؟

تقصد الاسود wag160n?

وممكن اعرف شنو يعني الوايرلس منه وفيه؟تراني ماعرف لهسوالف خخخخ

نعم هو، وهذا هو مواصفاته:
Linksys WAG160N
Wireless-N ADSL2+ Gateway

[BuFaisal]

نعم هو، وهذا هو مواصفاته:
Linksys wag160n
wireless-n adsl2+ gateway

هل ارساله قوي وتنصح فيه ؟

[bo_Oof]

لا تاخذ مال كيوتل خايس احسن شي لنكسيس

[رجل الجزيرة]

هل ارساله قوي وتنصح فيه ؟

إرساله من قريب نعم قوي، أنصح وبقوة.

[BuFaisal]

إرساله من قريب نعم قوي، أنصح وبقوة.

وللفيلا يوصل بكل الغرف ؟

[فرفوش]

نعم هو، وهذا هو مواصفاته:
Linksys WAG160N
Wireless-N ADSL2+ Gateway

والله هذا ممتاز لاني جربته عند واحد من الربع

بس بعضهم مامحده بسبب انه خرابه اكثر من g

طيب اخوي واجهتك مشكله تثبيت الاي بي؟؟

لانه مرات مايتثبت الاي بي بسبب تغييره وبسبب هذا يطلع لك المربع الاصفر ع الاتصال وهو الاتصال ضعيف او تعذر الاتصال

ومرات يكون متصل بس مايتصفح مادري اذا واجهتك هالمشكله

وبغيت اعرف كم رقم النسخه اللي عندك؟؟وهل واجهتك مشكله التقطع الدايم؟

[رجل الجزيرة]

والله هذا ممتاز لاني جربته عند واحد من الربع

بس بعضهم مامحده بسبب انه خرابه اكثر من g

طيب اخوي واجهتك مشكله تثبيت الاي بي؟؟

لانه مرات مايتثبت الاي بي بسبب تغييره وبسبب هذا يطلع لك المربع الاصفر ع الاتصال وهو الاتصال ضعيف او تعذر الاتصال

ومرات يكون متصل بس مايتصفح مادري اذا واجهتك هالمشكله

وبغيت اعرف كم رقم النسخه اللي عندك؟؟وهل واجهتك مشكله التقطع الدايم؟

آسف على التأخير

سعر على ما أعتقد إنه أقل من 300 ريال
والتقطيع أشك إنه من الكيوتل لأن كان عندي سبيد تتش بسبب إنقطاع في الإنترنت وبدلته ب لينك سيس ولكن التقطيع أخف.