المساعد الشخصي الرقمي

مشاهدة النسخة كاملة : ابي محلات تبيع الخرز


Royal Girl
20-10-2009, 10:20 PM
السلام عليكم ورحمة الله وبركاته

المطلوب الواضح ،أبي محلات تبيع الخرز في قطر غير الرونق :)

للي يعرف ياليت يخبرني :shy:

وابي نصيحه من الخبراء في التجاره

افكر افتح محل للخرز و الاعمال اليدويه ،شوو رايكم ،راح يمشي المشروع اولا:victory:؟

ولا على حسب شطارتي في التجاره http://www.qatarshares.com/vb/images/icons/icon10.gif

انتظر رد المبدعين:victory:
في أمان الله
مناي
20-10-2009, 10:37 PM
في واحد باكستاني في المنتزة جنب محلات زهران ومقابل صالون المرود

وفي الذوق الرفيع اعتقد في سوق العلي

اما عن المشروع ماعرف .. يعني مثل شنو شغلات يدوية

بالتوفيق يارب
قطريه ماركه
20-10-2009, 10:39 PM
فكره حلوه .. موفقه ان شاااء الله ....
Royal Girl
20-10-2009, 10:50 PM
في واحد باكستاني في المنتزة جنب محلات زهران ومقابل صالون المرود

وفي الذوق الرفيع اعتقد في سوق العلي

اما عن المشروع ماعرف .. يعني مثل شنو شغلات يدوية

بالتوفيق يارب

جازج الله خير بروح لهم بكره انشاء الله:nice:

**الله يزرقج ويرزق والديج ويرحمهم ويدخلهم الجنه**>>آمين

اما عن المشروع ،مثل الخيوط والخرز والخياطه والسكراب بوك >>>مو غريبه عليكم ^^
Royal Girl
20-10-2009, 10:54 PM
فكره حلوه .. موفقه ان شاااء الله ....

الله يوفق الجميع وحلة دنياج واخرتج يا ماركه:nice:

تسلمين والله
الاعــلامية
20-10-2009, 11:04 PM
في محليين بعد في سوووق النجاااده


شوووفيه بعد ... ^________^


وربي يوفقج .. صح ترى المحلات الخاصه بمثل هالشغلات نادرة عندنا

/
/
عاشقة الطاووس
20-10-2009, 11:13 PM
محل طالبان في المنتزه

ومحل اورنج في السد مجابل رويال بلازا من ورا .. يبيع زيجات وكريستالاات يمكن عنده خرز

وجم محل في سوق النجاده

ملاحظه .... فكرتج يد حلوه وبالتوفيق ان شاء الله :)
لوردغاليري
20-10-2009, 11:20 PM
عند حرير بومباي في شارع ناشيونال
محلين رووووووعه
بس ادعيلي الله يشفيني
@ دانتيل قطر @
20-10-2009, 11:30 PM
هلا أختى

فكرتج حلوووووووووووووة
وبما أني أحب هالسوالف
وأحب الأعمال اليدوية

الصراحة ما أحصل في الدوحة اللي أبغيه
كلها (( تشييييييب ))

وترى أذا سويتي لج هالمشروع وجبتي أغراض غريبه ودانتيلات راقية
وحاجات مش موجوده في الدوحة
00صدقيني
مشروعج بينجح 100%



لاني في فترة كنت أبغي نوع معيّن من الخرز ومالقيتهم في الدوحه
فاطلبتهم عن طريق الأنتر نت

حتى الخيوط
مثل خيوط الكروشيه
طلبتهم من الأنترنت

شوفي لو تبتدين تجيبين البضاعة من دبي
لان محلاتهم وايد وعندهم شغلات تجنن


وهذي محلات الدوحة

1 - سنجر ( الفريدوني)
2- الرونق
3- فت ول
4- نابينا ( العالم الجديد)
5- محل طالبان في المنتزة
6- الذوق الرفيع (سوق العلي)
7- محلات سوق النجاده
8- محلات بيع ادوات الخياطه شارع الكهرباء ( عند حرير بومبي)
9-في المنتزة محل القادرية مقابل الشاهين
نووون
20-10-2009, 11:57 PM
والله فكرة حلوة .. بس نبي منج

تجديد× ابداع× تميز

كل المحلات معتادة .. وتعتبر من محلات الـ supplier

باقولج أنا شنو شفت بامريكا:

تجيج محلات الاعمال اليدوية مختصة بكل شي ممكن تسويه المراة في البيت

من رسم وتلوين وصبغ،

من أدوات جميع انواع الخياطة والحياكة

من أدوات تزيين الكيك والديكورات

من ألأوراق والكراتين والأصماغ والأصباغ للقص واللصق

والحلو والأهم .. ان لكل قسم فيهم مجلات وكتب Guied


شي مميز ما أنساه على سبيل المثال:


كان في قسم للخياطة .. حاطين:

الأقمشة .. طاقات ومع الأقمشة في مجلات الخياطة .. والباترونات

المجلة يكون فيها الموديل، وجنبه مكتوب الاحتياجات من الأقمشة كلن حسب مقاسه ..

وحاطين رقم الطاقة .. وكم متر تقصين منها . واذا الموديل احتاج ازياج او كلف ..

يحطون لج الآرقام وانتي تسألين البياع عنها وهو يجيبها لج !!!! وطبعا مع كل هذا الباترون جاهز ينطرج

وهالكتالوجات تجي كبيرة يعني الواحد فيه حول 1000 موديل مثبت بالمسامير على طاولة كبيرة ...

تجي المراة تتصفح براحتها .. وتكتب الموديل اللي تبيه في النوت وتاخذ متطلباته والباترون واتيسر !

يعني مسهلين لج الخياطة ويحببونج فيها غصب

ترى في ناس للحين تحب الخياطة ..... ومن هالمحلات شفنا حريم اماراتيات هناك الله يذكرهم بالخير

اللي مسوية لها تنورة لنين فيها تطريز .. كانت رووووعة تقولين جاهزة ماتقولين خياط .. ووحدة ثانية مسوية فستان لبنتها .. بعد كان روووعة !!


هذي فكرة بسيطة ... ياااااااااااااااااليت نشوفها أو شي مشابه لها في قطر

والله يوفقج :)
خوخه وحلو
21-10-2009, 12:06 AM
موفقه اختي
Royal Girl
21-10-2009, 12:23 AM
في محليين بعد في سوووق النجاااده


شوووفيه بعد ... ^________^


وربي يوفقج .. صح ترى المحلات الخاصه بمثل هالشغلات نادرة عندنا

/
/


أهلين

والله طلعت محلات جديده كل وحده شكلها احسن من الثاني
=] باجر شكل بسوي جوله سياحيه في الدوحه

زين بسجلهم في List ^^

:ok:ثنكس جبيبتي <=

**الله يزرقج ويرزق والديج ويرحمهم ويدخلهم الجنه**>>آمين

~~~~~~~~~~~~~~~~~~~~~~~~~~~~~~~~~~~~~~~~~~


محل طالبان في المنتزه

ومحل اورنج في السد مجابل رويال بلازا من ورا .. يبيع زيجات وكريستالاات يمكن عنده خرز

وجم محل في سوق النجاده

ملاحظه .... فكرتج يد حلوه وبالتوفيق ان شاء الله :)

~اوكي في المنتزه والرويال بلازا>>>ياي السته كلما لها تكبر

ثانكس حبيبتي عاشقة الطاؤس على الملاحظه:nice:

*الله يزرقج الحلال ويرزق والديج ويرحمهم ويدخلهم الجنه>>آمين

~~~~~~~~~~~~~~~~~~~~~~~~~~~~~~~~~~~~~~~~~~


عند حرير بومباي في شارع ناشيونال
محلين رووووووعه
بس ادعيلي الله يشفيني

هذي المره شارع ناشيونال حرير بومباي :)

.اللهم آمين.<<<أسأل الله العظيم رب العرش العظيم أن يشفيك



هلا أختى

فكرتج حلوووووووووووووة
وبما أني أحب هالسوالف
وأحب الأعمال اليدوية

الصراحة ما أحصل في الدوحة اللي أبغيه
كلها (( تشييييييب ))

وترى أذا سويتي لج هالمشروع وجبتي أغراض غريبه ودانتيلات راقية
وحاجات مش موجوده في الدوحة
00صدقيني
مشروعج بينجح 100%



لاني في فترة كنت أبغي نوع معيّن من الخرز ومالقيتهم في الدوحه
فاطلبتهم عن طريق الأنتر نت

حتى الخيوط
مثل خيوط الكروشيه
طلبتهم من الأنترنت

شوفي لو تبتدين تجيبين البضاعة من دبي
لان محلاتهم وايد وعندهم شغلات تجنن


وهذي محلات الدوحة

1 - سنجر ( الفريدوني)
2- الرونق
3- فت ول
4- نابينا ( العالم الجديد)
5- محل طالبان في المنتزة
6- الذوق الرفيع (سوق العلي)
7- محلات سوق النجاده
8- محلات بيع ادوات الخياطه شارع الكهرباء ( عند حرير بومبي)
9-في المنتزة محل القادرية مقابل الشاهين


ياي نفسي قطريه كوم :eek2:

صحيح بس الخيوط زينه نفس الي برع بس مرات تكون اشكال متشابها :nea:عند كل المحلات

مهو هذا من ضمن الخطه اهم شي يكون غيرب وغير موجود عند الكل:D

شكرا على التشجيع الرائع :ok:

واو تشتغلين كورشيه @@ خطيره والله ،أنا اشتغلت فيه بس فحدود الأساور خخخخ


إي والله:yes: دبي عليها محلات كل شي كووول الصيني ماقصر فيهم بعد


وووو محلات جديده :victory:

ثانكس حبيبتي قطر كوم ^^

××اللهم أكفيها بحلالك عن حرامك و أغنيها بفضلك عن من سواك××
اللهم امين

تسلمون بنات والله يجزاكم الف خير:shy:

باجر غياب عن المحاضره وهياته في المحلات:dance خخخخ

وتخطيط للمشروع ياي:victory:

ثانكس مره ثانيه:shy:

في أمان الله ^^
babyskin
21-10-2009, 05:26 PM
بالتوفيق


دخلي على هالموقع فيه عن انواع الخرز ولوازمة وشوفي شنو ممكن تحتاجين وتسوين لج دراسه للمشروع

هالموقع يعطيج انواع الخرز واشكال صراحة شغل مرتب

http://www.wholesalevintagebeads.com

او حطي beads=خرز في قوقل او ياهو وممكن تيبين طلبيه من برا
ترى حتى دبي مو حلو شغلهم ابدا

اللهم انه عندهم تنوع اكثر بكثر المحلات بس نفس الستاااايل
اهل قطر
21-10-2009, 06:30 PM
السلام عليكم ورحمة الله
شفت الردود لقيتها مشجعه وخايفه ارد واحبطك
شوفي الغاليه انتي قدامك طريق صعبب
في اوروبا مثلا لو فتحتي مثل هالمحل المتخصص فيه ناس بتقدر اسعارك
بس في قطر الي يشتغلون بيدهم قلال
والكثير يبغي اسعار مثل الرونق وانتي صعب تسوين هالشيء لانه يجيب بكميات مهوله بدون تخصص
غير كم الايجارات هالايام
تدرين ان وصلت اسعار المحلات 20 الف شهري
وغير الي بيشتغلون
غير الرخصه والسجل والكهربا
ادرسي المشروع عدل واكتبي في دفتر كل الامكانيات
وتروي
لفي السوق شوفي الاسعار وشوفي من الزباين
يعني محل طالبان مثلا
نادر مالقى قطريات ومره لقيت وحده وطلعت مصممه ازياء وتشتري بالكم متر بس
فيه باكستانيات وخياطين
هذي خبرتي في السوق حبيت احطها بين يدك والله يوفقك
رحال الدوحه
21-10-2009, 08:46 PM
ربي يمسكم بالخير والسعاده جميعاً

ما شاء الله الردود طيبه وبارك الله فيكم كلكم .. اتفق معاك اخوي " اهل قطر "
انا عندي مكتب وتخصص السجل التجاري ونوع مبسط من دراسة المشاريع الصغيره
والسوق ربي يسلمكم يمشي على العرض والطلب ..

اختي العزيزه نفس ما تفضلوا الاخوان والخوات المشروع حلو ومن ( وجهة نظري ) المتواضعه
بيكون مشروع شخصي ( البيت ) مب تجاري بحكم ارتفاع الايجارات والمصاريف فالبدايه

وانا شخصيا اعرف ناس ما شاء الله عليهم وعليكم ومن شرواكم عندهم مشاريع وافكار
وفي جهة مشكوره ما نهضم حقهم في تطوير المشاريع والمسانده
" دار الانماء الاجتماعي " لهم دور كبير
فالدوله ويشجعون ويساندون كل الافكار الجديده ...

ما عليج امر اختي وانتي وكل الموجودين ممكن تدرسين وتحطين خطه
للمشروع وتقدمينها لــ " دار الانماء الاجتماعي " ومقرهم عند اشارات
رمادا اتجاه السد ، وراح يساعدونج وممكن يقدمون التسهيلات لكم كلكم
وانا عن نفسي اشجع هالشئ

والسموحه طولت عليكم " حبيت ابدي وجهة نظري " والموضوع شدني أمانه .

يسلموووو
الدمعه
22-10-2009, 04:00 PM
البنات اللي شجعوج ماقصرو ..صج ماعندنا الاكم محل لاومغبرين .. الرونق المحل الوحيد

اللي متنوع .. واورانج ..للعلم للحين مادخلته بس سمعت عن دانتيلاته ومحد تكلم عن الخرز

او كرستالات .. وماانصحج تجيبين بضاعتج من دبي .. مب كل شي عندهم زين.. واسسعارهم

كل يوم تزيد..

بالتوفيق وباذن الله المشروع ناجح اذا كانت البضاعه جيده ومتنوعه ..وسعر مناسب..
اميرةالصحراء
22-10-2009, 07:45 PM
بالتوفيق ان شاءالله