لوما كنت انت من تتمنى ان تكووون؟؟؟؟

[ام حسوني]

في حياة كل منا العديد من الشخصيات المشهورة وغير المشهورة وقد تمر لحظة على احدنا يقول فيها
ياليتنى كنت فلانا او فلانة
يا ترى هل سالت نفسك هذا السؤال وبم اجبت ؟ ولم ؟

انا عن نفسي اتمنى اني لو كنت انولدت في زمن يدتي زمن البساطه والقلوب كانت عند بعضهاوالناس غير الناس قبل الفلوس فيها بركه الحين وين الميه جنها ريال ابي اعيش حياه البساطه البس دراعه وثوب نشل واتم اراكض في السكيك وناسه امممممم الحين ولدي يوقف عند باب الحوش اخاف عليه من هالعزوب الي محاوطينا باختصاررر ومابي اطول لو يصير ابي ارجع ايام الاربعينات حيث البساطه وكلشي زين يا مال الزين..

والحين انتو من تتمنون اتكونون سالت صديقتي نفس السؤال ردت علي اتمنى لو اكون ام كلثوم هههههههههههههاااي:)


بانتظار ردوردكم:nice:

[جرير]

انتي طبعا ما عشتي اللحظات اللي تتكلمين عليها ايام الاربعينات عشان تتمنيها

مادري احس انه صعبه الواحد يتمنى شي وهو ما عاشه

الخوف يرجعونك لايام الاربعينات . . . تقعدين تتحسيفين وتصيحين من

العيشه وصعوبتها ذيك الايام . . . لا تستهينني بالحياه ايام الاربعينات

كانت وايد صعبه وظروف الحياه كانت قاسيه مثل ما هو معروف للكل

الحياه ذيك الايام مب مثل ما انتي متخيلتها وناسه وثوب نشل

الحياه اقسى من جذي . . . والحين الحمد لله في الف خير ونعمه

وايد فرق وايد عن قبل . . . بغض النظر عن اطباع الناس شلون

كانت قبل والحين شلون صارت

[ابو ضمير]

اتمنى ان اكون ابو ضمير

[طموحي عالي]

مابي اكون غير تاجره مبتدئه

ماتوقع نفسي شي ثاني

[سماء الرياض]

كنت اتمنى لو كملت دراستي واصبحت دكتورة اااااد الدنيا

يعطيك العافية على الموضوع

[شبح الصمت]

لو بالتمني لمات الفقير مسكين ؟؟ عالعموم ترى التمني مهب صعب أهم شيء العزيمة الاراده .. بس عن قبل اي حياتهم قبل حلوه وطيبه بس كل وقت وله جيله
موضوع حلو بس صدقتي في موضوع اليهال وطلعاتهم مب عشان العزاب وهالسوالف الحين العالم تمر على بيت الواحد كانه طاير هالخوف منه .. الله يحفظ عيالنا من كل شر والمسلمين

[moon-99]

:con2:

مااا يبيلها تـفـكـيـــــــر


أنـــــــــــــــــــــــــــــــا :victory:

[بوخالد2]

صباح النور

الحمدالله على ما انا عليه الان

يسلمو ام حسوني

[الاعــلامية]

مااتمنى الا ان اكون أنــا

بتحسين طفيف ... اعني ..

انا دووون شوائب .. ودون تسويف لبعض الامور ... ودون طيبة زايدة ..



وربي يحقق امانيكم ياوجوه الخير

[ناصر العمادي]

كنت بتمنى أكون ناصر العمادي ولكن أعيش بزمن جدي وماكون شفت هالزمن الوصخ اللي نعيشه الحين ..
أتم ناصر بقلبه الطيب بس في زمن الطيبين ..

أنا أحب وأعشق البساطه والهدوء والحياه السهله ..

وأيضا كنت أتمنى وايد لو أني ولدت على أيام الرسول صلى الله عليه وسلم وكنت شهيد وضمنت أخرتي بدل ماعيش في هالزمن اللي أكرهه من كل قلبي ..

تسلم أيدك أختي أم حسوني على الموضوع الخفيف

الله يوفقك وينور دربم وييسر أمرك دنيا وأخره يارب

كل الشكر والتحيه والتقدير والأحترام مني لك

[بوخالد911]

هلووو ام حسوووني

أتمنى لو انولدت بزمن الرسول عليه السلام والصحابة عليهم رضوان الله


يسلمووو للموضووع الجميييل

[بوناصر11]

الحمدالله على ما انا عليه الان

[طيب وحبوب]

موضوع حلو يا أم حسوني .. فيه تحريك للأفكار والمشاعر رغم بساطته

أتمنى أكون طفل .. مرفوع عني القلم .. أعيش براءة الطفولة والكل يبتسم لي حتى لو غلطت ..

تحياتي ويعطيج العافية

[black@white]

لو ان موانا اتمنى اني اكون
انا