المساعد الشخصي الرقمي

مشاهدة النسخة كاملة : جمس سييرا وسلفرادو Gmc Sierra Chevrolet Silverado


gxr o.z
21-10-2009, 10:38 AM
السلام عليكم ورحمة الله وبركاته
صباح الخير
شباب شنو الفرق بين السييرا والسلفرادو غير السطابات والعلامات وبعض الأشياء البيسطة؟
وانا ابي موتر تحميل يعني اغراض المقناص ....واغراض بيت واطلعات وكتشتات...يتحمل الجمس قبض الخطوط والبر والمقانيص (يعني الأراضي الوعره وطلعات السعودية كل موسم>?
لأن اشوف حرام احط فلوسي في بوحوض ٢ ٠١٠ اللي سعره حول ١٢٠ الف ومافيه شي ووعر
ومكينة ٦٢٠٠ ممكن اطلبها على سيبرا عادي مب دينالي ولا سلفرادو؟
وفالوكاله في تست درايف للسييرا والسلفرادو ولو ابي تأجير ليوم واحد كم يطلع علي?
تحياتي
الرويـس
21-10-2009, 10:47 AM
شباب شنو الفرق بين السييرا والسلفرادو غير السطابات والعلامات وبعض الأشياء البيسطة؟
نفس السؤال
Bin M3thad
21-10-2009, 01:17 PM
واحد من الربع عنده جمس سييرا حجم 2500 مخليه حق طلعات البر و البحر و يسافر ويمدح فيه

لكن انا شفت في موقع الجمس و موقع ايباي جمس سييرا و الطابلون نفس اليوكن و فيه فتحه .. و غريبه المناعي مايجيبه !!
رآعي موآجيب
21-10-2009, 01:59 PM
الأمور الميكانيكيه والفنيه وقطع غيارها نفس الشي

الإختلاف في الوجه والمواصفات فقط

يعني على سبيل المثال

تلاقي ارضية السييرا مفروش قطع زل

والسلفرادو مفروش قطع بلاستك

وبعض الأمور البسيطه

و سلامتك
بوعمير
21-10-2009, 04:50 PM
اخوي جي اكس ار من واقع خبرة في الجموس والشفر والبوحوض وانا واحد راعي جموس وخوي راعي بوحوض اقول:
الجمس سيرا اخو الشفر سلفرادو الاختلاف فقط في القطع الخارجية مثل الاصطابات الشبك الرنقات الشعار و باقي الاكسسوارات ام المكينة وانواعها نفس الشيء الي في الجمس تعينة في الشفر (( حتى ان كتيب الضمان ودليل المستخد للجمس والشفر واحد)) وبصراحة الموتر ماعلية كلام شكل وقوة وعزم ويتحمل بر وبحر وسفر وأهم ميزه فيه انه ما يصرف بسبب نظام الهيمي الموجود في المكينة وهو نظام فصل اربع اسطوانت وعمل اربع اسطوانات عند السرعات الثابتة في الطريق وهذا يوفر بترول، نظام السلامه في الجمس عالي ومحترم وطبلونة رزة عن البوحوض، واهم عيوبة ضرب الجيك (إذا بنشر) ووعورتة نفس وعورت البوحوض ايضاَ سعرة إذا بغيت تبيعه عقب ينزل شوي بس مب مثل اليوكن والتاهو لا الجمس سييرا سعره يمسك شوي، وقيمت الغمارة سنجل 88000 والدبل 107000 وغمارة وربع 113000 كلهم فل ابشن بعد الخصم طبعاً ام البوحوض بتعين 100000 وب107000 و120000 حسب المواصفات الي انت تبيها، يعني السعر تقريباً واحد في الجمس والشفر والبوحوض بالنسبة للغمارة، توكل على لله وخذلك جمس سييرا ولاتنسى تستخير وعسى الله يحفظك في برة وبحرة وجوه.
qtr1
21-10-2009, 07:27 PM
الشفر والجمس كله سيم سيم
فتى قطر
22-10-2009, 07:39 AM
السييرا والسلفرادو نفس الشي..انا عندي سلفرادو باب وربع بس مواصفات خاصه مايجيبها الجيده ..شريته من دبي من وكالة الكندي.الي هو سلفرادو LTZ يعني طبلون دينالي (بيج) وفتحه وجلد بس اللي عندي 1500 واستخدامه حق سفر عجيب ومايناقز نفس ال 2500hd بس اذا انت تبيه حق حموله اخذلك 2500hd يشيل اكثر ومكينته 6.0 ومايصرف في الخط..

وانا اشوف السلفرادو heavy duty باب وربع وحشششششششششششششش