هل في فرع لبنك الدوحه يفتح أيام السبت ؟ محتاج الإجابه بسرررعه

[أحسينوه]

السلام عليكم ورحمة الله وبركاته ..

هل أحد عنده فكره إذا بنك الدوحه عنده فرع يفتح أيام السبت . لأن مثلكم عارفين هناك بعض البنوك

زي مثلا ً الدولي الإسلامي تلاقي فرع مشيرب يفتح أيام السبت . يعني يستفيد منه الموظفين اللي

ما يقدرون يطلعون أيام الدوام علشان يخصلون معاملاتهم البنكيه .

==================

الشغله الثانيه .. ما أدري بس سمعت . هل صحيح للي أكتتب في ناقلات ما يقدر يبيع إلا بإحضار

إشعار التخصيص ( اللي أرسله البنك الوطني ) معاه ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!

يعني ما يحتاج رقم المساهم !!!!!!!!!!!!!!!!!!!!!

=================

الشغله الأخيره .. كيف بإمكاني إستخراج رقم المساهم الخاص بي .. لأني ضيعته .. لازم أروح

البورصه .. شغله وزحمه تبط الراس . ما أقدر آخذه بطريقه أخرى أو عن طريق الهاتف ؟

[الصمت]

وعليكم السلام والرحمة.
بالنسبه لبنك الدوحه اعتقد ومب متأكد فيه فرعين يفتحون دائما واحد في سوق واقف والثاني بشارع النصر.
اما بالنسبه لرقم المساهم لازم تاخذه عن طريق سوق الدوحه للاوراق الماليه وماراح تتأخر يعني وانت واقف حتى لو اتروح لهم نهاية الدوام.

[اللورد]

ممكن ايضاً اخذ رقم المساهم من اي مكتب وساطه لأن عندهم الد يسك اللي فيه كل ارقام المساهمين واسماؤهم

[alqalei]

فرع النصر يفتح السبت الصبح والعصر

[أحسينوه]

الأخوه الأفضال / الصمت & اللورد & alqalei ..

بارك الله فيكم .. وجزاكم كل خير .. أنا الحين رايح فرع النصر ( الوقت الحين العصر الساعه 4:30 )

وإن شاء الله يكون فاتح ..

================

بالنسبه للجهه اللي أراجعها في البورصه لأخذ رقم المساهم . في أي دور ؟

وبا أجرب وأشوف إذا قدرت أطلع الرقم من خلال المجموعه .

================

سؤال ع الطاير .. أغلب أجهزة الصراف الآلي يكون فيها لمت للسحب . ما تقدر تسحب أكثر من 6000

ولكن أتذكر مره من المرات طحت على جهاز صراف ( بس مو ذاكر لأي بنك ) يسمح لك بسحب 10000

هل أحد عنده فكره عن أي بنك يسمح لك بسحب هذا المبلغ من جهازه ؟

[قناص قطر]

بنك الدوحه فرع سوق واقف فاتح كل يوم عدا الجمعه لغاية الساعه 7 ونص بالليل

اما بخصوص السحب

بنك الدوحه تقدر تسحب لغاية 10000 ريال يوميا

واذا كان لك اي استفسار اخر هذا الخط السخن للبنك 4324320

24 ساعه على 24 ساعه

وبالله التوفيق

[الصمت]

هلا اخوي احسينوه انا اتعامل مع جهاز بنك قطر الوطني واللمت اللي تقدر تسحبه في اليوم 9000.وبدال ماتعور راسك اذا فرع البنك اللي تقدر تحسب منه يفتح العصر روح له واخذ كاونتر شيك واسحب الملبغ اللي تبيه.
تحياتي.

[أحسينوه]

يا روحي عليك أخوي / قناص قطر .. تسلم عزيزي وجزاك الله كل خير

أخوي / الصمت .. الله يجزاك كل خير

[أحسينوه]

الحمدلله رحت فرع النصر وخلصت المعامله .. بالمناسبه فقط فرع النصر اللي يداوم يوم السبت

صباحا ً والفتره المسائيه من 4 لغاية 7 ونص

==============

وبالنسبه للحد الأعلى للسحب .. ما يمحلي صرافهم غير بــ 6000 رغم أن الحد الأعلى 10000 . ولما

سألت الموظف قالي غريبه .. قلت طيب يمكن راجع الأمر كون بطاقتي خاصه بالبنك الدولي الإسلامي .

قالي ما له دخل الموضوع . قالي يمكن الجهاز مخبط !! قلت يمكن خصوصا ً أخوكم مقرود :D