المساعد الشخصي الرقمي

مشاهدة النسخة كاملة : قاتل الطفلة اللبنانية اسيوي عمره 17 وبدون رخصة!!


سعادة الوزير
21-10-2009, 02:08 PM
قاتل الطفلة اللبنانية دهساً بالسيارة هو اسيوي عمره 17 سنة ولا يحمل رخصة قيادة ، يا ترى هل ستثور ثائرة المرور ضد الاسيوين ممن يتسببون في الحوادث ليل نهار؟؟؟؟؟ .. ام ستضل "ثائرة" المرور متوجهه للشباب القطريين فقط؟؟؟
الجزوع
21-10-2009, 02:16 PM
:( حسبي الله ونعم الوكيل ، اخبر الاسيويين يخافون يتعدون على القوانين

الحين لاعبين لعبتهم ومفتلين، بس اللي انا مستغربه منه انهم كاتبين ان نوع السياره

اللي دعمت البنت (( سياره لاند كروزر)) توقعت دريول حق عائله قطريه

لكن !!!!!!! مادري شقول ..

قبل يا غريب كن اديب الحين يا غريب استمتع بحرية الاستقلال ومدري وشو..

حسبي الله ونعم الوكيل ، بنشوف وش نهاية هالتسيب والخربطه؟!
PARIS
21-10-2009, 02:17 PM
اعتقد اذا كان اجنبي مافي شئ بيثور ........ اما اذا كان مواطن الله يعين.........
حليتان*
21-10-2009, 02:19 PM
اخرته ابعاد ولا بسيون له شي
كلي أمل
21-10-2009, 02:21 PM
انا ما اقوول الا الله يصبر امها
غزلان
21-10-2009, 02:23 PM
لاحول ولاقوة الا بالله

الله يصبر امها حسبي الله عليه
@سنافية قطر@
21-10-2009, 02:24 PM
حسبي الله ونعم الوكيل عليهم

كتوهم في البلد ولاعبين لعبتهم لا خوف ولا هوب

لأن لا حسيب ولا رقيب عليهم
لو قطري كان قامت قيامته

الشكوى لله
::.Silent.::
21-10-2009, 02:24 PM
اقوووول:

شخبار المرور ,, !!
براتزية برازيلية
21-10-2009, 02:26 PM
لاحول ولاقوة الا بالله
زمن الغدر
21-10-2009, 02:32 PM
ياجماعه بس ظهرتوا المبرارات شدخل الحكومه ضدنا وعشنه اجنبي بيسكتون

الاسيوي مسكين ولا له خص

الشرها على كفيله

جايبه من فتره الدوحه ويعلمه سواقه من قريب

ومخليه الحبيب يروح ويجي بموتر البيت

وصار الي صار
qatari1
21-10-2009, 02:35 PM
ياجماعه بس ظهرتوا المبرارات شدخل الحكومه ضدنا وعشنه اجنبي بيسكتون

الاسيوي مسكين ولا له خص

الشرها على كفيله

جايبه من فتره الدوحه ويعلمه سواقه من قريب

ومخليه الحبيب يروح ويجي بموتر البيت

وصار الي صار

لا لا الأجنبي هو الغلطان...

المواطن ما يسوي هالسوالف!
سعادة الوزير
21-10-2009, 02:39 PM
ياجماعه بس ظهرتوا المبرارات شدخل الحكومه ضدنا وعشنه اجنبي بيسكتون

الاسيوي مسكين ولا له خص

الشرها على كفيله

جايبه من فتره الدوحه ويعلمه سواقه من قريب

ومخليه الحبيب يروح ويجي بموتر البيت

وصار الي صار

لو كان قطري وعمره 17 سنة ويتعلم السواقة بدون ليسن وقتل حد من اهلك الله لا يقول ، بتقول ماله خص ومسكين وحصل خير وصار الي صار؟

بعدين شلون عمره 17 وكفيلة جايبه؟؟ .. الي اعرفه ان القانون مايسمح اصلاً انه يدخل على كفالة شخص غير الوالدين!!

يا جماعة كفاكم تبرير و محاماة عن هالاشكال! ..
زمن الغدر
21-10-2009, 02:39 PM
لا لا الأجنبي هو الغلطان...

المواطن ما يسوي هالسوالف!

:secret::secret:

اخوي اقولك راعي الموتر جايب الريال على كفالته ومخليه يسوق بدون ليسن وهو على علم بهاي الشي مب حرام يايبه وهو مايعرف شي من بلاده ومخليه يسوق سياره ويذبح بالعالم

بيكون المتسبب من؟؟

ياليت نتكلم بالواقع وبالحق
زمن الغدر
21-10-2009, 02:42 PM
لو كان قطري وعمره 17 سنة ويتعلم السواقة بدون ليسن ، بتقول ماله خص ومسكين وحصل خير وصار الي صار؟

بعدين شلون عمره 17 وكفيلة جايبه؟؟ .. الي اعرفه ان القانون مايسمح اصلاً انه يدخل على كفالة شخص غير الوالدين!!

يا جماعة كفاكم تبرير و محاماة عن هالاشكال! ..

ياخوي انا مادافع عن حد ولا شي

ولو واحد من عيال البلد صار معاه الي صار شنو بيصير شهر كفاره والديه التامين يدفعه وخلاص

وهذا نفس الشي سجن وديه وتسفير
@سنافية قطر@
21-10-2009, 02:47 PM
ما اخبر يدخلون بزران بفيزا دريولية بالبلد!!!!

يا خوي هذا واحد بزر ماخذ سيارة أبوه او امه ورايح يجيب اخته من المدرسة الأجنبية

اللي احنا هالقطر ما نقدر ندخل عيالنا فيهم وهم يدخلونها ببلاش والتأمين الصحي على الشركة او الهيئة والسيارات الكشخة والقطري مديون لين الممات!!!!

الله المستعان بس

الخير خير أبونا والغرب ناشبونا !!!!!
.. ام عبودي ..
21-10-2009, 02:50 PM
لاحول ولاقوه الابالله

الله يمسح على قلب امها ويصبرها
راعي البيرق
21-10-2009, 03:58 PM
اخرته ابعاد ولا بسيون له شي
على كيفهم ابعاد هذي روح بنت ناس مب لعبة ولا هوشة بالصناعية عشان يبعدونه
tariq ali
21-10-2009, 04:21 PM
ما اخبر يدخلون بزران بفيزا دريولية بالبلد!!!!

يا خوي هذا واحد بزر ماخذ سيارة أبوه او امه ورايح يجيب اخته من المدرسة الأجنبية

اللي احنا هالقطر ما نقدر ندخل عيالنا فيهم وهم يدخلونها ببلاش والتأمين الصحي على الشركة او الهيئة والسيارات الكشخة والقطري مديون لين الممات!!!!

الله المستعان بس

الخير خير أبونا والغرب ناشبونا !!!!!

مش فاهم اختي / يعني الشركه بتعطيهم الفلوس صدقه ولا شلون وبعدين مين قالك انه ما في مواطنين بمدارس اجنبيه بس اختي المشكله فيكي مش في الاجنبي حاولي تصلحي من نفسك وحافظي على معاشك بتكوني احسن منه والاهم التطور العقلي علشان تكوني متقدمه عليه

تحياتي
HIGHNESS
21-10-2009, 04:27 PM
الله يهديكم .. استغفر الله لي ولكم .... حادث وصار اللي صار ... والمتسبب بياخذ عقابه ان شاء الله ... سواء قطري او اجنبي ....
دخلتوا في متاهات و اجنبي وفلوس ومادري شنو ... لمتى بيتم تفكيركم جذي ... اللي يقرا كلامكم يقول عايشين في زمن هتلر ... احسنوا الظن في بلادكم .. وخلونا نقول الحمدلله على نعمته وفضله .... اللحين الاجانب لما يقرون كلامكم شبيفكرون فيه ؟؟؟ ليش تعطون الناس انطباع غلط عن قطر ...
الله يرحمها برحمته ويصبر اهلها بس ...
قطري في لندن
21-10-2009, 04:39 PM
الله يهديكم .. استغفر الله لي ولكم .... حادث وصار اللي صار ... والمتسبب بياخذ عقابه ان شاء الله ... سواء قطري او اجنبي ....
دخلتوا في متاهات و اجنبي وفلوس ومادري شنو ... لمتى بيتم تفكيركم جذي ... اللي يقرا كلامكم يقول عايشين في زمن هتلر ... احسنوا الظن في بلادكم .. وخلونا نقول الحمدلله على نعمته وفضله .... اللحين الاجانب لما يقرون كلامكم شبيفكرون فيه ؟؟؟ ليش تعطون الناس انطباع غلط عن قطر ...
الله يرحمها برحمته ويصبر اهلها بس ...


:nice: :nice: :nice: :nice: :nice: :nice: :nice: :nice: :nice: :nice:


كلام سليم 100%

:nice::nice::nice::nice::nice::nice::nice::nice::n ice::nice::nice:
! سعد !
21-10-2009, 05:00 PM
السائق من بلوش باكستان .. واعرفه شخصيا ..
ثرية
21-10-2009, 05:04 PM
لاحول ولاقوة الا بالله

الله يصبر امها حسبي الله عليه
القطــــــرية
21-10-2009, 05:06 PM
الله يصبر امها
koketa
21-10-2009, 05:58 PM
حسبي الله ونعم الوكيل

الله ياخذ حق البنت منه

الله لا يوفقه

الله يذوقه من نفس الكأس
falcon1
21-10-2009, 07:30 PM
الله يرحمها
ممنوع اللمس
21-10-2009, 07:34 PM
الخطأ الاول والاخير عالكفيل الاخ معطيه السياره واهو ما معاه ليسن شنو هالكلام؟
قطري فلته
21-10-2009, 07:43 PM
بقولكم شي بس لا تزعلون مني كلمه الحق تنقال مجتمع القطري عاطفى زياده على الزوم صرنا احنا حال امريكان نتاثر فى العواطف والاعلام يعني بلعقل واحد عمره 17 تبون يسونه يذبحونه ما اعتقد الولد يمكن يسفر انا ما ادافع على الاجنبي هذى قضيه ثانيه انا بحكم سنه 17 يعني اصغير ما عنده عقل طبعا فيها ديه وفيها تسفير وكان غفور رحيم بعدين ياما صارت حوادث فى قطر ولا قلتو جي بعد نصيبه شنسوي تبون يقصون راسه وسامحوني على الكلام بس انا ما اداني الف والدوران واعيد خلكم على العواطف وشكرا
اخوكم
قطري فلته
راعي الدتسن
21-10-2009, 08:24 PM
والله هالهنود ماخذين راحتهم
والله اكثرهم لافي احترام ولا شي
والسواقه الله بالخير تدوس وتدعم في خلق الله


حاسبوا منهم
الهـواوي
21-10-2009, 08:33 PM
والله هو المفروض اعداام

بس ماعتقد ينفذوون فيه الاعداام ولا غيره
هجمة مرتدة
21-10-2009, 08:51 PM
لا لا الأجنبي هو الغلطان...

المواطن ما يسوي هالسوالف!

ومن قالك القطري مايسوي هالسوالف ؟؟

نسيت حادثة الشيخ فهد بن جاسم آل ثاني الله يرحمه على خط الوكرة !!

والمتسبب ما زال طليق للأسف !!

اخواني صار لي يومين في حالة إكتئاب من موضوع البنت يالييييت تسكرونه ابي انسى :(

الله يصبر أهلها ويمسح على قلوبهم وصدورهم

لا حول ولا قوة الا بالله
Ghost
21-10-2009, 08:57 PM
القانون فوق الكل مقيم ولا مواطن الخطأ ما في سكوت عنه وكل ديرة فيها الزين وفيها الشين
Um Sultan
21-10-2009, 09:16 PM
القانون يشمل الاجنبي والقطري مب لعبه تتطبق على ناس وناس

هذي تعتبر جريمة قتل والحكم بيتطبق على الجاني لو من كان ..

الله يرحم البنت ويصبر اهلها المساكين ..
بوحمد79
21-10-2009, 09:34 PM
ياجماعه بس ظهرتوا المبرارات شدخل الحكومه ضدنا وعشنه اجنبي بيسكتون

الاسيوي مسكين ولا له خص

الشرها على كفيله

جايبه من فتره الدوحه ويعلمه سواقه من قريب

ومخليه الحبيب يروح ويجي بموتر البيت

وصار الي صار
كلام سليم
الصديق الوفي
21-10-2009, 09:40 PM
من امن العقوبه اساء الادب
Don't Try
21-10-2009, 11:03 PM
لا حول ولا قوة الا بالله

تعددت الاسباب والموت واحد

لكن هالاهمال والتسيب من مسؤول عنه ؟؟؟؟؟
أرواح الابرياء لعبه ؟؟؟؟
والله هانت الروح البشريه ؟؟؟

انا لله وانا اليه راجعون
سعادة الوزير
21-10-2009, 11:05 PM
اتفق معاكم ان هذه جريمة قتل عن غير عمد بنظر القانون بغض النظر عن الجنسية ، وانا لو رجعتوا لموضوعي الاصلي ماكنت اناقش هالشي لانه اصلا عند المحاكم ومفروغ منه.

انا الي اقصده ، انك لما تشوف المسؤولين في المرور يتكلمون في الاعلام عن استهتار الشباب وسرعة الشباب وحوادث الشباب ودائماً يشيرون لهالفئة من المجتمع بالذات ، وانا معاهم ان الشباب يتسببون في الكثير من الحوادث ..

لكن من جهة ثانية ،،، عمرنا ماسمعنا حد تكلم عن اخطاء الاسيوين القاتلة وهم يقودون السيارات!! .. وعمرنا ماسمعنا عن اخطاء السوريين وهم يقودون الشاحنات!! .. وعمرنا ماسمعنا عن الاسيوين الي يتناثرون قدام السيارات بدون لا احم ولا دستور قدام السيارات واذا دعمت واحد منهم حطو الخطأ كله عليك!!

ياريت لو الاخوة في المرور يستوعبون ان الحوادث مب سببها طيش الشباب وبس! .. ورخصة القيادة القطرية المفروض ماتنعطا لكل من هب ودب.
ابن قطر
21-10-2009, 11:05 PM
اهم شي بالمرور ضبط الرادار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بوخالد911
21-10-2009, 11:08 PM
الله يصبرر امها
عزتي سمو ذاتي
21-10-2009, 11:29 PM
لاحول ولاقوة إلا بالله العلي القدير

الله يصبر امها موقف صعب توفت بنتها بين يدينها ولاقدرت تسوي لها شي
قناص الخليج
21-10-2009, 11:32 PM
لا حول ولا قوة الا بالله


اسيوي وعمره 17 وبدون رخصة ويسوووق !!!!!!!
qatari1
21-10-2009, 11:55 PM
:secret::secret:

اخوي اقولك راعي الموتر جايب الريال على كفالته ومخليه يسوق بدون ليسن وهو على علم بهاي الشي مب حرام يايبه وهو مايعرف شي من بلاده ومخليه يسوق سياره ويذبح بالعالم

بيكون المتسبب من؟؟

ياليت نتكلم بالواقع وبالحق



ومن قالك القطري مايسوي هالسوالف ؟؟

نسيت حادثة الشيخ فهد بن جاسم آل ثاني الله يرحمه على خط الوكرة !!

والمتسبب ما زال طليق للأسف !!

اخواني صار لي يومين في حالة إكتئاب من موضوع البنت يالييييت تسكرونه ابي انسى :(

الله يصبر أهلها ويمسح على قلوبهم وصدورهم

لا حول ولا قوة الا بالله

أخواي الكريمان...

ردي كان ساخراً من البعض الذين يربطون الأجانب بكل ما هو شر، ويؤكدون أن القطري ملاك طاهر لا يأتيه الباطل من بين يديه ولا من خلفه.

شكراً لكما..
قطري كشخة
22-10-2009, 12:06 AM
ياجماعة الخير الي دعم البنت اللبنانيه شاب قطري وعمره 30 سنة وهاي من لسان ابو البنت