المساعد الشخصي الرقمي

مشاهدة النسخة كاملة : استغرب من بعض الناس وخاصة (المتزوجين والمتزوجات)


بوحارب
21-10-2009, 06:18 PM
السلام عليكم ورحمه الله وبركاته
.
.

استغرب من بعض الناس مستعدين يسافرون كل مكان وقد سافروا كل مكان الا الحج ماسافروا له ويمكن مافكروا في السفر للحج

الحين الفريضة صارت اخر شي للأسف عندك يافلان !!!

واستغرب من بعض الرجال زوجتة تطلب منه يوديها للحج او للعمره ويتهرب ببعض الأعذار السخيفة ويتصنع الحجج اللي مالها اي داعي عشان ما يوديها

ولو تطلب منه يوديها باريس مستعد يوديها على اول طيارة

واستغرب من بعض الحريم لما يفتح لها زوجها موضوع السفر للحج تهرب وتشرد وتطلع الف عله عشان ماتروح

ولو يقولها خلينا نروح انغير جو في بيروت بتلاقيها قبل السفره بأسبوع جاهزة:omg:

واستغرب من كل زوج وزوجة لم يفكروا في اداء فريضة الحج وأذا ما ادوا هالفريضة الحين(في عز الشباب ) من الصعب عليهم القيام بها بعد الكبر وكثر العيال!!!

وأستغرب من زوج وزوجة صارهم 13 سنه متزوجين وسافروا ل 5 دول اوربية و8 دول عربية ولكن ولا مرة سافروا لمكة :omg:




اخر سؤال هل فكرت يوما السفر لبيت الله الحرام لأداء فريضة الحج؟
واذا كنت من الذين الله وفقهم لهذي الفريضة ممكن تعطينا بعض احوال الحج

لأنه للأسف للحين بعض الناس خايفة من الحج ويفكرون اللي يروح للحج ما بيرجع وبيموت هناك:)


قال - صلى الله عليه وسلم - «اغتنم خمسا قبل خمس: شبابك قبل هرمك، وصحتك قبل سقمك، وغناك قبل فقرك، وفراغك قبل شغلك، وحياتك قبل موتك »

قال رسول الله صلى الله عليه وسلم : "من حج لله فلم يرفث ولم يفسق رجع كيوم ولدته أمه



والسلام عليكم ورحمه الله وبركاته
عاشق الشهادة
21-10-2009, 06:25 PM
وما ازيد على كلامك اخوي بوحارب الحج في هذه السنه والسنه الجاية بيكون الجو لطيف وجميل وبعد ذلك بيدخل الصيف والحر بموسم الحج ,

بارك الله فيك اخوي بوحارب على هذا الطرح الرئع وتسلم يالغالي
معكم
21-10-2009, 06:27 PM
صح لسانك

والله يكتب لنا حجه هل السنه
فرحة الكواري
21-10-2009, 06:31 PM
الله على الحج وايام الحج :)

ايام في الذاكرة ماتنمحي .. انا رحت قبل سنتين

ماكنت متخيلة الوضع مثل ماشوف في التلفزيون وخصوصا رمي الجمرات اللي طول وقت الحج وانا احاتيها

بداية الحج كانت من المبيت في منى رحنا لها العصر في 8 ذي الحجه
واليوم الثاني من بعد صلاة الفجر تبتدي ظوابير الحجاج والباصات للاستعداد للتوجه الى عرفه
لين المغرب ومن ثم الى مزدلفه لجمع الجمرات حتى الساعه 12 وبعدها الى رمي الجمرات مابين 2 - 3 الفجر
وآخر شي طواف الافاضه وعقب احلى شي .. نبتدي نعيد على بعض :)
ويستمر رمي الجمرات لين 3 ايام التشريق

كل شي كان سهل ومتيسر والله يجزاهم خير الامن السعودي ماقصروا وبيض الله وجيهم في مثل هذي الظروف من كل سنة .. جهودهم ماتقدر الا عند رب العالمين

كثر من المعتقدات خصوصا عند ضعاف الدين والجاهلين في بعض امور الدين الاسلامي

منهم من يفكر ينتحر في الحج عشان يروح الجنه :)

ومنهم من يقول انا لما اروح هناك بموت ومب راجع ما تفضلت فيه اخوي

.

.


السموحة يمكن طولت وكتبت كلام مب جديد على الاغلبية ودخلت بمحور ثاني من الموضوع

لكن ذكرتني اخوي بوحارب .. بأحلى الايام اللي ما انساها واتمنى اعادتها بأقرب فرصة ان شاءالله
M.Alkhater
21-10-2009, 06:33 PM
السنه والله كنت نآوي ارووح

بس للأسف موقف في وجهي التطعييم ..


بنآقش الكبآر بالموضوع وان شاء الله اوصل لحل فيه خير ..

وصدقت بكل ماقلته
كيفـي
21-10-2009, 07:23 PM
واستغرب من بعض الرجال زوجتة تطلب منه يوديها للحج او للعمره ويتهرب ببعض الأعذار السخيفة ويتصنع الحجج اللي مالها اي داعي عشان ما يوديها

رسالة الى زوجي.. الله يهديـــه :d

وكنت ناوية اروح السنة مع اخوي.. بس للآسف شكلها السنة الجاية..

وياااااااارب تتحقق امنيتي واحج...:)
ضوى
21-10-2009, 07:24 PM
الحمد لله رب العالمين حجينا وعسى ربي يتقبلها منا يارب ويكتب لنا حجة ثانية ان شاء الله
بوحارب
21-10-2009, 07:39 PM
وما ازيد على كلامك اخوي بوحارب الحج في هذه السنه والسنه الجاية بيكون الجو لطيف وجميل وبعد ذلك بيدخل الصيف والحر بموسم الحج ,

بارك الله فيك اخوي بوحارب على هذا الطرح الرئع وتسلم يالغالي
الله يسلمك من كل شر اخوي عاشق الشهادة

وما اجمل الحج في ايام البرد اسألني عن حجه اول العام :)


صح لسانك

والله يكتب لنا حجه هل السنه

الله يوفقك يارب بالحجه في اسرع وقت:)
هدهد سليمان
21-10-2009, 07:42 PM
بارك الله فيك اخي في الله ابا حارب بو وظحهههه
نحول
21-10-2009, 07:45 PM
شعنده بوحارب مغطي على فوزية الدريع كل يوم حاط مشكلة ويناقشها
Ghost
21-10-2009, 09:06 PM
ابو حارب بارك الله فيك على الموضوع الطيب والهادف في نقاشه وطرحه بفضل الله عزوجل انا الحج ايام ما تحس فيها الا وانتا راجع ديارك والتعب كله بيهون في هذه الطاعة وبفضل الله اسهل حجة يوم حجيت انا والوالدة الله يرحمها وبعد ما حججت الوالدة حججت زوجتي وبفضل الله سهلات والحريم ليس بعائق وانا اعرف ضابط شغال في لخويا ماشاء الله تبارك الرحمن سنويا يطلع ومعاه 5 حريم او 6 حجج كل حريم العائلة من محامه ويقول كل سنة ان شاء الله باحج فالحج سهلات فقط انوي الحج وربنا بيسهل الحج
pure
21-10-2009, 09:11 PM
انا من الناس اللي متخووفه من الحج حدي

ومقرره اني ماراح احج الا بعد خمس سنين

مب عن شي بس من السوالف اللي تسمعها

انه اغلب اللي يحجون يكونون " ذهب ولم يعد "

فـ من جي :rolleyes2:
غزلان
21-10-2009, 10:25 PM
بارب تكتب لي حجه السنه

ادعي ربي والله يكتب لي الى فيه الخير

تسلم بوحارب على الموضوع المهم
الخير كله
21-10-2009, 10:28 PM
المبروكه
الله مبارك لها بزيارة بيته
الحمد لله
eastqatar
21-10-2009, 10:31 PM
الله يرحم شيابنا شهر رايح و شهر جاي

ولو اتشوفون اللي جايين من دول بعيده مثل الهند و باكستان - ايعانون لما ايوصلون

الحمدلله كل شي سهل و الامور كلها سهالاات
eastqatar
21-10-2009, 10:36 PM
انا من الناس اللي متخووفه من الحج حدي

ومقرره اني ماراح احج الا بعد خمس سنين

مب عن شي بس من السوالف اللي تسمعها

انه اغلب اللي يحجون يكونون " ذهب ولم يعد "

فـ من جي :rolleyes2:

اتمنى اني اموت في موقف عباده ، ترى العبد يبعث يوم القيامه في اخر فعل له في الدنيا ( من علامات حسن الخاتمه )
law girl
21-10-2009, 11:12 PM
بصرآحة اللي مآيروح هالسنه بيفوت نص عمره ..
خصوصاً ان هالسنه مابه زحمه ولآ أي شي ..
أكثر الدول مانعين الحج مثل إيرآن وبلآد المغرب ومصر ..
وذولآ أكثر نآس يسوون زحمه وعفسة ..
يعني جد رآح يكون قمة الهدوء مقآرنة بالسنين اللي رآحت واللي بتجي ..

الله يرزقنــآآ ..
alrheeb2020
21-10-2009, 11:16 PM
رسالة الى زوجي.. الله يهديـــه :d

وكنت ناوية اروح السنة مع اخوي.. بس للآسف شكلها السنة الجاية..

وياااااااارب تتحقق امنيتي واحج...:)



الله يهديه ويسخره لج ..
عزتي سمو ذاتي
21-10-2009, 11:25 PM
أنا بالنسبة لي الحج من أجمل أوقات حياتي بصراحة

جو ايماني ولااروع منه القلوب كلها صافية وكل شخص قلبه على الثاني والكل متعاون

لوبيدي احج كل سنة لان مهما لفيت العالم تبقى فترة الحج احلى واروع فترة بحياة كل شخص
بوخالد911
21-10-2009, 11:29 PM
الحمدلله حجيت ويه الاهل

بو حرووبي

انت حجييت؟
&بوشهد&
21-10-2009, 11:40 PM
تسلم على الموضوع الطيب
والحمدلله انا حجيت وحججت امي معاي والامور كلها كانت طيبة خلال عشرة ايام ( حج متمتع )
بوحارب
22-10-2009, 12:59 AM
الله على الحج وايام الحج :)

ايام في الذاكرة ماتنمحي .. انا رحت قبل سنتين

ماكنت متخيلة الوضع مثل ماشوف في التلفزيون وخصوصا رمي الجمرات اللي طول وقت الحج وانا احاتيها

بداية الحج كانت من المبيت في منى رحنا لها العصر في 8 ذي الحجه
واليوم الثاني من بعد صلاة الفجر تبتدي ظوابير الحجاج والباصات للاستعداد للتوجه الى عرفه
لين المغرب ومن ثم الى مزدلفه لجمع الجمرات حتى الساعه 12 وبعدها الى رمي الجمرات مابين 2 - 3 الفجر
وآخر شي طواف الافاضه وعقب احلى شي .. نبتدي نعيد على بعض :)
ويستمر رمي الجمرات لين 3 ايام التشريق

كل شي كان سهل ومتيسر والله يجزاهم خير الامن السعودي ماقصروا وبيض الله وجيهم في مثل هذي الظروف من كل سنة .. جهودهم ماتقدر الا عند رب العالمين

كثر من المعتقدات خصوصا عند ضعاف الدين والجاهلين في بعض امور الدين الاسلامي

منهم من يفكر ينتحر في الحج عشان يروح الجنه :)

ومنهم من يقول انا لما اروح هناك بموت ومب راجع ما تفضلت فيه اخوي

.

.


السموحة يمكن طولت وكتبت كلام مب جديد على الاغلبية ودخلت بمحور ثاني من الموضوع

لكن ذكرتني اخوي بوحارب .. بأحلى الايام اللي ما انساها واتمنى اعادتها بأقرب فرصة ان شاءالله
بالعكس اختي اسعدتيني بردج الحلو وخليتيني ارجع لأيام الحج:)

الله يتقبل منج وعقبال حجه رقم 2


السنه والله كنت نآوي ارووح

بس للأسف موقف في وجهي التطعييم ..


بنآقش الكبآر بالموضوع وان شاء الله اوصل لحل فيه خير ..

وصدقت بكل ماقلته
اي تطعيم اللي تقصده اخوي؟

الله يوفقك


رسالة الى زوجي.. الله يهديـــه :d

وكنت ناوية اروح السنة مع اخوي.. بس للآسف شكلها السنة الجاية..

وياااااااارب تتحقق امنيتي واحج...:)
عطيني رقمه خليني اتفاهم معاه:anger1:هههههه

الله يشرح صدره للحج يارب:)

واتمنى لج حجه في السنه هذي



الحمد لله رب العالمين حجينا وعسى ربي يتقبلها منا يارب ويكتب لنا حجة ثانية ان شاء الله

ضوى هل الحج صعب على الحريم ولا عادي؟؟؟ :)

وش تقولين للبنات اللي يرفضون فكره ازواجهم في الحج!!

والله يتقبل منج يارب
بوحارب
22-10-2009, 01:18 AM
بارك الله فيك اخي في الله ابا حارب بو وظحهههه
وبارك فيك اخي في الله ههههههههدهد :shy:


شعنده بوحارب مغطي على فوزية الدريع كل يوم حاط مشكلة ويناقشها

نحوله

حجيت من قبل ولا لا؟؟؟

اعترف :)



ابو حارب بارك الله فيك على الموضوع الطيب والهادف في نقاشه وطرحه بفضل الله عزوجل انا الحج ايام ما تحس فيها الا وانتا راجع ديارك والتعب كله بيهون في هذه الطاعة وبفضل الله اسهل حجة يوم حجيت انا والوالدة الله يرحمها وبعد ما حججت الوالدة حججت زوجتي وبفضل الله سهلات والحريم ليس بعائق وانا اعرف ضابط شغال في لخويا ماشاء الله تبارك الرحمن سنويا يطلع ومعاه 5 حريم او 6 حجج كل حريم العائلة من محامه ويقول كل سنة ان شاء الله باحج فالحج سهلات فقط انوي الحج وربنا بيسهل الحج
الله يرحم الوالده يارب

وجزاك الله خير اخوي انك اديت الفريضة لأهلك فأجرك عند الله كبيييير

وترى الحج مع الحريم ابرك بواااجد لأنك تقدر تاخذ بالرخص شوي :secret:

ولكن لو انت رجال وما معاك حريم اهني لازم تلتزم بالأوقات في فرائض الحج:(


انه حسيت بهالفرق لأني مرة حجيت بروحي والمرة الثانية مع الأهل:victory:

اسعدني مرورك اخوي :)




انا من الناس اللي متخووفه من الحج حدي

ومقرره اني ماراح احج الا بعد خمس سنين

مب عن شي بس من السوالف اللي تسمعها

انه اغلب اللي يحجون يكونون " ذهب ولم يعد "

فـ من جي :rolleyes2:

بيور خلي يقينج بالله قوي:)

وبعدين الواحد يموت في بيت الله احسن من اي مكان ثاني !

رحنا الحج وردينا والأمور كلها طيييييبة

اذا جاتج الفرصه يوم من الأيام لاتترددين كلش :)




بارب تكتب لي حجه السنه

ادعي ربي والله يكتب لي الى فيه الخير

تسلم بوحارب على الموضوع المهم
الله يوفقج لحج بيته عاجلا غير اجل يارب

الله يسلمج اختي غزلان


المبروكه
الله مبارك لها بزيارة بيته
الحمد لله

المبروكه طول عمرها مبروكه:)
بنت^البحرين1
22-10-2009, 02:48 AM
الله يكتب لي هالسنة ان شاءالله

منتظرين بس قرار التطعيم ضد انفلونزا الخنازير والله يسهل ان شاءالله واروح
مشتاقة لقطر
22-10-2009, 03:08 AM
انا حجيت قبل عرسي .. بكمن شهر .. مع ابوي الله يحفظه لي يارب ويخليه لي ذخر وياعلني ماخلى منه ..


ومن رجعت انخطبت وعرست على طول حار بحار هههههههه شكلها الدعوة كلنت من قلللب .. بالحج .. ههه


بصراحة الحج ما يخوف الا من كلام الناس .. وبس .. كنت لابسة لي جوتي لزق ههههعشان ميزلق من ريلي بالرمي ..بس للاسف زلق .. من الزحمة وتميت بجوتي واحد واشتريت لي زنوبة بالدرب ..

خصوصا يالحريم شنو يدلونهم دلع الاهل .. اخواني اثنين كل واحد من صوب وابوي جدامي وامي وخالتي وراي .. وش احلى من جيه ...

والواحد يحج وهو بقوته وبصغره ابرك مليون مرة انا رحت عمري 19 سنة ..

وما اعاد شفت مكةمن 10 سنين الا السنة بعمرة مع الوالد بعد الله يحفظه .. لان بو الشباب مرفوع عنه القلم .. من راعيين الاعذار اللي ماتخلص .. مع انه هو حج مرتين ..مع الشباب بس اكون بوقتها حامل وانحرم ..

الله يهديه ويوديني هالسنة يارب

قولو اااااااااااااااامين
بنت^البحرين1
22-10-2009, 03:31 AM
آمين يا مشتاقة يارب.. ربي يسخره لج ان شاءالله انتي وكل خواتنا المسلمات يارب
هدى ورحمه
22-10-2009, 04:51 AM
السلام عليكم ورحمه الله وبركاته
.
.

استغرب من بعض الناس مستعدين يسافرون كل مكان وقد سافروا كل مكان الا الحج ماسافروا له ويمكن مافكروا في السفر للحج

الحين الفريضة صارت اخر شي للأسف عندك يافلان !!!

واستغرب من بعض الرجال زوجتة تطلب منه يوديها للحج او للعمره ويتهرب ببعض الأعذار السخيفة ويتصنع الحجج اللي مالها اي داعي عشان ما يوديها

ولو تطلب منه يوديها باريس مستعد يوديها على اول طيارة

واستغرب من بعض الحريم لما يفتح لها زوجها موضوع السفر للحج تهرب وتشرد وتطلع الف عله عشان ماتروح

ولو يقولها خلينا نروح انغير جو في بيروت بتلاقيها قبل السفره بأسبوع جاهزة:omg:

واستغرب من كل زوج وزوجة لم يفكروا في اداء فريضة الحج وأذا ما ادوا هالفريضة الحين(في عز الشباب ) من الصعب عليهم القيام بها بعد الكبر وكثر العيال!!!

وأستغرب من زوج وزوجة صارهم 13 سنه متزوجين وسافروا ل 5 دول اوربية و8 دول عربية ولكن ولا مرة سافروا لمكة :omg:




اخر سؤال هل فكرت يوما السفر لبيت الله الحرام لأداء فريضة الحج؟
واذا كنت من الذين الله وفقهم لهذي الفريضة ممكن تعطينا بعض احوال الحج

لأنه للأسف للحين بعض الناس خايفة من الحج ويفكرون اللي يروح للحج ما بيرجع وبيموت هناك:)


قال - صلى الله عليه وسلم - «اغتنم خمسا قبل خمس: شبابك قبل هرمك، وصحتك قبل سقمك، وغناك قبل فقرك، وفراغك قبل شغلك، وحياتك قبل موتك »

قال رسول الله صلى الله عليه وسلم : "من حج لله فلم يرفث ولم يفسق رجع كيوم ولدته أمه



والسلام عليكم ورحمه الله وبركاته



اول مره تكتب شي عدل ههههههههههه

كلام جميل جميل .. قراته بتمعن بروح اشرب كرك:secret:
black@white
22-10-2009, 08:16 AM
الله يجزاك خير على هالموضوع الطيب

احلى الايام اللي مرت علي هي ايام الحج تحس فيها جهاد وطاعه لله سبحانه
تتسهل لك الامور ما تدري شلون تشوف جموع الحجاج تقول انا شلون اقدر اخلص وشلون بدخل بينهم سبحانه الله ماتحس الاانت مخلص من المنسك الوحدانيه اللي تحس فيها هناك شئ فظيع السكينه الطمأنينه

حلاوه الحج ما تحس فيها الا بعد ما ترجع تقول ان شا الله برجع بحج مره ثانيه


الله يكتب لنا الحج مره ثانيه اللهم امين
الخارجية
22-10-2009, 08:21 AM
كلام خطير والله ...
ضوى
22-10-2009, 08:28 AM
[


[color="red"]ضوى هل الحج صعب على الحريم ولا عادي؟؟؟ :)

وش تقولين للبنات اللي يرفضون فكره ازواجهم في الحج!!

والله يتقبل منج يارب


الحج ابدا مب صعب لا على الحريم ولا على الاطفال ولا على الرجال ، الامور تتسهل بشكل الواحد مايتصوره ، لما رحت الحج كنت متخوفة مثل كل الناس من اللي نسمعه بس ولله الحمد كل شئ سهالات ، بخصوص فكرة الزوج في الحج طبعا هذا شئ رااااائع لو صار من الزوج بس شخصيا ماقدرت اسافر معاه لانه عيالي صغار وكان لازم احد يقعد وياهم من والديهم ، رحت مع اختي وصحبة خيرة من النساء الفاضلات لازالت تجمعني باحدهم علاقة رائعة عسى ربي يجمعنا بالاخرة ان شاء الله ، وكنت ارى الكثيرات ممكن كن مع ازواجهم يفضلن صحبتنا على صحبة ازواجهن في كل مناسك الحج ولم اكن اعرف لماذا ؟ ولكنها كانت صحبة ماشاء الله لا رفث ولافسوق ولاغيبة وهذا اهم شئ في صحبة النساء والحمد لله توفقنا

وعسى ربي يتقبلها ان شاء الله ويكتبها لكل من يريد ويحنن قلب كل من يتردد في الحج
سنطره
22-10-2009, 08:38 AM
فعلا غطيت على فوزية ادريع
موضي قطر
22-10-2009, 08:46 AM
جزاك الله خير بوحارب
k9911
22-10-2009, 08:55 AM
جزاك الله كل خير
خوي الشوق
22-10-2009, 09:13 AM
بصراحه هالكلام ضرب تحت الحزام وقوي يعطيك العافيه
بوحارب
23-10-2009, 02:40 AM
اتمنى اني اموت في موقف عباده ، ترى العبد يبعث يوم القيامه في اخر فعل له في الدنيا ( من علامات حسن الخاتمه )
الله يرزقك بحسن الخاتمة يارب

تسلم على المرور العطر:)


بصرآحة اللي مآيروح هالسنه بيفوت نص عمره ..
خصوصاً ان هالسنه مابه زحمه ولآ أي شي ..
أكثر الدول مانعين الحج مثل إيرآن وبلآد المغرب ومصر ..
وذولآ أكثر نآس يسوون زحمه وعفسة ..
يعني جد رآح يكون قمة الهدوء مقآرنة بالسنين اللي رآحت واللي بتجي ..

الله يرزقنــآآ ..
حسبة عجيبة:victory:

الله يرزكم للحج في اقرب وقت يارب


أنا بالنسبة لي الحج من أجمل أوقات حياتي بصراحة

جو ايماني ولااروع منه القلوب كلها صافية وكل شخص قلبه على الثاني والكل متعاون

لوبيدي احج كل سنة لان مهما لفيت العالم تبقى فترة الحج احلى واروع فترة بحياة كل شخص
والله انك صادق اخوي :)

منور الموضوع



الحمدلله حجيت ويه الاهل

بو حرووبي

انت حجييت؟


تقبل الله بوخلودي

ايه حجيت مرة بروحي ومرة مع الاهل

وخاطري احج مرة 3 بروووحي:shy:


تسلم على الموضوع الطيب
والحمدلله انا حجيت وحججت امي معاي والامور كلها كانت طيبة خلال عشرة ايام ( حج متمتع )
جزاااااااك الله خير يابوشهد والله يتقبل منك:)


الله يكتب لي هالسنة ان شاءالله

منتظرين بس قرار التطعيم ضد انفلونزا الخنازير والله يسهل ان شاءالله واروح

امين

توكلي على الله وربج الحافظ:)
بوحارب
23-10-2009, 02:46 AM
انا حجيت قبل عرسي .. بكمن شهر .. مع ابوي الله يحفظه لي يارب ويخليه لي ذخر وياعلني ماخلى منه ..


ومن رجعت انخطبت وعرست على طول حار بحار هههههههه شكلها الدعوة كلنت من قلللب .. بالحج .. ههه


بصراحة الحج ما يخوف الا من كلام الناس .. وبس .. كنت لابسة لي جوتي لزق ههههعشان ميزلق من ريلي بالرمي ..بس للاسف زلق .. من الزحمة وتميت بجوتي واحد واشتريت لي زنوبة بالدرب ..

خصوصا يالحريم شنو يدلونهم دلع الاهل .. اخواني اثنين كل واحد من صوب وابوي جدامي وامي وخالتي وراي .. وش احلى من جيه ...

والواحد يحج وهو بقوته وبصغره ابرك مليون مرة انا رحت عمري 19 سنة ..

وما اعاد شفت مكةمن 10 سنين الا السنة بعمرة مع الوالد بعد الله يحفظه .. لان بو الشباب مرفوع عنه القلم .. من راعيين الاعذار اللي ماتخلص .. مع انه هو حج مرتين ..مع الشباب بس اكون بوقتها حامل وانحرم ..

الله يهديه ويوديني هالسنة يارب

قولو اااااااااااااااامين
ههههههههههههههههههههههههههههههه

الله يتقبل منج ويوفقج ويخلي لج الوالد اختي مشتاقه


اول مره تكتب شي عدل ههههههههههه

كلام جميل جميل .. قراته بتمعن بروح اشرب كرك:secret:
اول مرة بس !:(

حجيت بنت الريح ؟؟

فيه العافية الكرك


الله يجزاك خير على هالموضوع الطيب

احلى الايام اللي مرت علي هي ايام الحج تحس فيها جهاد وطاعه لله سبحانه
تتسهل لك الامور ما تدري شلون تشوف جموع الحجاج تقول انا شلون اقدر اخلص وشلون بدخل بينهم سبحانه الله ماتحس الاانت مخلص من المنسك الوحدانيه اللي تحس فيها هناك شئ فظيع السكينه الطمأنينه

حلاوه الحج ما تحس فيها الا بعد ما ترجع تقول ان شا الله برجع بحج مره ثانيه


الله يكتب لنا الحج مره ثانيه اللهم امين
صح كلامك

الله يتقبل منك اخوي ويوفقنا وياك لج بيته في اقرب وقت:)


كلام خطير والله ...

والله نك نيمك الخطير!!:telephone:

الظاهر بعض هالكلام ينطبق عليك صح :shy:
بوحارب
23-10-2009, 02:50 AM
الحج ابدا مب صعب لا على الحريم ولا على الاطفال ولا على الرجال ، الامور تتسهل بشكل الواحد مايتصوره ، لما رحت الحج كنت متخوفة مثل كل الناس من اللي نسمعه بس ولله الحمد كل شئ سهالات ، بخصوص فكرة الزوج في الحج طبعا هذا شئ رااااائع لو صار من الزوج بس شخصيا ماقدرت اسافر معاه لانه عيالي صغار وكان لازم احد يقعد وياهم من والديهم ، رحت مع اختي وصحبة خيرة من النساء الفاضلات لازالت تجمعني باحدهم علاقة رائعة عسى ربي يجمعنا بالاخرة ان شاء الله ، وكنت ارى الكثيرات ممكن كن مع ازواجهم يفضلن صحبتنا على صحبة ازواجهن في كل مناسك الحج ولم اكن اعرف لماذا ؟ ولكنها كانت صحبة ماشاء الله لا رفث ولافسوق ولاغيبة وهذا اهم شئ في صحبة النساء والحمد لله توفقنا

وعسى ربي يتقبلها ان شاء الله ويكتبها لكل من يريد ويحنن قلب كل من يتردد في الحج
اشكرج اوي اوي اوي اختي ضوى للعوده هنا :)


فعلا غطيت على فوزية ادريع
سلمي عليها وعطيها كيلو سنطره مني


جزاك الله خير بوحارب
ويجزاج بمثله اختي موضي


جزاك الله كل خير
ويجزاك بمثله اخوي:)


بصراحه هالكلام ضرب تحت الحزام وقوي يعطيك العافيه
احم

الله يعافيك اخووي :):)
دلوليانوز
23-10-2009, 01:53 PM
والله يا بو حارب..ان الله رزقني ما يكفي سفرة الحج..رحت والله
بوحارب
23-10-2009, 01:59 PM
والله يا بو حارب..ان الله رزقني ما يكفي سفرة الحج..رحت والله

الله يوفقك ويسخرلك يارب

انوي وربك الموفق:)
أميرااالذوق
23-10-2009, 02:34 PM
بوحااااااااااااارب...

الحمدلله حجينا وربي يتقبل منا حجتنا...اللهم امييييييييييين

بس يابوحارب ابي اسألك سؤال؟

انت اي من الناس اللي ذكرتهم؟!

اعترف.............هههه

ربي يقدرنا وانحج مره ثانيه وثالثه يارب

وشكرا يابوحارب لطرح هالمواضيع الشيقه واسمحولي..
المها قطر
23-10-2009, 04:40 PM
واللي تتمنى الحج ولا احد بيوديها
الله كريم يارب ويقدرنا على الحج
وكل اللي حجوا او بيحجون السنة حج مبرور وذنب مغفور مقدما :(
بنت سيف
23-10-2009, 04:55 PM
بوحارب .. أخي الفاضل

جزاك الله خير .. على الموضوع المتميز ..

ونتمنى من الله أن يهدي الجميع ..

حجيت من 10 سنين والحمدلله ..

والسنة بعد .. باروح أحج مرة ثانية .. والحمدلله

لا ردتني انفلونزا الخنازير ولا غيره ..

هو عقد النية .. ورب العالمين .. يكتب لك الروحة بمشيئته ..

المهم . . استسمحك في الرد على الأخوين في الاقتباسات التالية ..


السنه والله كنت نآوي ارووح

بس للأسف موقف في وجهي التطعييم ..


بنآقش الكبآر بالموضوع وان شاء الله اوصل لحل فيه خير ..

وصدقت بكل ماقلته


الله يكتب لي هالسنة ان شاءالله

منتظرين بس قرار التطعيم ضد انفلونزا الخنازير والله يسهل ان شاءالله واروح

التطعيم .. إجباري للإنفلونزا الموسمية والسحايا .. وهذا في كل سنة .. وليس هذا العام فقط ..

أما تطعيم انفلونزا الخنازير .. فهو غير إجباري .. باعتبار أنه غير متاح حتى الآن في دولنا ..

ولذلك .. لم تصر عليه السعودية .. ولكن أصرت على تطعيم الانفلونزا الموسمية والسحايا ..

فقد حبيت إضافة المعلومة ..

**

شكرا بوحارب


بنت سيف
قطرية مثقفة
23-10-2009, 05:51 PM
معاك حق أخوي بو حارب ،،،،،،،،،
الحمد لله انه حجيت في 2006 مع بو العيال اهو كانت الحجة الثانية له وانه الأولى ،،،،،،،،ماتصورون اشكثر بعده حسيت بالراحة النفسية ، لأني قبل ما حج كل سفره أروحه أحس بتأنيب الضمير وأقول حق نفسي أجهز وأنقز حق السفر في الصيف والإجازات والحج للحين ما رحت ،،،، والحمد لله الله كتب لي ورحت الحج ولما عزمت سنته كل شي سهالات عيالي طلعت إجازتهم بالصدفة في نفس الوقت حطيتهم عند هلي وبالنسبة للشغل كانت سنة الأسياد وبما اني معلمة وبسبب بدأ الدوام بدري في ذيج السنه خلصت المنهج قبل ماروح الحج ،،،،، والله كتب لي بحجه حلوه ماراح تنسي طول العمر ،،،، والله يكتب لنه حجه ثانية ،،،،،:) :o
~ نســـايم ~
23-10-2009, 09:18 PM
واللي تتمنى الحج ولا احد بيوديها
الله كريم يارب ويقدرنا على الحج
وكل اللي حجوا او بيحجون السنة حج مبرور وذنب مغفور مقدما :(

:weeping: نفس الحالة


ولا حد راضي يوديني لا الحين ولا عقب :weeping:


الله يكتبها لنا في يوم من الايام ان شاء الله قبل لا تروح الروح لباريها و اشوف بيت الله لو كان اخر يوم بحياتي اللهم اكتبها لي اللهم امين


جزاك الله خير اخي الكريم بوحارب على التذكير المهم ,,
واحد 11
24-10-2009, 01:43 AM
آثار العمرة ظهرت :) من خلال مواضيعك

جزاك الله خير :nice:
بوحارب
24-10-2009, 01:44 PM
بوحااااااااااااارب...

الحمدلله حجينا وربي يتقبل منا حجتنا...اللهم امييييييييييين

بس يابوحارب ابي اسألك سؤال؟

انت اي من الناس اللي ذكرتهم؟!

اعترف.............هههه

ربي يقدرنا وانحج مره ثانيه وثالثه يارب

وشكرا يابوحارب لطرح هالمواضيع الشيقه واسمحولي..
الله يتقبل منك اخوووي

بالنسبة لسؤالك انه ولا واحد من هالنوعية التعبانه :shy:

الله يوفقك للحج مرة 2 ولاهنت على المرور الراااائع يا اميرنا :nice:


واللي تتمنى الحج ولا احد بيوديها
الله كريم يارب ويقدرنا على الحج
وكل اللي حجوا او بيحجون السنة حج مبرور وذنب مغفور مقدما :(
الله يسخرلج اللي يوديج اختي والنية اعظم من العمل:)


بوحارب .. أخي الفاضل

جزاك الله خير .. على الموضوع المتميز ..

ونتمنى من الله أن يهدي الجميع ..

حجيت من 10 سنين والحمدلله ..

والسنة بعد .. باروح أحج مرة ثانية .. والحمدلله

لا ردتني انفلونزا الخنازير ولا غيره ..

هو عقد النية .. ورب العالمين .. يكتب لك الروحة بمشيئته ..

المهم . . استسمحك في الرد على الأخوين في الاقتباسات التالية ..





التطعيم .. إجباري للإنفلونزا الموسمية والسحايا .. وهذا في كل سنة .. وليس هذا العام فقط ..

أما تطعيم انفلونزا الخنازير .. فهو غير إجباري .. باعتبار أنه غير متاح حتى الآن في دولنا ..

ولذلك .. لم تصر عليه السعودية .. ولكن أصرت على تطعيم الانفلونزا الموسمية والسحايا ..

فقد حبيت إضافة المعلومة ..

**

شكرا بوحارب


بنت سيف

الله يوفقج يا بنت سيف ولا تنسين تدعين حق اخوج بوحارب وابي منج دعاء خصوصي ( ان ربي يحفظ لي بنتي وضحه:) )

مسموحة:nice:

والله يتقبل منج متقدما يارب

اسعدني مرورج اختي :)
بوحارب
24-10-2009, 01:51 PM
معاك حق أخوي بو حارب ،،،،،،،،،
الحمد لله انه حجيت في 2006 مع بو العيال اهو كانت الحجة الثانية له وانه الأولى ،،،،،،،،ماتصورون اشكثر بعده حسيت بالراحة النفسية ، لأني قبل ما حج كل سفره أروحه أحس بتأنيب الضمير وأقول حق نفسي أجهز وأنقز حق السفر في الصيف والإجازات والحج للحين ما رحت ،،،، والحمد لله الله كتب لي ورحت الحج ولما عزمت سنته كل شي سهالات عيالي طلعت إجازتهم بالصدفة في نفس الوقت حطيتهم عند هلي وبالنسبة للشغل كانت سنة الأسياد وبما اني معلمة وبسبب بدأ الدوام بدري في ذيج السنه خلصت المنهج قبل ماروح الحج ،،،،، والله كتب لي بحجه حلوه ماراح تنسي طول العمر ،،،، والله يكتب لنه حجه ثانية ،،،،،:) :o
ومن يتوكل على الله فهو حسبه :nice:

الله يتقبل منج اختي المثقفه وعقبال الحجه ال 2

اشكرج على المرور الحلووو ومنورة الموضوع ابلتي



:weeping: نفس الحالة


ولا حد راضي يوديني لا الحين ولا عقب :weeping:


الله يكتبها لنا في يوم من الايام ان شاء الله قبل لا تروح الروح لباريها و اشوف بيت الله لو كان اخر يوم بحياتي اللهم اكتبها لي اللهم امين


جزاك الله خير اخي الكريم بوحارب على التذكير المهم ,,

تبوني انه اوديكم واصير لكم محرم:D>>> بتلاقون الناس في رمي الجمرات وبوحارب رايح يكرك :looking:

الله يسخرلج اللي يوديج اختي نسايم في اقرب وقت

ويجزاك بمثله اختي :)




آثار العمرة ظهرت :) من خلال مواضيعك

جزاك الله خير :nice:

احم:no2:

ويجزاك بمثله اخوي العزيز واحد وحدتين :D
be.happy
24-10-2009, 06:25 PM
هذا دين علي كل واحد وحده عسي الله يوفقنا وياكم ونحج السنه او السنه الجايه
ويعطيك العفيه علي الموضوع
بوحارب
24-10-2009, 06:33 PM
صحيح

الله يعافيك ولاهنت على مرورك اخوي
زقرتي ومزاجي
24-10-2009, 06:43 PM
بوحارب .. جزاك الله خير ... الله يبيض وجهك

:nice: :nice:
بوحارب
24-10-2009, 11:26 PM
بوحارب .. جزاك الله خير ... الله يبيض وجهك

:nice: :nice:

ووجهك ابيض شاعرنا الحبيب:nice:
nouar
24-10-2009, 11:42 PM
ما ينفع الواحد تحج في حمله حريم .. اذا محارمها مب موافقين على انهم يحجوا معها
بوحارب
25-10-2009, 12:10 AM
ما ينفع الواحد تحج في حمله حريم .. اذا محارمها مب موافقين على انهم يحجوا معها

الله اعلم