المساعد الشخصي الرقمي

مشاهدة النسخة كاملة : ابشركم واخيرآ


مسفر2
21-10-2009, 06:48 PM
تذكرون السيارة الي انسرقت ثاني ايام العيد؟


انسرقت اليوم الصباح سيارة من قدام البيت ( المعيذر الشمالي)

والسيارة مواصفاتها

اللون لؤلؤي

تويوتا جي اكس ار مديل 2007 اسبير علاق

ورقم السيارة 44755

تكفون يالربع الي بيشوف السيارة ولا بيسمع عنها خبر

يبلغ الشرطه او يعطيني خبر

حسبي الله ونعم الوكيل


ابشركم لقينا السيارة بالصدفه .....

والمشكله ان الي سارق السيارة من عيال بلادنا !!!

القصه :

السارق مر على بيت يبي يسرق شافوه هل البيت ومسكوه وبطحوه لين غناء ( حمار بطنه)

من قو الضرب . المهم الشباب كلموا الشرطه وجات وحققت معه وطلع بالكفاله

فيه شرطي شك في امر السيارة حصل ارقام السيارة اللوايح مركبه بالزق ( سوبر قلو)

مش مركبه بالمسامير . يوم شاف الشرطي الارقام قال للظابط السالفه قام الظابط كلم السارق

وقال له تعال للمركز فيه اوراق ماوقعت عليها لازم تجي توقع ( لانهم لوقالوا له عن السياره بينحاش) المهم مسكوه واعترف

الشرطه خذت رقم الشاصي وطلعت السيارة سيارتنا المسروقه ( اتصدقون ان الارقام الي كانت على السيارة بيناتها مش بيانات تويوتا ؟ كانت بيانات همر) وين الشرطه عنه

المهم السيارة رجعت ومافيها اي ضرر بس السارق حاط لها ارايل مترلا وتواير وخطوط جديده

والحمدلله . قصتي طويله صح ؟؟

من الفرحة:nice:
معكم
21-10-2009, 06:50 PM
الف الف الف الف الف الف الف الف مبرووووووك

الحمد لله المال الحلال الطيب ماعمره يضيع
رمــش الغلا
21-10-2009, 06:51 PM
الف مبروك

والحمدلله اللي حصلتوها

وش بيسوون في الحرامي :)
ممنوع اللمس
21-10-2009, 06:54 PM
اي بالله نذكر الموضوع شلون ما نذكره
بالمبارك عليك انك حصلت السياره وحاسب مره ثانيه
بس شنو جنسيته لو ماتقدر تقولي عام قولي خاص خاطري اعرف
غير البشر
21-10-2009, 06:54 PM
الف الف الف مبروووووووووك تستاهل والله

مال الحلال لازم يرجع

طالبك طلبه وقول تم


لاتنازل لو شنو تحمل نصيحه والله

حتى لو يجون يبكون عندك وحب خشوم لاتنازل

لازم ياخذ عقابه عشان يكون رادع له ولغيره
رنج سبورت
21-10-2009, 06:55 PM
بل حرامي و.....!!!

الف مبرووك لك بس تقدر تقول لنا شلون انسرق الموتر !!

المهم الحرامي شبيسوون فيه :)
اعالي الجنان
21-10-2009, 06:55 PM
الحمدلله المال الحلال مايضيع
تستاهل اخوي وتحمل لاتنباق مره ثانيه
الف مبروك
اعالي الجنان
21-10-2009, 06:56 PM
اي بالله نذكر الموضوع شلون ما نذكره
بالمبارك عليك انك حصلت السياره وحاسب مره ثانيه
بس شنو جنسيته لو ماتقدر تقولي عام قولي خاص خاطري اعرف

يقول لك من عيال بلادنا يعني قطري الله يهديه
ليث العرين
21-10-2009, 06:57 PM
الف الف مبروك يالشيخ تستلهل والله مال الحلال عمره ما يضيع


وتستاهل الموترلا هههههههه
سماء الرياض
21-10-2009, 06:58 PM
الف الف مبروك

الحمد لله الله ستر ورجعت سيارتك

ومن جد لالالالا تتنازل لو وش يصير
الماليه
21-10-2009, 07:06 PM
الف الف مبروك
fhd4
21-10-2009, 07:27 PM
مبروك على الاريل والتواير والخطوط الجديدة .... :victory:

مبروك والحمدلله مال الحلال ما يضيع ...
ولد الشحانية
21-10-2009, 07:42 PM
اي بالله نذكر الموضوع شلون ما نذكره
بالمبارك عليك انك حصلت السياره وحاسب مره ثانيه
بس شنو جنسيته لو ماتقدر تقولي عام قولي خاص خاطري اعرف

يقولك من اهل البلاد
s o s o
21-10-2009, 07:45 PM
زين زين كشخلك السياره يعني ههههههههه
الف الف مبروك والله يبارك لك فيها ويحفظك ويحفظها من كل شر
ابو ماجد
21-10-2009, 07:51 PM
تذكرون السيارة الي انسرقت ثاني ايام العيد؟


انسرقت اليوم الصباح سيارة من قدام البيت ( المعيذر الشمالي)

والسيارة مواصفاتها

اللون لؤلؤي

تويوتا جي اكس ار مديل 2007 اسبير علاق

ورقم السيارة 44755

تكفون يالربع الي بيشوف السيارة ولا بيسمع عنها خبر

يبلغ الشرطه او يعطيني خبر

حسبي الله ونعم الوكيل


ابشركم لقينا السيارة بالصدفه .....

والمشكله ان الي سارق السيارة من عيال بلادنا !!!

القصه :

السارق مر على بيت يبي يسرق شافوه هل البيت ومسكوه وبطحوه لين غناء ( حمار بطنه)

من قو الضرب . المهم الشباب كلموا الشرطه وجات وحققت معه وطلع بالكفاله

فيه شرطي شك في امر السيارة حصل ارقام السيارة اللوايح مركبه بالزق ( سوبر قلو)

مش مركبه بالمسامير . يوم شاف الشرطي الارقام قال للظابط السالفه قام الظابط كلم السارق

وقال له تعال للمركز فيه اوراق ماوقعت عليها لازم تجي توقع ( لانهم لوقالوا له عن السياره بينحاش) المهم مسكوه واعترف

الشرطه خذت رقم الشاصي وطلعت السيارة سيارتنا المسروقه ( اتصدقون ان الارقام الي كانت على السيارة بيناتها مش بيانات تويوتا ؟ كانت بيانات همر) وين الشرطه عنه

المهم السيارة رجعت ومافيها اي ضرر بس السارق حاط لها ارايل مترلا وتواير وخطوط جديده

والحمدلله . قصتي طويله صح ؟؟

من الفرحة:nice:


تستاهل كل خير اخوى

والشرطى اللى شك فيه المفروض يتكافئ
سداوي&مدريدي
21-10-2009, 07:57 PM
ألف ألف مبــروك اخوي مسفر2

وسبحان الله .. الحق مايضيع

والله يسامح الي سرق السياره ويهديه ان شاء الله

والله حزنت يوم قلت انه قطري :( :(

لا ومغير الخطوط بعد (( شكله محترف ))

مبروك مره ثانيه أخوي مسفر2

:nice:
بوبندر
21-10-2009, 08:03 PM
تستاهل العقلان...........
العـوا
21-10-2009, 08:07 PM
الف الف مبروك
طلعة الروح
21-10-2009, 08:09 PM
اولاً نعوذ بالله من اكل اموال الناس بالباطل،،
في الحقيقه ورغم انك ولله الحمد تمكنت من استرداد سيارتك
الا ان قصة السرقة وملابسات وقوعها لك بهذه الكيفية احزنتني جدا
الحمد لله على كل حال اخوي واهم شي ان الله رد حقك من الظالم..
GULFSUN
21-10-2009, 08:10 PM
الحمدلله المال الحلال مايضيع
تستاهل كل خير

الرجال وشو من الطيور حر ولا شاهين ؟
الرايــق
21-10-2009, 08:34 PM
مبروك يالطيب
زييين لقوها
بس ما قلتلنا مغير الخطوط لاي موديل ؟
الخير كله
21-10-2009, 08:37 PM
مسكين ما تهنا بها.............:weeping:
صادوه:secret:
استغفرالله
21-10-2009, 08:40 PM
الف مبروك

والحمدلله انه صادو البايق
ANONYMOUS
21-10-2009, 08:40 PM
قرت عينك

:)
falcon1
21-10-2009, 08:41 PM
تستاهل
king999
21-10-2009, 08:44 PM
الشيخ انا قبل شهر حصلتة في مريخ وبلغت العمليات وقالو لي ما في بلاغ ع الرقم

عموما تستاهل
شاعر المليون
21-10-2009, 08:46 PM
الشيخ لا تنسى تقولهم يشلون عنك مخالفة قطع الإشارة الي أرتكبها الحرامي ترى فيها 6000 ريال
أو يخلون الحرامي يدفعها
غناتي1
21-10-2009, 08:53 PM
تستاهل عقلان موترك --

والله يهدب هالنوعية من عيال البلاد -- مفشلين اهلهم
مالي ومال الناس
21-10-2009, 09:03 PM
مبروووووووووووووووووووك .. الحمدلله الحلال مايضيع
..الاميرة..
21-10-2009, 09:03 PM
ألف مبرووك تستاهل سلامتها .. :p

تصدق ياخوي بين فتره والثانيه اني اتذكر سالفتك واحنا نسولف في البيت مع الاهل

واقلوا الله يساعد اخونا ويلقى سيارته ما يندرى اشلون حالته صج قهر ..



لكن صّدق إلي قال المال الحلال ما يضيع ابد .. :nice:
Marshmallow
21-10-2009, 09:21 PM
قررررررررررررررت عينك

صج مال حلال .. تستاهل اخووووي

بس مثل ماقال اخوووي غير البشر

ارجوووك لا تتنازل عن حقك

عشان يكون عبره لغيره
مشتاقة لقطر
21-10-2009, 09:27 PM
مال حلال ما يضييييييييييع

تبارك الله الله يحفظك ويعطيك خيرها ويكفيك شرها يارب
barod
21-10-2009, 09:29 PM
تستاهل العقلان ومبروك رجعه الموتر
مسفر2
21-10-2009, 09:31 PM
الحمدلله المال الحلال مايضيع
تستاهل كل خير

الرجال وشو من الطيور حر ولا شاهين ؟

لغزك طيب والرجال من الحرار
meme~qatar
21-10-2009, 09:35 PM
الف مبروك
الله عوضك
وتستاهل كل خير
ةالله اني استانست
واذكر القصة عدل
مسفر2
21-10-2009, 09:37 PM
الله يبارك فيكم كان ودي ارد على مقالاتكم كلكم بس ماشاءالله تبارك الله

على العموم مسئلة التنازل مستحيله والحكومه تاخذ اجرأتها اما بالنسبه للرادار

بيدفعها الحرامي وهو .... ......

ومشكورين كلكم على الردود الطيبه :weeping::weeping: دمعة فرح
Night KNight
21-10-2009, 09:46 PM
مال الحرام مايضيع
تستاهل سلامت موترك
اتبيع المترلا :tease:
المفروض يبتروون يده الحرامي :anger1:
هذلان
21-10-2009, 09:59 PM
بخصوص الي فوقي ،، اكيد تقصد مال الحلال مايضيع مش الحرام .


مسفر تستاهل العقلان والله اني فرحت لك .

بس ياخوي فيه شي في السالفه مافهمته ،، هو راح يسرق سياره ناس و صادوه ،، و تقول الشرطي شك بارقام السياره انها ملزقه تلزيق .. اي موتر تقصد موتر الناس ولا الحرامي جا مركز الشرطه و هو يسوق موترك المسروق و الشرطي اكتشف السالفه ؟؟ فهمنا اكثر بعدين فيه شي مهم شلون سرق الموتر و فيه سنسر في مفتاح السياره شلون شغلها ؟
و كم عمر السارق هل هو جاهل ولا كمل عقله و ليش سرقها عازه ولا لعبه ؟

لازم يكون فيه قانون في محلات الزينه اي شخص يغير في مظهر سيارته خطوط ولا اي تغيير واضح لازم يطلبون بطاقته الشخصيه مثل اذا انك تبي تنسخ مفتاح سياره او بيت
ساراام
21-10-2009, 09:59 PM
ايييييه نذكرهاااا وشلون مانذكر

بالمباااااااااارك اهم شي ردت سليمه :)

وانااا مع اللي قالوا لاتتنااازل عن حقك مهما كان خله يكون عبره لغيره
ابن مانع
21-10-2009, 10:02 PM
اهنيك على العقلان
سوق واقف
21-10-2009, 10:06 PM
الف الف الف مبروووووووووك تستاهل والله

مال الحلال لازم يرجع
مسفر2
21-10-2009, 10:09 PM
بخصوص الي فوقي ،، اكيد تقصد مال الحلال مايضيع مش الحرام .


مسفر تستاهل العقلان والله اني فرحت لك .

بس ياخوي فيه شي في السالفه مافهمته ،، هو راح يسرق سياره ناس و صادوه ،، و تقول الشرطي شك بارقام السياره انها ملزقه تلزيق .. اي موتر تقصد موتر الناس ولا الحرامي جا مركز الشرطه و هو يسوق موترك المسروق و الشرطي اكتشف السالفه ؟؟ فهمنا اكثر بعدين فيه شي مهم شلون سرق الموتر و فيه سنسر في مفتاح السياره شلون شغلها ؟
و كم عمر السارق هل هو جاهل ولا كمل عقله و ليش سرقها عازه ولا لعبه ؟

لازم يكون فيه قانون في محلات الزينه اي شخص يغير في مظهر سيارته خطوط ولا اي تغيير واضح لازم يطلبون بطاقته الشخصيه مثل اذا انك تبي تنسخ مفتاح سياره او بيت


الحرامي وقف سيارتي المسروقه عند بيت الناس الي يبي يسرق منهم والارقام الي ملزقه

كانت مركبه في سيارتنا . والرجال كبير يعني بالغ مش جاهل

اما سالفة كيف شغلها ماندري مازال التحقيق جاري مع الحرامي

والله لايهينك على الرد الطيب
Don't Try
21-10-2009, 10:11 PM
تستاهل الخير ،،
..الاميرة..
21-10-2009, 10:11 PM
بعد رايح يبوووق اسود الويه بسياره مبيوقه !!

اشهد انه ذكي .. :omen2:
ALHAJAJI
21-10-2009, 11:37 PM
بالمبارك انشاء وتتهنا فيها
هذلان
21-10-2009, 11:42 PM
الحرامي وقف سيارتي المسروقه عند بيت الناس الي يبي يسرق منهم والارقام الي ملزقه

كانت مركبه في سيارتنا . والرجال كبير يعني بالغ مش جاهل

اما سالفة كيف شغلها ماندري مازال التحقيق جاري مع الحرامي

والله لايهينك على الرد الطيب

لاحول ولا قوه الا بالله ،، الله يهديه و يعقله
قناص الخليج
21-10-2009, 11:46 PM
الف الف الف الف

مبروووووووووووووووووك


الحمدالله ان الله رجع لك حلالك

وهل السارق الله يهديه

وبياخذ جزاءه ان شاء الله
zeknon
21-10-2009, 11:53 PM
تستاهل العقلان ومبروك رجعه الموتر
مستثمر 999
21-10-2009, 11:54 PM
الف الف الف الف الف الف الف الف مبرووووووك

الحمد لله المال الحلال الطيب ماعمره يضيع
بوخالد911
21-10-2009, 11:59 PM
1000 مبرووك وتستاهل رجعة موتررك

ويا رب ياخذ جزااه الحراامي
سداوي&مدريدي
22-10-2009, 12:03 AM
مبروك مره ثانيه أخوي مسفر2 :nice:

أتمنى انهم يطبقون عليه شرع الله ويبترون يده عشان يكون عبره لغيره

:victory:
بـن عدوان
22-10-2009, 12:09 AM
بعد رايح يبوووق اسود الويه بسياره مبيوقه !!

اشهد انه ذكي .. :omen2:


وخطير بعد :nice:

قرت عينك ياخوي
خالد31
22-10-2009, 12:09 AM
مبروك الف مبروك المال الحلال ما يضيع
بنت^البحرين1
22-10-2009, 12:12 AM
بالمبارك بالمبارك ياخوووووووي


قرررررررررررت عينك ... وتتهنى فيها، اهم شي لاتنسى الصدقة
راعي GS430
22-10-2009, 12:15 AM
الحمد الله والف مبروووك
محسن العجي
22-10-2009, 12:19 AM
تستاهل ياخوي

والف مبروك

مال الحلال مايضيع
3beed
22-10-2009, 12:26 AM
تستاهل سلامة ( التويوتا) .. والمفروض مايطلع بكفالة اللا لين ياخذ عقابه
خوخه وحلو
22-10-2009, 12:33 AM
مبروك مال الحلال مايضيع
storm..
22-10-2009, 01:34 AM
من عيالـ بلادنـا ..........!

المهمـ مبروكـ الف الف مبروكـ
hxamad
22-10-2009, 02:42 AM
تستاهل خير أخوي
Scorpion
22-10-2009, 05:27 AM
سؤال بس اخوي، السياره لما انباقت كانت شغاله ؟؟؟

واكيد مبرووووك على رجعة السيارة :)
مــــلاك
22-10-2009, 07:51 AM
الحمد لله انها رجعت لك ....
راشد محمد
22-10-2009, 07:56 AM
الف الف الف الف الف الف الف الف مبرووووووك

الحمد لله المال الحلال الطيب ماعمره يضيع
دهــن العود
22-10-2009, 08:39 AM
الف مبرووك رجعت السيارة ويكافيك شرها يارب

والاخوان الي مستنكرين شلون ( قطري ) ومن اهل البلاد يسرق
النفووس الضعيفة في كل شخص سواء قطري او غيره
راعي الأوله
22-10-2009, 08:50 AM
أهنيك العقلااااان ..ولازم الواحد عشان ما تنسرق سيارته يفكك توايرها ويحطها على طابوق لين الصبح وبعدها يركب التواير مرة ثانية عشان يضمن إنها ماتنسرق!!!
البلااااااوي والسرقات بتزيد بعد ما زادت العمالة اللي ما وراها إلا الخراب
QATAR 4 EVER
22-10-2009, 08:54 AM
هناااك العقلان
ولايلدغ المرء من جحر مرتين
بوعمير
22-10-2009, 10:27 AM
تستاهل العقلان...
وتستاهل تظبيط الموتر..
عذب الكلام 1
22-10-2009, 11:18 AM
الحمدلله الشرطي مفتح والله يستاهل مكافئه ووالف الف مبروك
rayyani4ever
22-10-2009, 11:28 AM
قررررررت عينك اخوي مسفر.. مال الحلال ما يضيع و انا اخوك..

بس سؤال.. شنو صار ع الاغراض اللي كانت في السيارة؟؟ (الساعات و الجهاز مال الطيور).. لقيتوهم ولا باعهم الحرامي؟؟
Night KNight
22-10-2009, 02:07 PM
مال الحرام مايضيع
تستاهل سلامت موترك
اتبيع المترلا :tease:
المفروض يبتروون يده الحرامي :anger1:

السمووحه اقصد مال الحلال
ارجو منك العذر والسموحه اخوي مسفر