الالغاز يرجى التثبيت من الاداره [الأرشيف] - منتديات شبكة الأسهم القطرية

مشاهدة النسخة كاملة : الالغاز يرجى التثبيت من الاداره

EMS_QTR

22-10-2009, 05:01 AM

السلام عليكم ورحمه الله وبركاته
اخواني واخواتي حبيت اضيف شي للمنتدى انا دورت في المنتدى للالغاز ومالقيت اذا في قولوا لي يمكن مضيع
انا جاتني فكره ان كل شخص عنده لغز ينزله في المنتدى والاعضاء يجاوبون عليه ومحد يقول الجواب صح او غلط الا صاحب اللغز عشان ماتصير خربطه وتداخل في المواضيع وياليت تكون الالغاز على مستوى مب حد يجي يقولي عندي لغز (( ليش الخشب يتيم ؟؟؟؟)) اخرتها الجواب يكون لانه مقطوع من شجره اخواني واخواتي نبي الغاز مفيده وتخلي الشخص يفكر
انا بحط لغز وانشالله ان موضوعي يكون هادف للمنتدى وشكرا لكم

اتمنى من ادراه المنتدى التثبيت

انا اشوف مده اللغز تكون 7 ايام (( اسبوع ))

EMS_QTR

22-10-2009, 05:11 AM

[center] يـامـن يخـبـرنـي عـن ثـلاثـه رجــاجيـــل ##### مـتشـابـهـيـن كــلهـــم بالاســـامــي

واحـد قويـن فـــــــي المهـمات حـلحيــل ##### وواحد يجي بين اللحم والعـظـامـي

وواحــد يــحبــونـه رجـالـن مــشاكــيــل ##### دايــم يـقــدم للـرجــال الحشــامــي [/center

مده اللغز 7 ايام (( اسبوع ))

غناتي1

22-10-2009, 07:17 AM

الفنجان

انا جاء في بالي و اتوقع الفنجال

لان على حسب معلوماتي عند العرب الضيف يشرب ثلاث فناجيل [/
COLOR]

[COLOR="Red"]وهي كالتالي :

1- الضيف >> واجب الضيافه

2- السيف >> يعني معه بالرخا وبالشده

3- الكيف

ما أدري أحسه صح

غناتي1

22-10-2009, 07:26 AM

والوالدة تقول الحل هو ---

( العود)

والتحليل المقصود بالأول عود الرمح

والثانى عود الأسنان

والثالث عود الطيب

والوالد الله يحفظه يقول ---

الحل على حسب ماأعتقد

هو المسمار

فالأول مسمار الحديد

والثانى مسمار القدم هو ورم ويمكن ا جاراء عمليه جراحيه لازالته

والثالث مسمار القهوه

يا الله ايش الجواب الصحيح -- ترا اللي بيكون هو راعي الحل بنعشيه على حسابنا

طموحي عالي

22-10-2009, 07:39 AM

بدوره في كتابي مال الالغاز

بس اخوي ماكنه 7 ايام وايد

سهم طويل الأجل

22-10-2009, 07:56 AM

الجواب هو المسمار

ماشاء الله عليج غناتي

إجاباتج تشبه بالحرف إجابات عضوة في منتدى ثاني جاوبت على اللغز
بتاريخ 26/3/2009 لدرجة أن أبوها هو اللي عطاها حل المسمار:secret::secret:

ياسبحان الله ... يمكن تكون أنتي :victory:

غناتي1

22-10-2009, 08:03 AM

طيب ما دام الحل صحيح --

هذا لغزي

بنشدك عن بنت قليل حياها

................. بنت تجي وتروح مع كل رجال

بنت حامل وحملها في حشاها

................. لاعمرها ولدت ولا جابت عيال

بنت ما ينعرف وجها من قفاها

................. وعشاقها تسمع بهم من كل الاشكال

وياالله في انتظار الحل -- نرجو التثبيت

سهم طويل الأجل

22-10-2009, 08:10 AM

المشكلة ألغازكم كلها محلولة

جيبوا شي من برا النت !!

عساف

22-10-2009, 08:46 AM

بنشدك عـن بنـت قليـل حياهـا000 بنت تجي وتروح مع كل رجـال

والبنت حامل حملها فـي حشاهـا000 ولاعمرها ولدت ولاجابـت اعيـال

تسعد وتشقي من وقع في هواها000وعشاقها بالناس من كل الاشكال

الجواب : الكوره

غناتي1

22-10-2009, 08:58 AM

جواب عساف صحيح --

EMS_QTR

23-10-2009, 03:26 AM

مشكورين لمروركم اخواني واخواتي جواب غناتي صح المسمار سهم طويل الاجل انا قلت محد يقول صح والا غلط بس راعي اللغز على العموم مشكور

EMS_QTR

23-10-2009, 03:30 AM

لغز ....... شي من خمس احرف يبدأ بحرف الميم محسوس ومعنوي وليس ملموس ورد ذكره بالقران الكريم ويستخدمه الرجل خمس مرات في اليوم والمراه وحده فقط في عمرها ؟؟؟

واذا في اجابه صحيحه انا بقول اذا صح والا لا يعني اللي طارح الموضوع هو بس بس يقول صح او غلط عشان ماتصير خربطه وعقب ماينحل اللغز نزلوا لغز غير عشان يكون الموضوع مرتب مب لغزين او اكثر في وقت واحد

أمير المحبه

23-10-2009, 05:03 AM

EMS_QTR

23-10-2009, 05:08 AM

اعصابي هاديه والله بس ممكن يجي واحد والله الاجابه صح واصلا الاجابه غلط ويجي حد ينزل لغز ثاني بعدين اللغز لي حقي مقي هههههههههههههههههههههههههههه

أمير المحبه

23-10-2009, 05:12 AM

اعصابي هاديه والله بس ممكن يجي واحد والله الاجابه صح واصلا الاجابه غلط ويجي حد ينزل لغز ثاني بعدين اللغز لي حقي مقي هههههههههههههههههههههههههههه

هههههههههههههههههههههههههههههههههههههه

صح كلامك يالغالي

دام حقك مقك

خلاص مانقدر انقول شي

:shy: