المساعد الشخصي الرقمي

مشاهدة النسخة كاملة : بنك قطر الوطني لين متى ؟؟؟؟


بنت قطر202
22-10-2009, 09:53 AM
السلام عليكم ورحمة الله وبركاته ،،،


اخواني موضوعي وباختصار ان فاتحه حساب في بنك قطر الوطني فرع الغرافه ، واحين حبيت اغير وانقل لمصرف قطر الاسلامي بسبب ان القرض الي علي صار له سنتين وهو نفس المبلغ وكل ماكلمهم يقولون الفايده مش ثابته ، المهم بعد سندارة وعوار راس مع البنك واقصد الوطني خلصت اوراق النقل وفتحت حساب في المصرف وطبعا المصرف بيسدد المديونيه لي وبالفعل ابعثو الكتاب والمبلغ لبنك قطر الوطني من يوم الخميس واشرايكم الين اليوم وحضرتهم ماسددو المبلغ ؟؟؟ وتدرون الرواتب بتنزل الاسبوع الجاي وابي افتك من بنك قطر الوطني وكل يوم اتصل ويقولون بكره بتتسدد ومايصير شيء وطبعا ماقدر اتصل في فرعي وهو الغرافه لان كل ارقامهم محوله للفرع الرئيسي ... تخيلووووووووووووووووووو بنك ماعنده تيلفونات اشهالمصخره كفايه اني كنت اسبوع اروح لهم عشان يعطوني اوراق المديونيه وتطلع غلط والا ناقصه ؟؟؟ طبعاً وحده الي كانت مسندرتني عندهم تصارخ لم اكلمها وتتكلم بخياس نفس واشتكيت عليها ومادري المدير اشسوى معاها المهم واحد جزاه الله الف خير خلص اوراقي..
والحين شالحل ؟؟؟ ليش هاللخبطه واللعبه في البنك؟؟
والله ان مصرف قطر الاسلامي معاملتهم مافي احسن منها وخلصوني خلال يومين اما الوطني خلوني اسبوع وهذي السبوع الثاني ...
ودي أكون
22-10-2009, 09:58 AM
يمكن ينطرون لين الرواتب تنزل عشان ياخذون فايدتهم وبعدين يفكون أسرج :secret:

الله يعينج ان شاءالله وتفتكين منهم حبوبه ..
الخارجية
22-10-2009, 10:02 AM
زين سويتي فيهم وطلعتي من عندهم حد يقعد في بنك حرام
ولد الشحانية
22-10-2009, 10:02 AM
نصيحه انا كنت فيه ونقلة الاسلامي
والحمد لله
سهم متردد
22-10-2009, 10:05 AM
الحمد لله رب العالمين

يحي مصرف قطر الاسلامي
rayyani4ever
22-10-2009, 10:08 AM
:
الحمد لله رب العالمين

يحي مصرف قطر الاسلامي


:nice::victory::nice:
بنت قطر202
22-10-2009, 10:25 AM
حسبي الله على بنك قطر الوطني الرواتب انزلت اليوم وراتبي ماتحول للمصرف
ابن مانع
22-10-2009, 10:25 AM
الله يبارك لج في ماسعيتي فيه
عسى الله يوفقج
المرحب
22-10-2009, 10:30 AM
أختنــــا



بنت قطر202

مبرووووووووك غنك نقلتي على مصرف إسلامي


وربي يبارك لك








تحيــــــــــــــاتي ...
بنت قطر202
22-10-2009, 10:31 AM
الله يبارك فيك اخوي وعقبال باقي الناس والله احس براحه مع المصرف على الاقل انه اسلامي مب ربوي
براتزية برازيلية
22-10-2009, 10:37 AM
الله يعينج اختي
مريديان
22-10-2009, 10:48 AM
مساكين موظفات بنك قطر,,الاغلبية حاطينهم بدون تدريب على شان جذي تشوفين تخبط ومب عارفين شالسالفه,,يدربون نفسهم بنفسهم,,
بس مالها الحق تخيس النفس عليج,,اكيد محترين عليج انج بتطلعين..لول

انامثلج طلعت منهم ورحت المصرف,,بس عيبه خدمه الاونلاين عندهم تعيسه ,,جدا جدا بدائية,,والواحد مب فاضي يروح البنك ويسوي كل شغله هناك,
eXpert*
22-10-2009, 10:57 AM
أختي الوطني ،، يأخر المعاملات دائماً خصوصاً اذا بتطلعين منه .

انا طلبت نقل من عندهم من اخر اسبوع في رمضان لليوم ما خصلت معاملتي مع اني ناقل من الوطني لـ الوطني الاسلاميّ .

بس لازم المعاملة تتأخر علشان تزيد الفائدة يوم بعد يوم .
تساهيل
22-10-2009, 11:03 AM
والله انا صار لي نفس الشي مع البنك التجاري محول الى المصرف

هم كانو يحول قسط القرض كبار الموظفين الي بنك قطر للتنميه

وجبت لهم كتاب من بنك قطر للتنميه بانه ما عندهم مانع من منحي اخلاء طرف

على اني والحمدلله ما عندي سلفيه ولا شي ..

ومع ذالك قالو يبيلك اسبوع عشان بس نطلع الكتاب ..
ولد الشحانية
22-10-2009, 11:04 AM
حسبي الله على بنك قطر الوطني الرواتب انزلت اليوم وراتبي ماتحول للمصرف

روح استلميه من عندهم
بنت قطر202
22-10-2009, 11:12 AM
اشلون استلمه تدري صارت لخبطه المصرف لازم يسحب مني القسط وحظرتهم ماخلصوني حسبي الله عليهم
بدوي
22-10-2009, 11:14 AM
يابنت الحلال الأسلامي ابرك لج

للأسف ان بنك قطري الوطني صار يحذو حذو الخطوط الجوية القطرية

من وجهة نظري
eXpert*
22-10-2009, 11:18 AM
مساكين موظفات بنك قطر,,الاغلبية حاطينهم بدون تدريب على شان جذي تشوفين تخبط ومب عارفين شالسالفه,,يدربون نفسهم بنفسهم,,
بس مالها الحق تخيس النفس عليج,,اكيد محترين عليج انج بتطلعين..لول

انامثلج طلعت منهم ورحت المصرف,,بس عيبه خدمه الاونلاين عندهم تعيسه ,,جدا جدا بدائية,,والواحد مب فاضي يروح البنك ويسوي كل شغله هناك,


هذه أكبر عيب في المصرف علشان لـهذا السبب تجنبت احول مديونيتي عليه.

بنك قاعدة عملائة بعشرات الالاف للحين خدمات انترنت غير متوافرة ؟
OutLaw
22-10-2009, 11:53 AM
الله يعينج أختي بعد ما تسددين القرض تاخذين شهادة عدم ممانعه من نقل الراتب والله يعينج عليها ، انا عشت حلقات طاش ما طاش مع بنك قطر الوطني الين افتكيت منهم وان ما طلوا معاج الله لا يهينج كتاب للمدير العام التنفيذي لمجموعة qnb واشرحي الوضع بالكامل وما راح يقصرون معاج .
بنت قطر202
22-10-2009, 11:56 AM
شكرأ وانشالله اخلص منهم
موضي قطر
22-10-2009, 12:19 PM
الله فكك منهم
م. عبدالعزيز
22-10-2009, 12:22 PM
المصرف أحسن بوايد ..
ضوى
22-10-2009, 12:23 PM
الحمد لله على اتخاذك القرار الصحيح ابعدك الله عن الحرام
ضوى
22-10-2009, 12:25 PM
مساكين موظفات بنك قطر,,الاغلبية حاطينهم بدون تدريب على شان جذي تشوفين تخبط ومب عارفين شالسالفه,,يدربون نفسهم بنفسهم,,
بس مالها الحق تخيس النفس عليج,,اكيد محترين عليج انج بتطلعين..لول

انامثلج طلعت منهم ورحت المصرف,,بس عيبه خدمه الاونلاين عندهم تعيسه ,,جدا جدا بدائية,,والواحد مب فاضي يروح البنك ويسوي كل شغله هناك,


ليش تروحين البنك يا عزيزتي ؟؟؟

انا في المصرف واموري كلها اسويها عن طريق الهاتف المصرفي حتى التحويل للجميعات الخيرية والله نااااااااااااااااادر اذا اروح البنك وماتذكر متى اخر مرة رحت ، كل شئ ممكن بالهاتف المصرفي حسيت انه افضل من الاونلاين اللي ممكن احد يهكر عليه :)
م. عبدالعزيز
22-10-2009, 12:27 PM
مساكين موظفات بنك قطر,,الاغلبية حاطينهم بدون تدريب على شان جذي تشوفين تخبط ومب عارفين شالسالفه,,يدربون نفسهم بنفسهم,,
بس مالها الحق تخيس النفس عليج,,اكيد محترين عليج انج بتطلعين..لول

انامثلج طلعت منهم ورحت المصرف,,بس عيبه خدمه الاونلاين عندهم تعيسه ,,جدا جدا بدائية,,والواحد مب فاضي يروح البنك ويسوي كل شغله هناك,

بالعكس خدمه الاونلاين من المصرف رائعه جدا ً .. والامان جدا عالي .. والحمد الله مرتاح فيه

اقدر احول بين حساباتي ، اسدد الفيزا ، اطلع كشف الحساب وووووو على راحتي وبأي وقت ..

وآمن لانه الدخول عليه باسورد ، والتحويلات عليها باسوورد ثاني :victory:
م. عبدالعزيز
22-10-2009, 12:45 PM
بنك قاعدة عملائة بعشرات الالاف للحين خدمات انترنت غير متوافرة ؟

https://ibank.qib.com.qa/efs/servlet/efs/jsp-ns/login.jsp?language=en&country=US

الخدمه موجوده من شهوووووووووووور
مريديان
22-10-2009, 01:18 PM
ليش تروحين البنك يا عزيزتي ؟؟؟

انا في المصرف واموري كلها اسويها عن طريق الهاتف المصرفي حتى التحويل للجميعات الخيرية والله نااااااااااااااااادر اذا اروح البنك وماتذكر متى اخر مرة رحت ، كل شئ ممكن بالهاتف المصرفي حسيت انه افضل من الاونلاين اللي ممكن احد يهكر عليه :)

بالمقارنة مع بنك قطر الوطني وخدمتهم بالايزي انترنت والكول سنتر,,qnbاحسن من المصرف بالف مره,,سايتهم معقد,,وجدا غبي,,


بالعكس خدمه الاونلاين من المصرف رائعه جدا ً .. والامان جدا عالي .. والحمد الله مرتاح فيه

اقدر احول بين حساباتي ، اسدد الفيزا ، اطلع كشف الحساب وووووو على راحتي وبأي وقت ..

وآمن لانه الدخول عليه باسورد ، والتحويلات عليها باسوورد ثاني :victory:

زين هنيالك والله,,انا حولت الوطني الاسلامي خلاص,,
بنت قطر202
22-10-2009, 01:46 PM
صج الوطني مميزاته افضل بس الاسلامي اسلامي مب يبوق الناس واخر شيء يقولون كلام ثاني

يعني انا كانو يقولون لي النسبه مش ثابته واذا تغيرت يزيد المبلغ ويوم جيت باطلع قالوا لي النسبه ثابته ليش تبين تغيرين؟؟؟
Um Sultan
24-10-2009, 12:02 AM
الوطني حراميه درجه اولى

كنت ماخذه من عندهم سياره والقرض ماينزل ادفع 5000 كل شهر اللي ينخصم من القرض 2000 الباقي يروح فواايد

لين نقلت حسابي على بنك قطر الدولي والله ان القرض بدى يقل ومابقى لي شي والتعامل فرق بين الوطني والدولي

الله يعينج عليهم ...
Q N B
27-01-2010, 08:03 AM
عملاء qnb الكرام

للشكاوي و الإقتراحات يرجى المراسله على الخاص

بتواصلكم نرتقي
abdulla999
27-01-2010, 08:15 AM
اختي انا صار معاي نفس الشئي نقلت من الوطني الى الوطني الاسلامي وكل يوم اروح البنك يطلعون حجة لين ماشتكيت عليهم عند المصرف المركزي والله اختي يوم اشتكيت عليهم خلصوني في نفس اليوم ونتقلت والحمد الله .
المقهوره
27-01-2010, 12:26 PM
السلام عليكم ورحمة الله وبركاته ،،،


اخواني موضوعي وباختصار ان فاتحه حساب في بنك قطر الوطني فرع الغرافه ، واحين حبيت اغير وانقل لمصرف قطر الاسلامي بسبب ان القرض الي علي صار له سنتين وهو نفس المبلغ وكل ماكلمهم يقولون الفايده مش ثابته ، المهم بعد سندارة وعوار راس مع البنك واقصد الوطني خلصت اوراق النقل وفتحت حساب في المصرف وطبعا المصرف بيسدد المديونيه لي وبالفعل ابعثو الكتاب والمبلغ لبنك قطر الوطني من يوم الخميس واشرايكم الين اليوم وحضرتهم ماسددو المبلغ ؟؟؟ وتدرون الرواتب بتنزل الاسبوع الجاي وابي افتك من بنك قطر الوطني وكل يوم اتصل ويقولون بكره بتتسدد ومايصير شيء وطبعا ماقدر اتصل في فرعي وهو الغرافه لان كل ارقامهم محوله للفرع الرئيسي ... تخيلووووووووووووووووووو بنك ماعنده تيلفونات اشهالمصخره كفايه اني كنت اسبوع اروح لهم عشان يعطوني اوراق المديونيه وتطلع غلط والا ناقصه ؟؟؟ طبعاً وحده الي كانت مسندرتني عندهم تصارخ لم اكلمها وتتكلم بخياس نفس واشتكيت عليها ومادري المدير اشسوى معاها المهم واحد جزاه الله الف خير خلص اوراقي..
والحين شالحل ؟؟؟ ليش هاللخبطه واللعبه في البنك؟؟
والله ان مصرف قطر الاسلامي معاملتهم مافي احسن منها وخلصوني خلال يومين اما الوطني خلوني اسبوع وهذي السبوع الثاني ...



نفس الحركه صارت لي بس انا فرعي كان السد -قسم السيدات

بصراحه الوطني ودك مايسون قسم للسيدات فالحين كل وحده شكبرها على المكتب اكل وحش وتلفونات وبس

مايشتغلون كلششششششششششش وشغلهم غلط بغلط

ذلوني ذل الييييييييييييييييييين خلصوني بس بعد مانزل الراتب خلصوني

ويوم طلعت شهادة اخلاء الطرف ووديدتها للبنك التجاري .( خاصه ان المصرف الإسلامي رفض شراء قرضي ولا انا كان بخاطري اروح الاسلامي)

اتصلوا فيني الوطني قالوا المبلغ ناقص 1000 نسينا نحسبه .

الحيييييييييييييييييييييييين معطيني اخلاء طرف بالمبلغ كامل ويوم سويت اوراقي عن طريق التجاري تقولون نسينا نحط 1000

قلت من يتحمل الغلط
انا عندي شهادة تثبت هالشي اني دفعت الي علي كامل .

قالوا لا ماراح نسكر حسابك عندنا الين تدفعين 1000 ..


قسمن بالله بغيت افجرهم بس استغفرت ربي .


اما على التلفونات نفس مشكلتي كل كم يوم استاذن من الدوام واروح لهم
بحكم انهم مايردون على التلفونات بس فالحين يطرشون مسج ان موظفينا سوف يقومون بالاتصال بك

وفي النهايه لايتصلون ولا شي .
كلاسيك قطر
27-01-2010, 12:33 PM
اي والله وانتي الصادقه اختي
وحيد-الشوق
27-01-2010, 01:29 PM
الله يكون في عونج تدرين احسن شيء سويته انج غيرتي بنكج للمصرف بارك الله فيج

انا قبل كنت في البنك الاهلي حسبي الله عليه من بنك كلهم نصابين وحراميه وحولت راتبي للمصرف الأسلامي مع المديونيه من شهرين طبعا بعد عوار راس ولوعه جبد :anger1: والحمدلله مرتاح والله اني احمد ربي مليون مره اني طلعت من البنك الأهلي

نصيحة لكل الاخوان الي راتبه في اي بنك ربوي يطلع منه والله اني ذقت الويل منهم كل يوم والثاني البنك الاهلي متصلي ليش ماتاخذ فيزا انت سلفتك شوي تقدر تزيد السلفة ايش الفايده كله بوق في بوق تاخذ قرض او تشتري سيارة اقساط مايعطونك عقد مدة انتهاء القرض والفايدة مش ثابته اما المصرف الاسلامي عطاني عقد ومكتوب فيه متى اخر شهر واخر سنة بيخلص فيها قرضي طبعا بدون تأجيل الاقساط

الحمدلله رب العالمين :)
mr_qtr
27-01-2010, 01:44 PM
الوطني مب شي كللللللللللللللش

يأجلون لك قسط القرض الشخصي وعلى اساس ان مجاني ... وتنصدم انهم ياخذون فايده حول 2000 ريال

والله اني كنت احسب .. يطرشون لي مسج في الاعياد ان في تأجيل قسط مجاني واتصل لهم يقولون التأجيل مجاني

وانا اكون كاتب عندي كم باقي علي من القرض الشخصي .. واشيك الشهر اللي بعده اشوف المبلغ زاد حول الـ 2000 ريال

والله حراميه

الحمدلله من شهر 11 نقلت المصرف والله العظيم اني مرتااااح نفسياً صج خدمة النت تعبانه

وخدمة المسجات بعد تعبانه .. بس والله لأن اسلامي انا وااايد مرتاااااح والحمدلله

والله يعينج اختي

ان شاء الله تنقلين وتفتكين

يعطيج العافيه
خفوق
27-01-2010, 02:13 PM
يعني بنك ربوي الواحد شيتوقع منه ماراح يهدونج لين يمصون راتببج خخخخ قطيعه تقطعهم
الله يعينج ويسهل لج النقل
السهم الملتهب
27-01-2010, 02:26 PM
الوطني بنك تعيس جدااااااااااااااااااااااااااااا :anger1::anger1:

خاصة في مجال القروض الشخصية وقروض السيارات يعصرونك عصر ورب الكعبة لين تطلع

روحك وعيونك وأماصيرك اليس بنك قائم على الربا والعياذ بالله

هنيئن لكي على أنتقالتش الى مصرف قطر الاسلامي والله بيبارك لتش في كل ريال وبتشوفي والله العظيم أنه أفضل بنك يكفي أنه أسلامي ويراعي عملائه ولا يقسي عليهم بل ويراعي ظروفهم وأحوالهم في كثير من الاحيان


مصرف فطر الاسلامي وبس يا أختاه :victory:
CH Engineer
27-01-2010, 03:33 PM
انا بالعكس عانيت مع المصرف
السبب في ناس تشتغل بدون ضمير
الحل : تروحين مكتب المدير بالفرع الرئيسي وتشتكين على الفرع بكبره
بعدها مدير الفرع بيحس بالورطه وبيقطها ع الموظف
العـوا
27-01-2010, 03:43 PM
كنسلت كل حساباتي فيه والحمدلله
م. عبدالعزيز
27-01-2010, 06:08 PM
الوطني مب شي كللللللللللللللش

يأجلون لك قسط القرض الشخصي وعلى اساس ان مجاني ... وتنصدم انهم ياخذون فايده حول 2000 ريال

والله اني كنت احسب .. يطرشون لي مسج في الاعياد ان في تأجيل قسط مجاني واتصل لهم يقولون التأجيل مجاني

وانا اكون كاتب عندي كم باقي علي من القرض الشخصي .. واشيك الشهر اللي بعده اشوف المبلغ زاد حول الـ 2000 ريال

والله حراميه

الحمدلله من شهر 11 نقلت المصرف والله العظيم اني مرتااااح نفسياً صج خدمة النت تعبانه

وخدمة المسجات بعد تعبانه .. بس والله لأن اسلامي انا وااايد مرتاااااح والحمدلله

والله يعينج اختي

ان شاء الله تنقلين وتفتكين

يعطيج العافيه
صح مرات المسجات تتأخر لماتوصل.. وبالنسبة للانترنت بالعكس ممتازه وأمنه جدا
HIGHNESS
27-01-2010, 06:44 PM
ذكرتيني بقرضي اللي من خمس سنوات وهو للحين مانقص منه الا شوي ومادري شسالفه !!!! ولما اسالهم كل واحد يقول كلام .. حتى صارت لي مشكلة الشهور الاخيرة ولا حد براضي يرد علي ولا يعطيني كلام مفيد ..!!!
الله يفك كل واحد من دينه
سهم مضطرب
27-01-2010, 07:41 PM
نفس مشكلتنا في البيت :)

كلنا نقلنا المصرف

مع ان مب كلنا عننا قروض

لكن .. اثنين من البيت قرضهم ماقاعد ينقص من خمس او ست سنين للاسف زاد وماقل .. ماعرف هو بوق عيني عينك والا شي ثاني ماحط في ذمتي

لكن نصيحه للكل .. انقلوا المصرف ..
بنت ابوها 19
27-01-2010, 11:09 PM
انا في مصرف قطر الاسلامي

وكنت مخططه اني ابدل
وانقل على قطر الوطني
لكن من شكاويكم عليهم

حمدددددددددددددددددددددددددددددددددت ربي انه مانقلت
لانه الموظفين هناك يشرحون الصدر ومعامله توب بصراحه


الله يخلي المصرف لنا
والى الامام يالمصرف :)
Qataryah
27-01-2010, 11:19 PM
انا بالوطني حاليا ايش تنصحوني به لانه اللي كلته من نصب منهم يكفي ويوفي صراحه

وياليت ترجع فلوسنا بوق عيني عينك وبالاخير غصبا عنا يطلعون الواحد غلطان لانه مستحيل يتنازلون لو هم غلط شفط فلوس بس شغلتهم :@

وناويه اطلع لي سياره بس قالوا لي كثير تحملي تفكرين دامج في الوطني بفلس واحد منهم
نورالهدى
27-01-2010, 11:37 PM
انا من فترة كنسلت الحساب في الوطني
وابرك
S A L M A N
28-01-2010, 12:42 AM
والله انا الي اعرفه ان خدمة العملاء في المصرف والدولي

تعباااانه من قلب ويتكلمون من طرف خشومهم خاصتا المصرف

انا في التجاري ومرتاااح :nice:
بوخليفة3
28-01-2010, 01:00 AM
انا شيئين محبيبيني فالوطني
1- الفرع اللي شغال 24 ساعه فالمطار
2- خدمة الانترنت الممتازة

بس الاسلامي طبعا احسن لانه مايتعامل بالربا

اما اللي ماعليه ديون الوطني السيرفس احسن بواايد