المساعد الشخصي الرقمي

مشاهدة النسخة كاملة : لأم ماتت والقصيدة سلمها الدكتور للولد وهو يستلم الجثة


تركي111
22-10-2009, 05:59 PM
خسران"خسران"خسران من لم يبر بوالدية



يااخوان نصيحة لله الزم رضا الوالدة قبل فوات الأوان





الام ماتت والقصيده سلمها الدكتور للولد وهو يستلم الجثة




هذ ه قصيدة لأم تعيش في دار المسنين تنثر كل أحزانها بصوت الامومة لولدها الذي
رماها وتركها من أجل خاطر زوجتة التي رفضت العيش مع أمة.....؟؟ وتمر ثلاث
سنوات ولم ترى فلذة كبدها ولو مرة واااحدة فكتبت هذة القصيدة ....

يامسندي قلبي على الدوم يطريك ×× ماغبت عني وطيفك سمايا

هذي ثلاث سنين والعين تبكيــك ×× ماشفت زولك زايرآ يا ضنايا

تذكر حياتي يوم أشيلك وأداريك ×× والاعبك دايم وتمشي ورايا

ترقد على صوتي حضني يدفيك ×× ماغيرك أحدآ ساكنن في حشايا

وليا مرضت أسهر بقربك وداريك ×× ! ماذوق طعم النوم صبح ومسايا

ياما عطيتك من حناني وبعطيك ×× تكــبر وتكــبر بالامل يا مـنايا

لكن خسارة بعتني اليوم وشفيك ×× وأخلصت للزوجة وأنا لي شقايا

أنا أدري أنها قاسية ما تخليك ×× قالت عجوزك ما أبيها معايا

خليتني وسط المصحة وأنا أرجيك ×× هذا جزا المعروف وهذا جزايا



خــدااامة بين أياديك ×× من شأن أشوفك كل يوم برضايا ياليتـني

مشكور ياوليدي وتشكر مساعيك ×× وأدعي لك دايمآ بالهدايا

حمدان يا حمدان أمك توصيك ×× أخاف ماتلحق تشوف الوصايا !

أوصيت دكتور المصحة بيعطيك ×× رسالتي وحروفها من بكايا

وأن مت لاتبخل علي بدعاويك ×× وأطلب لي الغفران وهذا رجايا

وأمطر ترااب القبر بدموع عينيك ×× ما عاد ينفعك الندم والنعايا —
رصاصه
22-10-2009, 06:13 PM
[center]كنت مع أبوي وقريت له القصيدة قال لي شي واحد مع العلم إن الوالد يتيم توفته أمه وهو ابن الثالثة ربيعا :

(((ياليت أمي عايشه وأعطيها كل اللي تبيه)))

هذا رده وهو في السبعين من عمرة

قال رسول الله صلى الله عليه وسلم : أمك ثم أمك ثم امك ثم ابيك
أخت الغالي
22-10-2009, 06:18 PM
اي والله الوالدين لومهما نسوي مانوفيهم حقهم الله يخليهم ويطول بعمرهم ولايحرمنا منهم
ممنوع اللمس
22-10-2009, 06:23 PM
آآه بس والله الموضوع ماله حل وقصيده تعور القلب
حسبي الله على كل من حذف امه في دار العجزه
والله يالربع قبل فتره واحد كاشخ حده وسياره اخر موديل والقلم بروحه سعره 5.000 ريال تقريبا
فالاخير طلع ياخذ راتب امه مال المساعده ويكشخ والله يا جماعه والله ان امه حافيه؟ تقول ولدي ياخذ كل شي :(
الله يعطيك العافيه اخوي عالطرح :(
نورالهدى
22-10-2009, 10:33 PM
لاحول ولا قوة إلا بالله العلي العظيم
راعي الأوله
23-10-2009, 01:39 PM
حسبي الله عليه...والله إن القصيدة تبكي حتى اللي ما عنده إحساس ورحمة
سبحان الله .. يا كثر اللي يتمنون إن أمهاتهم وآباءهم أحياء عشان يبرونهم
حرااام والله ما حمدت ربك يا حمدااااان على هالنعمة .. لكن الوعد قداااااام " كما تدين تدان "!!
وبيجي اليوم اللي يقطونك عيالك في أخس الأماكن .
لا حول ولا قوة إلا بالله
دلوليانوز
23-10-2009, 01:49 PM
كل كلمة كل حرف...يقطع القلب ويدمع العين...ويحرق الروح...عسى الله انكون بارين بأهلنا ابونا وامنا يا رب

ما ادري..شنو شعوره وهو يقرأ...هالكلمات وامه فارقت الحياه...ما يدري راضيه ولا لا عليه؟؟

من يوم..توفى شخص عزيز على قلبي..الوحيد اللي كنت اكلمه في هالدنيا لما ازور والدي بالمستشفى..وكل ما اسأله عن هله يزعل..واخر مره قالي الناس مشغوله ولا توفى الواحد يتذكرونه..سبحان الله

والله...لا ندم ولا مال الدنيا يعوض لحظة..او ساعه معاه..شنو شعور هله..وانا نفسي مقصر..لانه غبت اسبوع..مع هالدنيا..اللي ما فيها نفع..الا وكله خسران..

يا رب..ارحمنا برحمتك..وحاسبوا الغفله ..الغفله يا ناس..

برو أمهاتكم
نور الحور
23-10-2009, 01:57 PM
:weeping: :weeping: :weeping:
موضوع يقطع القلب ...
لاتعليق أكثر من جذي ....
جهام
23-10-2009, 02:24 PM
لاحول ولا قوة الابالله
الصاعق الحارق
23-10-2009, 02:49 PM
لم يبقى رجــــــــــــــال في هذا الزمنٍ لم يبقى فيهم الا ظل وهذا الظلال تختفي وراه نسوة
واقسم برب العرش لو ان الموت يباع لا أشتريه راحه لي
اللهم لك نشكو ضعف قوتنا و قلة حيلتنا و هواننا على الناس ... يا ارحم الراحمين انت رب المستضعفين
sendarala
23-10-2009, 04:10 PM
لا حول ولا قوة الا بالله
الله يرحمه امه برحمته ويرحم حاله
يا رب ارحم امي برحمتك واغفر لها واجعل قبرها روض من رياض الجنة
مشتاقة لقطر
23-10-2009, 05:33 PM
فدييت امي وابوي ..

اصلا مدري وش قلبه اللي يحذف ابوه او امه بدار العجزة مش مستوعبة هالشي انا ؟؟


يعني شو يكون تفكيره؟؟ والا وشو شعور قلبه ؟؟

وكما تدين تدان .. لازم بيجي اليوم اللي يستوي له نفس الشي ..

تحضرني القصة ..

كان احدهم رامي ابوه بملحق خارجي .. ويعطيه اواني خشبية ياكل فيها .. لان زوجته تخاف على اوانيها من قذارة الشايب ,,

ولما توفى الشيبة .. كانو ينظفون الملحق فراح الولد الصغير .. وشال الاواني ورفعهم ..

قال له ابوه اشتبي فيهم احذفهم قال الولد باخشهم لك عشان لما تكبر وتصير شايب .. احطهم لك ..
%حورية قطر%
24-10-2009, 12:36 AM
لا حول ولا قوة الا بالله

قصيده مؤثره
BuFaisal
24-10-2009, 03:30 AM
قصة رائعه ومعبره
واسمح لي ابين ان هناك خطأ بسيط بالبيت التالي وساضع الترتيب الصحيح

خــدااامة بين أياديك ×× من شأن أشوفك كل يوم برضايا ياليتـني
والصحيح
ياليتـني خــدااامة بين أياديك ×× من شأن أشوفك كل يوم برضايا

يعطيك العافية